شبكة و منتديات العرب المسافرون - ~||- ميترو طوكيو Tokyo Metro -||~ ((كل ما تريده))

- بوابة اليابان (https://www.arabtrvl.com/vb/f126.html)

- - ~||- ميترو طوكيو Tokyo Metro -||~ ((كل ما تريده)) (https://www.arabtrvl.com/vb/t13309.html)

الشبح100000
لا أخوي مو بهذي الطريقة
IC هي نوع من أنواع طريقة دفع قيمة التذاكر موجودة بالميترو والقطارات

* الميترو وهي تنقلات داخلية إما تدفع عن طريق بطاقة الشحن بخاصية IC أو تشتري تذكرة يوم كامل أو أكثر حسب المدينة وعروضها أو تشتري تذكرة لكل مشوار

* قطارات الـJR وهي على امتداد اليابان إما تدفع عن طريق بطاقة الشحن بخاصية IC أو تشتري تذاكر الـPass للسياح أونلاين قبل السفر وتكون لمدة اسبوع أو اسبوعين أو ثلاثة أو تشتري تذكرة لكل مشوار

الفرق بين القطارات والميترو
أولا تعرفها من رموز الشركات
ثانيا تعرفها من المحطة نفسها يكتبون Subway ولا Train
وطبعا الميترو غالبا يكون تحت الأرض أما القطار يكون في الأعلى
لما تشوف على الطبيعة راح تميز بينهم

جزاك الله خيرا علي المعلومات القيمة والثرية

اكثر موضوع فادني اشكرك

الشبح100000
أجمعين
شكراً لمرورك الجميل

abeeral
العفو أختـي
وشكراً لمرورج الطيب

يا اخوان هل JR pass يغني عن بطائق IC

Alosh
بطاقة IC هي بطاقات الشحن مثل suica و pasmo
تعبيها رصيد وينخصم الرصيد عند الدخول والخروج من بوابات محطات القطار
أما JR Pass يعتبر مثل جواز بس يشوفه موظف المحطة يسمح لك تعبر أو تقدر تطلب حجز مقعد بالقطار
ويكون طلب JR Pass قبل السفر وغالبا يكون للتنقلات الخارجية والبعيدة للتوفير

ماقصرت على الشرح الوافي

انا باذن الله راح اكون في اليابان مع الاسره في اغسطس القادم وقريت اغلب ان لم تكن كل مواضيعك وبصراحة مرجع لكل زائر لليابان لان المحتوى العربي للسياحة في اليابان قليل. سؤالي كالتالي:

1- هل بطاقات اعادة الشحن ممكن استخدامهم باكثر من مدينه مثلا اوساكا وطوكيو او لكل مدينه بطاقة مختلفة لاني سمعت انه مؤخرا هالشئ ممكن.

2- هل اقدر استخدم وحده من هالبطاقتين لكل وسائل النقل بما فيها الباصات وخط JR Yamanote Line خصوصا ن مالي نيه اشتري JR Pass لان رحلاتي ما تغطي التكلفة (اوساكا - نارا (ذهاب وعودة)، اوساكا - كيوتو (ذهاب وهودة)، اوساكا - طوكيو (ذهاب فقط)

وشكرا مقدما

**Abu Faisal**
للأسف بطاقة الشحن ما جربتها شخصيا ولكن إن شاء الله راح أفيدكم من خلال تجربتي القادمة

لأن في عدة شركات لبطاقة الشحن ولكن أظن أغلبها يقبل بطاقة Suica خصوصا القطارات

عموما بالنسبة للميترو انصح بشراء تذكرة يوم كامل خصوصا لما تكون تنقلاتكم داخل المدينة كثيرة راح توفر عليكم وايد

أما القطارات وهي مثل إلي بخط Yamanote و osaka Loop تعتمد أكثر على Suica
وتقدر تعبي البطاقة مثلا 1000 ين وإذا المكان ما يقبلها تقدر تشتري تذكرة للمشوار

الموضوع إن شاء الله سهل

وأشكرك على الإطراء هذي شهادة أعتز فيها