|
مو حابين اسواق كثير ،، يعني يكفي دبي مول والامارات مول والسوق الصيني فقط نبغى اماكن سياحية مميزة تستاهل نروحلها ومنوعة مو نفس النمط .. تعبت ادور اماكن سياحية تستاهل الزيارة ومافي الا اسواق :20: |
الاسواق بالصيف هي الافضل فيه مركز الطفل عند حديقه الخور تقريبا فيه حديقه الحيوانات قبل الجميرا |
هلا اختي المشكله دبي في الصيف جاره ومتعب جدا انك تزورين الاماكن المقتوحه الا بالليل واذا كان حضك حلو بيساعدك الجو لان الخليج جوه واحد افضل وقت لزياره دبي بين شهر يناير وابريل يعني باجازه الربيع او اجازة النصفيه للفصل الدراسي وغير كذا المولات بدبي يوجد بها اشياء كثيره غير التسوق مثلا دبي مول عندك النافوره ورحله بالقارب الشخص 50 درهم وعندك الاكواريوم الدخول للشخص الواحد 100 درهم وهذا اقل سعر ويوجد اكثر حسب الزيادات الموجوده ويوجد في دبي مول كيدزينا ممكن الاطفال يقضون فيها فوق 3 ساعات مايحسون لكن يحتاجون لغه انجليزيه متوسطه وفي صاله التزلج والسينما وممكن دخول برج خليفة والتمتع بالمنظر البانورامي لدبي من فوق 148 دور الدخول بالحجز عن طريق النت ب 220 درهم للشخص او المباشر من مدخل البرج ب 400 درهم وبالنسبه للامارات مول عندك القريه الثلجية ساعتين ب 220 درهم للشخص وعندك المردف سيتي سنتر يوجد به الاي فلاي تجربه جديده للاطفال ومايمنع انكم تجربونها وتاخذ منك اكثر من ساعه وعندك فيستفال سيتي سنتر يوجد بها ممرات مائيه وقوارب وسينمات ويوجد ايضا الباص السياحي والباص البرمائي لكن مانصحكم فيه لان الجو حار والرحلات تكون بالنهار توجد عندكم رحلات السفاري ممكن تحجزينها من احد المكاتب هناك ينضمون رحلات جماعيه للبر وفيها سفاري ودبابات وعشا وخيام من الساعه 3 العصر الى 9 بالليل وهي قروبات سياحيه في ناس تعشق هذا النوع وتوجد الووك سيتي مطاعم ومحلات بتصميم مفتوح وجميل لعشاق الكافيهات والمطاعم وايضا الكايت بيتش قريب من برج العرب منطقه على البحر مطاعم وكافيهات روقان وفي سوق مدينة الجميره سوق يميل الى طابع البندقيه وفيه مرات مائيه وقوارب تاخد جولات ومنظر على برج العرب مطاعم ومحلات للتحف والهدايا التذكاريه لقيت ارخص منه برا ويوجد الوابيلد وورد وهي المدينه المائيه الشخص الواحد 240 درهم المشكله الكل يدفع حتى لو ماراح يسبح ممكن تستبدلينها بيوم في فندق الاتلانتس يسبحون الاطفال في الالعاب المائيه0 الاكوافيشر ) وتدخلون اكواريوم الغرفه المفقوده في ها نفس فكره الاكواريوم في دبي مول مع اختلاف في المكان والشكل ولها سعر اخر لا يحضرني بالنسبه للسوق الصيني بعيد عنكم وبياخذ وقت اذا طلبك هو اكسسوارات الجوالات والسماعات وبعض العاب الاطفال تلقينها هناك غير كذا بتلقين بسوق نايف الافضل ملاحظه لا تشترين السكوتر الذكي لانه الان ممنوع يشحن بالطياره راح يرجعونه ولاتكثرين اغراض لاتنسين الوزن وقت العوده بالنسبه للرحلات البحريه المصحوبه مع عشاء عندك موقع كوبون احس ان فيه اسعار معقوله يفضل تحجزين من النت او من احد الشريكات السياحيه في دبي اسالي مكتب الكونجريس في السكن اذا عندهم عروض ممكن تلقين https://www.cobone.com/ar/deals/activities-dubai https://www.cobone.com/ar/deals/activities-dubai وبالتوفيق |
مشكورة حبيبتي الله يعطيك العافية تعبتك معي وايضا الشكر للمدير العام استفسار بسيط > وش رايك في خور دبي يستاهل نروحله ولا نكتفي بسوق نايف هل حديقة الزهور مفتوحة بالصيف ؟ رتبيلي جدول متكامل لليوم الاول والثاني وهكذا ... حسب قرب الاماكن .. الله يعطيك العافية :e032: |
مثل ماسبق وذكرت لك ان القريه العالميه وحديقه الزهور تفتح بس بالشتاء من شهر نوفمبر الى ابريل اليوم الاول بما انه يوم الوصول فبعد ماتخلصون من المطار وتوصلون السكن بعد الراحه بامكانكم النزول الى الجي بي ار حتى مشي على الاقدام يوجد ممر خاص للسكن يوصلك للجي بي ار اليوم الثاني الامارات مول في البدايه ثم كايت بيش ثم سوق مدينة الجميرة اليوم الثالث دبي مول ثم سيتي ووك ثم بعد كذا عندكم خيارين الاول هو ان تحجزين رحله عشاء لكن من مرسى دبي القريب منكم ثانيا وهو البارك بوكس اليوم الثالث الذهاب الى فندق الاتلانس والسباحه ودخول الكواريوم او الذهاب الاى الوايلد ورد حسب اختياركم ثم الى مرسى دبي لانه قريب من السكن يعني ممكن ترتاحون بالسكن او تروحونه او تروحونه اول ثم ترجعون للسكن او ممكن تخلين اليوم سفاري في البر ولانهار بالمرسى دبي اليوم الرابع الوافي مول ثم الى حديقه الخور وحصور عرض الدولفين العرض يبدأ الساعه 6 يعني قبل تكونون هناك ممكن تشترون التذاكر قبل الذهاب انا حجزته من السكن كان فيه مكتب حجوزات حتى تضمن انك تلقى حجز العرض ساعه كامله يعني تخلص الساعه 7 الحديقه يوجد فيها تلفريك لكنه مقفل ماادري اذا بيفتح وقت رحلتكم او لا وبعد كذا رحله بحريه مع عشاء اللي تنطلق من قرية البوم وهي ملاسقه لحديقه الخور او تختارين من الرحللات الموجوده في موقع كوبون والانطلاقه من الخور اليوم الخامس يفضل الخروج في الصباح مثلا الساعه 9 ونص سوق نايف وسوق مرشد كلهم جهه وحده اسواق شعبيه متشعبه ثم الى السوق الصيني اذا كان في مخططكم ثم الى السكن وترتاحون وبعد كذا التوجه الى مارينا مول وهو قريب من سكنكم اليوم السادس حديقه الفراشات مشوارها بعيد شوي قريب من حديقه الزهور(مغلقه ) لكن تاكدي اذا الحديقه الفراشات مفتوحه في وقت سفرك وبعد كذا الى مردف سيتي ثم الى فيستفال سيتي سنتر ثم الى السكن هذا اليوم الاماكن بعيده عن السكن لكن قريبه من بعض نسبيا اليوم السابع العوده للوطن بالتوفيق قد ما افقدر حاولت احط الاماكن قريبه من بعض وققللت التنقلات حتى ماتتعبون خصوصا ان مامعاكم سياره |
فيه قوارب تنقلك من الخور الي الجهه الاخري بدرهم تجربتها حلوه قوارب خشبيه قديمه وترجعين بدرهم رحلات السفاري ما أعتقد بتناسبكم نهائيا يا اليت ما تحطونها ببالكم عشقي ما قصرت صراحه بالصيف بالعاده اتلانتس يقدم عروض |
| الساعة الآن 07:45 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO