|
أخي الغالي/ qa6ar911 .. لي ملاحظة على أثاث السويت ليست بتلك النظافة والفخامة مقارنة بالسعر .؟؟ أو الشوف شجر :(158)::(158): مواصلين معك |
حلووة يابو سلوى الشوف شجر هههههه بس والله وناسه الكروز توني اقول لابوحسين يقول بجم يكلف ؟؟ انت حاط السعر بس جم بالكويتي ؟؟ الصور والشرح والفيديوات عجيييبه وتشووق متى تنصح نحجز فيه الوقت المناسب اذا ناس تحب السباحة ؟؟ وبانتظار البحرررر اي نفس فكرة ابرار على قط الخيط للحداق ... هل مسموح وفي اماكن مخصصه للصيد ؟ خبرك عندنا واحد يحب يحدق بالخيط والميدار |
الله على هالاجزاء الخطيرة يالله كمل و شجعنا اكثر و ذنبنا على رقبتك اذا زنينا على ازواجنا يودونا كيفك عاد جزء برشلونه جميل سكنا عند الميناء في فندق نسيت اسمه من الموقف الخايس الي صار لي فيه والقرية الاسبانية لما رحتها مرينا عند نفس اللي تنسج الشالات ذكرتني بالشال الي شريته ما ادري وين خليته للحين ما استخدمته !!! يالله بانتظار فعاليات الكروز ... يعني شنو فيها غير المطاعم و الكوفي شوبز ؟؟ |
ماشاء الله تبارك الرحمن ... جميل مره منك ابو سعد ذكر كل التفاصيل مع انه بيتعبك كثير وبالنسبة لي لو بتقول لبست وسرحت شعري ولبست جزمتي وسحبت شنطتي البنية :(127): ماعندي مانع احب التفاصيل ... - اضافة لاستفسارت الشباب اللي قبل : - اصوات فعاليات السفينه توصل للغرف ؟ - فيها صالات قمار او لا ؟ - خدمة الغسيل مدفوعه او مجانية ؟ او لك حد معين الله يعينك علينا يا بو سعد بس بس شغلك والله زين ماشاء الله تبارك الرحمن وانت سمح ونبي نزعجك شوي بالاسئلة ... |
اقتباس:
ههههههههه جعلك دوم مستمتع يا عسل بالعكس والله اي عنده اي اسؤال او استفسار اكيد مايتردد بالنسبه لدوار البحر اولا انا متعود على البحر واحنا اهل بحر ثانيا ماشفت حد اشتكى من دوار البحر او غيره لسبب ان داخل السفينه ماتحس بها تخيل مرات نكون تحركنا من نص ساعه وانا مادري بس مره فليل جانا هوا قوي وقت النوم وانا منسدح ابغي انام السفينه فيها هزه خفيفه جا جدا جدا روعه تمنيت كل يوم هوا :(155): من تنسدح على طول ترقد مستويه نفس المنز ( سرير حق الاطفال هههه ) اي والله بالنسبه لسويت وداخل السفينه وايد راقي وممتاز ومريح بالنسبه للخدمات ممتازه جدا وتستاهل السعر تحياتي لك يا غالي اقتباس:
ياهلا ومرحبا مشرفتنا ابرار ان شاء الله بحاول اليوم انزل لكم جزء البحر + نابولي بس بالنسبه لنشاطات يوم بالبحر معظمها في حمام السباحه يعني موسيقى وبعض الالعاب البحريه ماينفع انزل صورها او فيديو :detective2: اي الحمدلله انا دايما اسوي شيك اون لاين سواء للطياره او اي حجز اخر افتك من اي زحمه او طابور طويل ياريت لو نقدر نسمح خيوط وانا بالغرفه لو ابغي اقط خيطي يبغيلي كم مكسار عشان يوصل البحر تخيلي على ارتفاع 17 طابق تسعدني متابعتج يا مشرفتنا الكبيره اقتباس:
مرحبا مديرنا الغالي خدماتهم ممتازه يا بوخالد ويستاهل السعر يميزونك كثير ويحاولون يريحونك وبعض الامتيازات و الاولويات راح اذكرها بتقريري ان شاء الله وخاصه بعد ماخلصنا من رحلتنا بخصوص الشنط صحيح ان الموضوع بسيط لكن ريحونا كثير وكان ترتيب ممتاز منهم ماتوقعته راح اذكره لاحقا ان شاء الله شرفتني يا غالي اقتباس:
نووووووووور الموضوع ياهلا ومرحبا والله بالغالي وجودك انت وطلتك البهيه تابعني يا الغالي وفالك طيب ان شاء الله تشرررف :(114): |
اقتباس:
مرحباااا دكتور منورني يا الغالي الابداع مرورك وتعليقك دكتورنا اتمنى راح اشجع المترددين هههه لا والله مب ضيق وسيعه مريحه جدا وانا قلتها قبل لدرجه ان ناس ماتنزل معانا تقعد بالكروز لين الرحله الي بعدها من الوناسه الي داخل المده الي اخذتها توفقت فيها وايد وانصح بنفس المده لا اقل ولا اكثر اكثر يمكن الواحد خلاص يتعود على المكان ويبغي يغير حلاته تستمتع بحلاوه المكان وتطلع منه وانت للحين مستمتع بدون تشبع والمده القليله ماراح تزور اماكن كثير يعني لو تاخذ 3 ايام بروح منطقه او منطقتين بنفس البلد يعني المده مناسبه جدا لاهي قليله ولا كثيره شرفت يا غالي اقتباس:
هلاااااا بوقحط منوووووورني والله هههههه الله يعافيك يارب السعر اشوفه مقبول جدا الحمدلله ويسعدك دوم يارب دامك تحمست يبغيلك ترتب لك رحله وتجربها راح تستانس وتغير جو ان شاء الله بالعكس زاد وزني 4 كيلو :( الاكل منوع و 24 ساعه ومجاني كل اشوي تحصلني بالمطعم ههههههههههههه تسعدني مشاركتك يا غالي اقتباس:
مرحباا والله منووور ابوسلوى الذوق شيقه وممتعه لاقصى درجه سبحانك ربي ما اعظمك ابشر بسعدك تابعني وفالك طيب ان شاء الله |
اقتباس:
اثاث السويت نظيف والمكان نظيف لكن ماتحسه بذاك الفخامه لما تشوف اعلى سويت باي فندق راقي علينا ماننسى ان حنا في سفينه ويختلف اثاثها عن الفنادق لان السفينه ممكن بأي وقت تتحرك يمين وشمال والاثاث لازم يكون ثابت والاجزاء المتحركه قليله يعني يكون اثاث قوي وجامد يعني كلشي عندهم مدروس بنوعيه الاثاث وباقي الامور اقتباس:
ياهلاا ام حسين تقريبا يكلف 8500 دينار كويتي طبعا السعر يختلف من وقت لأخر يمكن نفس السويت بنفس الخط لكن تاريخ اخر يكون اقل او اكثر من هالسعر ومرات يسوون تخفيضات حددي لي الاوقات المناسبه وانا بشوف لج اذا في تخفيضات او شي وسلمي على بوحسين سلام كثير وقولي لها لين متى بتجمع بالفلوس زهبي اغراضج خليه يوديج ويحجز لي رحله على حسابه اي مكان ههههههه الله يطول بعمره ان شاء الله ويحفظه اتغشمر :(60): بالنسبه للوقت المناسب بعد وقتي انا يعني اخر شهر 9 لان كان الجو حار بزياده لو بتنزلون في اي مدينه يعني يكون من نص شهر 9 الى نص شهر 10 مناسب جدا انا لو رحله الشمال الاوروبي ممكن تخلونها بدايه شهر 9 هههه لا مينفع الحداق بالكروز حتى لو تسمحون يخيوط بعد ماينفع لها كلش لكن اذا نزلتو بمنطقه ممكن تحدقون هناك واحتمال مايكون مسموحه الحداق بالسفينه شرفتي ام حسين اقتباس:
هههههههه ياهلا ومرحبا ام ريمه منووووره اي خليها بذنبي اذا بتستمتعون :(41): طرشي ازواجكم صوبي وانا بشجعهم واخليهم يحمسونكم عليها قولي له بوسعد يسلم عليك ويقولك ودنا :(33): هههههههه تشجعي وروحي وخبريني لما تعزمون عشان ارتب لكم وانا ان شاء الله بنزل موضوع استفسارات عن رحلات الكروز وراح اجاوبكم على اي استفسار تبغونه او ارتب لكم حجوزات واساعدكم فيها بأذن الله :(127): اي يحليله الي تنسج هذي شفناها وقت طلعتنا من هناك المغرب يحليلها تشتغل بروحها وبهدوء بس مادخلنا عندها شفتها من برع هذا انتر يا الحريم تشترون وتخزنون تخسرونا احنا الرياييل :yolks00400: محد يعرف هالموضوع الا مديرنا بوخالد ههههههههه عليك الف الف عافيه ان شاء الله تتهنين فيه غير المطاعم والكوفي شوب فيها جم وفيها بركه السبحه ومعظم النشاطات فيها وفيها تقريبا مسرحين بعظها عروض موسيقيه وبعظها حلقات كوميديه وبعظها العاب خفه يد وغيرها وفيها صالون نسائي وسبا نسائي واستديو تصوير احترافي يعني يسوو الصور بالكرتون حلو جدا ومحلات عطورات وشنط وملابس واكسسوارات وعازف بيانو وكوفي شوب ثلجي ايس بار راح تشوفينه بتقرير وذا بتذكرت بذكر لج غيرها فعاليات الكروز ماراح اذكرها كثير لان بعظها ممنوع التصوير وبعظها ماقدر احطها بالموضوع :( تسعدني متابعتج ام ريمه اقتباس:
مرحبا مميزنا الغالي منووووووووورني تسلم لي يا ذووووووق هههههههههههه اعرف من تقصد بوشنطه بنيه مهند :(22): هذا جوه غيررررر ههههههه افا عليك ولا تزعل سحرنا الشعر ولبسنا خفيف عشان الجو حار ههههه يكفي صح هذا البس الانسب بالكروز عشان قد ماتقدر خفف وخاصه اذا كان الجو حار وبحر http://up.arabseyes.com/uploads2013/...4753651621.jpg العاب قصدك بروشرات و اوراق عن النشاطات في هذا اليوم !! اذا قصدك اي توصل للغرف وبعد قبل الرحله يحطونها لك بالموقع وبتكون عارف النشاطات قبل لاتروح الكروز وكل يوم بالليل قبل لاتوصل اي منطقه يحطون على غرفتك تفاصيل المدينه الي بنوصلها الصبح وباقي المعلومات عنها ومتى ننزل ومتى نرجع ومن ها الامور اي للأسف فيها صاله قمار مفتوحه يعني وماخذه حيز بالسفينه اجهزه للقمار والروليت وبلاك جاك يعني كل شي ههههههه ماجربت خدمه الغسيل او التنظيف عندهم بس اكيد غير مدفوعه يعني مايشمل مع التذكره حسابه غير ولازم تدفع افا عليك يا غالي اي استفسار لاتردد انا في الشوفه يا غالي شرفتني |
بو سعد من صجك 8500 دينار كويتي خخخخخخخ شوف انت حاط السعر ٢٨الف ريال قطري صح يعني بيطلع جذيه http://images.tapatalk-cdn.com/15/09...45a0ba0475.jpg وهذا بالدولار مثل ما انت ذاكر انه = ٧٥٠٠ دولار http://images.tapatalk-cdn.com/15/09...966b39872b.jpg والله قلت اشدعوووة مع تذاكر الطيران والانشطة بيطلع ١٠٠٠٠كويتي والا اكثر Umhusoon ارسلت بواسطة Tapatalk |
شكرا |
اقتباس:
هههههههههههههه السموحه ام حسين على الخطأ :(39): من استوينا وانعرف ان الدينار الكويتي تقريبا مابين 13 الى 14 ريال قطري وحسبتج صحيحه انا اخطأت في الحسبه بحرق شهادتي البكالوريوس في الاداره الماليه :yolks0060: اداره ماليه وجبت العيد ههههههه الا حسبتج صح وميه بالميه تطلع لكم 2000 و اشوي ويمكن تحصلونها ارخص اشوي او اغلى حسب وقت الرحله واذا عندج اي استفسار ان شاء الله بفتح موضوع جديد وبتلقى الاستفسارات والرد عليها بالتوفيق يارب |
اقتباس:
ياهلا ومرحبا اختي فني كنا مفتقدينج بالموضوع ونشوف رايج معذوره ومسموحه الله يكون بعونكم الف الف مبروك على البيت الجديد الله يجعله منزل مبارك ويبعد عنكم العين والحسد اللهم امين والله يا فني حبيتها وايد وايد متعه متعه لأخر درجه بس الي ماحبيته وقت ذهابي ان الجول كان حار حبتين يعني لو رايح على اخر شهر 9 وطالع افضل اكيد لكن التجربه كانت وايد حلوه وانصح الي بخاطره ومتردد مايحرم نفسه منها بخصوص تقرير عن اسبانيا هذا الموضوع للتقرير كامل بكل مافيه وبعد ماخلص هذا التقرير بنقل الجزء الخاص ببرشلونه في البوابه الاسبانيه واذا ناويه على برشلونه او الكروز ضرور تعطيني خبر مابغي يصير نفس ماصار في ادنبره :( كان ودي اعطيج معلومات اكثر ونصايح اكثر وخاصه اني للحين مانزلت الدليل السياحي مالها تسلمون والله اختي فني على كلامج الطيب انتي منبع الذوق ومصبه تشرفني مشاركتج ومتابعتج تحياتي |
اعتذر منكم لتأخري في كتابه جزء جديد لانشغالي ببعض المواضيع بالمنتدى واليوم ان شاء الله سفري الى مدينه الضباب لندن واتابع معاكم واكتب جزء جديد من هناك وتابعوني على سناب المنتدى خطوه بخطوه ان شاء الله عيدكم مبارك وكل عام وانتم بخير الله أكبر الله أكبر الله أكبر لا إله إلا الله الله أكبر الله أكبر ولله الحمد الله أكبر الله أكبر الله أكبر لا إله إلا الله الله أكبر الله أكبر ولله الحمد الله أكبر الله أكبر الله أكبر لا إله إلا الله الله أكبر الله أكبر ولله الحمد الله أكبر كبيرا والحمد لله كثيرا وسبحان الله بكرة وأصيلا. لا إله إلا الله ولا نعبد إلا إياه مخلصين له الدين ولو كره الكافرون. لا إله إلا الله وحده، صدق وعده، ونصر عبده، وأعز جنده، وهزم الأحزاب وحده. لا إله إلا الله والله أكبر ولله الحمد اللهم صلِّ على سيدنا محمد وعلى آل سيدنا محمد وعلى أصحاب سيدنا محمد وعلى أنصار سيدنا محمد وعلى أزواج سيدنا محمد وعلى ذرية سيدنا محمد وسلِّم تسليما كثيرا |
معذور يا بو سعد تروح وترجع بالسلامة ولا تنسانا من الصور اللندنيه ومتابعين على السناب ان شاءالله اهم شي الكرواسونة:yolks00750: |
اقتباس:
ان شاءالله مافي استفسارات ربي يبارك فيك التقرير كافي ووافي خل نعزم على الروحة وافتح الاستفسارات بعدين شكراااا جزيلا يا الوافي :(125): |
بتنور يا ابو سعد ... عاد الجو محلو زود ... انا اخبر الريال القطري نفس السعودي تقريبا ويوم قلت 8500 دينار كويتي دخلني الماء ... بس قلت اسكت ياولد ...اكيد انها حسبة مدير بنك على مايقولون :(155): موفق ابو سعد |
تقرير جبار من العيار الثقيل صدق الكروز مدينه متنقله مدري وش اقول وايش اخلي بصراحة كل شي تحفة شارع الرامبلا والكروز خذ راحتك على الاخر ناطرينك يابو سعد |
ماشاءالله تبارك الله شو هالزين يابوسعد ماشاءالله عليك طلعت أحسن عني انا سافرت قبلك وانته نزل تقريرك قبلي :(141): والصدفه انه أنا وانته خططنا نغامر ونجرب رحلات الكروز والفضل لك في مساعدتك لي لما كنت أدور معلومات وحايسه ماقصرت ويايي جزاك الله الف خير تصدق وانا أقرأ تقريرك سبحان الله في وايد أشياء قلتها نفس رأيي أو نفس تعليقاتي اللي أقولها يوم أخبر أهلي عن الكروز يعني أنا وانته تقريبا اتفقنا ع رأي واحد وهذا بيعزز كلامنا وبيعطي الثقه للناس انها تجرب الكروز :(153): متابعين معاك :(89): ننتظر التكمله والله يردك بألف سلامه وأنا عندي سفره قصيره شراتك:200: ومن أرجع ببدأ في التقرير ان شاءالله |
لا تلخبط يا بو سعد ركز ترى كلنا معتمدين على معلوماتك شجعنا بالتوفيق في بقية التقرير |
السموحه منكم جميعا راجع لردودكم ولتكمله التقرير وعد مني بس لندن تاخذ العقل مافي وقت :(149): ام ريمه بالنسبه للتقرير ماراح الخبط ان شاء الله وراح اوضح كلشي فيها وبعدها نفس ماقلت بفتح موضوع استفسارات الكروز وايضا اي استفسار او توضيح عندج ممكن تراسليني مباشره وابشري بسعدج:(89): |
ناطرينك يابو سعد وأكيد ما راح نلاقي أفضل من تفاصيلك عن الكروز استمتع بوقتك بلندن وبعدين ارجع هني |
عليك بالعافية لندن و جوها الله يبارك لك في سفرك و ييسر لك امرك و ترجع لنا بتقرير مميز |
دائما احب ابدأ كلامي بــ ما شاء الله تبارك الرحمن وعليكم بألف عافيه انت واكيد المدام وياك :(1): اشهالرحلة الخطيرة :(153): اتهبل وتونس لكني خوافه من البحر حدي رحلة بالقارب السريع نص يوم وارجع وقلبي يرقع والوجه مخطوف اصفر لكن انام واقعد بالكروز بنص المحيط ما ادري البحر :yolks00640: لااااااااااااااااا مستحيل الف مرة فكرنا فيها كثير انا وخواتي لكن لما نعرف ان فيها قمار وسوالف من هالنوع اللي ماتناسببنا كمسلمين نخاف وايد ونتخيل ان الله بيسخط فيهم بنص البحر ونروح احنا معاهم بشربة ميه :shutup: هههههههههههههه اشرايكم بخيالي الواسع وافلامي الهندية ؟!!!!:205: انا مع بو اشرف ما ادري ليش حسيت بضيق بالممرات يمكن من الخوف !! ما شاء الله تتهنون يارب وربي يوسع لك في رزقك وتتحفنا برحلات جميلة من هالنوع لما قلت 8500 كويتي قلبي وقف وسكت من الصدمة:yolks00350::yolks00450: هذه قيمه سيارة :204: لكن ام حسين يات وانقذت الموقف وطلع السعر هين ومقدور عليه ان شاء الله الله يسعدكم وين ما كنتوا والله الدول اللي سطرتها على قائمة الانتظار للسنة القادمة اكثرت ما ادري وين الله يودينا حزتها ان كنا من العايشين عيدكم مبارك وكل عام والجميع بخير ،، تحياتي واشواقي من الكويت :(149): متابعين ومستانسين وايد تقرير فاخر من الطراز الجميل والراقي |
اقتباس:
ياهلا ومرحبا ام حسين وان شاء الله يعجبكم التقرير الى نهايته الا لازم تعزمين لاتفوتج صدقيني بتغيرين جو صح وبترجعين فرش وتجربه جديده وحلوه العفوووووووو يا ام حسين اقتباس:
ياهلا ومرحبا مميزنا رجعت من يومين بس السيستم عندي خربان ومعتفس :yolks00250: اي صح عليك فرق بسيط بين الريال السعودي والقطري وانا خربطت في الحسبه اشوي انا اعرف حسبه الدينار من زمان ان تقريبا يساوي 13 ريال قطري بس جاتني ام الديفان هالمره هههههههه وياك يا الغالي اسعدني مرورك اقتباس:
ياهلا ومرحبا الغالي حياالله مباركي منووور مرورك يزيد التقرير حلاوته اي والله شارع الرامبلا وحتى الشوارع الداخليه له روعه حق التمشي والي عجبني اكثر ان محلات كثيره ماتشوفها بمكان ثاني يعني غريبه وغير مكرره وعجبني محل الهنود الحمر وبعض المحلات الثانيه تابعني وفالك طيب يا غالي اقتباس:
اي احسن انزل التقرير قبلك ههههههه لان لو نزلتي التقرير قبلي ماقدر انزله من بعدج بكون محروق من البدايه وانتي معروفه بتقاريرج المميزه :yolks00250: ومنتظرين تقريرج و اكيد راح يكون جميل نفس تقاريرج السابقه تحياتي اقتباس:
ياهلا ومرحبا ام ريمه ابشري والله تامرين امر ماراح الخبط ان شاء الله وراح اوضح كلشي بققدر المستطاع وباقي التفاصيل الدقيقه راح انزلها بالموضوع الاخر والمعلومات كلها موجوده بمخي محتفط فيها ههههه واي معلومه تبغينها ان شاء الله راح افيدج بها حتى لو عزمتي ان شاء الله وقت الحجز بكون معاج اول بأول واساعدج فيه تحياتي |
اقتباس:
اقتباس:
ياهلا ومرحبا ام حسين وام ريمه الله يسلمكم من الشر ان شاء الله الحمدلله من يومين رجعت من لندن واستمتعت وايد وانا في لندن اكلم الشباب الي اعرفهم هناك اقول لهم مليت خلاص بتكون اخر سفره لي هالسنه ابي استقر اشوي من شعر 4 ماجلست مكان رجعت من يومين والحين خاطري اسافر هههههههههههه :204: الحمدلله استمتعت في لندن والاجواء كانت رهيبه اقتباس:
وان شاء الله دوم مستانسين في حلكم وترحالكم وردج وتعليقج على الموضوع من النوع الفاخر وزاد التقرير جمالا الرد فوق با الاحمر تحياتي وتقديري |
حي الله أبو سعد طولت علينا شوي لازلنا في انتظارك صراحة دخلت فكرة الكروز في راسي لكن ما ادري احس انها بتكون متعبة وربما مملة للأطفال كمان أغلب كابينات الكروز لحد أعلى شخصين كبار وطفلين واحنا 2 كبار + 3 صغار يعني لازم كابينتين ومافي خيارات كباين متصلة رغم وجودها وبيعطيك السعر على الشخص الواحد جربت النرويجية والكاريبيان وكوستا الأسعار لرحلة اوروبية لمدة 7 ليالي لكابينتين ارخص شي طلعت تقريبا 20000 ريال سعودي |
بعد مارجعت من لندن بحفظ الله ان شاء الله اليوم بنزل لكم جزء جديد وهو يوم بالبحر وبعدها الوصول الى نابولي الايطاليه تابعوني وفالكم طيب ان شاء الله |
معاك يا ابو سعد ننتظر اليوم النابولي |
ناطرين ابداعاتك يابوسعد والله شوقتنا على الكروز |
اقتباس:
الف الحمدالله ع السلامه اشكرك والله ع كلامك الجميل وهذا من ذوقك وماشاءالله عليك تقريرك 5 نجوم بدون مجامله ووايد فيه تفاصيل مفيده وانا ناويه ع هالجانب وتجربتك وايد بتفيدني ان شاءالله وحاليا انا في بانكوك ودايما اشوف اذا نزلت يديد تقريرك وايد يشوق وروعه ماشاءالله الله يعطيك الف عافيه ومنتظرين جديدك |
مازلنا بانتظار باقي التقرير ودي أروح كروز كل التقارير تشوق وتونس بس لما افكر انه ما يتناسب مع مبادئي وحجابي أهون فاكتفي بمتابعة تقاريركم الجميله :(125): |
اقتباس:
ياهلا ومرحبا والله ابومهاب خبيرنا الله يحيييك ويبقيك لا والله يا ابومهاب مش متعبه بتاتا صدقني مب عشان ارغبك فيها بس لانه الصدق لان نفس الفندق لما ترجع تتعشى وتتمشى وتشارك بالنشاطات الكثيره وبعدها تنام ترتاح ولما تصحى بدري بكامل نشاطك وحيوتك تطلع تزور المكان الي وصلت له اما بالنسبه للأطفال من بعد ماشفت الالعاب والاماكن المخصصه لهم تشجعت ان الرحله القادمه بتكون مخصصه لهم ان شاء الله العاب مائيه للأطفال روعه ( اكوا بارك كيدز ) http://up.arabseyes.com/uploads2013/...4451057021.jpg العاب http://up.arabseyes.com/uploads2013/...4477306281.jpg العاب وايضا يوجد حضانه ومنطقه العاب داخليه للأطفال مع موظفات من الكروز ومتمرسات ومنظمات يعني ممكن تتركون الاطفال بمنطقه الالعاب وتروح مع زوجتك تتمشون وتسترخون وبعدها ترجعون لهم تصوير لمنطقه الالعاب المغلقه 360 درجه هالرابط راح يدخلك على كل الصور شوف على اليسار وانزل تحت واختار كلمه recess kids crew Norwegian Epic اي اخوي ابومهاب السعر الموجود على الشخص الواحد ولما تحط عدد الاشخاص وتختار الغرفه المناسبه يعطيك السعر الاجملي لجميع الاشخاص مب شرط تاخذ كابينتين ممكن تاخذ جناح بغرفتين نوم بس ممكن يطلع عليك السعر اشوي عالي الافضل تختار الرحله متى ومن وين تبغيها وتخبرني ونشوفها مع بعض ونراسلهم على اساس نشوف الاوفرات الي عندهم يا يعطونك بالسعر العائلي المخفض او بسعر القروب حدد لي التواريخ الي تبغيها ومن وين تبغيها ويفضل بموضوع منفصل وان شاء الله نرتبها مع بعض تبشر يا غالي اقتباس:
ياهلا ومرحبا بدكتورنا ان شاء الله تبشر يا غالي اقتباس:
ان شاء الله تامرين امر اي اشتاقي لها وهي بعد مشتاقه لج وايد ههههه عزمي واصملي واحجزي ونرتب لج احلى رحله ان شاء الله اقتباس:
ياهلا ومرحبا ام عيسى الله يسلمج من كل شر يارب العفووو اشوي في حقج تستاهلين اكثر مشكلتي مب متخصص تقارير ههههه وان شاء الله يعجبكم لين نهايته تردعين بالسلامه ان شاء الله بسفرتج انجوي تسلمين على كلامج الجميل ومنتظرين تقريرج ان شاء الله ملا ترجعين بالسلامه الله يعافيج يارب اقتباس:
ياهلا ومرحبا اختي نمارق اختي بكل مكان في اماكن زينه واماكن شينه وانتي اختاري الاماكن الزينه الي فيها بس المشكله لما تبغين تروحين من مكان الى اخر ممكن تمرين على مكان غير مناسب ومعظم النشاطات ولكن مش كلها تكون في منطقه المفتوحه عند المسبح وممكن تكون هناك مناظر من هنا وهناك تابعيني وفالج طيب ان شاء الله |
الحمدلله على السلامة يابو سعد بانتظار التشويق لرحلة الكروز ومنها بعدين للندن نبي تقرير السفر ما ينمل منه يعطيك العافية |
ياهلا ومرحبا بالجميع عدنا لكم نتابع مع بعض بقيه التقرير يوم 31-8-2015 وهذا اليوم كان بطوله في البحر لان المسافه من برشلونه الى نابولي طويله http://www.arabtrvl.com/up/uploads/a...4246824410.png استغلينا هاليوم في نشاطات السفينه واماكن السبا والمحلات التجاريه والاسترخاء على نسيم البحر المنعش خذنا راحتنا بالنوم وصحينا مع فتره الظهر طلعت البلكونه اصور المنطقه الي واصلين لها كنا واصلين هالمنطقه بالضبط http://www.arabtrvl.com/up/uploads/a...4247438910.png بعض الصور من البلكونه http://www.arabtrvl.com/up/uploads/a...4247276340.jpg http://www.arabtrvl.com/up/uploads/a...4247503920.jpg http://www.arabtrvl.com/up/uploads/a...4424752090.jpg فيديو https://www.youtube.com/watch?v=Sdp1NwZIXYA وبعدها نزلنا نتغدى :essen: وكان معظم الاكل سي فود ( بحري ) على اساس ان يوم بحري ومعظم الاشياء بحريه وطبعا في بعض الاكلات اليوميه الثابته بطول ايام الرحله وهي الباستا والبيتزا والاكل الهندي والبرغر وهوت دوغ والناجيتس وبعض الاكلات الاخرى ورحنا للمطعم ومسويين بعض الاشكال على البطيخ ( الجح ) على شكل اسماك وسلاحف http://www.arabtrvl.com/up/uploads/a...4254702980.jpg http://www.arabtrvl.com/up/uploads/a...4254721750.jpg http://www.arabtrvl.com/up/uploads/a...4254739420.jpg http://www.arabtrvl.com/up/uploads/a...4254755410.jpg وهنا بعض اكلات السي فود الصقوع والحويت http://www.arabtrvl.com/up/uploads/a...4254773890.jpg http://www.arabtrvl.com/up/uploads/a...4254809520.jpg ديكور لأم الربيان http://www.arabtrvl.com/up/uploads/a...4254825410.jpg http://www.arabtrvl.com/up/uploads/a...4256393990.jpg http://www.arabtrvl.com/up/uploads/a...4254923850.jpg http://www.arabtrvl.com/up/uploads/a...4254942950.jpg http://www.arabtrvl.com/up/uploads/a...4254960760.jpg http://www.arabtrvl.com/up/uploads/a...4254977440.jpg وانا في هاليوم كان خاطري في باستا بس http://www.arabtrvl.com/up/uploads/a...4255007260.jpg بعد الغدى رجعت الغرفه ابدل واشارك معاهم بالنشاطات الموجوده عندهم وشفتهم حاطين لي بالغرفه وجبه خفيفه http://www.arabtrvl.com/up/uploads/a...4255063980.jpg قبلها زوجتي موعد مع السبا لان بغينا نستغل اليوم با الاماكن بالسفينه والاماكن الي تحتاج ناخذ لها مواعيد بما انه طول اليوم بالسفينه وطبعا قلت لها الميزانيه مفتوحه والحريم ماينقال لهم ها الكلام :(33): ههههههه راحت السبا ساعتين والا جايتني فاتوره على المسج فوق 700 دولار :yolks00340: وانا رحت مكان السباحه ولعبت في اللعبه المائيه في كذا لعبه بس الي لعبتها بصراحه حلوه وحبيتها جدا ممتعه نفس الي بالفيديو طبعا النزول من فوق على شكل ممر مسكر ومظلم وفي ماي يجري على اساس يزيد من سرعتك وبعدها تطلع على الدائره الكبيره وبعدها من الفتحه بالدائره والنزول الى اسفل https://www.youtube.com/watch?v=Pm2lhuBrE20 وفي نشاطات ثانيه موسيقى وتمارين وبعض الاغانيه اللاتينيه منها مثل المكسيكيه والسامبا ماينفع انزلهم طبعا هههههههههه ومع المغرب رحت الغرفه ارتاح اشوي وصورت لكم الغروب بالصور والفيديو http://www.arabtrvl.com/up/uploads/a...4255497770.jpg http://www.arabtrvl.com/up/uploads/a...4255548580.jpg http://www.arabtrvl.com/up/uploads/a...4255569170.jpg http://www.arabtrvl.com/up/uploads/a...4255588640.jpg الغروب بالفيديو https://www.youtube.com/watch?v=_Y-1mTX8F0g عقب مارحتنا اشوي رحنا ايس بار ICE BAR هذا كوفي بالثلج المكان مثلج بالكامل اول ماتدخل ممكن تجلس لكن بعد ماتقعد خمس دقايق تحس البروده تتغلغل فيك هههههههه وبعدها ماتقدر تستحمل كثير بس المكان من الداخل روعه http://www.arabtrvl.com/up/uploads/a...4255787610.jpg http://www.arabtrvl.com/up/uploads/a...4255808870.jpg وهذا رست اعتقد من غانا يختار لنا الجاكيتات الي تناسبنا يحليله انتيكه هالولد جننته ههههههههههه وقبل سنتين كان يشتغل بالدوحه وسولفنا معاه اشوي http://www.arabtrvl.com/up/uploads/a...4255843440.jpg وهنا يفتح لنا الباب للدخول http://www.arabtrvl.com/up/uploads/a...4255911730.jpg هو دخل قبلنا واحنا دخلنا بعده http://www.arabtrvl.com/up/uploads/a...4255941220.jpg صور من الداخل http://www.arabtrvl.com/up/uploads/a...4255973060.jpg الكراسي والمسجمات كلها مصنوعه من الثلج http://www.arabtrvl.com/up/uploads/a...4255995420.jpg واضاءات تتغير الوانها روعه http://www.arabtrvl.com/up/uploads/a...4256029990.jpg هذا مكان البار وطبعا تذكره الدخول شامله مع مشروب واحد لكل شخص http://www.arabtrvl.com/up/uploads/a...4425605830.jpg http://www.arabtrvl.com/up/uploads/a...4425609980.jpg السقف مثلج http://www.arabtrvl.com/up/uploads/a...4256118990.jpg http://www.arabtrvl.com/up/uploads/a...4256141870.jpg http://www.arabtrvl.com/up/uploads/a...4256161120.jpg وطلبنا عصير برتقال القلاص عباره عن طبقتين طبقه خارجيه من زجاج وداخليه قلاص من الثلج لو تدققون اشوي بتشوفون الطبقه الداخليه من القلاص المثلج طالع من فوق http://www.arabtrvl.com/up/uploads/a...4256248060.jpg فيديو ايس بار https://www.youtube.com/watch?v=kB8wfxW-Cbk وعقب كملنا النشاطات صوب المسبح ورحنا ننام استعدادا للوصول الى نابولي في الصباح الباكر اشويات وانزل لكم تقرير نابولي |
ما أدري أرد ولا أنتظر لكن بأرد لأن الموضوع له نص ساعة بدون تكملة :) ما شاء الله .. والله الكروووز شيء رهيييييييييــــب وتنوع الأكل مهم .. من اللي يقدر ياكل بحري 3 أيــام وررراء بعض رحلة رهيبة لي عودة لمتابعة التكملة :) |
صحينا الفجر يوم 1-9-2015 وكنا وصلنا نابولي الايطاليه وقمنا وصحصحنا استعدادا للنزول http://www.arabtrvl.com/up/uploads/a...4256793760.jpg الميناء وصوره من بعيد للمدينه http://www.arabtrvl.com/up/uploads/a...4425681450.jpg الباصات السياحيه متوفره بكثره لان بعظهم يفضلون يطلعون بقروبات سياحيه وانا من طبيعتي ماحب القروبات احب اروح لحالي واخذ لي سياره خاصه اريح واسرع واكون محدد الاماكن الي بروح لها والتكاسي والسيارات السياحيه متوفره ايضا بكثر بمجرد وصول الكروز http://www.arabtrvl.com/up/uploads/a...4256850520.jpg مبنى ميناء نابولي http://www.arabtrvl.com/up/uploads/a...4256966040.jpg http://www.arabtrvl.com/up/uploads/a...4256993110.jpg يعتبر سنتر المدينه جنب الميناء وطالعه عندنا بالصوره اشهر قلعه في نابولي وهي قلعه نوفو Castel Nuovo http://www.arabtrvl.com/up/uploads/a...4257015050.jpg بالنسبه لطريقه النزول والوقت المخصص لك بكل مدينه هم يحددون لك وقت العوده للسفينه وغالبا الوقت مناسب جدا لكل مدينه وانا طريقتي اول مانزل اخذ سياره واروح المكان الابعد في البدايه وبعدها المكان الاقرب للميناء على اساس لو جا وقت العوده اكون موجود قريب ماتعطل لأي سبب من الاسباب اول مانزلت اخذت سياره ورأسا ذهبت الى مدينه بومبي pompeii ومعروفه قصتهم ورب العالمين غضب عليهم بسبب الرذيله العلنيه الي وصلو لها وثار عليهم البركان وماتو من سموم البركان وبعدا تصلبو من غبار البركان كلن بوضعه الي كان عليه قبل ثوران البركان وصلنا المدينه والمسافه كانت من نابولي تقريبا 40 دقيقه ونزلنا بس وصولنا كان بدري اشوي مافتح شباك التذاكر تسوقنا في الاكشاك الي الي جنب المدينه الى وقت فتح البوابات http://www.arabtrvl.com/up/uploads/a...4257439330.jpg http://www.arabtrvl.com/up/uploads/a...4257528790.jpg المدينه المنكوبه كبيره جدا فوق ماتتصورونها والطريق داخل المدينه وعر وصعب المشي عليه لان اهل المدينه سابقا مسويين الطريق على شكل احجار مسطحه وغير مستويه المشي صعب جدا عليه وزياده على ذلك الجو كان حار جدا والمدينه من الداخل تضيع من حجمها ومداخلها ودواعيسها وسككها ومعظم المدينه خاليه فقط توجد اثار مبانيهم ماعدا في اخر المدينه يوجد نفس المدرج الكبير مجمعين بعض الجثث المتصلبه هناك وراح اوضح لكم بالصور ان شاء الله بدايته دخولنا http://www.arabtrvl.com/up/uploads/a...4257556040.jpg http://www.arabtrvl.com/up/uploads/a...4257767330.jpg http://www.arabtrvl.com/up/uploads/a...4257785550.jpg هذا المكان المشبك عند بوابه الدخول في بعض الاثار والادوات الي كانو يستخدمونها في ذاك الوقت http://www.arabtrvl.com/up/uploads/a...4257806360.jpg هذي جثه كلب اعزكم الله متحجره http://www.arabtrvl.com/up/uploads/a...4257864840.jpg ورجل http://www.arabtrvl.com/up/uploads/a...4257914490.jpg وطفل http://www.arabtrvl.com/up/uploads/a...4257935110.jpg وبعدها تمشينا اشوي لكن لا توجد غير مبانيهم ومتجهين الى اخر المدينه والذهاب هناك الى المدرج الرئيسي وانصح الي يبغي يروح يدخل من بوابه المدرج في اخر المدينه ويتجول قريب من المدرج افضل له بكثير http://www.arabtrvl.com/up/uploads/a...4258031210.jpg http://www.arabtrvl.com/up/uploads/a...4258058030.jpg وصلنا للمدرج http://www.arabtrvl.com/up/uploads/a...4258085610.jpg http://www.arabtrvl.com/up/uploads/a...4425810730.jpg صوره للمدرج من الداخل http://www.arabtrvl.com/up/uploads/a...4258144620.jpg وبنص ساحه المدرج يوجد مبنى خشبي صغير وهذا المكان معروض فيه بعض اهل هذه المدينه http://www.arabtrvl.com/up/uploads/a...4425821630.jpg http://www.arabtrvl.com/up/uploads/a...4258235550.jpg حاط ولده بحضنه ويلعب معاه والولد الثاني جنبه http://www.arabtrvl.com/up/uploads/a...4425825410.jpg http://www.arabtrvl.com/up/uploads/a...4442583510.jpg http://www.arabtrvl.com/up/uploads/a...4258370060.jpg http://www.arabtrvl.com/up/uploads/a...4258389560.jpg طبعا الصور الاخيره اهداء حق مشرفتنا ابرار والمبدعه فني غيرل :harhar1: وجنب المدرج يوجد هذا المكان بالنص عباره عن حديقه وعلى اطرافها غرف شكلها مخازن او اسطبلات للخيول http://www.arabtrvl.com/up/uploads/a...4258464310.jpg وهنا طريق خروجنا من المدينه وطلعنا من الباب الي جنب المدرج لان صعب ارجع لنفس الطريق مره ثانيه الجو كان حار والوعوره ماتساعد http://www.arabtrvl.com/up/uploads/a...4258529960.jpg صور لجبل البركان فيزوف vesuvius الذي دمر المدينه http://www.arabtrvl.com/up/uploads/a...4258596650.jpg http://www.arabtrvl.com/up/uploads/a...4258735320.jpg http://www.arabtrvl.com/up/uploads/a...4260127690.jpg http://www.arabtrvl.com/up/uploads/a...4260173990.jpg طلعنا من المنطقه واتجهنا الى وسط نابولي وتحديدا الى الدومو طلبت من راعي السياره ينزلنا ويتوكل في حال سبيله :(88): مدينه نابولي جدا قديمه ومبانيها وشوارعها ودواعيسها متهالكه جدا جدا ومدينه فقيره وشعب فقير ومحلات المدينه قديمه جدا واتوقع ليلا تنتشر فيها السرقات يعني من طريقه عيشهم وجو المكان نفسه ومانصح ابدا الذهاب لها للسياحه حتى لو دقيقه واحده مافيها اي شي يستاهل الواحد يتعنى لها هذا الدومو او كالنسيه عندهم http://www.arabtrvl.com/up/uploads/a...4258920410.jpg ومن الداخل http://www.arabtrvl.com/up/uploads/a...4258940860.jpg http://www.arabtrvl.com/up/uploads/a...4258996610.jpg وبعدها دخلت شوارع المدينه الداخليه اتمشى فيها ومتجهه الى ساحه بيازا دانتي الشوارع الداخليه لنابولي :yolks00120: http://www.arabtrvl.com/up/uploads/a...4259030990.jpg http://www.arabtrvl.com/up/uploads/a...4259084670.jpg http://www.arabtrvl.com/up/uploads/a...4425910470.jpg http://www.arabtrvl.com/up/uploads/a...4425913330.jpg http://www.arabtrvl.com/up/uploads/a...4259155250.jpg واخيرا وصلت ساحه بيازا دانتي قبل لاروح لها عجبني الاسم وايد احسه موسيقي وطول الوقت قبل لاوصلها كنت اردد الاسم على اللساني وياريتني ماوصلت لها هههههه :(7): مافيها شي كلش مكان كئيب جدا جدا http://www.arabtrvl.com/up/uploads/a...4425926580.jpg http://www.arabtrvl.com/up/uploads/a...4259285410.jpg ماقعدت فيها خمس دقايق ونزلت للمترو وقلت بروح للسنتر القريب من الميناء وقلعه نوفو قلت المكان هناك اشوي اشرح وقريب من الكروز وبالمره ابغي اروح مجمع امبرتو Galeria Umberto طلعني المترو من جنب القلعه http://www.arabtrvl.com/up/uploads/a...4259402740.jpg تغدينا هناك بأحد المطاعم الايطاليه واكله كان حلو لكن ماصورت من الجور الحار والمدينه نفسها ماعرفت شنو اصور او شنو اخلي هههههههه واتجهت الى جاليري امبرتو من اسمه احسه متروس محلات راقيه وماركات وكوفيهات ومكان بارد هالنافوره مابين قلعه نوفو ومجمع امبرتو http://www.arabtrvl.com/up/uploads/a...4259474990.jpg http://www.arabtrvl.com/up/uploads/a...4259555820.jpg وصلت للمجمع :yolks00210: هالمجمه بالضبط شبيه مجمع فيتوريو في ميلانو Galleria Vittorio الموجود بساحه الدومو لكن المكان داخل حار و 60 % من المحلات مغلقه للصيانه وباقي المحلات مغلقه وقت الظهيره والمكان داخل المجمع مب نظيف يعني في فرق كبير بينه وبين المجمع الي في ميلانو صور لمجمع امبرتو في نابولي http://www.arabtrvl.com/up/uploads/a...4259593540.jpg http://www.arabtrvl.com/up/uploads/a...4425976950.jpg http://www.arabtrvl.com/up/uploads/a...4259789310.jpg http://www.arabtrvl.com/up/uploads/a...4259821330.jpg تمسينا داخل المجمع للخروج من الجهه الاخرى ومن طلعنا من الجهه الثاني تنفسنا الصعداء شارع نوعا ما راقي ونظيف وبين المباني مظلل من الشمس وفيه نسما هواء بارده والشارع في محلات ومطاعم وكوفيهات راقيه وفيه بعض الماركات http://www.arabtrvl.com/up/uploads/a...4259926460.jpg http://www.arabtrvl.com/up/uploads/a...4259949740.jpg عقب مارحتنا اشوي بالمكان حان وقت عودتنا للسفينه ورجعنا من طريق اخر قريب من القلعه http://www.arabtrvl.com/up/uploads/a...4259976060.jpg http://www.arabtrvl.com/up/uploads/a...4426003080.jpg وبعدها دخلنا للسفينه ورحنا الغرفه نرتاح اشوي وحاطين لنا فوطه مسويينها على شكل فيل هههههه مع كتيب عن نشاطات السفينه لهذه الليله + جدول المغادره والعوده ليوم 2-9-2015 لمدينه روما http://www.arabtrvl.com/up/uploads/a...4426022480.jpg ولي عوده ان شاء الله للجزء القادم الرحيل من نابولي الى العاصمه الايطاليه روما تحياتي للجميع :(125): |
جزء مشوق نابولي برأيي الشخصي لا تستحق العناء للزياره لما كنا بروما وبنروح جزيرة كابري كان عن طريق ميناء نابولي فاضطرينا نمرها نص يوم ماعجبتني ابدا متابعه |
حمدلله علي السلامه يسعد لي صباحك كتبت رد وبدل ما اضغط زر الرد قفلت الصفحه يوم مش ممل بالسفينه هل تستاجر سياره ام تاخذ سياره خاصه وكمم تكلفتها |
وش يبغون بجثة الكلب :/ ههههههه أما المجمع حسافة والله انه طلع مغلق :( الله يعطيك العافية |
رائع بو سعد توصيف ممتاز لنابولي كنت اتوقعها افضل من كذا مدينة مومباي !!!!لا تزال عبرة للجميع خدمات السفينة ,,,الثلج شيئ خيالي متابعين |
يوم كروزي رائع ياسلام لو مسوين سرير وتقدر تنسدح عليه اخر كلام شي يخلي الدم والدورة الدموية تفر زي الصاروخ ونابولي من اسمها حسيت انها فخمه ودلع طلعت شينه اما المدينة والجثث المتحجرة تخوف اللهم ادم علينا نعمة الاسلام وتوفنا مسلمين متابعين |
| الساعة الآن 11:48 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO