X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين13الاعجاب
إضافة رد
 
LinkBack أدوات الموضوع انواع عرض الموضوع
قديم 08-01-2015, 12:51 PM   #1

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
Thumbs up ( new) منتجع يديد في قرية كوخيم cochem الالمانيه .. لايفوتكم


Ferienresort Cochem


مقدمه



لما قررنا نسافر السنه اخترنا نسير المانيا وسويسرا

ولكن بغيت مكان جديد في المانيا ماجربته ، فشفت انه جانب

دوسلدورف واللي حواليها مازرناه من قبل

وبديت رحلة البحث عن السكن

في البدايه بغيت في دسلدورف بس ماحصلت السكن اللي يرضيني

وعقب وانا أبحث في المنتديات قريت عن قرية كوخيم ولكن ماشي تقارير كثيره عنها

وشفت موقعها مناسب وبعد البحث مع بوعيسى

حصلنا سكن في هاي المنطقه وحصلنا هالمنتجع الخطير

مميزات هالمنتجع



1- موقعه في قرية جميله وكل شي حواليها وهاي القريه فيها


فعاليات وانشطه ( بكتب عنها تقريرمنفصل ان شاءالله )

2- انه المنتجع ماسبق سكنوا فيه عرب أو خليجيين ونحن كنا أول ناس حسب كلام الموظفه
يعني تفضلوا اغزوهم

3- المنتجع فيه كثير من الانشطه مثل الغولف وبولينج وبليارد وتأجير سياكل ..الخ

4- المنتجع كبير وفيه كل أنواع البيوت الصغيره والكبيره

5- متوفر في المنتجع سوبرماركت صغير ومطعم

6- قريب وايد من المنتجع ع بعد دقايق بسيطه بالسياره سوبرماركتين ( اسألوا الرسبش عنهم )

7- المنتجع فيه آمان وشرح وحلو

متوفر في البيوت أغلب احتياجاتنا من غسالة الثياب والنشافه وغسالة الصحون ، والمطبخ تقريبا متكامل

8- سرعة خدمتهم لأي شكوى أو ملاحظه أو عطل في السكن

سلبيات المنتجع


1- انه الفوط وفراشات الاسره بفلوس وهذا صدمنا

لما طلبنا 6 أطقم مفارش للاسره ( الطقم عباره عن شرشف ومخده )

طلعوا علينا بـ 50 يورو وطبعا الفراشات ترجع لهم في آخر يوم

واذكر لما يا الريال يا يعطينا المفارش وكان بوعيسى مموجود قلتله نبا فوط 6 وعطانا 6 أطقم

( الطقم عباره وحده كبيره ووحده صغيره )

وعقب لما يابوعيسى وخبرني سالفة الرسوم انصدمت وانقهرت منهم بصراحه

وقلتله انا خذيت فوط منهم أكيد عيل هذا برسوم ، قال عقب لما نطلع ونحاسبهم بنشوف بكم بياخذون عنا

وعقب نسيت السالفه ، وان شاءالله ماخذوا شي منا يمكن مايدرون عنهم

2- بعده عن بعض المدن مثلا

دوسلدورف تبعد ساعتين

وكولون ساعه ونص

وبون أظن ساعه ونص

وفرانكفورت بعد ساعتين أو ساعتين ونص وهكذا

بس بالنسبه لنا ماكان عائق ، لأنه عندنا سياره والجو أغلب الايام جميل

3- غرف النوم صغيره انا أحب الغرف الكبيره

4- البيوت عباره عن طابقين ولأنه نحن خذينا ثلاث غرف نوم ،


فطلعت غرفة نوم وحده تحت وهنتين فوق

طبعا يختلف حسب حجم البيت اللي بتحجزونه ، والتفاصيل في الموقع لكل سكن وبيت

وتفاصيل كامله حتى شو اللي متوفر في هاي البيوت من خدمات يكتبونها

حتى انتوا تختارون رقم البيت اللي تبونه من حيث موقعه

5- المنتجع بدون تكييف ولامراوح فاذا الجو حار فالله يعينكم


والمشكله اذا فتحنا الدرايش ممكن اتينا حشرات

بس المنتجع في منقه مرتفعه والجو عادة يكون حلو فيها

6- الكوايه ممتوفره ونطلبها منهم مبلغ تأمين ويرجع لما نرجع الكوايه سليمه

7- الحمام منفصل عن الشور وتقريبا هذا نظام اغلب الاجانب وما


أدري شو هالتخطيط التعيس اللي يسوونه

8- غرفتنا كان فيها البانيو ولكن الغريب انه قسم الشاور يفصله عن غرفة نومنا جداربدون باب


يعني مفتوح ع الغرفه ومافيه خصوصيه

وعزكم الله الحمام ( المرحاض ) برع الغرفه في الممر

والطابق اللي فوق كان الحمام منفصل ، وغرفة الشور والمغاسل بروحها

9- الواي فاي كان برسوم ولكن عيبه ضعيف


ما أدري هذا بسببهم لابسبب الشبكه أو الشركه اللي اشترينا منها البطاقات ، كانت شركة blau


ملاحظات


اللي يحب يسكن في هالمنتجع انا رآيي ياخذ معاه

فراشات للاسره قديمه من بيتهم ويتخلص منها هناك

فوط

كوز للحمام لأنه ماعندهم شطاف

موقع المنتجع

Ferienresort Cochem - Holiday Park Ediger-Eller :: Roompot Parcs

موقع المنتجع بالعربي

الترجمة من Google

عنوان المنتجع

Am Kellerborn 1, 56814 Ediger-Eller,

خريطة موقع المنتجع

خرائط Google‏

صور من النت عن المنتجع

صور منوعه عن المنتجع (أضغط هنا )

صور للمنتجع من تصويري



ع فكره نحن يلسنا فيه 18 يوم ، واول يومين فطسنا من الحر


ولكن من عقب انجلب الجو وصار حلو لين روحنا

بالنسبه للسعر ماعندي فكره كم بوعيسى دفع ، وعموما تقدرون تعرفون هالشي من موقعهم


يالا نتفرج ع الصور





هذا مبنى الاداره


وفي هالمبنى بتحصلون كل شي

السوبرماكت والمطعم والالعاب والرسبشن




















































يسوون حركات حلوه حق اليهال

































عزكم الله ، في هالمكان الزبالات

وكل يوم نرمي زبالتنا هنيه بعد مانجمعها في هاي الخشه





في المنتجع مسطحات خضرا وبحيره وممشى حلو

كنت بعض الاوقات أنش بدري والكل نايم والبس لبس رياضه واتمشى في المنتجع

وهاي الاوقات من أحلى الاوقات عندي لأني أكون مع نفسي والطبيعه والجو الحلو


























 

AL Tunaiji و القادم معجبون بهذا.

التعديل الأخير تم بواسطة هداوه ; 09-02-2016 الساعة 07:02 PM
هداوه غير متواجد حالياً   رد مع اقتباس
قديم 08-01-2015, 01:35 PM   #2

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: ( new) منتجع يديد في قرية كوخيم cochem الالمانيه .. لايفوتكم


الجزء الثاني
Ferienresort Cochem


نتابع صور جديده للمنتجع

هذا بيتنا وعدالنا شجرة التفاح









طبعا نحن نقطع وناكل التفاح ببلاش





وهاي سيارتنا عدال بيتنا





يلا ندخل بيتنا بس هااا
ممنوع الحيونات
وممنوع التدخين
وخشوا برجلكم اليمين وقولوا
بسم الله





أعتقد فيه بيوت مسموح للحيوانات فيها ، وللمدخنين وانتوا تختارون مواصفات البيت اللي تبونه من خلال موقعهم

نكمل جولتنا
أول ماتدخلون البيت بتشوفون هالدري ( سلم )





نظره من تحت السلم ونشوف مدخل صالتنا





ومن ناحيه ثانيه بتشوفون غرفة نومنا المتواضعه




أذكر أول يوم لما دخلت البيت ياني اكتئاب من صغر الغرف والاثاث
تعرفون بنت عبدالغني شربت ماتسكن في هالبيت البسيط
وعقب تذكرت هايدي وتخيلت نفسي هايدي وبيتها الريفي
وتقبلت الوضع وتأقلمت عليه
بس هايدي عقب ماعيزت

نكمل جولتنا

يلا نطلع فوق ونشوف غرف العيال
هاي غرفة عبادي وخدامتي











نسيت اصور سرير البنات بس صورت صوب كبتهم وخراوشينهم
بنتي كوكي مسويه الارضيه طاولة الميك أب وتيلس هنيه وترتب عمرها





وهذا الحمام عزكم الله وهو في الممر بين الغرفتين





حشا هاذيل يتغسلون ولايشربون بارد في الحمام
ومقابل حمامهم غرفة الشور والمغاسل ، وفيه مغسلتين وشور وغرفة سونا











الحين بنزل من الدور العلوي بس تحملوا عن تطيحون
تعرفون وحده متعقده من أيام الشيك
اول ماننزل بيكون في ويهكم بابين
باب للحمام عزكم الله
بس نسيت أصوره من الداخل بس وايد صغير وفيه مرحاض ومغسله صغيرووونه







والباب اللي عداله هو باب غرفتنا وبتشوفون المغسله في ويهكم











وهاي غرفة نومنا











المخدات الحمرا أنا يابتنها ، ويايبه طقم فراش السرير كامل
بس دوشكهم ممريح
هاتوا دواشكم وياكم
وهذا المنظر من دريشتنا





ومقابل غرفتنا مدخل الصاله واللي فيها المطبخ وطاولة الطعام





















الحين بنطلع برع من جهة طاولة الطعام وبوديكم للغرفه الخارجيه الخاصه بالغسيل





هاي غرفة غسيل وتخزين ولها مفتاح





موفرين لنا طاوله وكراسي وشمسيه حق يلسة التراس





المنظر الخلفي ورا بيتنا

.



ما أقدر اراويكم مطبخي وطاولة الطعام وما أراويكم طبخاتي

بعض أطباقنا لأيام متفرقه
وهاي بعض من أنواع ريوقنا











كرك
في صحتكم












أتفنن في البيض
هناك يعتدل المزاج وتنفتح النفس لكل شي

















لاتسألوني شو هاي الاكله
أخبص ويطلع لذيذ















أطباق متنوعه للغدا
















طبعا أطباقنا كثيره بس هذا اللي صورته
فديتني ذابحه عمري من الرجيم





ان شاءالله استفدتوا من التقريروحبيتوا المنتجع
هااا أبا غزو خليجي للمنتجع
هزلت
معقوله يكون فيه منتجع عندهم وماحطينا أقدامنا فيه
يايينكم يالالمان



وبهالجزء انتهى تقريري عن منتجع كوخيم
اتمنى نال اعجابكم

 

القادممعجبون بهذا.

التعديل الأخير تم بواسطة هداوه ; 09-02-2016 الساعة 07:00 PM
هداوه غير متواجد حالياً   رد مع اقتباس
قديم 08-01-2015, 02:29 PM   #3

عضو قدير

الصورة الرمزية ام عزيـــز
 
تاريخ التسجيل :  Dec 2014
رقم العضوية : 128
المشاركات : 965



افتراضي رد: ( new) منتجع يديد في قرية كوخيم cochem الالمانيه .. لايفوتكم


ما شــــــــــاء الله

روووووووووووووعه
امتع و اروع ما قرأت ... عن جد تقرير جمع المتعه و الفائده ..
و اتوقع بعد هالثناء الجميل , بيبدأ الغزو الخليجي
و اللي يروح اكيد بيصحى الصباح بدري و يتمشى في الاجواء الجميله ..

مسألة تأجير اللحف و الله سالفه , و انا بعد احب اخذ معاي لحف بالسفر
بصراحه مفيده , خاصةً النوع اللي خفيف و تدفي

تسلم الايادي عالطبخات الجميله
ماشاء الله عليك , تعجبني طريقتك ..
بس شلون نظامك , ترجعين اغراض الطبخ معاك الامارات
او انتي تاخذين اشياء ناويه تغيرنهم ؟

تسلم الايادي عالتقرير العفوي الجميل
يعطيك العافيه يالغاليه

 

القادممعجبون بهذا.

توقيع : ام عزيـــز


اذا قرأت "اليس الله بكاف عبده" فكل المخاوف تتبدد ..

و إذا قرأت "ادعوني استجب لكم" فكل الاحلام تتجدد ..
ام عزيـــز غير متواجد حالياً   رد مع اقتباس
قديم 08-01-2015, 05:13 PM   #4

مسافر جديد

 
 
تاريخ التسجيل :  Dec 2014
رقم العضوية : 816
الجنس : ذكر
المشاركات : 15



افتراضي رد: ( new) منتجع يديد في قرية كوخيم cochem الالمانيه .. لايفوتكم


ما شاء الله دائماً متميزة بتقاريرك الحلوة
اغلب السكن في الريزورتات الأوربية يكون متواضع من ناحية المساحة والأثاث وغالبا يكون خارج السنتر .

تسلمين على مشاركتنا المعلومة

 

mbsa غير متواجد حالياً   رد مع اقتباس
قديم 08-01-2015, 08:53 PM   #5

عضو قدير

الصورة الرمزية Azzam
 
تاريخ التسجيل :  Dec 2014
رقم العضوية : 21
الدولة : مكه المكرمه
الجنس : ذكر
المشاركات : 740



افتراضي رد: ( new) منتجع يديد في قرية كوخيم cochem الالمانيه .. لايفوتكم


الله عليك متميزة دئماً بتقاريك المفيدة والممتعه

يعطيك الف عافيه يارب

 

توقيع : Azzam


Azzam غير متواجد حالياً   رد مع اقتباس
قديم 08-01-2015, 09:52 PM   #6

خبير سفر وسياحة

الصورة الرمزية وجهات أوروبية
 
تاريخ التسجيل :  Jan 2015
رقم العضوية : 931
الدولة : قطر
الجنس : ذكر
المشاركات : 4,537



أوسـمـة: وجهات أوروبية

كل الاوسمة:1 (more»)
افتراضي رد: ( new) منتجع يديد في قرية كوخيم cochem الالمانيه .. لايفوتكم


روووعه وجميل جدا

الله يعطيج العافيه وبارك الله فيج على المجهود والصور والمعلومات المفيده

 

توقيع : وجهات أوروبية

نقره لعرض الصورة في صفحة مستقلة العاب

وجهات أوروبية غير متواجد حالياً   رد مع اقتباس
قديم 09-01-2015, 02:31 AM   #7

مسافر خبير

 
 
تاريخ التسجيل :  Dec 2014
رقم العضوية : 196
الجنس : انثى
المشاركات : 1,719



أوسـمـة: اوروبا عشقي

كل الاوسمة:1 (more»)
افتراضي رد: ( new) منتجع يديد في قرية كوخيم cochem الالمانيه .. لايفوتكم


روووووعه روعه ياام عيسى الله يعطيج الصحه والعافيه وطول العمر جد المانيا شي مميز وراقي صرت اعشقها اكثر من اي مكان بكل مناطقها ومدنها والقرى اللي فيها يكفي انها المانيه يعني شي مرتب ونظيف وراقي وبنيه تحتيه رهيبه ومباني اتجنن تفتح النفس


دانكشن على هالتقرير الحلو مثلج

 

القادممعجبون بهذا.

آخر مواضيع اوروبا عشقي

- .
- .
- .
- .
- .

اوروبا عشقي غير متواجد حالياً   رد مع اقتباس
قديم 09-01-2015, 06:38 AM   #8

مراقب العرب المسافرون

الصورة الرمزية فارس من خيال
 
تاريخ التسجيل :  Dec 2014
رقم العضوية : 54
الدولة : K.s.a - الرياض
الجنس : ذكر
المشاركات : 4,371



أوسـمـة: فارس من خيال

كل الاوسمة:1 (more»)
افتراضي رد: ( new) منتجع يديد في قرية كوخيم cochem الالمانيه .. لايفوتكم


حياك الله يام عيسى من جديد اثريتي البوابة بتقاريرك الجميلة
ابدعتي في التقريرونثق في ذوقك في الاختيار وقريبا السياح الخليجيين سيغزون المنتجع
الف شكر ع مجهود الجميل والرائع

 

فارس من خيال غير متواجد حالياً   رد مع اقتباس
قديم 09-01-2015, 07:55 AM   #9

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي رد: ( new) منتجع يديد في قرية كوخيم cochem الالمانيه .. لايفوتكم


يقولون محجوزبعد العيد بسبب تقريرك

احلا مكان وجلسه بالصباح او الظهر

 

القادممعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 10-01-2015, 12:57 AM   #10

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
افتراضي رد: ( new) منتجع يديد في قرية كوخيم cochem الالمانيه .. لايفوتكم


اقتباس : المشاركة الأصلية كتبت بواسطة ام عزيـــز

ما شــــــــــاء الله

روووووووووووووعه
امتع و اروع ما قرأت ... عن جد تقرير جمع المتعه و الفائده ..
و اتوقع بعد هالثناء الجميل , بيبدأ الغزو الخليجي
و اللي يروح اكيد بيصحى الصباح بدري و يتمشى في الاجواء الجميله ..

مسألة تأجير اللحف و الله سالفه , و انا بعد احب اخذ معاي لحف بالسفر
بصراحه مفيده , خاصةً النوع اللي خفيف و تدفي

تسلم الايادي عالطبخات الجميله
ماشاء الله عليك , تعجبني طريقتك ..
بس شلون نظامك , ترجعين اغراض الطبخ معاك الامارات
او انتي تاخذين اشياء ناويه تغيرنهم ؟

تسلم الايادي عالتقرير العفوي الجميل
يعطيك العافيه يالغاليه



فديييت هالطله
نورتيني ياقمر
ان شاءالله يعجب اللي بيسكنه
ولكن نصيحتي لاتيلسون فيه مدة طويله عشان محد يتضايق وعقب تسبوني
أحلى شي مشية الصباح
سؤالك حلو بالنسبه لأدوات الطبخ
أغلب الادوات اللي آخذها تكون قديمه وجزء منه أشتري أدوات رخيصه واتركها هناك
ودايما نجمع اللي موجود عندنا سواء ماتبقى من معلبات أو أي أكل زين مع الملابس وأدوات المطبخ
ونتصدق به هناك سواء نعطي اللي ينظفون أو ندور وين الجاليات الاسلاميه ونعطيهم ياه
طبعا انا أخبركم هالشي عشان يستفيد اللي مافكر بهالشي
الله يسلمج ويعافيج يارب






اقتباس : المشاركة الأصلية كتبت بواسطة mbsa



شكرا لك
فعلا كلامك صحيح ، أغلب المنتجعات الاوربيه تكون بسيطه وأحجامها صغيره
وبعيده نوعا ما عن السنتر




اقتباس : المشاركة الأصلية كتبت بواسطة Azzam



ياهلا ومرحبا

شكرا لك وهذا من ذوقك







 

القادممعجبون بهذا.
هداوه غير متواجد حالياً   رد مع اقتباس
إضافة رد

الكلمات الدلالية (Tags)
لايفوتكم, منتجع, الالمانيه, cochem, جديد, في, قرية, كوخيم

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قرية كوخيم الالمانيه وماحواليها هداوه بوابة المانيا 82 11-08-2018 12:12 PM
تجربتي في الفيزا الالمانيه اليوم 29/4/2015 الشهري فيزا 20 08-05-2015 04:14 PM
هوكسي قرية صينية جميع سكانها أثرياء بالصور , هوكسي افخم قرية صينية بالصور عامر بوابة الصين وهونج كونج 15 25-04-2015 07:23 PM
منتجع أومباك فيلا -لانكاوي لاجوون جديد بقراطيسه {يستاهل طلّه} بقلم Ophtha Reside أبوعبدالله (الاسفار ) ماليزيا 9 28-01-2015 05:07 PM

الساعة الآن 04:12 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO