|
جدولكم ممتاز بس انا اشوف لنكاوي احلى من بينانق من رايي تقعد بلنكاوي اكثر من بينانق شوف تقارير الاخوه الاعضاء علشان تقرر وصح عموما الفنادق تعتمد عالميزانيه .. و مده الاقامه تعتمد على شنو الانشطه اللي تفكر فيها يعني اللي اول مره يروح بيجرب كل شي اما اللي رايح مو مهم يجربهم مره ثانيه بس انا بقول عن كوالا .. بما انه انت و زوجتك بس انا رايي تقعد ب شارع العرب .. او فنادق حوالين البافليون الفنادق حلوه هناك واسعارها زينه .. والاهم انه الشارع طول الليل شغال .. يعني اذا خلصتو مشاوريكم و طلعاتكم تقدرون تتمشون بالليل هناك |
هلا أخوي احمد أتمنى لك رحله سعيده في ربوع ماليزيا اتفق مع الآخوان في جعل أيام لنكاوي اربع ليالي بالنسبه للفنادق أنصحك وبقوه بجراند حياه كوالالمبور الفندق هذا اثاثه فخم وحديث وموقعه ممتاز ومفتتح 2012 سعره يتراوح بين 500 إلى 650 ريال وسعر التاكسي بحدود 12 رنجت الى شارع العرب وتقدر تروح مشي عن طريق الجسر المكيف اختلف مع اللي يقولون تردز بل لاتوجد مقارنه من ناحيه حداثه وفخامه الغرف ميزه تردز اطلاته ع البرجين بالنسبه للنكاوي اول لليلتين انصحك بفندق تانجو رهو هناك رح يسحرك شاطى الرهو وهو بالنسبه لي أجمل الشواطئ في لنكاوي سعره من 500 إلى 650 ريال أما باقي الليالي فلا بد من المرور بفندق الويستن الفندق كمنتجع جميل جداً والافطار فيه مايفوت والأسعار من 500 إلى 2500 ريال..السكن في فندقين بالنكاوي ضروري من وجه نظري لانها تملك تنوع طبيعي مذهل. أما بينانغ فيه فندق واحد(فقط) يصلح للمعاريس شانغريلا جناح الراسا هذا الجناح مافيه مسابح للاطفال ورايق وهادي ونظيف جداً سعره مابين ال 600 إلى 700 ريال وفيه غرف أغلى .. سلانغور بما أنها اول زياره أنصحك ب الفندق المعروف صن وي وإذا الميزانيه تسمح أخذ الفلل بس تكون أغلى فوق ال 1000 ريال ولو أنها ثاني زياره لنصحتك بفندق ماجستيك كوالالمبور فندق روعه وعنده باصات مجانيه توصلك ل شارع العرب وغيره ومن خلاه تقدر تمر ملاهي الصن وي لاقون تقبل تحياتي وأمنياتي الصادقه برحله سعيده في ربوع كوالا |
بارك الله فيكم والله خجلتوني بطيبتكم وفزعتكم لي جعل والديكم بالجنه ان شاء الله راح استشيركم اليومين هذه بآخر مستجدات برنامجي |
تخفيضات على اسعار الطيران والفنادق اسعار بتخفيضات تصل لغاية 30 بالمائة. اسعار خاصة لزيارة دول جنوب شرق اسيا وتركيا. لمزيد من المعلومات والحجز يرجى المراسلة على ################################# |
السلام عليكم ايش رايكم باخر ترتيب سويته الوصول ١١/٢ الى ١٢/٢ اول ليله بفندق قريب من المطار للحين ما اخترته "اقترحوا لي" ١٢/٢ الى ١٦/٢ اربع ليالي في لنكاوي بقسمها ع فندقين اختارو لي ويستن ، ذا دانا ، ميريتوس ، ذا فيلاز ، فيفانتا باي تاج ١٦/٢ الى ١٩/٢ ثلاث ليالي بينانغ اختاروا لي من هالثلاثه بارك رويال، قولدن ساندس، هوليدي ان ١٩/٢ الى ٢٤/٢ خمسة ليالي بكوالالمبور بحجز في فندقين جران حياة وماندرين اورينتال طبعا يوم ٢٤ هو الاقلاع الصباح للديار |
اول ليلة فندق جراند لكزس ببوردت ديكسون غرفة سكاي بمسبح خاص لنكاوي ذا دانا ثم ويستن ثم بلانجي بيتش ثم فيفانتا بينانج قولدن ساندس ثم (بارك وهوليدي نفس المستوى والموقع) كوالا جراند حياة اوﻻ ثم مندرين وفي لنكاوي انصحك بفندق واحد كلها 4 ايام اما كوالا ممكن على فندقين |
ماقصر أخونا هاي مزمز اختيارات ممتازة |
السلام عليكم ابشركم انتهيت من تنسيق البرنامج وحجز الفنادق على النحو التالي: الوصول 11 فبراير الساعه 8 بالليل تقريبا ولم احجز شي لهذا اليوم لاني مااعرف بالضبط متى تنتهي اجرائات الخروج من المطار فخليته مفتوح وابتديت من اليوم الي بعده 12\2 الى 14\2 ليلتين سيلانغور في صن واي 14\2 الى 16\2 ليلتين لنكاوي ذا ويستن 16\2 الى 18\2 ليلتين لنكاوي تانجونغ رهو 18\2 الى 20\2 ليلتين بينانغ شانغريلا راسا 20\2 الى 24\2 اربع ليالي كوالالمبور غراند حياة المغادره ستكون الصباح يوم 24\2 الشي الوحيد الي مستصعبه هو امر المواصلات لانها متعدده في وسائل النقل بين تكاسي الوان واشكال وبين باصات برضو متعددة الالوان وبين باخره وطيران داخلي والخ. ابي منكم تفيدوني من هالناحيه بطريقه مختصره بالاضافه للحجوزات التابعه للطيران الداخلي ابي احجزها الان ولكن مو عارف احجز في اي وقت يعني مو عارف اخلي وقت الاقلاع يكون بأي ساعه بالنسبه للانشطه ما ابي اروح الا للي يستاهل فقط اما التافه والبايخ ما ابيه ساعدوني ربي يرضى عليكم |
الفنادق ممتازة جدا خطوط الطيران : اير اسيا وماليندو وفايرفلاي وكلها طيران اقتصادي وايضا طيران راياني ويخدم منطقة مالاكا ويوجد الماليزية وهي اغلى وافضل وبعض الاحيان عليها عروض ارخص منهم جميعا والوزن فيها 30 كيلو وداخل الطائرة 7 كيلو بعكس الاقتصادي اللي تشتري فيه الوزن . ايضا يوجد طيران برجايا لبعض الجزر ... طبعا الحجز المبكر راح تحصل اسعار ممتازة ودائما خلي وقت رحلتك على 12 الظهر وقت مماز جدا تلحق تفطر على راحتك المواصلات : بالنسبة للمواصلات في ماليزيا ففي المطار اما بالتاكسي وذلك عن طريق مكاتب التكاسي ولها سيارات مخصصة قبل الخروج من المطار والاسعار تتفاوت حسب حجم السيارة وهذا الشي يحكمه عدد الافراد والشنط فقط تعطيهم اسم الفندق ... بالنسبة لهذه المكاتب في الاونة الاخيرة ارتفع سعرها وعموما السعر الى منطقة الصن واي لاجون في حدود 80 رينجت او عن طريق التاكسي بالعداد وهو موجود في الدور الارضي فقط تذكرة اعتقد بــ 2 رينجت وبعد كدا بالعداد وهذا اوفر لكن التكاسي راح تكون انت وحظك قديم جديد لانها لعامة التكاسي الطريقة الثانية بالباص رخيصة واقتصادية واعتقد في حدود 10 رينجت للشخص الطريقة الثالثة بالقطار اكسبريس وهو الاسرع لكن النزول راح يكون في محطة kl sentral بالنسبة لكوالا وبعد كدا تاكسي الى الفندق واعتقد الشخص للقطار بـ 40 رينجت الطريقة الرابعة ايضا داخل كوالا المونورول (المترو ) اقتصادي و تجربته جميلة ورائعة لكن بالنسبة لكبار السن واللي عنده اطفال وعربات راح يتعب شوي واشوف ما يحتاج ان احد يستقبلك في المطار لان الامور واضحة جدا في المطار كما يوجد تطبيق ماي تاكسي الرائع على الجوال عند تشغيله في أي مكان راح يعطيك السعر التقريبي للمكان اللي رايحين فيه وبعد كدا يوضح لكم التكاسي القريبة منك واللي وافقوا على السعر ويمكن تضع زيادة بقشيش في التطبيق وعلى طول راح تشوف كمية الاتصالات عليك البرنامج هذا كان له تقرير رائع من اخونا العدني الله يذكره بالخير في المنتدى السابق اذا كان الاتفاق بالجولة في كوالا او سلانجور اعتقد الساعة في حدود 25 الى 30 رينجت للساعة الواحدة في لنكاوي المطار نفس الطريقة مكتب التكاسي والسعر بسيط غالبا لمعظم الفنادق 20 الى 25 رينجت عدا بعض الفنادق البعيدة مثل اندامان وانصحكم في لنكاوي باستئجار سيارة واسعارها حسب الموديلات والشركة من 60 رينجت الى 120 بالنسبة لاسعار الجولة في لنكاوي الساعة ب20 رينجت الى 25 بالنسبة لمكاتب التكاسي في المطار دائما تكون قبل بوابة الخروج يعني لما تستلموا الشنط وتعدوا تفتيش الشنط راح تمشي شوي وتحصل مكاتب تاكسي اوفيس او اسأل اي موظف رسمي في المطار وانتبهوا من النصابين اللي يتكشخوا في اللبس ويضحكوا على العرب من ناحية التكاسي ونصب حجز الفنادق فنصيحة اي شخص يأتيكم ويسوي نفسه موظف ويلزمك انك تأخذ تاكسي من عنده اعرف انه نصابوطبعا زي ما قلت في الدور الارضي يوجد تاكسي العداد بالنسبة لبعض الاسواق فيها مكاتب تاكسي يعني مثلا سوق البراميد صن واي لاجون امام مدخله الرئيسي يوجد مكتب واسعاره رخيصة بس تعطيه اسم الفندق ويعطيك السعر اذكر اني رحت من عنده الى شارع العرب ب 24 رينجت بينما لو وقفت تاكسي من خارج هذا المكتب راح يقولوا 40 رينجت لكن مع التطبيق السعر معروف الان طبعا الانشطة في سلانجور افضلها ملاهي الصن وي لاجون والماينز وبوتراجايا واي سيتي وافضل مجمع هو مجمع البراميد في كوالا : البرجين وحديقة البرجين والاكواريوم - ملاهي التايمز كوير - حديقة الطيور والزهور والفراشات - حديقة الحيوان زو نيجارا - منارة كوالا - الباص السياحي - مجمع البافليون والتايمز كوير ومجمع سوريا وكوالا وسلانجور قريبة من بعض مسافة 25 دقيقة بالسيارة يعني اللي فاتك في سلانجور ممكن تعوضه وانت في كوالا لنكاوي : القرية الشرقية والتلفريك والبطة البرمائية - رحلة المانغروف ورحلة الغروب - دبابات الدفع الرباعي في مزارع الارز- حديقة الفواكه - سباق الفورمولا ون - العاب بحرية في شاطي سينانغ او الرهو - شلال تيمرون - ميدان النسر بينانج : الباص السياحي - محلات القهوة والشكولاتة والعسل - هضبة بينانج وسد اير ايتام دام - العاب بحرية في شاطي الباتو فرينجي - لعبة الهروب من الغرفة- مجمع قورني بلازا رحلة ممتعة هاي مزمز |
بارك الله فيك وماقصرت فديت راسك |
| الساعة الآن 01:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO