|
اقتباس:
المباركية ماقدرنا نفطر فيه لان الجو كان حار شوي تحياتي،،، |
اقتباس:
للاسف ماقدرنا نفطر الصباح بالمباركية كانت الاجواء حارة شوي تحياتي |
اقتباس:
الديرة منوره باهله الطيبين ريما لا تحسفت اما الافينيوز كان زحمه بس يستاهل البرميت اخذت وحده جربتها وكانت ممتازة وباذن الله برجع للكويت بوقت الشتاء تحياتي ،،، |
بسم الله وعلى بركة الله نبدأ من جديد اليوم الثالث والاخير قبل وداع الكويت الحبيبه استيقظنا الصباح وفطرنا بالفندق وعند الساعة 9 والنصف ذهبنا مره اخرى لسوق المباركية لشراء بعض الاغراض وخاصة البقصم (الشابورة) وكانت من محل الشمالي في سوق المباركية طعمها رائع جداً وخفيفة على البطن انصح الجميع بشراءها وايضاً شرينا بعض الاغراض وبعد المباركية رجعنا للفندق وارتحنا قليلاً وذهبنا للغداء في مطعم فياجيو وموقعه في شارع الخليج اسعاره ممتازه وطعمه رائع ، وبعد المطعم رجعنا للفندق للراحة ثم الذهاب لسوق جيت مول وبصراحة كان بعيد جداً موقعه ولايستاهل الزيارة لصعوبة المواقف والزحمة الشديدة حول المول ثم بعدها وقفت امام محطة بنزين للتزود بالوقود وراح تشوفون شرح للوقود بالصور وسعر الوقود اغلى من السعودية بحاجة بسيطة يعني أنا اعبئ سيارتي من بنزين 91 بسعر 35 ريال في الكويت اعبيها 50 ريال تقريباً الصورة اعلاه ليست لمطعم فياجيو لكن مطعم ومقهى بجانب فياجيو نسيت اسمه بصراحة خطير هالفتوتشيني انصحكم بتجربته لذيذ طبعاً بعد الرجوع للفندق حزمنا وجهزنا حقائبنا للعودة للرياض وطلبنا عشانا من تطبيق طلباتي من مطعم ميس الغانم الاكل ممتازة والاسعار ممتازة لكن بصراحة اوتار افضل منه اليوم الرابع رحلة العودة صحينا الصباح وافطرنا ثم صلحنا تشك اوت للفندق وحملنا حقائبنا ومسكنا الخط بصراحة الكويت ماتكفيها 3 ايام اقل شي اسبوع البلد وسيع صدر سوف اعرض لكم الجوانب الايجابية والسلبية في دولة الكويت وبإذن الله يكون رأيي بدون نفاق او كذب الايجابية اهلها طيبين مره وتسلم عليهم يسلمون عليك مباشرة بكلمتهم وعليكم السلام حياك للاسف ان بعضنا وليس اغلبنا يحكم على الشعب من وسائل الاعلام سواء الشعب خليجي او اجنبي اذا بتحكم لازم تروح بنفسك عندهم وتحكم يعني انا شفت الرجال والنساء بالكويت ماشفت منهم الا كل طيب واحترام الاهتمام بالتشجير الشوارع نظيفة نوعاً ما رخص اسعار المطاعم والهايبر ماركت والاغذية بشكل عام التخطيط للاحياء والقطع الجوانب السلبية غلاء الملابس الزحمة في بعض الشوارع تهور بعض قائدي وقائدات المركبات الجوازات في الدخول معقدة نوعاً ما معلومات عامة للرحلة افضل طريق للذهاب للكويت من الرياض طريق المجمعة حفر الباطن الرقعي انتبه من الجمال السائبة في الارطاوية وام الجماجم والكويت انصح بالذهاب والعودة بالنهار وبالاخير اعتذر عن اي خطأ مطبعي واعتذر عن ضعف امكانيات التقرير لان اول مره اكتب تقرير واشكر لكم حسن القراءة واشكر جميع القائمين بالمنتدى ونشوفكم في رحلات مقبلة أخوكم أبوريما |
ما شاء الله تقرير رائع يابو ريما و تفاجأت أنه أول تقرير لك بعد كذا تراك مجبور تكتب لنا تقارير جديدة لأن أسلوبك رائع بصراحة شوقتنا للكويت أتوقع مثل ما قلت بالشتاء أفضل شكراً على ذكر الايجابيات و السلبيات ما قصرت الله يعطيك العافية |
ماشاء االله جولات عديدة بـ 3 ايام ... ممتازة .. فريج صويلح ممتاز واسعاره معقولة ... بالعكس ابو ريما التقرير رائع وجميل والصور مرتبة والظاهر انك تنزلها انستغرام .. تقرير جميل ومرتب وجولة غنية .. يعطيك العافية اخي الكريم ... |
صدقت الكويت ما تشبع منها في ثلاث ايام أنا جربت يوم ويومين وخمس ايام بس و الله ما شبعت منها و ان شاء الله هالمره بقعد اسبوع تسلم على الصور و على التغطيه بصراحة أبدعت في كل شيء و ننتظر منك تقارير قادمة |
حياك الله اخوي ابو ريما وو نورت الديره :(114): ان شاء الله تعودونها بالشتا مع ريما الله يخليلك ياهم :(125): الجوازات صارت معقده تعرف بعد احداث وو تفجير الي صار .. :yolks00380: |
حياكم الله بوريما وتنورونا [emoji253] فعلا انا كل ضيف اذا بيي الكويت انصح بالشتا طول السنه حلوه بس الشتا حلو عندنا [emoji170][emoji170] الميزات اللي ذكرتها ان شاءالله تصير للاحسن. الجوانب السلبية - غلاء الملابس ( انا من رأي واللي اشوفه عندنا الرخييص والمتوسط والغالي ) وخصوصا العمليه اسعارها ممتازه يكمن انتوا مارحتوا المجمعات اللي تبيع بأسعار متوسطه ورخيصه.. - الزحمه ( اتفق معاك ميه بالميه [emoji174][emoji24]) - التهور ( اتفق معاك بعد ) - الجوازات ( اعتقد لأنكم اول مره تدخلون الكويت فيحتاجون تسجيل البيانات ) ان شاءالله المره اليايه ماتصادفكم هالسلبيات وتندمج مع الايجابيات [emoji120] جم تعطي الفندق من عشره؟ ومشكووور وايد على التقرير الخفيف والحلو [emoji108][emoji253][emoji253] واكيد ناطرينكم بزيارات يايه لديرتكم الكويت[emoji253] Sent from my iPhone using Tapatalk |
يعطيك العافيه على التقرير الجميل والنصايح الشمالي أحلى حلويات كويتية من زمان چان أخذت رهش وحلوى لذيذه عنده والدرابيل بعد روعه بس هذه يبيلها بالشتاء الذ تصير وتدفي الجسم فياجيو اول مره اسمع عنه عليكم بالعافيه الاكل الايطالي لذيذ الجوازات لأنك اول مره تصير هالتعقيدات والتسجيل بس مره ثانيه اعتقد بتكون أسهل بوايد البنزين عندنا غالي ونستانس لي عبينا منكم بالطريج للبحرين الغيت زحمة غير طبيعية بس محلاته حلوة ومطاعمه بعد الزحمة بكل مكان والله يعين شكراا للتقرير الجميل عن كويتنا الحبيبة |
| الساعة الآن 12:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO