|
الاجواء بمارس اكيد بتكون بارده بس اهم شي تلبسون ثقيل وو تغطون الطفل عدل فندق يوروستار قريب من ترام سيركجي وو هاذي تجربت اخ مكه بالفندق وو بعض الفنادق وو بقسم فنادق تركيا تجربه باجي الاعضاء ممكن تفيدك http://www.arabtrvl.com/vb/t3087.html سوق المفتوح اذا قصدك سوق المسقف ف ما انصحك تاخذ منه شي لانه غالي وايد سوق المصري ارخص منه وو في سوق خارج سوق مسقف رخيص بعد وو نفس البضايع كلهم اما عن باقي المناطق مثل بورصه وو يالوا ممكن تزورها يوم وو تردون بنفس اليوم اسطنبول معنها تستحق اكثر من يوم بس اذا خايفين من البرد لا تروحون لانه بتكون ابرد من اسطنبول لانها مرتفعه |
كنت في اسطنبول نهاية مارس الماضي وأول أبريل.. تناوب البرد والحر علينا في نفس اليوم أكتر من مرة لكن ممكن نقول ان الجو بارد اجمالا وأحياناً ماطر.. الرحلة البحرية كانت باردة في المنطقة المفتوحة لكن ما يمنع تدفوا الطفلة وتجلسوا بالمناطق الداخلية ... منطقة السلطان أحمد جربت فيها فندق Azade ممتاز من كل النواحي برأيي وخاصة ان سعره معقول، لكن بعيد عن المترو مسافة بسيطة وموجود في نهاية منحدر يعني في طلوع ونزول في كل مرة تخرج منه أو ترجع له.. بعيد 300 - 400 متر عن المسجد.. |
احنا بناخذ سواق ماراح احتاج مترو السوق المفتوح اقصد بسطات او كوشكات سوق رخيص ملابس اطفال اوشنط نساء وهدايا الاجواء متخوفين منها بس قالوا ثلوج بورصه ماتتفوت ومدري كيف اجوائها باردة مره ولا! وفيه مناطق غير اسطنبول مافيها ثلوج وحلوه ! |
بالنسبة لمحلات الهدايا فيه محلات بالسلطان احمد اسعارها جداً مناسبه وبعد خارج السوق المسقوف فيه محلات رخيصه وسوق محمود باشا قريب من السوق المصري فيه محلات هدايا واواني رخيصة |
اذا حاب تروح منطقة جوها افضل في الشتاء ممكن تروح انطاليا وتكنسل اسطنبول هذا موضوع عن انطاليا http://www.arabtrvl.com/vb/t4487.html هذا موضوع يساعدك تحدد وجهتك http://www.arabtrvl.com/vb/t1153.html |
افا كتبت رد طويل عريض اخرتها راح .. الله كريم اخوي انا كنت باسطنبول ما بين 17/4/2015 الى 23/4/2015 الجو كان بارد جدا و كل يوم تمطر اغلب الفترة زكام ع رعاف خاصة لما ادخل المترو واطلع ع طول رعاف خذ احتياطاتك من مسكنات ألم و قطرة للخشم .. بما ان الجو بارد ما راح تستمتعون بالاماكن المفتوحة "حدائق" خذوا جاكيت ضد المطر .. اهم شي اللبس "اسطنبول روعة بالشتاء" الاسواق المحيطة بجراند بازار والسوق المصري "سوق محمود باشا" اسعارهم رهيبه وبضايعهم ما عليها كلام" جولة البسفور خذ القصيرة لان الرحلات الطويلة فيها رقاصه وشرب ما تنفع لنا .. اقرأ التقارير عشان تعرف وين تروح حدد وجهتك |
يااخوان انا محتار في امري وابي نصيحتكم كثير قالوا وقتك برد مره وجليد وماراح تستمتع وش رايكم ؟ انا توقيتي من ١٣ مارس لمدة عشر ايام باذن الله وهو وقت اجازتي فقط ابي نصيحتكم خصوصا انها اول مره ومعي طفل وقت السفر بيجي ان شاءالله بعمرالسنه والشهرين |
صدقيني برد حلوووووو ماتخافيش ومتعه مابعدها متعه وانتي بالخيار..... |
السلام عليكم اخوي الاخوان ماقصرو لكن ما احد يقدر يحدد ايش تحب ايش ماتحب اذا انت من محبين التلج والجو البارد وتتحمل البرد ولا تعاني من اي امراض صحيه تتاثر بالبرد وتحب الثلج والمولات والاماكن المغلقه فتوكل على الله وروح ولكن كن حريص على الطفل من البرد لانه احتماله غير عن الكبار وممكن ما تاخذه معاك في هذي السفره اذا امكنك ذالك اما اذا كنت من محبين الجو الدافي والطبيعه والاماكن المفتوحه والحدايق والشلالات فاجل روحتك للصيف الجاي افضل لك واختار دوله ثانيه تسافر لها في هذي الاجازه وتكون ادفي واذا كنت حاب تروح تركيا ممكن تروح اسطنبول وانطاليا في هذي السفره لان جواها ممكن يكون ادفى من الاماكن الجبليه والبارده مثل بورصه وما حولها والشمال التركي انت الوحيد اللي تقدر تقرر الللي يناسب وماعليك من كلام الناس مو كل اللي يناسب الغير يناسبنا وبالتوفيق |
اشكر الجميع على الرد * قررت التالي بعد عدة مشاورات :(150): ااجل الرحلة ليوم 8 ابريل لمدة عشر ايام عشان الطفل مانبيه يمرض ويخرب السفره برايكم توقيتنا الان مناسب ؟ والبرد خف وبدا التوليب باسطنبول ؟ * انتظر ارئكم بصدر رحب وتقسيم الايام :(149): |
| الساعة الآن 08:37 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO