|
رد: لا حرمني الله سمائك تركيا اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif متابعينك ام معن يعني الطريق الي السلطان كان مش مزفلت وهالسنه تم زفلته قبل ما توصل للسلطان مراد كان مش مزفلت وضيق وبخوف والحمد لله السنة كان ممتاز جدا جدا ومريح جدا وسبحان الله تم الانتهاء من أعمال الطرق فيه قبل ما نروحله بكم يوم |
رد: لا حرمني الله سمائك تركيا اقتباس: المشاركة الأصلية كتبت بواسطة ماجد الفهد http://www.arabtrvl.com/vb/traveler/...s/viewpost.gif مستمتعين جدا ... شكرا أيتها السيدة الرائعة ... جهودك وحرصك على إعادة طرح تقريرك الفاتن محل تقدير الجميع ... فشكرا لك من القلب ... ولا حرمنا الله رحلاتك وسماء تركيا :) ولا حرمت طلاتك على تقاريري ومتعك الله بالدارين :(114)::(125): أنا أحرص أني انزل تقاريري في كل مكان والعرب المسافرون من المنتديات القريبة على قلبي وعملي هذا هو أولا لوجه الله تعالى ثم ليستفيد أكبر عدد ممكن من الناس. بتتذكر لما قلتلك كيف التقينا بعائلة من البحرين السنة الماضية في اوزنغول والرجال طول الوقت وهو يتشكر في جهودك ويدعيلك، يعني شو بده الانسان غير دعوة صادقة بظهر الغيب. وقتها ما كنت بعرف مين ماجد الفهد بس دعاء الرجال وامتنانه خلاني أنا وأبو معن ندعيلك معه. الله يقدرنا نفيد الانسان والإنسانية كاملة يارب حضورك أكبر تقدير لتقريري شكرا لك أخي العزيز ماجد |
رد: لا حرمني الله سمائك تركيا ابداع دائم وعطاء متواصل متابعينك أم معن وبتمنى هالتقرير ما ينتهي بانتظار الجزء القادم وحبيب ألبي ماجد يستاهل كل خير الله يسعده ويوفقه دنيا وآخره |
رد: لا حرمني الله سمائك تركيا اقتباس: المشاركة الأصلية كتبت بواسطة الركيب http://www.arabtrvl.com/vb/traveler/...s/viewpost.gif ابداع دائم وعطاء متواصل متابعينك أم معن وبتمنى هالتقرير ما ينتهي بانتظار الجزء القادم وحبيب ألبي ماجد يستاهل كل خير الله يسعده ويوفقه دنيا وآخره كلك ذوق والله شكرا كتير لمرورك الراقي خليك بالقرب وباذن الله تستمع بالأجزاء القادمة |
رد: لا حرمني الله سمائك تركيا الرائعة دوما أم معن لاحرمنا الله تواجدك بيينا بصحة وعافية عودا حميدا والحمد لله على سلامتكم تقرير رائع وحلقات جميله فقد عودتنا على الروعة في تقاريركم |
رد: لا حرمني الله سمائك تركيا اقتباس: المشاركة الأصلية كتبت بواسطة bdr742 http://www.arabtrvl.com/vb/traveler/...s/viewpost.gif الرائعة دوما أم معن لاحرمنا الله تواجدك بيينا بصحة وعافية عودا حميدا والحمد لله على سلامتكم تقرير رائع وحلقات جميله فقد عودتنا على الروعة في تقاريركم يسلم عمرك وشبابك ويرضى عليك يارب هذا بس من ذوقك وطيب أصلك لاحرمني الله من اخوة وأخوات رائعين أمثالكم |
رد: لا حرمني الله سمائك تركيا الحلقة الرابعة الجزء الأول شكلي ما قلتلكم احنا وين رايحين اليوم احنا رايحين على اوردو Ordu كلما تذكرت أوردو تذكرت أغنية من أغاني الكويت الوطنية القديمة في أيام الصبا اللي رسخت فى قلوبنا قبل عقولنا لقيناه يا أحلى أيام العمر لقيناه وعشناه فرحة على قلوبنا تمر وعشناه ألف صلي وسلم عليك يا حبيب الله محمد ألف صلي وسلم عليك يا حبيب الله محمد وتلك هي اوردو هي من أحلى أيام العمر وهي فرحة القلب لا خلا وعلا عدم حبيبتي اوردو يلا خلينا نرجع لمسلسلنا التركي (العشق المسموح) لأنه شكله فى أحداث كتيرة جاية والله عجبني اسم المسلسل شو رايكم أغير عنوان التقرير وأسميه العشق المسموح توكلنا على رب العباد ونزلنا من السلطان مراد باتجاه البحر وخلينا البحر على يمينا ومشينا باتجاه طربزون قاصدين اوردو http://www9.0zz0.com/2014/11/01/00/833470643.jpg بعد طربزون بعشرين كيلو تقريبا لقينا هذا المطعم فى أكشبات Akcabaat وكان على يمين الطريق وقررنا ننتغدى فيه http://www5.0zz0.com/2014/11/01/00/940908961.jpg لقيناهم حاطين أسماك أشكال وألوان من أسماك البحر الأسود الطازجة واخترنا سمكه وسط وصحن من السمك الصغير جدا المشوي (همسي) الذي يؤكل كما هو بلحمه وشوكه، وقررنا نقعد فى الجلسة الداخلية اللي بتطل على البحر لأنه ماشاء الله عنده عدة جلسات داخلية وخارجية والمطعم 3 طوابق. على فكرة لقينا صور للرئيس التركي السيد رجب طيب اوردغان يتغدى عندهم http://www5.0zz0.com/2014/11/01/00/169811392.jpg http://www5.0zz0.com/2014/11/01/00/451116063.jpg الأكل كان لذيييييييييييييذ جدا جدا والله أنا عم بكتب وأشعر بطعم السمك وخصوصا أنه السمك هون سمك بحري مو سمك نهري مثل مطاعم اسطنبول و ياعيني على المخلل يمااااا دمار عاطفي ونفسي، من زمان ما أكلت مخلل زاكي هيك. معلش أنا ما صورت الأكل هالمرة بس هنزلكم صورة العشاء اللي تعشيناه عندهم لما رجعنا من اوردو ضيفونا بقلاوة وطلع حسابنا 42 ليرةطبعا احنا انصدمنامن السعر لأنه لو أكلنا نفس الأكلة في أحد مطاعم اسطنبول كان طلع حسابنا 150 ليرة. كملنا مشوارنا لأكثر من ساعتين ونص وأخيرا وصلنا http://www14.0zz0.com/2014/11/01/00/582463271.jpg حجزنا فندق أنيمون اوردو لمدة 3 ليالي من حجوزات زاد المسافر بسعر 110 دولار لليلة والحمدلله الفندق شكله تمام التمام. أعطونا غرفة في القبو غرفة رقم B3 للوهلة الأولى ما عجبنا يعطونا هيك غرفة بس لما نزلنا وشفناها كتيييير عجبتنا فقررنا نبقى فيها. كنا حاجزين فندق زفين فى كولاكيا لليلة واحدة ولما شفنا فندق انيمون قررنا نمدد كمان ليلة ونلغي ليلة كولاكيا. صورة غرفتنا وجبتها من النت لأني من فرحتي بالغرفة نسيت أصورها والصورة هاي مطابقة للواقع http://www14.0zz0.com/2014/11/01/00/660200429.jpg الغرفة جميلة جدا وواسعة جدا جدا وتكرمون الحمام واسع متهيألي حمامهم نفس حجم بعض غرف إسطنبول http://www.sfari.com/forums/images/smilies/13.gif غرفتنا على البحر مباشرة وكل شىء فيها رائع الا شىء واحد انه ما فيها خصوصية على الاطلاق فمثلا اذا بدنا نفتح الباب أو حتى البرداية فأكيد لازم أكون بحجابي على طول وبصراحة مو مهم كرمال هالقعدة الرائعة. الأفضل للعائلات انهم ياخدوا الغرف العلوية علشان موقع الغرف فيها خطورة على الأطفال. وتفضلوا شوفوا قعدتنا الرائعة اللي خلتنا ما نطلع من الفندق http://www14.0zz0.com/2014/11/01/00/333883553.jpg http://www14.0zz0.com/2014/11/01/00/900820212.jpg http://www14.0zz0.com/2014/11/01/00/860345942.jpg http://www14.0zz0.com/2014/11/01/00/623153329.jpg http://www14.0zz0.com/2014/11/01/00/372545328.jpg http://www14.0zz0.com/2014/11/01/00/184822798.jpg طلعنا تعشينا في مطعم الفندق وأكلهم جيد بس مش واو كتير طبعا نمنا مثل الملائكة من التعب فى ملاحظة على غرفتنا كان في الحمام حشره اسمها الحشرة الكسولة Lazy Fly وكانت متواجده بكثره فبلغناهم وعلى طول اجوا ونظفوا كل المكان. |
رد: لا حرمني الله سمائك تركيا الحلقة الرابعة الجزء الثاني ثاني يوم طلعنا فطرنا فى مطعم الفندق وكان جيد جدا الحمدلله طلعنا بالسيارة على موقع التلفريك، طبعا الشباب والصبايا ممكن يروحوا مشي لانه قريب كتير، صفينا السيارة فى موقف التلفريك وطلعنا، أعتقد تذكرته ب 5 ليرة طلوع ونزول كان الغيم معبي السماء http://www9.0zz0.com/2014/11/01/00/422219201.jpg http://www9.0zz0.com/2014/11/01/00/748894725.jpg http://www9.0zz0.com/2014/11/01/00/473233294.jpg شربنا قهوة فى أحد المقاهي طبعا المنظر خيالي ورائع جدا وتمشينا واشترينا شوية هدايا تذكارية من هناك ورحنا أكلنا مهلبية عند Royal 52 Boztepe Tesisleri ورجعنا نزلنا. وبما انه السيارة فى موقف التلفريك قلنا خليها ومشينا على السوق لأنه مقابل التلفريك على طول. السوق فى تركيا حلو كتير ورائع ومن حسن الحظ انه أغلب المحلات عاملين تنزيلات على الصيفي لأنهم بدهم ينزلوا الشتوي وصاحبتكم ما قصرت اشتريت أشياء كتير وطبعا كل شوي مطر رائع. لما اجى وقت الغداء دخلنا على مطعم شاورما . أنا اكتشفت فعلا اني ما بحب الشاورما فى تركيا لأنه أبو معن عجبته الشاورما بس أنا لا. والله ما فى أزكى من شاورما ريم فى عمان رجعنا الفندق لاحظنا انه الحشرات رجعت على الحمام. على طول طلبنا منهم تغيير الغرفة وبالفعل ماقصروا وغيروها وخيرونا اذا نحب نطلع فوق فقلنا لا احنا حابين القبو فأعطونا غرفة B7. ريحنا شوي بالغرفة الجديدة وكانت ممتازة جدا طلعنا بعدها تمشينا على البحر يا الله ما أجملك يا اوردو وما أجمل بحرك حسيت انها اسطنبول الصغيرة اللي ما توسخت بالعولمة. http://www9.0zz0.com/2014/11/01/00/183615968.jpg http://www9.0zz0.com/2014/11/01/00/948219763.jpg أنا لما كنت أقرأ شو كاتبين الشباب عن أوردو أستغرب وأقول مش لهاي الدرجة يعني شكلهم عم ببالغوا ، وأتاري معهم حق والله وكتر خير أبو صهيب اللي عرفنا على هالمنطقة الرائعة جدا بكل ما فيها. أوردو جمعت الجمال كله الصيادين فى اوردو بعلموك الصبر والفرح بالرزق من الله رجعنا أخدنا السيارة من الفندق ورحنا تعشينا في مادو، احنا كتير بيعجبنا مادو حتى قائمة الطعام حلوة على شكل مجلة http://www9.0zz0.com/2014/11/01/00/527448391.jpg هذا كان عشانا وهذا الشىء الأبيض شوربة لذيذة جدا جدا جدا وقلاية اللحمة مع البندورة حسيت أني أنا طبختها. http://www14.0zz0.com/2014/11/01/00/557042637.jpg طبعا رجعنا سهرنا على باب غرفتنا الرائعة |
رد: لا حرمني الله سمائك تركيا ام معن الحمدلله على سلامتك الله يشافيك ويبارك فيك حلقات واجزاء رائعة و اسلوب وسرد ممتع واماكن جذابه الله يعطيك العافية ويحفظ لك ابومعن متابع معاك حلقات العشق المسموح |
رد: لا حرمني الله سمائك تركيا تقرير رائع ام معن الله يعطيك العافية |
| الساعة الآن 11:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO