|
مرحبا اختي ماقصرو الاخوان وانا من رايي الجوكر الاخير راح اضيف لج سويسرا بما ان المده طويله تقدرون تدمجون ثلاث دول لكن بحدد لكم مناطق سويسرا بناء على رحلات القطار وجاري دراسه الرحلات وراجع لج بالنسبه للسواق للمده كلها انا عندي سواق بميونخ ممكن يكون معاكم لكن المشكله راح يكون مكلف مب عشان اجرته فقط لان راح تتكفلون بسكنه او اكله او راح تتحمل تكلفه السكن مع التكلفه الاجماليه خليني احدد المناطق الي تقدرون تروحون لها بالطقار وماتكون لكم متعبه وارتب لج الجدول تحياتي اختي |
مرحبا اختي انا اطلعت على رحلات القطارات عشان ارتب لكم جدول بحيث مايكون متعب عليكم وكان تركيزي اكثر شي اني اجهز لكم مخطط بحيث ان تكون رحلات القطار دايركت بقدر المستطاع وطلع معاي هذا المخطط : الوصول ميونخ ليلتين سالزبورغ او البحيرات ليلتين زيلامسي او كابرون 4 ليالي انسبروك او سيفيلد او بيرتساو 3 ليالي فالنسي ليلتين لوزيرن ليلتين انتر لاكن 5 ليالي الى هنا 20 ليله تتبقى من 5 ليالي الى 10 ليالي ملاحظه رحلات القطار للمناطق فوق كلها دايركت بدون تبديل بالنسبه لمنطقتين فالنسي و ولوزيرن راح تنزلون بمناطق قريبه منهم وبعدها تروحون بسياره بسايق اليهم من بعد مخطط ال 20 ليله هنا تكون في خيارات انسي لليلتين باريس 4 ليالي العوده من باريس خيار اخر كولمار او فرايبورغ 4 ليالي وباريس 4 ليالي العوده من باريس خيار اخر فرايبورغ او بادن بادن 4 ليالي فرانكفورت ليلتين والعوده منها اذا تحسين التنقل كثير السبب في زياده التنقل : 1- عشان رحلات القطارات تكون لكم مريحه 2- ان مده سفرتكم كثيره عشان تغيرون وتشوفون مناطق كثيره ماتملون بنفس المنطقه اذا كانت الفتره طويله تحياتي |
بالنسبه للجدول الي ذكرته راح تكون مابين 4 الى 5 قمم ثلجيه تقدرين تروحين لها 1- قمه كابرون كيتزهورن ( النمسا ) 2- قمه قارمش زوجسبيتزي ( المانيا ) 3- قمه تتلس القريبه من انجيلبيرغ ( سويسرا ) 4- قمه كانغفرو في انترلاكن ( سويسرا ) 5- قمه مونت بلانك في شامونيه ( سويسرا ) |
جُدُولك ممتاز ياعمده بس عددهم ٦ لاانصح في يومين وبعدها تنقل قطار اشوف الاستقرار كويس وأفضل لهم |
مدري كيف اتشكر منكم فعلا من افضل المواقع شكرا جزيلا جميعا انا سبق و زرت اوربا و رحت سويسرا و فرنسا لان كذا حابه هذي المره ازور النمسا و ألمانيا راح ارتب جدولي من اللي اقترحتوا لي و اجمع افكاري و ارجع اشاوركم فيه نهائي و تبين لي انه افضل اطلع الفيزا من المانيا اسرع ! و الشي الثاني اللي ما حصلت رد واضح هل فعلا صحيح لما اطلع الفيزا مثلا من المانيا يلزم انه تكون رحلتي ثلاث ارباعها في المانيا ؟؟ او عادي مثلا لو اجلس ١٠ ايام في المانيا و ١٤ يوم في النمسا !! سؤال / هل لو استخرجت الرخصه الدوليه يسمحون بالقياده النمسا ؟؟ لان احتمال يروح معانا الوالد |
الفيزا من البلد الأكثر مكوث فيها هناك طرق مثلا احجز حجز وهمي ومن القبيل هذا بس لا انصحكم في ذلك بالنسبة الرخصه غير مسموحه ايضا |
فعلا السفاره الالمانية اسرع وكمان يعطون مده اكثر خاصة اذا عندك تاشيره سابقة ارفقيها مع الطلب من شروط اصدار التاشيره ان يكون عدد ايام الاقامه في البلد اللي صدرتي منه التاشيره اكثر مثلا صدرت التاشيره من السفارة الالمانية وعدد ايام رحلتك 20 يوم اقل شي لازم 10 ايام تقضينها في المانيا يعني نص ولو زرتي 3بلدان عادي قسمي براحتك عدد الايام واهم شي تكون الايام في المانيا اكثر حتى لو بيوم واحد مع ان فيه تغاضي بما ان وصولكم ودخولكم من المانيا الرخصة الدولية اللي ناخذها من المكاتب السياحية للاسف غير معترف فيها في النمسا زيها زي الرخصة السعودية ولو الوالد راح يسافر معاكم راح يريحكم كثير مع ايجار السياره ويفككم من تنقل القطارات لكامل الرحله |
اقتباس:
المده طويله بعض المناطق يلفونها كلها بيومين وبعدها نفس الجدول والروتين لو مثلا اربع مناطق تخيل يعني كل منطقه راح يجلسون فيها 8 ليالي والرحلات كلها دايرت بالقطار |
نفس ماقالو لج الاخوان الفيزا بالدوله الي راح تجلسين فيها اكثر والحل انج تسوين حجز وهمي للفنادق انك تحجزين فندق بألمانيا مع الغاء مجاني وبعد الحجز تطبعين الحجز وبعدها تلغين الحجز بدون مايخصمون منج شي بالنسبه للرخصه الدوليه حتى لو استخرجتيها نفس الشي غير مسموح بالقياده لان رخصتكم الاساسيه سعوديه |
شكرا شكرا شكرا كنت مرره متخوفه من هذي الرحله لكن ردودكم شجعتني و راح الخوف احنا 4 كبارين و 2 اطفال انا الان قاعده ارتب جدولي : - ايش افضل اوت لت في المانيا او النمسا ؟ ابغى الماركات العالميه تكون فيه ! عشان اشوف المدينه اللي بجلس فيها يومين زياده عشان الاوت لت - ايش افضل قمة ثلج يكون فيها فعاليات ! لان راح نصعد لوحده فقط و حابه اروح لافضل شي ؟ - و بالنسبه لمدينة الالعاب يبدو انه افضل مدينة العاب يورا بارك ؟ هذا اللي تبين لي ! - ابغى مدينه فيها مزارع فراوله و يسمحون لنا في قطفها ؟ في شهر اغسطس - ,وين ألاقي الكرسي الطائر flier في زيلامسي أو زيورخ أو فريبورغ ؟ - و ga6ar ممكن تفيدني برقم السواق ابغى استفسر عو الاسعار عنده ، ممكن تكون تناسبنا ! او لو مثلا كنا حابين ناخذه يوم واحد نروح نتمشى معاه بالسياره ! اعتذر عن ازعاجكم |
| الساعة الآن 01:14 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO