بارك الله فيكم جميعا . أكيد طبعا أنا كنت عارف مدى القلق اللى كان عند جميع الأعضاء هنا بخصوص السفر لأوروبا عموما و فرنسا بشكل خاص عشان كده بمجرد ما وصلت و اطمنئيت إن مفيش مشاكل طمنتكم على طول

Sent from my SM-N915F using Tapatalk

الله يسلمك يا أخ فيصل
الحمد لله على كل شئ
والله بعد السفر أنا ندمت على تقليل مدة الإقامة بباريس لكن الحكم على الأمور قبل و بعد السفر يختلف تماما. قبل السفر خوف و قلق و توتر و مش عارف إيه اللى ممكن يقابلنى حتى الأهل ماكانوش عارفين بسفرى . بعد الرحلة الأمور كانت جيدة لكن كنت مرتبط برحلات و حجوزات صعب أغيرها و فى المجمل الرحلة كانت جيدة و استمتعت بيها الحمدلله و جارى إعداد باقى التقرير

Sent from my SM-N915F using Tapatalk

الوصول لمطار شارل ديجول

المرحلة الأصعب في الرحلة الوصول لمطار شارل ديجول. ركبت الطيارة من مطار براغ ووصلنا تقريبا بعد حوالى ساعة طيران لمطار شار ديجول بباريس و طول الرحلة طبعا كان عندى قلق شديد من كلام الميديا و رفض الأصدقاء لسفرى و ما انتظره من مجهول فى باريس و حاولت طول الرحلة أكثر من الدعاء و الأذكار .
معظم الرحلة السحاب مغطى الأرض منظر جميل و عند بداية الهبوط التدريجي كان في ضباب شديد يحجب الرؤية لدرجة إنى فوجئت إن الطيارة نزلت على الممر مرة واحدة و كنت أعتقد أننا لسه طايرين على إرتفاع عالى .
هبطت الطائرة فى مطار شارل ديجول كان الوقت تقريبا 9 و نص صباحا مش متذكر الضباب حاجب الرؤية تماما و خرجت من الطيارة لل Aero bridge عقلى بيفكر يا ترى إيه منتظرنى
https://uploads.tapatalk-cdn.com/201...654a541f1f.jpg

https://uploads.tapatalk-cdn.com/201...2178da1c3e.jpg

Sent from my SM-N915F using Tapatalk

دخلت صالة الوصول ووضعت ثقتى في الله سبحانه وتعالى و مشيت بكل ثقة و كانت المفاجأة القوية بالنسبة لى الحياة طبيعية تماما و هناك محجبات و مسلمين لا يوجد اى مشاكل مشيت على لوحات Exit / Sortie و تقريبا لقيت نفسى بأخرج بره صالة الوصول مفيش أى حد بيوقفنى و لا بيسألنى رايح فين و مفيش جوازات لأنى ختمت دخول فى براغ.

https://uploads.tapatalk-cdn.com/201...f5d1a07f13.jpg]

لحد ما وصلت لباب خروج نهاية الصالة كان في مكتب عرفت من طبيعة الأسئلة انه جمارك كان ممكن أمر على طول للخارج من غير وقوف لكن عدم تصديقى للى شايفه و إن الأمور طبيعية غير ما يقال فى الميديا خلانى أقف عشان استوعب كان فى مسافر شكله من شرق أسيا و موظف من أصول أفريقية يبدو إنه بيفتش شنطة المسافر الآسيوي. و نظر لى كأنه مستغرب إنتظارى خصوصا إن ماكانش معايا غير هاندباج على ضهرى . ثانى جه شاب فرنسى ظريف رحب بى ودار بينا الحوار التالى

سالنى عن سبب الحضور لفرنسا
_ سياحة لمدة يومين
- سالنى جاى منين
-من دبى
-فقال لي لكن البوردينج من براغ
- قلت له لا ترانزيت فقط فى براغ
-سالنى عندك مكان تسكن فيه
- نعم عندى حجز فندق
- طيب معك فلوس تعيش منها 2000 أو 3000 يورو
- قلت له لأ معايا 400 يورو لأنى معايا كروت إئتمان صالحة دوليا
- سألني هل معاك توباكو يقصد سجائر
- لأ مش معايا
- فكرر السؤال مش معاك توباكو فى الهاندباج
- هنا فهمت إنه موظف الجمارك فقلت له لأ و اتفضل فتشها لو عاوز
- رد على لأ اتفضل و رحب بى مرة تانية

و انا طبعا فى قمة الذهول كده خلاص ادخل باريس مفيش بوليس و لا أسئلة و لا إتهام بدون دليل لأنى عربى . للأسف كل ما سمعناه في الميديا كذب في كذب الموظف كان في قمة الذوق معايا كنت عاوز ارجع أسأله هو كده خلاص بجد أنا دخلت باريس و لا بتهزروا معايا [emoji23]

و فعلا خرجت و انا بأحمد الله على فضله و منه على و وجدت الأمور أكثر من طبيعية عرب و مسلمين ومحجبات كتير . بلد لايمكن تتصور إن كان فيها آحداث دامية من أسبوعين فقط أو أن بها حالة طوارئ كما يقال

https://uploads.tapatalk-cdn.com/201...619db65612.jpg

https://uploads.tapatalk-cdn.com/201...c82c322476.jpg

طبعا اول شيء عملته طمنت اخويا و اصحابى إن الامور كلها طيبة و ما واجهتنيش اى مشاكل و بالمناسبة اخى الصغير بيشتغل فى جمرك إسكندرية و دايما بيكلم أصحابه في مطار إسكندرية عشان ادخل بسرعة و أقسم بالله دخلت مطار شارل ديجول أسهل من دخولى مطار برج العرب في إسكندرية.

بعدها سألت موظفة الاستعلامات اشترى خط تليفون منين فدلتنى على ال book Shop و فعلا اشتريت خط اورانج ب 40 يورو فيه 120 دقيقة دولى و 1 جيجا بيانات اقدر استخدمهم في كل أوربا .

مشيت على اللوحات بتاعة المترو و سألت فى مكتب استعلامات آخر عن مكان المترو و التذاكر و فعلا دلتنى الموظفة و عكس ما يشاع عن الفرنسيين إنهم مش بيتكلموا إنجليزي كويس كانوا بيتكلموا انجليزى كويس جدا و ودودين جدا و مبتسمين عكس ما بيشاع عنهم تماما.
طبعا ابتعدت عن ماكينات التذاكر و دخلت على شباك التذاكر و طلبت من الموظفة تيكت لكل المواصلات لمدة يومين دفعت 35 يورو و خدت التيكت

https://uploads.tapatalk-cdn.com/201...3033c1c4f4.jpg

المطار كبير جدا فتحت عم جوجل الله لا يكسبه و توهت داخل المطار حوالى ساعة و نصف و لما زهقت سألت موظف الاستعلامات و وريته مكان الفندق على جوجل فى passay.
موظف الاستعلامات ده لوحده حكاية أولا باله طويل جدا ولو قعدت ساعة تقوله مش فاهم ما يزهقش و لا يتضايق و حافظ بلده شبر شبر و فاهم جوجل ابليكشن كويس جدا بص فى الموبايل و قال لى لأ جوجل مديلك مسار بعيد حيخليك تغير مواصلة 3 مرات والباص اللى محددهولك شركة خاصة و ما يقبلش التيكت اللى معاك و كمان غالى. إدانى خريطة و قالى انا حاقولك على مسار أسهل و رسم لى على الخريطة. الصراحة شرح لى مرتين مافهمتش كويس لدرجة إنى اتحرجت تانى مرة و قلت له تمام شكرا لكن بال eye contact فهم إنى لسه مش فاهم و أصر يشرح لى تانى و فعلا دلنى على طريق أسهل بالمترو من المطار ل محطة Denfert- Rechereau و هناك باعدى ال subway و اخد الخط الأخضر 6 بإتجاه Charles de galle Etoile مش Nation و أنزل فى محطة Passay. و فعلا توجهت المترو و سألت موظف المترو و أكد نفس الكلام و فعلا ركبت المترو بإتجاه الفندق

ملحوظة هامة احذر من المتسولين و اللي بيدعوا جمع تبرعات للصم و البكم ويقولك وقع للتعبير عن مساندتك لمش عارف مين حيقابلوك كتير أرفض تماما لأن بعد متوقع حيشاورلك على مبلغ التبرع

https://uploads.tapatalk-cdn.com/201...17678cb42f.jpg

https://uploads.tapatalk-cdn.com/201...8a46098ac9.jpg

https://uploads.tapatalk-cdn.com/201...112bcda899.jpg

https://uploads.tapatalk-cdn.com/201...d0a76577a1.jpg

وصلت محطة Passay و توجهت على الخريطة لمكان الفندق في شارع Rue de passay و المرة دى استخدمت برنامج Here بدل جوجل ماب الفندق على مسافة 400 متر فقط من المترو . المنطقة جميلة جدا و باريس بلد رائعة ونظيفة جدا
https://uploads.tapatalk-cdn.com/201...c2f859c984.jpg

https://uploads.tapatalk-cdn.com/201...d5853fe337.jpg

https://uploads.tapatalk-cdn.com/201...c75935978d.jpg

https://uploads.tapatalk-cdn.com/201...11154fbe79.jpg

https://uploads.tapatalk-cdn.com/201...20ee4d0048.jpg

دخلت الفندق موظفة الاستقبال بتتكلم انجليزى كويس جدا خدت مفتاح غرفتي. الفندق نظيف و ممتاز لكنه أصلح للشباب لأنه مكون من طابقين بسلم حلزونى ضيق . لكن الغرفة نظيفة و مرتبة و فيها كل شئ

https://uploads.tapatalk-cdn.com/201...9c6f4e663b.jpg

https://uploads.tapatalk-cdn.com/201...387b1c426c.jpg

https://uploads.tapatalk-cdn.com/201...e393c7e495.jpg

https://uploads.tapatalk-cdn.com/201...af1bbab122.jpg

https://uploads.tapatalk-cdn.com/201...7d42c429a6.jpg

https://uploads.tapatalk-cdn.com/201...30ee2a5f0b.jpg

https://uploads.tapatalk-cdn.com/201...ebf0cdbe19.jpg

https://uploads.tapatalk-cdn.com/201...9378c7b907.jpg

وصلت الفندق حوالى الساعة 2 ظهرا و منه لله عم جوجل اللى توهنى ساعتين داخل المطار [emoji16] صليت الضهر و العصر قصر و رتبت هدوم بسرعة لأن حجز برج إيفل الساعة 3 العصر وقبل التحرك باشيل موبايل سقط الباور بانك بالكابل على الأرض و لقيت الباور بانك مايشحن [emoji17] [emoji17] [emoji17] ظروف معاكسة غريبة طول الرحلة لكن قدرت احط الكابل فى ال USB port بشكل مائل فشحن الحمد لله [emoji3] . و جريت طبعا على برج إيفل اللي ما يبعد عن الفندق غير 10 ل 15 دقيقة مشى و سألت موظف الفندق لأن فاضل ربع ساعة بس على معاد تذكرتى و الموظف بشوش جدا و بيتكلم انجليزى بطلاقة و ودود و متعاون جدا و مشيت على الخريطة اللى ادهالى و فعلا عشر دقائق و وصلت البرج .

يتبع فى التقرير القادم


Sent from my SM-N915F using Tapatalk

لا شكر على واجب أخى الكريم
الصور تظهر عندى من الويندوز و الاندرويد :15:
مش عارف ليه ما تظهر عندك ! هل لأن المشاركة اليوم من الموبايل مش من اللابتوب !!
لو حد عنده نفس المشكلة بأعيد الصور مرة تانية من اللاب توب