|
ماقصرت رايتك بيضاء الله ينور دربك ويسعدك وين ماتروح وتجي ما فتحت موضوع لانه هذا خاص للاستفسارات ماحبيت اسوي زحمه وهذا موضوع يخصه حسيت المواضيع اللي تحت المفروض للتقارير وليس للاستفسارات |
اقتباس:
الله يتقبل مادعيتي وانا بالخدمة و توقيتكم ممتاز اكتوبر احد افضل الاشهر بيكون الجو جمييل جدا ورحله سعيدة ان شاء الله |
عند التقديم على الفيزه في السفاره الصوره ام ٤×٤ هل المراه لازم تكون بدون حجاب ولا عادي بججاب زي صورة الجواز؟ والرجل يكون بشماغ ولا بدون |
اقتباس:
المرأة عادي تصور بحجاب الرجل لازم الصوره تكون بدون شماغ , مكشوفه الرأس |
rose33 أختـي بالنسبة لجدول أوساكا غالبا المدن الترفيهية تكون ليوم مخصص لها يونيفيرسال ستيديو إذا في وقت بعدها ممكن مكان واحد ولكن بالنسبة لي يكفي العشا في مجمع city walk universal studios أما عن يوم الخميس الأماكن إلي محددتهم موجودين ب3 جهات مختلفة فالأفضل تحديد جهة وحدة والأماكن إلي حوالينها أو بالكثير جهتين الوجهة الأولى Daigoji Temple تبعد عن الجهة الثانية Fushimi Inari Taisha بـ 45 دقيقا تقريبا ومن Fushimi Inari Taisha إلى الوجهة الثالثة منطقة Arashiyama تبعد بـ 50 دقيقة تقريبا يعني تقريبا التنقل من الفندق إلى هذي الأماكن وثم العودة تحتاج 3 ساعات فقط للتنقل + ساعات الجولات في المكان نفسه الأفضل تصرفون ين ياباني بس إذا مافي تصرفون دولار في بلادكم وفي اليابان تصرفونهم ين |
إذا رحت للسفارة اقدم على الفيزه هل اقدر اقدم فيز لاهلي بدون مايجون معي ولا لازم يجون شكرا اريجاتووو |
ياجماعه انا الاحد بروح السفارة اقدم على الفيزا هل يكفي اروح بالنيابة عن اهلي ولا كل شخص لازم يجي لفيزته؟ ساعدوني تكفون |
اقتباس:
نعم يمكنك الذهاب نيابه عن اهلك واتصلهم عليهم للتاكد و تراهم خدومين |
هل السكن في منطقة hatagaya جيد ولا لا؟؟ |
اقتباس:
لا أختـي ما انصح لأن بعيد وصعب للتنقلات الأفضل السكن عند أحد محطات Yamanote Line مثل: Akihabara ، Shibuya ، Tokyo ، Shimbashi ، Ueno وغيرها |
السلام عليكم ورحمة الله وبدكاته كيفكم انا مخطط ازور اليابان في 20 فبراير لمدة 10 ايام وراح اقضيها في اوسكا و كيوتو و طوكيو و فكوكا هل الوقت مناسب ؟ خاصة انه برد وشكرا لكم |
mohd18 وعليكم السلام ورحمة الله وبركاته الوقت مناسب أو لأ .. يعتمد من شخص لآخر متوقع يكون الجو بارد طبعا موسم الربيع افضل من آخر شهر 3 وإلى آخر 4 بالنسبة لتوزيع المناطق اشوف انك مكثر مناطق وعدد الأيام قليلة الافضل تختار فندقين أو بالكثير 3 مناطق للسكن مثلا طوكيو - أوساكا - طوكيو ويكون من خلال سكنك في أوساكا تروح كيوتو وترجع بنفس اليوم |
اقدر اروح من طوكيو لنارا وارجع ف نفس اليوم وهل اقدر اروح جبل فوجي وارجع ف نفس اليوم وكمان هل اقدر اروح اوسكا من طوكيو وارجع ف نفس اليوم وهل اقدر اروح كيوتو من طوكيو وارجع ف نفس اليوم الف شكر لكم الله يوفقكم |
Diamond18 من طوكيو إلى نارا بأفضل الحالات 3 ساعات للذهاب و3 ساعات للعودة وتكلفة الذهاب والعودة عالية جداً * غالبا يتم زيارة نارا من كيوتو أو أوساكا من طوكيو إلى فوجي يعتمد حسب المكان في فوجي تابعي هذا الموضوع أختـي ((هنا)) بعض الاماكن سهل الذهاب إليها والعودة وبعضها صعب ومتعب من طوكيو إلى أوساكا أو كيوتو تقريبا ساعتين ونصف لكل مشوار ما انصح بالذهاب والعودة في نفس اليوم من طوكيو أوساكا وكيوتو قريبين من بعض والمناطق القريبة منهم مثل نارا وكوبي وهيميجي تقدرين تروحين لهم وترجعين بنفس اليوم أما طوكيو فممكن زيارة يوكوهاما والعودة في نفس اليوم |
وين ممكن القى رحلات سياحية لنارا وكيوتو واوسكا ؟؟ |
Diamond18 في مكاتب سياحية في كل منطقة غالبا تكون بالمحطة الرئيسية مثلا في محطة كيوتو ويمكن تكون نارا تابعة لها وأوساكا في محطة أوساكا في المكاتب السياحية أختـي عندهم كل شي يساعد السائح ويكون عندهم خصومات للقطارات والباصات |
السلام عليكم ورحمة الله وبركاته احب اشكر الاخوان على جهودهم الرائعة فهذا القسم استفدت منها كثير بغيت استفسر عن منطقة فوجي هل في امكانية الذهاب لبحيرة Ashi او Kawaguchiko و Fuji-Q Highland جميعهم في نفس اليوم؟ و من افضل منطقة هاكوني او Kawaguchiko؟ وهل قصر طوكيو الامبراطوري وطوكيو دوم سيتي يستحقون ومهمة زيارتهم؟ وشكرا مجددا |
Ari وعليكم السلام ورحمة الله وبركاته حياج الله أختـي وإن شاء الله تفيدين وتستفيدين في المنتدى بالنسبة لمنطقة فوجي صعب زيارة الأماكن المذكورة في نفس اليوم ممكن زيارة Kawaguchiko و Fuji-Q Highland في نفس اليوم ولكن يكون السكن هناك هاكون أم Kawaguchiko ؟ يعتمد حسب المدة لأن Hakone فيها أشياء أكثر وتحتاج 3 أيام على الأقل أما Kawaguchiko حلوة للسكن وقريبة منFuji-Q Highland فيعتمد شنو إلي تفضلونه من الأماكن حديقة قلعة الإمبراطور حلوة ولكن دايما الحدائق أحب أنوع وأغير فتستاهل زيارة إذا كان في وقت كافي في النهار أما طوكيو دوم مكان حلو وما ينمل وايد أروح له وانصح فيه بالتوفيق أختـي |
وين القى السكاكين اليابانيه واغراض المنزل في طوكيو؟؟ وهل هناك مشكلة لو شحنت السكاكين في شنطة الطيارة ع الخطوط الكورية/ السعودية؟ |
وين تمثال الكلب Hachiko ? |
Diamond18 أختـي السكاكين ممكن تحصلينهم في دايسو أو Yodobashi akiba طالما السكاكين مو معاكم داخل الطيارة أعتقد عادي هاتشيكو موجود أمام محطة Shibuya بالقرب من المقطورة الخضرا إلي كان فيها صاحب هاتشيكو |
تسلم والله يجزيك خير اخوي Prince Kytu على ردك الوافر وسنة خير جديدة علينا وعليك فوجي يبيلها سكن بس ما اظن جدول الرحلة يساعد عندي استفسار اخر، هل الافضل السكن في اساكسا او جينزا؟ |
Ari الله يسلمج أختـي Ginza كلها ماركات وطبعا أكيد فيها كافيهات ومطاعم أما Asakusa فيها السوق الشعبي وحوالينها مطاعم تركية حلال ومطاعم يابانية وGinza تعتبر أقرب لمحطة Tokyo الاختيار لكم حسب الأفضلية بالنسبة لكم أختـي |
السلام عليكم لوسمحتوا ابغى مكان للاسترخاء يكون كله طبيعه وهواااء وامطار وبحر وجبال مابغى اكتفيتز او اسواق نهائياااا اهم شي عندي الفندق يكون منتجع وفخم ونظييييف واطلالته ع المكان ممتازه والطبيعه طبعا المده سبعه ايام الميزانيه متووووسطه بتكون للفندق بس لاني بتمشى واقعد ف الفندق مابغى اكثر من كذا الوقت في رمضاان بحكم الاجازه او بعد شوال مابغى طبعا اسيا ولا احسن دوله فيها لانهم كلهم وسخين واكلهم وروائحهم غريبه ولا ابغى مكان بعيد سفر طويل بالطياره لان كلها اسبوع بس واكره الرحلات الطويله ولاتركيا لان الشعب كله فيها [emoji4] ياليت اقتراحاتكم وارائكم شاكره لكم [emoji257] أرسلت بواسطة iPhone بإستخدام Tapatalk |
miss caty cat وعليكم السلام أختـي هذا الموضوع للاستفسارات عن اليابان وممكن طرح سؤالج بموضوع بالبوابة العامة بما ان سؤالج عام ولكن أختـي لا يجب الجمع بوصفهم بالوسخين ومو كل آسيا مثل ما تقولين من ريحة وأكل غريب وشكرا |
السلام عليكم ورحمه الله وبركاته تحيه طيبه وبعد:) ما اعرف ليش احس اني اكتب خطاب رسمي :1::1::1: سامحوني اول مره اشارك فالمنتدى انا الصراحه صار لي فتره احوس فالمنتدى وللحين احس اني تائه بين كثره المواضيع والاماكن ماشاء االله, الحمدلله عندي خبره كافيه فالسفر لكثير من دول العالم بس اول مره اسافر اليابان وفيني احساس خوف وتردد:yolks00640: :5:فحبيت اوضح بعض الاستفسارات المهمه واللي عليها ببني رحلتي ان شاء الله انا وصديقي باذن الله مسافرين اليوم من تاريخ 25 ابريل الى 3 مايو (9 ليال) والاستفسارات كالتالي:- 1- انا وزعت الايام بين ليلتين طوكيو ليلتين اوساكا/كيوتو خمس ايام طوكيو والسوال -هل توزيعي مناسب للايام مع العلم مو مخطط ابدا لزياره المدن الترفيهيه مثل ديزني ويونيفرسال - وين افضل للسكن في اوساكا او كيوتو مع العلم اني ناوي ازور المنطقه الثانيه وارجع نفس اليوم 2) بحكم اني بجلس في فترتين مختلفتين في طوكيو حبيت انوع فالمناطق ووقع الاختيار على - اول يومين في شيبويا واخر خمس اايام في جينزا هل هذا خيار طيب او اعكس بين الخيارين 3) الجو العام في الفتره اللي بكون فيها يحتاج ملايس شتويه ولا متوسطه تكفيني ؟ 4) ما الاماكن اللتي تحتاج حجز مسبق من مزارات او مطاعم او كافيهات 5) هل جبل فوجي يستحق الزياره والرجعه في يوم واحد مع العلم اني افكر فيها من ناحيه اننا شباب ومافي صعود للقمه يعني انا اشوفه انه منظر جميل ورومانسي للعوائل اتمنى تحطون فالاعتبار اننا اثنين شباب بخصوص التنقلات والاماكن المفضله بخصوص المترو والواي فاي الحمدلله احس اني فهمت اهم الاشياء لان الاحوان ما قصروا بالتقارير المهمه اتمنى ما اكون ثقلت عليكم وتتقبلون استفساراتي بصدر رحب شكرا مقدما |
هاوي للسفر والرحلات وعليكم السلام ورحمة الله وبركاته يا هلا فيك أخوي وحياك الله بالمنتدى بين أخوانك وإن شاء الله المخاوف هذي كله بتروح لأن اليابان سهلة والأمور فيها بسيطة وواضحة بالنسبة لإستفساراتك إن شاء الله كلها راح أجاوب عليها بس فترة السفر أشوفها قصيرة دايما أقل شي يروحون اسبوعين 14 يوم ولكن إذا المدة تناسبك مو مشكلة |
* أوساكا أو كيوتو ؟ لازم تقرر وين تسكن بعد ما تعرف شنو الأماكن إلي تبي تزورها لأن مثلا إذا الأماكن إلي ودك تزورها في أوساكا أكثر من كيوتو فتختار السكن في أوساكا والعكس صحيح * السكن في قينزا أو شيبويا أكثر ؟ قينزا أقل ازدحام وجوها كافيهات وماركات شيبويا مطاعم ومجمعات وزحمة وتطول في الليل شخصيا أفضل بينهم شيبويا * بالنسبة لزيارةمنطقة تطل على جبل فوجي أنصحك تروح شلالات Shiraito Falls سهل تروح وترجع بنفس اليوم * بالنسبة للجو معتدل ممكن يكون بارد أحيانا وممكن يكون دافئ أحيانا لما يكون الجو مشمس بالنسبة لي ألبس صيفي ويكون معاي جاكيت واحد في حال كان الجو بارد خصوصا في الليل * متحف ghibli museum يحتاج لحجز مسبق أونلاين قبلها بشهر تقريبا إذا في شي نسيته أو عندك استفسار ثاني بلغني |
السلام عليكم ورحمة الله يعطيكم العافية جميعًا سؤالي عن JRpass رحلتي بتكون ان شاء الله 12 يوم هل احتاج JRpass؟ علمًا ان توزيع الأيام كالتالي: 4 ليالي طوكيو ليلتين هاكوني/فوجي ليلة كيوتو 3 ليالي اوساكا (يوم نارا) ليلة طوكيو وهل اخذها 7 ايام ولا 14؟ وشكرا لكم |
Hamza_6 وعليكم السلام ورحمة الله وبركاته إذا من يوم تاريخ مغادرتك طوكيو إلى يوم عودتك إلى طوكيو المدة 7 أيام أو أقل فتحتاج JR Pass لمدة 7 أيام بس تأكد يكون يوم المغادرة والعودة ضمن الـ7 أيام مثل ما ذكرت |
السلام عليكم. لدي استفسار عن موضوع نقل الحقائب سمعت ان ممنوع نقل الحقائب عبر محطات المترو والقطار وان كان صحيح ماهي افضل واسهل الطرق لنقل الحقائب للتنقل عبر المدن اليابانيه |
Captain Abdulrahman وعليكم السلام لا مو ممنوع أنا دائما اتنقل بالحقائب بالقطارات والميترو ولكن الأسهل تنقل الحقائب عن طريق شركات النقل متوفرة بالمطار وكذلك الفنادق يوفرونها لك تقدر تبلغ الفندق وهم يشحنونها وقيمتها تقريبا 2000 ين طبعا يعتمد حسب المنطقة وغالبا توصل بعد يوم أو يومين من تاريخ الشحن |
جزاك الله خير وماقصرت |
السلام عليكم انا توي متخرج من الجامعه ولاعندي تعريف عمل لاكن حسابي البنكي فيه تقريبا 50 الف دولار فهل يغني عن تعريف العمل من اجل الفيزا ؟ شكرا |
السلام عليكم ارغب بالسفر الى اليابان ولكن ماعندي اجازه الا قي شهر 6 و 7 وخايفة يكون هناك الجو حار ياليت اللي يعرف الاجواء ووصفها بالضبط بالنسبة للرطوية وكيف ينفع والا لا ماحب الاجواء الحارة الرطبة طبعا اتمنى اروح لها في شهر 9 او 10 الاجواء خيال مع السكورا :31: لكن للاسف مافي اجازة |
khalifa309 وعليكم السلام أعتذر على التأخير بالرد لأني حاليا بإجازة عموما اجابة عن سؤالك الافضل الاستفسار من السفارة أو تقدر تطلع الفيزا بشهادة راتب ولي الأمر |
onah وعليكم السلام أختـي إذا مافي غير هذين الشهرين فالأفضل السفر بشهر 6 ممكن يكون الجو مناسب وممكن يكون حار على حسب موجات الحر والرطوبة كل سنة غير |
شكراً لك على الإفادة :6: |
شكراً يعطيكم العافية, عندي استفسار عن الفيزا انا رايحة اليابان على 30 جون ان شاء الله مع بنتي وخواتي وبطلعها من سفارة الرياض وناوية اروح السفارة لحالي عادي او لازم كلنا؟ ويحتاج كرت عائلة او الجوازات تكفي؟ وبالنسبة للفورم لازم اعبيه كامل خاصة الورقة الثانية مو واضحة زي ال partner occupation? وكشف الحساب وتعريف الراتب بيكون واحد للجميع يحتاج شي ثاني معه؟ معلييش على كثرة الاسئلة بس رايحة السفارة ع الاسبوع الجاي وشوي متوهقة خاصة اني من برا الرياض ولازم سفر. شكككرا لكم. |
نسيت شغله عددنا 4 اشخاص بانتظاركم الله يسعدكم.. |
| الساعة الآن 11:40 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO