|
اقتباس:
اولا بالنسبة للسكن الفنادق والمنتجعات المنتجعات هيا الافخم والاجمل على مستوى العالم... عن نفسي دائما افضل اسكن في منتجع شامل كل شي ... الشلالات في 3 شلالات في انطاليا مانافجات و كورشنولو ودودن العلوي والسفلي وهوا الاجمل بينهم... عندك التلفريك يبعد عن انطاليا على ماافكر حوالي من 70 الى 90 كيلو تقريبا ويعتبر الاكبر في اوروبا سعتو تقريبا 80 راكب ... عندك مدينة اوليمبوس وهي الي قريبة عن التلفريك ويسموها مدينة القراصنة هادي كلها تزورها بالسيارة وترجع لسكنك عندك المدينة القديمة كاليتشي ومرسى القوارب الشواطيء في انطاليا تعتبر من الافضل على مستوى العالم كشاطىء لارا وشاطىء بليك وشاطىء كونتالي في منها رملي زي لارا وحصى زي كونتالتي... في ميني سيتي زي الي بااسطنبول وفي حديقة حيوان جدا جميلة وكبيرة غير الحدائق زي حديقة اتاتورك وكلها بحيرات وبط وعلى الساحل مباشرة ... في رحلات سفاري ورحلات رفتنج غير الفعاليات البحرية ... انطاليا مدينة جدا جميلة... |
اقتباس:
اما الفنادق فتختلف حسب الميزانية ... المنتجعات فيها جدا جميلة ومميزة والافضل انو يكون شامل كل شيء... الاسعار مختلفة تبدا من 300 الليلة حسب المنتجع... وفي فنادق اسعارها جدا رخيصة وممكن تكون شاملة وجبتين و 3 وجبات والفنادق في انطاليا افضل من اسطنبول بكتييير الغرف فيها واسعة الراحة فيها اكتر... لان انطاليا مدينة جدب للأوربيين والروس... |
اقتباس:
جد شكرا لك كثير بستفاد من هذه الاماكن ممكن تخبرنا اسماء المنتجعات يلي سكنت فيهم وتكون شامله كل شيء |
اقتباس:
افضل منتجعات واجملها موجودة بشاطىء لارا وبليك كل سفري كان دايما يكون بأخر مايو شهر 5 ودايما الاسعار معقولة لكن هالسفرة عشان رمضان هيكون قريب اجلتها لشهر يوليو 7 وهاد عز الموسم عندهم سكنت بمنتجع تايتنك ببيلك جدا جميل وكان على ماافكر الليلة بحوالي 150 دولار وسكنت بسي لايف فاملي بكونتالي جميل والشاطيء من تحت الشارع في ممر خاص لكن مو بجمال التايتنك وسكنت بفندق ببيلك اسمو ميلسا جاردن تقيمو سيء ببوكينج لكن لمن رحتو كان غير التقيمات بالعكس جميل وشامل كل شي وسعرو معقول حوالي 100 دولار والشاطىء قريب منو وفي توصيل كل ساعة وحاليا انا حاجز في ان شاء الله 6 ليالي لكن سعرو اغلى الليلة بحوالي 170 دولار... وفي غيرهم كتييييير وتعتمد كلو على الميزانية انا سفرتي ان شاء الله 28 يوم هكون قبل انطاليا بالشمال اوردو وطربزون |
يعطيك العافيه اخوي سؤال بعد ياريت تتكلم عن المكاتب السياحية في انطاليا واسعار الرحلات انا ناوي احجز بمرامرا انطاليا بالارا |
اقتباس:
مرمرة انطاليا جميل لكن اعتقد انو ماعندهم فل بورد بس فطور... ترا اسعار المطاعم مرتفعة باانطاليا واعتقد سعرو ممكن تلاقي منتجع... بالنسبة للمكاتب ماتحتاج شلالات مانافجات هيا من عندها يطلعو الرافتنج والاكشاك عشان الحجز جنبها بس لازم تطلع من بدري ومن عندهم برضو ممكن تحجز رحلة السفاري... وفي بنفس الفنادق بس طبعا السعر يكون اغلى شوي... انا افكر حجزت السفاري عن طريق موقع لكن للأسف ماني عارف اوصلو بس على ماافكر انطاليا توور اتوقع ... بالنسبة للأسعار فهم دايما يحاولو يطلبو باليورو باانطاليا حتى اغلب المحلات لمن تسألهم عن شي يعطيك السعر باليورو وانتا عاد وقتها اطلب السعر بالليرة التركية... السفاري اتوقع 40 يورو للشخص والدباب السفاري اتوقع 45 يورو الرافتنج 30 يورو... الاسعار تقريبا معقولة ... بس الافضل تكون معك سيارة ايجار عشان تقدر تتحرك براحتك وبالنسبة للفعاليات هادي وانتا موجود باانطاليا تقدر تنظمها من اول ليلة ... |
اقتباس:
يعطيك العافيه اخوي مهند بس افضل احجز الرافتنق من الفندق عشان هم ياخذوك ويرجعونك الفندق لانه شالالات مانافجات بعيده عن لارا وبالنسبة للفندق انا ابيه يكون قريب من منطقة كاليجي ويمكن اغير الفندق لكرا باروت سعره 120 دولار بالليله وشكلنا صار عندنا خبر بانطاليا |
اقتباس:
بالعكس ترا ابعد مشوار ماياخد معاك ساعة ... اكرا باروت على مااعتقد كان هوا نفسو ديدي مان وكان الي يحجز في يدخل القرية المائية ... |
اقتباس:
صح هو وترى فيه فندقين نفس الاسم الاول خمس نجوم ومطل على البحر والثاني 4 نجوم وما يطلع على البحر ساعة طريق طويله |
اقتباس:
ترا شاطىء لارا شاطىء مرتفع عن سطح البحر ... بالعكس مع المناظر الجميلة الي حوليك ماتحس بالزمن خضار جبال مناظر جميلة... زيها زي الشمال تقريبا.. |
| الساعة الآن 11:51 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO