موضوع مهم ورائع ،،

صراحة حاولت افهم وهذا الي قدرت عليه ،

تكلفة استخراج البطاقة تقريبا 36 باوند ، وبيكون فيها رصيد حوالي 30 باوند ! صح ؟

البطاقة لمدة اسبوع ، شاملة تنقلات الباصات لآي زون والاندرقراوند فقط 1 و2 ،،

الشئ الي ما فهمته الحين لو بروح مثلا بالباص من محطة موجودة بزون رقم 1 ، الى مكان مثلا موجود بزون رقم 2 ، لكن لو افترضنا انه الباص ما يوديك مباشرة ، لازم توصل لمحطة معينه وتغيره وتركب باص ثاني ،،

هنا السؤال

انا اول ما اركب الباص امرر البطاقة ، اوصل عند المحطة الثانية " الي هي اصلا مو وجهتي " انزل وانتظر الباص الثاني الي يوديني للمكان الي ابغاه ، اركب فيه وامرر البطاقة مرة ثانية ، اوصل للوجهة النهائية وخلاص !!!؟

وهل بينحسب علي تكلفة رحلتين !! بما اني ركبت الباص مرتين ! لكن انا قاصد وجهه وحدة !!

ويعطيكم العافية

هلا ... لك حد يومي بعده ماراح ينخصم من البطاقة شي مهما كان استعمالك لو 100 رحلة باليوم .. بس ضروري تمرر البطاقة كل مااستعملته ( هذا النظام ) ... واستخدم الباص والمترو زي ماتبي

اهلين يبو عبدالله

شكرا لك على الرد والمساعدة ،،

بس مافهمت نقطة " لك حد يومي بعده ماراح ينخصم من البطاقة شي مهما كان استعمالك لو 100 رحلة باليوم "

تقصد انه مبلغ محدد باليوم وبعده لو جيت بستخدم الباص بنفس اليوم مجانا ولا ادفع من غير البطاقة ؟

ويعطيك العافية ،،

استخدام بطاقة اويستر لعدد ( لامحدود ) من الاستخدام اليومي وتنتهي البطاقة بأنتهاء آخر يوم من الاسبوع المستخدم

مثل ماقال مشرفنا استخدام لامحدود ... استعمل المواصلات مثل ماتبي وبالعدد اللي تبي ..
اذا معك اطفال حتى 13 سنه لاتاخذ لهم بطاقة ... وتصير تدخل معهم مع الباب الكبير حق ذوي الاحتياجات الخاصة في محطات الاندر قراوند

ممكن صورة خارطة للمترو تبين زون 1و2

بجلس في لندن 4 ايام ..
شخصين وطفل 3 سنوات

هل الافضل لي الاويستر ..
أم البيق باص ..

لاني اعتقد تنقلاتي بتكون كثيرة في لندن
من مكان سياحي الى مكان سياحي آخر


كم تكلفة الاستخدام الغير محدود في اليوم
لزون 1 و 2

انصحك بتحميل تطبيق TUBE MAP للايفون ..
يوضح لك كل المحطات والزونات

عندي استفسار بخصوص الاويستر ينفع استخدمها انا واختي مع بعض مثلا واحنا طالعين سوا!

وإذا شريتها من بقاله مين بيسجل معلوماتي ��

فيه تطبيق لسامسونق يوضح الزونات والأماكن السياحيه الموجوده فيها!

لا مايصلح لازم كل واحد له بطاقته اذا اختك اكبر من 13 سنه ..

- ومايحتاج له تسجيل معلومات ... وتشترينها من اي محطة اندر قراوند او قطارات ، فيه مكاين خاصة تبيعها وفي موظف يساعدكم على طريقة الشراء

شكرا لك 🌷

السلام عليكم
انا في لندن وبكره راجع بإذن الله وباقي في بطاقة الاويستر رصيد ، هل اقدر استرجع المبلغ المتبقي في البطاقة غير 5 الباوند؟
علما اني اخذت البطاقة لمدة 7 ايام ، واذا ما اقدر استرجع البطاقة عادي اخليها واستخدمها اذا رجعت لندن السنة القادمة مثلاً ؟ وشكرا 😊

ما شاء الله

شكراً لك

موضوع رائع

الله يعطيك العافية

يعطيكم العافيه على الموضوع
عندي سؤال بخصوص بطاقة ريل كارد وهي بطاقة خصومات تخصم لغاية 30٪ من تكلفة التنقلات
هل انا كسائح اقدر اطلعها وكيفية طريقة وهل اقدر اجمع شخصين في بطاقة واحده مثل حالتي مع الوالده لان راح اجلس تقريبا اسبوعين وراح أتنقل بين لندن ومانشستر بورمث ليفربول وغيرها وهل اقر أستفيد من خصمها في الاندرقراوند
وخصمها مفيد جدا

شكرا لك

تسلم ماقصرت

لو سمحتوا التنفل من المطار الى الفندق كيف يتم ؟؟ مافي خيار غير التكسي لان التكاسي غاليه؟؟؟



وبخصوص هالبطاقه توصل للاماكس السياحيه ذهاب واياب ؟؟ وكذلك اذا بغيت اروح مانشيستر كيف؟