X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين2الاعجاب
إضافة رد
 
LinkBack أدوات الموضوع انواع عرض الموضوع
قديم 05-01-2015, 02:11 PM   #1

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي قرية كوخيم الالمانيه وماحواليها


مقدمه


السلام عليكم

والحمدالله ع عودتنا من الجديد

اليوم قررت أبدأ اول تقاريري بآخر تقرير كتبته في البوابه الالمانيه وماكملته

وان شاءالله بنزل اللي أقدر عليه من تقاريري القديمه ، وبنفتح تقارير يديده

الله يوفقنا جميعا ، واتمنالكم رحله سعيده في جميع تقاريري


هداوه





قرية كوخيم COCHEM


مقدمه


اليوم بكلمكم عن قرية كوخيم الالمانيه واللي قضينا فيها اجازتنا العائليه
وكانت مدة 18 يوم
من 1/ 8 الى 18 / 8

ويبعد المنتجع عن سنتر المدينه تقريبا ربع ساعه بالسياره وانتوا نازلين للقريه بتطوفون ع مسطحات خضراء
وممكن تشوفون كراسي أو أماكن خاصه توقفون فيها وتشوفون مناظر جميله ولها اطلاله رائعه















أتمنى انكم تستفيدون وتستمتعون



الفهرس


 

القادممعجبون بهذا.
هداوه غير متواجد حالياً   رد مع اقتباس
قديم 05-01-2015, 02:16 PM   #2

عضو قدير

الصورة الرمزية MOBARKI
 
تاريخ التسجيل :  Dec 2014
رقم العضوية : 177
المشاركات : 5,125



أوسـمـة: MOBARKI

كل الاوسمة:1 (more»)
افتراضي رد: قرية كوخيم الالمانيه وماحواليها


حياك الله ام عيسى بداية رائعة

يعطيك العافية

متابعين

 

توقيع : MOBARKI

MOBARKI غير متواجد حالياً   رد مع اقتباس
قديم 05-01-2015, 02:42 PM   #3

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


اقتباس : المشاركة الأصلية كتبت بواسطة MOBARKI حياك الله ام عيسى بداية رائعة

يعطيك العافية

متابعين





الله يحييك أخويي ويعافيك ويسلمك


ونرجع زي زماااان

 

القادممعجبون بهذا.
هداوه غير متواجد حالياً   رد مع اقتباس
قديم 05-01-2015, 02:44 PM   #4

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


قرية كوخيم COCHEM


تقع كوخيم في الغرب الالماني
قرية جميله ونوعا ما هاديه ولكن ليس الهدوء الممل
وهي تعتبر سياحيه من وجهة نظري
حيث تتميز بطرازها المعماري الذي يرجع للعصور الوسطي بالاضافة لوجود المرتفعات الخضراء ومرور نهر الموزل فيها
وعلى امتداد هذا النهر بتشوفون المطاعم والمقاهي المطله ع النهر واللي اليلسه فيها ترد الروح
بالاضافه انه في جزء مخصص لألعاب الاطفال ، وسوبرماكت وأسواق
ومقابل النهر يوجد سنتر المدينه اللي عباره عن سكيك قديمه وفيها الكثير من المحلات والمطاعم ومنها مطاعم تركيه والتمشي في هالجانب جدا ممتع وحلو
وع الجهه الثانيه من هالنهر بتشوفون مزارع العنب الموجود ه ع منحدرات الجبال واللي منظرها يريح النفس والعين
وممكن تسيرون للجهه المقابله مشي مجرد تعبرون الجسور اللي تربط بينهم
وهالجسر هو بنفسه مكان جميل تشوفون النهر من زاويه جميله وخلابه تستحق انك تتصور وتكون خلفيه لصورك
وأذكر بعد في هاذيج الجهه فيه سوبرماركت كبير مره سرنا واتشرينا منه بس للاسف ماصورته



قرية كوخيم فيها كثير من الانشطه وبخبركم عن بعضها ...

1- وجود تلفريك يصعدلك لين فوق وهناك عندك عدة اشياء ممكن تسويها:-

* الجلوس في الكوفي والمطل ع قرية كوخيم الجميله
* المشي في الغابه
* المشي لمسافه طويله لمدينة العاب
وهاي ما انصحكم فيها لأنه المسافه بعيده والافضل تسيرون بالسياره لها
((هنيه استوالنا موقفين بخبركم عنه عقب ويالصور ))

عنوان التلفريك
Endertstraße 44
56812 Cochem


2- قصر رايشسبورج
هذا مازرته تعرفون أنا مب راعيت متاحف وقصور بس شكله جميل من قرية كوخيم

موقع القصر من النت

Reichsburg Cochem/Mosel - Home


3- فيها مدينة العاب وفي نفس مدينة الالعاب حديقة حيوان صغيره
بعد هاي مازرتها

موقعهم ع النت

Wild- & Freizeitpark Klotten

4- جوله ع السفينه في النهر وأحلى وقت قبل الغروب عشان لما تظلم تصير كوخيم جميله بالاضاءه المنعكسه ع النهر

5- قطار سياحي يأخذك في جوله حوالين القريه ويعبر الجسر وياخذك في جوله للجهه الثانيه


6- جوله في القرى اللي حواليها وهاي فيها الكثير من مزارع العنب وبتشوفون في أشجار لفواكه مختلفه بس أكثر شي عنب ، وهاي القرى أحيانا تكون عندهم فيها احتفالات متنوعه

هاذيل اللي أذكرهم من أنشطة سياحيه في قرية كوخيم
والجزء الثاني بآخذكم لأماكن حوالين كوخيم

بعض المواقع اللي فيها معلومات أكثر عن كوخيم



فيديو لقرية كوخيم ومعالمها

http://www.cochemer-sesselbahn.de/cms/index.php/chair-lift


صور من النت عن كوخيم

كوخيم


موقع كوخيم السياحي

http://www.cochem.de/tourismus/en/index

أخيرا صور من تصويري



هذا النهر اللي يتوسط قرية كوخيم




لوخذيتوا جوله بالسفينه قراب المغرب بتشوفون هاي الاضاءه الجميله المنعكسه ع النهر



























لو حبيتوا تتمشون ، موجود ممشى خاص بجانب النهر




أو حبيتوا تسوون رياضه





شلوا وياكم بقايا خبزكم وانتوا سايرين تتمشون عند النهر لأنه هناك يتريونكم البط والوز




هذا الجسر اللي تعبرون منه للجهه الثانيه



اذا تعبتوا من المشي فهناك يلسات مطله ع النهر



واذا ضقتوا بتحصلون شطرنج كبيره ممكن تلعبون مع أحبابكم




وفيه ورود جميله تتصورن عدالها
تذكرت الهنود اللي عندنا يوم كانوا ايلسون عدال الورد ويتصورون في الشارع ونحن نضحك ونعلق عليهم ، ودار الزمن وسوينا شراتهم في بلاد الالمان



اذا عيالكم طفروكم وتعبوا من المشي ، ممكن تريحونهم في منطقة الالعاب







منتجعنا موقعه ع مرتفع عن القريه ، وأغلب طلعاتكم لازم تنزلون لين سنتر القريه ع النهر وتسيرون وجهتكم







أغلب الايام اللي قضيناها في كوخيم كان الجو جميل وحلو




مزارع العنب ع المرتفعات في الجهه الثانيه من النهر







مقابل النهر شارع رئيسي ومن عقبه ايي النهر
وع امتداد هالنهر تصطف المحلات والمطاعم والفنادق














مره من المرات قررنا نتعشى في مطعم من هالمطاعم

واخترنا واحد يقدم استيكات بس ماعجبنا وايد بس اليلسه والاجواء كانت تجنن





















هاي مدينة الالعاب اللي مازرناها







مره من المرات طلعنا كلنا ويالقروب وتجولنا في القرى اللي حوالين كوخيم وشفنا الكثير من مزارع العنب والقرى الجميله وخساره انه ماعطيناهم حقهم وتمشينا أكثر فيهم









في الشارع هاي الفواكه

.






























شوفوا العنب اللي ينباع في السوبرماركت





مثل ماتشوفون كلها مزارع ، وشوارع منسقه بالورود ، وأنهار
مناظر تسر الناظرين








الواقع أجمل من صوري























 

هداوه غير متواجد حالياً   رد مع اقتباس
قديم 05-01-2015, 02:47 PM   #5

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


نتابع جولتنا


في سنتر المدينه مطاعم تركيه ومحلات وكوفيهات




























وهاي القلعه المشهوره عندهم وتقدرون تشوفونها من شارع كوخيم لأنها موجوده ع مرتفع














التلفريك




قطعنا التذاكر وركبنا التلفريك وصعدنا وكان هاليووم الجو بارد وممطر


































نحن صعدنا بالتلفريك وغيرنا يصعد ع ريوله




أول ماوصلنا فوق شفنا واحد يصورنا
وسألونا اذا نحب نشتري الصور ولكن الصور مابيسلمونها ياها في نفس الوقت انما بيرسلونها لنا البلاد
انا ماكنت موافقه ولكن بوعيسى وافق تحت أصرار البنات وبالفعل صدقوا ووصلت صورنا البلاد عقب فتره

نكمل عقب ماوصلنا فوق شفنا جدامنا طريجين




واحد يويدنا صوب الكوفي شوب وهذا عدالنا والثاني صوب الالعاب
قلنا خلينا نشوف الالعاب وعقب نرجع صوب الكوفي
ومشينا مشي الله لايوريكم
المشكله مب في المشي المشكله انه صب علينا المطر صبيب وهواء والجو بارد ، ونحن معتقدين انه المكان بيكون قريب
وكل مامشينا أكثر نقول الحين بنوصل ولكن مانشوف الالعاب
والمشكله الثانيه انه مب قادرين نرجع
وتمينا جذي لين أخيرا وصلنا
وأول ماوصلنا دخلنا في مطعم مدينة الالعاب اللي كان عند المدخل نحتمي من الامطار
وشفنا الوضع مايسمح انه ندخل وقررنا من يتوقف المطر نرجع صوب الكوفي
ولما خف المطر رجعنا بسرعه ، بس الصراحه هذا اليوم كان ممتع وايد
أحس عشنا مغامره جميله




عقب مارجعنا سرنا صوب الكوفي وتفاجأت بالمنظر الجميل ع قرية كوخيم
هنيه وقفت بمظلتي أتأمل الجمال وبنتي تصورني وانا ما أدري




شوفوا هاليلسه والمنظر اللي يخبل















بس نحن يلسنا داخل ماقدرنا من المطرنيلس برع




طلباتنا كانت كلها آيس كريم














وكان طلب بنتي المفاجأه

بعد ماوصل وكلت منه شوي شكينا في الطعم وسألت الموظفه اذا الايس كريم خالي من الكحول وطلع انه هالطلب الوحيد اللي فيه كحول
عصبت عليها وقلتلها انتي تعرفين انه نحن مسلمين ومانآكل أي شي فيه كحول ، أعتذرت وعقب يتنا المسؤوله واعتذرت وبدلونا الايس كريم




وبهالجزء أختم تقريري عن قرية كوخيم اتمنى انها عجبتكم مثل ماعجبتنا





تابعوني في الجزء الثاني
رحلاتنا حول المدن القريبه من كوخيم

 

هداوه غير متواجد حالياً   رد مع اقتباس
قديم 05-01-2015, 02:50 PM   #6

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


نتابع معاكم
رحلاتنا حوالين كوخيم



رحلتنا اليوم بتكون في القطار البخاري





واسمه



هذا القطار سالفته سالفه


وعشنا مغامرات عشان نركب فيه


قبل لا أسأفر قريت عنه وحطيته من ضمن البرنامج

وهاي المعلومات اللي نقلتها

منطقه تدعي Brohl in Region Eifel

هي تقع في الغرب الالماني


هذه المنطقة جميلة وتصلح كرحلة لمدة يوم هي عبارة عن منطقة اودية حول نهرالراين


بها مناظرطبيعة في منتهي الجمال


الاهم انه يوجد هناك رحلة بالقطار البخاري القديم حق القرن 18 وبداية 19


اكثر من رائع يسير بسرعة منخفضة كيتسطيع الاستمتاع بالطبيعة الساحرة هناك

يعطيك ايحاء باوروبا في العصور الوسطي الي كن نراها زمان في الافلام الاجنبية



شو هي مغامراتنا مع القطار البخاري

في يوم من أيامنا في
كوخيم قرننا نزور منطقة Brohl

وأعتقد تبعد من منتجعنا أقل من ساعه

شوفوها ع الخريطه





طلعنا مع القروب اللي معانا

ولما وصلنا هاي المنطقه يلسنا ندور القطار

ودخلت مطعم أسألهم عن هاالقطار وعطوني برشور عن القطار البخاري

المهم لفلفنا وماعرفنا نوصله

ونسيت عقب كيف قضينا هذا اليوم

بس كان يوم محرج بالنسبه لي ، لأني أنا كنت القائد لأربع عوائل

بعدها بكم يوم قلت لبوعيسى خلينا نسير نفس هالمنطقه ونسير مكتب المعلومات ونسأله عنه

وهاي المره كنا بروحنا

وصلنا مكتب المعلومات وسألناهم عن القطار وللاسف صادف انه في هذا اليوم مايشتغل ، مأجز

ياهي نحاسه

سألناهم اذا فيه شي ثاني نقدر نزوره في هاي المنطقه

خبرونا عن عدة أشياء من بينها نافوره ومتحف عن الماي وهاي الرحله لازم نسيرلها بالسفينه

بخبركم عقب عن هاي الرحله ، اليوم بس برمسكم عن القطار البخاري التعيس

بعد كم يوم قررنا مره ثانيه نسير القطار البخاري

ولكن هاي المره مابنسير صوب منطقة Brohl

لأنه عرفنا من مكتب المعلومات انه القطار له عدة محطات

وهاي المره فكرنا نسير من منطقه ثانيه ، يمكن يفج النحس عنا



شوفوا هاي خريطة القطار والمناطق اللي يمر فيها






وهاي المنطقه اللي بنزورها واسمها

Engein






وعرفنا انه ممكن نطلع من منطقة Engein ونرجع لها

وهاي المنطقه كانت قريبه أكثر منا

حطينا اسم المنطقه ومشينا لين وصلنا







وتمينا ندور وماعرفنا وين محطة القطار ونحن ندور

شفنا مجموعه من الحريم والرياييل وهم كبار في العمر ويالسين في حوش البيت

نزلت وسألتهم وعقب نزل بوعيسى ويلس يرمسهم وهم يحاولون يشرحولنا

وماكانوا يعرفون وايد انجليزي

لما شافوا نفسهم مايعرفون يشرحولنا ولانحن فاهمين قرر واحد منهم يمشي ع دراجته جدامنا

ويوصلنا للمنطقه وطلع انه نحن في المكان الخطأ

شكرناهم وكان عندي علبة معمول التمر جديده ممفتوحه سرت واهديت العيوز ووايد فرحت

ونحن تحركنا ورا الريال بالدراجه وتركنا العيايز يجلبون علبة المعمول

ويشوفون شو مكونات هالمعمول







مشينا وسط المزارع



































الصراحه مشينا مسافه طويله ، كنا في مكان غلط تماما













بعد مسافه وعند نقطه معينه وقف راعي الدراجه وقال كملوا في هالطريج

تذكرت قبل ماتحركنا وراه هو ضبطلنا الجارمن ع المنطقه هاي

وعقب كملنا بروحنا

وبدينا نتبع العلامات اللي تشير لمحطة القطار البخاري





وبدينا نتقرب من المحطه





وأخيرا وصلنا




بركنا ونحن وايد فرحانين انه آخيرا وصلنا المحطه

ووصلنا قبل لاينطلق القطار

ونحن كنا عارفين مواعيده من البروشور

لاحظت انه في مجموعه من المعاقين الله يعافيهم مع مشرفينهم يالسين ياكلون

والظاهر بياخذونهم في رحلة القطار

سرت أدور وين أحجز التذاكر وبوعيسى سار يدور حد يسأله عن هاي الرحله


وكانت المفاجأه الغير متوقعه

كانت صدمه واحباط بالنسبه لنا

عرفنا انه هالقطار آخر رحله له وانه من ينطلق مابيرجع

طبعا مافي فايده نسير وياهم

وكيف بنرجع عند سيارتنا والمسافه اللي بيمشيها طويله

والمحطه هاي بروحها في مقطعه يعني مكان بعيد عن الخدمات

طبعا بعد هاي التجربه التعيسه قررنا نرجع

وبعد كم يوم قاللي بوعيسى ونحن يالسين نتشاور وين نسير

قال : شو رايج نسير نركب القطار القطار البخاري

قلتله لااااااااا

توبه بعد

الله ماكتبلنا نركبه في ثلاث محاولات ، ومانبا نعاند القدر يمكن هاي خيره عن يستويلنا شي

خلاص ماشي قطار بخاري



تابعوني في رحلتنا اليايه
صوب النافوره ورحلة السفينه

 


التعديل الأخير تم بواسطة هداوه ; 05-01-2015 الساعة 02:57 PM
هداوه غير متواجد حالياً   رد مع اقتباس
قديم 05-01-2015, 03:06 PM   #7

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


نتابع معاكم رحلاتنا حوالين كوخيم

همسه


لما كنت في رحلتي الصيفيه اللي طافت
ماكان في مخططي أنزل تقريرعنها ، وكنت أصور بس حق الانستغرام ، ولكن غيرت رأيي وقررت أكتب تقريرلأنها منطقه يديده ومافي تقارير كثيره عنها
فسامحوني اذا قصرت في المعلومات بصوره عامه وفي الصور

نتابع جولتنا

تذكرون مدينة BROHL اللي زرناها وسرنا مكتب المعلومات اللي فيها عشان نسأل عن القطار البخاري النحيس

هالمكتب السياحي كان في حديقه صغيره جميله والحديقه فيها ميني غولف والعاب للاطفال




الصراحه مايلسنا فيها كنا نبا نسير رحلة السفينه اللي خبرونا عنها مكتب المعلومات

وما اتذكر كم كان الميناء يبعد ، بس ماكانت بعيده وايد





بعطيكم عنوانها




موقعهم ع النت

overview


حجزنا تذاكر السفينه ، وابحرنا ربع ساعه تقريبا


لمنطقه فيها نبع حار يطلع من تحت الارض ( سبحان الله )


وهذا النبع موجود في شبه جزيرة أسمها Namedyer Werth
وهي محميه طبيعيه






















كانت رحله حلوه




وصلنا




















عبرنا من هالجسر ع الجزيره


































الرحله كانت عاديه مافيها وايد أكشن بس نحن كنا مبسوطين في رحلة السفينه



ولما نزلنا الجزيره وطلعت النافوره سوتلنا جو لأنه هي تطلع وتخمد

عموما الاجواء مع الناس تعطي للرحله حلاوه (( حشره مع الناس عيد ))

تصورنا وايد عند النافوره وعقب رجعنا السفينه

ونسيت اذا المتحف في هالجزيره ولاعند الميناء وين ماركبنا السفينه

دخلنا المتحف وما اتذكره وايد ، بس أعتقد انه كان كله عن الماي

وعقب ماخلصنا رحلتنا سرنا لمدينه قريبه منها وهاي المدينه كبيره ، وفي سنترها أسواق كبيره

وهاي المدينة تبعد عن منتجعنا ساعه ، وأسمها

KOBLENZ

ونحن في الطريج سايرين كوبلينز كان الجو حلو ومغيم














أول مادخلنا المدينه سرنا ندور مكان نيلس فيه نتغدى ، كنت طابخه وشاله غدايي (( ما أيوز عن حركاتي ))













وسرنا صوب النهر ، ويلسنا في موقع وايد حلو تحت شيره ( شجره ) مجابلين نهر الراين
























للاسف ماعندي صور كثيره واغلب الصور شخصيه

فرشنا زوليتنا (( سجادتنا )) وتغدينا وعقب ماخلصنا دخلنا السنتر


((للاسف ماعندي صور السنتر ))

تمشينا شوي وعقب رجعنا منتجعنا


في المره اليايه بخبركم عن رحلتنا بالتلفريك في مدينة كوبلينز



تابعوني ...

 

هداوه غير متواجد حالياً   رد مع اقتباس
قديم 05-01-2015, 05:43 PM   #8

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


نتابع معاكم جولاتنا حوالين كوخيم

اليوم بنسير وياكم صوب كوبلينز أو كوبلنس koblenz


اللي تغدينا فيها في الرحله اللي طافت

وهي تبعد عن منتجعنا ساعه

وهي مدينه كبيره وفيها أسواق كبيره ومولات وكم مره زرناها للتسوق

معلومات أكثر عنها من خلال موقعهم السياحي

Home - Koblenz-Touristik

صور لمديتة كوبلنز

صور لأسواق كوبلنز

معلومات منقوله عنها


هي مدينة صغيرة و جميلة و هادئة و يكفيها يومين زيارة

لكن بالقرب منها يوجد العديد من القلاع و الاماكن الجميلة
فيها يلتقي نهري الراين و الموزل في منطقة تدعى الزاوية الالمانية
الافضل السكن بقلب المدينة و حينها لن تحتاج للمواصلات
buga2011
ما هي الbuga2011 ؟
كل سنتين يتم اختيار مدينة في المانيا لتكون معرض الحدائق ... و يتم تجهيزها قبل فترة لتكون في أجمل زي لها.
و مدينة كوبلنز تم اختيارها لتكون كذلك في عام 2011 ..


فيديو مصور عن مدينة كوبلنز




رحلتنا بالتلفريك



عنوانهم











أول ماوصلنا بركنا مسافه ويينا نمشي صوب النهر وين محطة الكيبل

عجبني هالفندق












وصلنا لين الكيبل ونسيت كم التذاكر












الحلو في التلفريك انه يعبر نهر الراين والمنظر جميل






























والاحلى في الكيبل كار ان بعضهم فيهم زجاج ع الارضيه وتشوفون المنظر من تحت












وصلنا





أول ماوصلنا شفنا مساحات خضراء






نسيت أخبركم انه فوق فيه قلعه
ويوم وصنا مشينا مسافه صوب القلعه عشان ندخلها
طبعا أنا ماتهمني القلاع وهالسوالف التاريخيه ، أنا سايره أدور المطعم أو الكوفي اللي فوق أتوقع أنه موقعه بيكون ع مطل حلو
لما وصلنا صوب مدخل القلعه شفنا وايد ناس واقفه ، وبعد شويه فتحوا الباب ودخلوا الناس ، وبعض من الناس لابسين أسود وأشكالهم غريبه

نحن مشينا وراهم نبا نشوف شو السالفه ، ورانا حاجه ههههههههههه





وبعد مامشينا مسافه وصلنا لمكان فيه كشكات يبيعون أكل وفيه مسرح
والظاهر انه عندهم حفله موسيقيه ماجنه في هاليوم
وصادف انه نحن من أوائل الناس اللي واصلين
وكل شويه يزيدون الناس





طبعا نحن مابنحضر حفلتهم ولكن شاركناهم في الشي المهم





عقب ماكلينا البطاطس الحاره سرنا نتمشى ونستكشف المكان
وشفنا المطعم اللي أدوره





المكان حلو والمطل روعه بس للاسف الجو مب حلو كان مشمس وحار شوي
وطبعا لازم نبرد ع عمارنا بـ











صورتلكم الكيبل كار من فوق

























ماطولنا وايد في اليلسه وقررنا ننزل عشان نبا نسير نتمشى في السنتر وسط الاسواق
المكان جميل ويستحق الزياره ولكن يفضل زياره بدري شويه
وفي حجز التذاكر للكيبل في بكجين بس نسيت الشو هم ، أسألوا عنهم ، واللي مايحب يركب الكار يقدر يوصل بالسياره لين فوق
شفنا وايد ناس يايين بسياراتهم ، بس في رآيي الكيبل كار أحلى وفيها مغامره



تابعوني في رحلتنا اليايه واللي بتكون في مدينة الالعاب


فانتازيا

 

هداوه غير متواجد حالياً   رد مع اقتباس
قديم 05-01-2015, 09:16 PM   #9

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: قرية كوخيم الالمانيه وماحواليها


PHANTASIALAND

فانتازيالاند


أولا : معلومات منقوله عن فانتازيا

عنوانها

Phantasialand

Berggeiststraكe 31-41, 50321 Brüh


تقع في بلدة (برول)Bruhl القريبة من مدينة (كولون) Cologne الالمانية .


* تعتبر أقدمالمنتزهات الترفيهية في أوربا .


* تحتضن 70 قسماً لكل منها ديكورهالخاص ومميزاته التى توفر للجميع أفضل الأوقات


الاوقات

9.00 صباحاً -6.00مساءاً


في الصيف


9.00 صباحاً- 9.00 مساءاً


الأسعار

* للكبار 25.5 يورو


* للصغار 21.5 يورو


أسعار تذاكر ليومين متتالين لذات الشخص


* للكبار 37 يورو


* للصغار 27 يورو


* الاطفال والبالغين الدخول لهم مجاناً اذا صادف يوم عيد ميلادهم (بشرط تقديم ما يثبت)


* الاطفال مجاناً للي طولة أقل من من متر


أقسام المنتزة

برلين القديمة (Alt Berlin)

وبعد فيه اقسام ثانية مثل:

رؤية النجوم (Galaxy)


مملكة 1001 ليلة (1001 Nights)


القارب الرومنسي


مدينة الصين (ChinaTown)

ستشعرون أنكم في رحاب الصين لحظة وصولكم إلى (ChinaTown)

وتعرف أيضاً بإسم أرض الإبتسامات ستشاهدون هنا نماذج من الأبنية التى تنتشر في الصين منذ مئات السنين

ومن المعروف أنه أحضر لبناء هذا الحي مئات البنائين والفنانين الصينيين


ليجعلوا من هذه البقعة التى تمتد على مساحة 24 متر مربع نموذجاً مصغراً من الصين على الأراضي الألمانية

مكسيكو (Mexico)

أشجار نخيل . نبات صبار . طرقات على جانبيها موسيقيون يعزفون على آلاتهم الموسيقية ألحاناً شجيه

منازل ومعابد قديمة لشعب المايا ، كل هذا يجعلكم تنتقلون في لحظات إلى أرض المكسيك

وتعيشون أوقاتاً سعيدة وأنتم تتعرفون على معالم المكسيك التاريخية

ننصحكم في هذا القسم لصعود الدرج الذي يوصلكم إلى معبد المايا وبسلوك الأزقة الضيقة التى تقودكم إلى ساحة المدينة

حيث تقام الاحتفالات والمهرجانات الشهيرة في المكسيك وفي أميركا اللاتينية

سيلفر سيتي (Silver City)

مغامر كولورادو (Colorado Adventure)


وفىالافريقى
Deep in Africa
Fantasy


قـلـعـة اللـغـــز (Mystery Castle)


العروض الفنية (Shows)


كثرية القصص الخرافية التى سمعناها أيام الطفولة ستشاهدونها في إطار العروض الفنية التي تقدمها (فاتنتازيا لاند)

هنا عرض بساط الريح الذي يقام بالقرب من بوابة برلين الشهيرة

وهنا أيضاً أكثر من عرض فولكلوري سيشعل الحماس والفرح في قلوب الحضور

فلكل قسم أو مدينة مهرجانها الخاص الذي يعرض جانباً مهماً من فولكلورهم الوطني .

الفنادق القريبه منها

فندق غراني بيرغيشت
(Grani Hotel Berggeist)

1- يبعد عن مدخل المنتزة الرئيسي 400 متر
- يحتوي على 20 غرفة .

2- فندق فانتازيا (Hotel Phantasia)

- يتبع الحي الصيني وهو مصمم وفقاً للهندسة المعمارية الصينية

.
- يضم الفندق 165 غرفة و 13 جناحاً فخماً.


3- مخيم الحفار سموكي

(Smokey's Digger Camp)

4- يتبع مدينة سيلفر وهو عبارة عن مخيم يمكنك المبيت فيه .

5- الخيم مصممه على طراز خيم الهنود الحمر


يضم 10 خيم وتتراوح سعة الخيمة الواحدة من 7 -10 أشخاص


صور من رحلتي

من منتجعنا لين فانتازيا خذينا ساعه ونص

صوراضافيه من النت

موقعهم ع النت

http://www.phantasialand.de/en/home


فيديو عن مدينة فانتازيا




في هاليوم كان حظنا سيئ في الجو


شمس وحر وكانت زحمه كبيره رغم انه زرناه في الايام العاديه يعني مب في الويك اند


ولما استفسرنا عن الزحمه عرفنا انه الالمان كان عندهم اجازه

مب نحاسه

ورغم هذا مامنعنا من الاستمتاع لأنه المدينه حلوه وتستحق

طبعا أنا العابي محدوده لأني ما أحب العب ، لكن عيالنا وايد استانسوا





















































من أجمل العروض اللي حضرتها الرقص ع حلبة التزلج

رووووعه بمعنى الكلمه



















































































هاي شغلتي

أحضر عروض وألاعب الصغاريه ، وآكل

هههههههههههه






وبهالجزء أنهي رحلتنا الجميله لمدينة الالعاب

ونلتقي ان شاءالله في الجزء الياي واللي بيكون في


الجانب الهولندي وزيارتنا للاوت ليت


 


التعديل الأخير تم بواسطة هداوه ; 06-01-2015 الساعة 12:24 AM
هداوه غير متواجد حالياً   رد مع اقتباس
قديم 05-01-2015, 10:09 PM   #10

خبير سفر وسياحة

الصورة الرمزية وجهات أوروبية
 
تاريخ التسجيل :  Jan 2015
رقم العضوية : 931
الدولة : قطر
الجنس : ذكر
المشاركات : 4,537



أوسـمـة: وجهات أوروبية

كل الاوسمة:1 (more»)
افتراضي رد: قرية كوخيم الالمانيه وماحواليها


ماشاء الله تبارك الله على هذا التقرير المميز الملئ بالتفاصيل والمددعوم بالصور والعناوين

بصراحه ابدعتي وشكلها كانت سفره ممتعه

تستاهلون السلامه وتقرير خمس نجوم

 

وجهات أوروبية غير متواجد حالياً   رد مع اقتباس
إضافة رد

الكلمات الدلالية (Tags)
الالمانيه, وماحواليها, قرية, كوخيم

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أماكن سياحيه قريبه من أنترلاكن وماحواليها هداوه بوابة سويسرا 73 12-08-2019 06:04 PM
( new) منتجع يديد في قرية كوخيم cochem الالمانيه .. لايفوتكم هداوه بوابة المانيا 29 11-08-2018 12:14 PM
تجربتي في الفيزا الالمانيه اليوم 29/4/2015 الشهري فيزا 20 08-05-2015 04:14 PM
هوكسي قرية صينية جميع سكانها أثرياء بالصور , هوكسي افخم قرية صينية بالصور عامر بوابة الصين وهونج كونج 15 25-04-2015 07:23 PM

الساعة الآن 01:31 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO