|
اقتباس:
والاكتفيتي تتوقف ولا ؟؟ اجازتي ك طبيبب ما اقدر اخرها انتظرك |
انا اقصد انك ماراح تستمتع في الطبيعه لان الدنيا لسى شتاء وماراح تشوف الخضار ولاتنسى ان هالديرة فيها قوة رياح غير طبيعي ولاتنسى انت في فصل الشتاء يعني وانت تمشي في الشارع او في خارج المدينة اتوقع بتطير من الرياح هههههههههه >> يمكن نلقاك في المحيط بعدها وهذا الشي بيأثر عليك في الجولات والتماشي ع الاقل اجلها لشهر 12 ديسمبر وراح تدعيلي طبعا ابو غسان يمكن مضيع في التوقيت بس تقدر تبحث العم قوقل خدوم ومايقصر اعطني اجازه مرضية ضبطني واضبطك :72:هههههههه :17: |
لايصير فيك زي ماصار معي في النرويج كنت افكر توقيتي فصل الربيع وكنت افكر اني بشوف تفتح الزهور وخضار الارض وجمال الربيع بس للاسف لمن وصلت ماشفت اللون الاخضر كل الدنيا بياض وحتى العشب يابس ماله منظر بالرغم من ذلك استمتعت بس ماكانت المتعه كاملة طبعا النرويج تختلف في تضاريسها ومدنها عن نيوزيلندا وتقدر تستمتع نسبياً على توقيت رحلتي والحمد لله لو كان توقيتي في فصل الشتاء اتوقع ماقدرت اخرج من الفندق من الثلوج والامطار وقصر النهار فكر 1000 مره قبل السفر هل سوف تستمتع او لا واهم شي التوقيت المناسب وإلا السفر بسيط نقص تذكره ونروح بس الهدف انا نستمتع ونبسط في الرحلة ونشوف جمال وابداع الخالق لسحر هذه الطبيعه |
اقتباس:
اما سالفة اشوف اروحي بالمحيط .. ياخوك وطي اشوف روحي بعد ب كندا واوفر التذكرة بعد هههههههههه العام الماضي كنت مسافر امريكا وكندا ب نفس التوقيت واستمعت ب خريف فانكوفر اللي ماقد شفت خريف بحياتي 😂😂😂 اهم شي بالنسبة لي وبرقم واحد انشطتهم ماتتوقف ... وانت تامر يافارس الخيال باللي اقدر عليه 😎😎 |
الله يوفقك ويسر امرك استخر الله وتوكل علية والله يكتب لك اللي فيه خير انا اعطيتك وجهة نظري بما انك طلبت النصح اما الانشطة السياحية اتوقع في فصل الشتاء اكثر الانشطة تتوقف وع الاقل لو ماستمتعت في نيوزيلندا اكيد في استراليا راح تستمتع طبعا المسافات طويلة بين مدن نيوزيلندا واقصى حد للسرعة 100كم في الساعة وكمان القيادة عكس عندنا يعني الطارة ع اليمين بس القيادة عادية جدا مافيها صعوبة كانك بالرياض بس بنظام هههههههههه اللي ابي اوصلة لك اني تجرأت بسبب واحد قدامي كان يمشي بسرعة عالية وصرت زية متهور مع اني اول كنت اسوق بنظام الموووهم كنت رايح من كرايستشرش الى كوينزتاون وكنت احيانا اوصل الى 160-180 السرعه وتجاوز من اي مكان وماكان فيه دوريات او كاميرات ولاشفت شي نهائيا وانا متاكد وكنت حذر مبقق عيوني ع الطريق الحاصل اني وقفت عند محطة وتوني نازل من السيارة مادريت وإلا الدورية وراي حتى نزل والسيارة لسى ماوقفت هههههههه وجاء لمي معصب ويتكلم بصوت مرتفع انا توقعت انه بيسطرني كف بصراحة خفت ومو علشان صوته او هجومه علي بس كنت افكر ايش اللي بيحصل لي طبعا كان يقولي كلام كثير وان السرعة في نيوزيلندا اقصى حد 100كم في كل البلد طلب جوازي والرخصة واوراق السيارة وركب السيارة واخذ المفتاح :24: انا صرت ابلع ريقي واقول الله يستر من تاليها كنت اقول انا لا اتكلم الانجليزيه وهو يقول انت سرعتك اكثر من 140 وانا اقوله يس واطلع المحفظة واعطية 140دولار ههههههه مسوي نفسي غبي ويعيد علي الكلام وانا اقول يس انا عرفت بس استغبيت ومالي حيلة وامد يدي اعطيه الفلوس وهو يسالني وير اريو افرم وانا اقوله ساوديا اريبيا ههههههه قام يضرب على راسه سوديا اريبيا كريزي ويرجع للدورية يجيب لي برشور موضح علية صورة 100كم والاماكن اللي اتجاوز منها على حسب الخطوط البيضاء اللي ع الطريق وصورة الحزام جلس يشرح لي الوضع وانا اهز راسي واقوله يس اوكي ثانكيو ههههههه بعدها جلس يضحك علي وانا كاني ارتحت شوي وهو يرجع لي المفتاح واوراقي وجالس ياشر ع الورقة يقول لازم تلتزم بالقوانين واخيرا ارتحت وهو راح طولت عليك السالفة مع اني اختصرت واجد ههههههههه بس المقصد ان احد بلغ فيني من اللي كنت اتجاوزهم وكمان مشيت اكثر من 20 كيلو بعد المحطة وصاحب سيارة زرقاء كان يمشي وراي شكلو يراقبني ابن اللذينا وهو اللي بلغ اتوقع انا صرت امشي 80 اقصى حد :3: انتبه لاتتهور وعادي لو مشيت 120 طبيعي بس خليك حذر واوعا تتهور سبب تهوري وصلت بيكتون متاخر من الليل ومالقيت فندق اسكن فيه وباقي عن كراستتشرش يمكن اقل شي 4 ساعات وانا ماشي في الطريق تجاوزني واحد مسرع مره وصرت انا وراه قلت اكيد من اهل الديرة ويعرف الطريق وهذي فرصتي والله اني كنت امشي وراه 180 واحيانا 190 لحد ماوصلنا واخذت يمكن ساعتين ونص او تزيد قليل وهو اللي خلناني اتهور الله يوفقك واي استفسار حنا حاضرين ياحضرت الدكتور :13: |
اقتباس:
ولك وعد مني .. اذا ربي كتب لي سفرة هنا ،، لابسط لك هنا تقرير محترم 😅😅😅 وحبيت اعلمك اني سألت عن الاكتفييتي وكل الاكتيفيتي اللي ابغاها ماتتوقف بالشتاء .. وحتى درجة الحرارة راح تكون حول 10 كل اللي انتظره الحين شهر سبتمبر 😍😍😍😍 ويعطيك الف عافية .. ماقصرت ورمضان كريم |
ما قصر فارس بس حبيت التأكيد أن الجو حلو في سبتمبر و اكتوبر و انا كنت هناك بالوقت هذا البرد في جون و جولاي و اغسطس بعد كذا يخف كثير انا اعتبر الجو كان منعش جداً بس تحتاج جاكيت يكون معاك طبعاً الشواطئ مايكون عليها ذاك الزحمة الا في اشهر الصيف اللي هي ديسمبر + جانوري + فبراير |
انا لو كنت مكانك مخططي راح يكون كذا : اول ما اوصل اوكلاند استلم السيارة و على طول سواقة وسط الاجواء الحلوة الى روتروا = 1 يوم ثم بحيرة تابو = 2 يوم ثم ولنجتون = 1 يوم ثم بالعبارة الى بكتون = 1 يوم ثم الى كرايست تشرش = 2 يوم ثم الى كوينز تاون = 3 يوم و منها طيران الى اوكلاند = 2 يوم و انت اختصر الجدول مثل ما تحب و ما نستغني عن اقتراحات فارس |
المدة قصيرة يابو غسان وكمان انت شفت الطريق مسافات يعني نص ايامة بتكون في الطريق انا اقترح عليك يادكتور اول يومين او ثلاثة اوكلاند وانت رايح ويلنغتون تمر على روتوروا وتبيت فيها ليله ومن تصحى الصباح دايركت ع ويلنغتون روتوروا الناس تروح لها عشان الينابغ الحارة والطين المغلي >> اذا ودك تتروش وتتغمس في الطين روح لها:17: يومين في ويلنغتون ولا تنسى حجز العبارة قبلها بيوم او اول ماتوصل اوكلاند اون لاين يوم كرايستتشرش ليلة مع انها ماتستاهل بس عشان المسافة من بيكتون الى كوينزتاون طويلة جدا يبي لك اقل شي 11 الى 12 ساعة في الطريق ماعليك من حسابات قوقل مابز وفي هذا اليوم قبل ماتوصل كرايستشرش مر ع كايكورا اذا تبي تشوف الحيتان والدلافين والشواطي السوداء اليوم الثاني اول ماتصحى ع طول روح لكوينزتاون باقي ايامك كوينزتاون ومنها تزور مضيق ميلفورد ساوند اقتراح ثاني طبعا نفس المخطط الاول بس فيه تتغير انك تسلم السيارة في ويلنغتون ومن ويلنغتون تاخذ طيارة الى كوينزتاون اذا تبي تختصر الوقت وهناك تاجر سيارة اول ماتوصل هذي اهم المدن والاماكن اللي يجب ع السايح زيارتها في نيوزيلندا طبعا بقولك في حالة ان الاجواء ممتازه وفية خضار فالطريق اللي بين كرايستتشرش وكوينزتاون ممتع وبتمر على مناظر خيالية اما اذا الارض يابسة فنصيحة اختصر الوقت واطلع طيران من ويلنغتون الى كوينزتاون ونتمنى لك رحلة ممتعة يادكتور >> وده باستراحة شهر يبي يسافر هداك الرجال :17: هههههههههههه بمزح معاك دكتور >> الله يوفقك |
يعطيكم العافية اخوي اخر فرصة وفارس من خيال .. والله معلوماتكم كنز ماشاء الله انا للحين مقتنع ان الجو راح يكون بطل ،، وبيني وبينك يافارس الصور :17::17: وليه ماتعزم وتسافر معانا ههههههههه ،، والقيادة بالسيارة راح تكون متعة ������ مخططي المبدئي والقابل للتغيير من كلامكم واقتراحاتكم اوكلاند 2 يومين بحيرة تابو يوم ويلغنتون يوم بيكتون يوم كرايست تشرتس يوم كوينز تاون ومنها مضيق ميلفور ساوند 4 ايام عشان الاكتفيتي فيها بطلة ،، ناوي اجربهم كلهم :17::17: ن طبعا في خيار ثاني مثل ماقلت اخوي فارس .. اخلي الجزء الثاني بالطيرة وامدد الجزء الاول توتال ايامي في نيوزلندا 10- 11 يوم وما استغني عن اراكم |
| الساعة الآن 06:33 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO