السلام عليكم ورحمة الله

اخوي ابو ياسر انا كنت في مايو ايضا في الشمال تركي ولكن قد قرات قبل في هالمنتدى كل مايخص المسافر ولكن عندي سوال لك هل تعرف تستخدم برامج الجي بي اس او الملاحه مثل برنامج قوقل ماب اذا لاتعرف فخذ لك سواق افضل يدلك رغم ان الاماكن مكتوبه على اللوحات بالتركي وهي قريبه من الانجليزيه نوعا ما ولكن اذا ماتعرف انجليزي ولا تعرف تستخدم القوقل ماب ومعاك عائله عشان ماتفوتك التمشيه فلافضل زي ماقلت استاجر سياره واتفق معاه على مبلغ يومي وانت تحدد بعد القراءه هنا في المنتدى الاماكن اللي تحب تتمشى فيها يوم بيوم وتريح راسك لان ممكن ماتعرف وتضيع التمشيه هذا رايي الشخصي

وبالنسبه للسكن حسب معرفتي البسيطه قسمها بين طرابزون واوزونجول واذا تبغى تسكن في منطقه قبل أوف اسمها اكدزرا اظن ان هذا اسمها فيها منتجع جميل تستطيع تقضية يوم او يومين وناس تفضل ايضا السكن في أيدر ليوم ولكن انا ماشوف ان المنطقه تسكن فيها لانها منطقه صغيره تروح لها اول اليوم وترجع لطرابزون او اوزونجول لانها اظن نفس المسافه بين المنطقتين

اتمنى لك اخوي ابو ياسر رحله ممتعه في ربوع الشمال التركي الجميل