|
رد: احتاج رايكم في ترتيبي لسفرتي لشهر العسل qa6ar911 ماااقصرت يا اخووي كفيت ووفيت الشرح جدا واضح واحين بدش اكمل اجراءات واذا في اي شي استصعب علي برد لك "تحملنا شوي" :yolks00570: Fanda بجوف وياهم ان شاء الله بس مادري انا احس في هالترتيب بيكون اوكي بالنسبة لي لاني كلش مو حابة اسكن في باريس :(155): |
رد: احتاج رايكم في ترتيبي لسفرتي لشهر العسل رحلة موفقة يا سيدتي ماقصرو المشرفين بارك الله فيهم جميع... |
رد: احتاج رايكم في ترتيبي لسفرتي لشهر العسل اقتباس:
العفوووو اختي حاضرين الله يسلمج بالعكس مابه تعب اذا استصعب عليج شي او في شي مب متأكده منه خبريني قبل الحجز ومايصير خاطرج الا طيب :yolks00250: وان شاء الله انا حاليا شغال في ترتيب لج الاماكن الي بتزورينها بكل الاماكن وان شاء الله هاليومين اخلصهم :204: |
رد: احتاج رايكم في ترتيبي لسفرتي لشهر العسل العام الماضي رحت باريس وبروج وامستردام وكم مدينة اوروبية ثانية بروج حلوة لكن حقها يومين ثلاثة بالكثير منها يوم لبروكسيل هي بلدة صغيرة جدا جدا تلفينها بساعة بالحنطور وساعة بالقارب يميزها الماركت ولا تفوتين الشوكولاته عندهم عجيبة والوافل عذاب حتى بطاطسهم غير امستردام جميلة جدا لكن سبحان الله انا ماحبيتها بحكم انها منفتحه بزيادة وكان معاي اطفال لكن حكمي عليها يضل شي شخصي ممكن تحبينها عموما رحلتك سلسه وسهلة والحلو اللي فيها التغيير عن باقي اخوانا الخليجيين |
رد: احتاج رايكم في ترتيبي لسفرتي لشهر العسل طوق الباسمين مشكورة على ردج وان شاء الله تكون السفرة كما هو مخطط لها وتكون حلوة :yolks00310: qa6ar911 أين أنت يا اخي انتظر الجدول :(148): ويعطيكم العافية جميعا على جهودكم معاي .. تعبتكم :(141): |
رد: احتاج رايكم في ترتيبي لسفرتي لشهر العسل ياهلاا ومرحبا اختي والله السموحه على التأخير أ بشري ان شاء الله من عيوني الحين براجع مشاركاتنا كلها عشان استرجع المعلومات وبعمل لج الجدول وبعد اي استفسار او شي مايردج الا لسانج :yolks00290: |
رد: احتاج رايكم في ترتيبي لسفرتي لشهر العسل اقتباس: المشاركة الأصلية كتبت بواسطة foofaa http://www.arabtrvl.com/vb/traveler/...s/viewpost.gif حبيت اطرح برنامج سفرتي وأخذ رايكم فيه واذا احتاج أي تعديل عليه السفرة بتكون 15 ليله (26/04/2015 - 11/05/2015) مقسمة كالتالي: الطيران: طيران الإتحاد 5 ليالي فرنسا (ديزني لاند): السكن: Kyriad Disneyland® Paris وقت الوصول: الساعة 4 عصرا البرنامج: اليوم الأول راح يكون جوله استطلاعية بما إني راح أوصل العصر اليوم الثاني بروح بالميترو لوسط باريس: برج ايفيل صعوده والحديقة، جوله نهر السين، والجولة بالباص الأحمر لمعالم باريس اليوم الثالث: رحلة قصر فرساي، وجوله ثانية بالباص الأحمر مع النزول لأحد المعالم اليوم الرابع والخامس : ديزني لاند والاوت لت اليوم السادس والأخير: تجهيز الأغراض للإنتقال لبروج في بلجيكا ^ عندي استفسار هني .. أي افضل هل اروح لوسط باريس بالمترو وأخذ Thalys؟ أو اخذ على اقتراح اخوي qa6ar911 اني اروح دايركت من ديزني لبروج بالـ TGV - sncf وشلون أحجز له؟ :dunno: 5 ليالي بلجيكا (بروج): السكن: B&B De Bornedrager أحتاج اقتراحاتكم للترتيب واهم شي مصنع الشوكولاته :(141): 5 ليالي هولندا (امستردام): السكن: Best Western Dam Square Inn أحتاج اقتراحاتكم للترتيب وحابة أزور هاي الأماكن::(58): - قرية الطواحين - قرية الجبن - قرية الصيادين - روتردام ودلفتولاهاي - حديقة الزهور وبعدها العودة من مطار امستردام على طيران الإتحاد :(39): السلام عليكم ورحمة الله ان شاء الله بتكون رحلتكم حلوه ..نفس خط رحلتي للصيف الماضي . بخصوص فرنسا: انا استخدمت شركة للتوصيل من الفندق للمطار http://www.rstransports.com/ . تحجزين ان لاين وتدفعين للسايق . شركة محترمة وتعاملهم ممتاز ورخيصه . التنقل بين دزني وباريس سهل من محطة دزني بالمترو تاخذين القطار الى اي محطة اتحبينها بس ياخذ منك يوميا تقريبا ساعه رايحه وساعه جايه . السكن بباريس اسهل لو تقدرين 3 ليالي وليتين بدزني او بالعكس . بخصوص السياحة بباريس انا ما اخذت الباص الاحمر اخذت الباص النهري http://www.batobus.com/english/ تبدا من محطة برج ايفل ونفس فكره الباص تنزلين في كل محطة وتطلعين الى المحطة الي بعدها لها 8 محطات . كانت تجربه حلوه واظن ارخص من الباص الاحمر لان محطاتها اقل . انا جيت فرنسا عن طريق بلجيكا بقطار الTGV ثاني محطة اتكون دزني . تطلع من المدي ستيشن . انصحك باختيار الدرجه الاولى الكراسي مريحة والمنظر جميل وانتي بالقطار . بخصوص هولندا وبلجيكا اقرائي تقاريري عنها وان شاء الله يفيدونك . واذا عندك اي استفسار حاضرة لك تحياتي |
رد: احتاج رايكم في ترتيبي لسفرتي لشهر العسل التخطيط نوعا ما غلط وغير مريح انا من رايي دام ساكنين في ديزني وماتقدرون تغيرون .. روحي اول يوم الاوتلت وفال دي يورب وثاني وثالث يوم ديزني لاند .. بعدين روحي باريس .. من الصبح وردو الفندق بالليل .. عن طريق المترو من محطه قريبه من ديزني لاند اللي اهو مارني لانه بصراحه رحلتكم متعبه اذا كل يوم بتقومون الصبح و تردون بالليل تاخذون مترو علشان تروحون باريس والطريق من ديزني لي باريس تقريبا 45 دقيقه ... غير جذي يعني تحتاجون الفندق احيانا علشان تحطون اغراضكم اذا شريتو او انه تحتاجون ترتاحون .. تصلون .. اي شي المهم انه انا اشوف ضروري الفندق يكون قريب بعدين بروج واااايد عليها 5 ايام .. من رايي قسموها بين بروج وبروكسيل همن تعب اذا كل يوم بتطلعون رحله من الصبح لي الليل او بتروحون مدينه ثانيه .. وفندقكم بمكان ثاني امستردام هم وايد عليها 5ايام لانه فيها رحلات تطلعونها مع مكاتب سياحيه من الصبح ويردونكم الظهر وبعدين كل محلاتهم تسكر مبجر عالساعه 6 بعدها ماعندكم شي تسووونه لانه تبدي الحياه الليليه الفندق مهم مكانه :204: |
| الساعة الآن 03:43 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO