ماشاءالله تبارك الله , ألف ألف مبروووك

اذا مابعد رحت تستلمها ياليت تسألهم كل اللي قدموا بهذا اليوم طلعت لهم؟

انا نفس تاريخك ورحت امس ولا طلعت ولا وصلتني رسالة اليوم ونفس موعد رحلتك السبت..

وش رايك وش الحل:26:

أنا محمد، قدمت من فرع الرياض

توني جاي من عندهم المركز فاضي في الاستلام ما قدامي ولا واحد
بس قالوا لِسَّه ما خلص

الله يبارك فيك يالغالي كرباج والعقبى لك

ابشر بروح لهم 4 العصر لأني كنت عندهم الصباح ومافيه شي وقالوا الساعة 4 تعال لأنه راح توصل دفعة جوازات من السفارة

واول ما طلعت الا تجيني رسالة السفارة

انا قدمت فى المركز الموحد بالرياض يوم 4/7 ووصلت رسالة واحدة يوم التقديم

السلام عليكم،،

أنا قدمت على الفيزا يوم 27/06/2016 وحتى الان ما جات ليا الا رسالة وحده

سلام كرباج
توني جاي من عندهم وقال مو كلهم ،، بس يجي بكره ويشيك ،، وصديقي مقدم معي 23/6 ونفس حالتك لم يصل جوازه ،، بإذن الله تستلمونها قي دفعة غداً

العذر والسموحة أخوي محمد ،، ما أدري ليش حطيت في بالي أنك بنت :3:

طيب حاول تراسلهم على الموقع ، مايطولون في الرد ، يردون عليك بنفس اليوم ... أن شاء الله بكرة تستلمها يارب.

الوضع طبيعي ان شاء الله ، لا تحاتون..

يا كرباج يعني بكرة راح تبشرنا بإستلامك الجواز بإذن الله .. :58:

تو الناس يجي دورك ، أصبر أسبوع أو عشرة أيام ويوصلون لتاريخ تقديمك.

أبشركم .. راسلت السفارة و ردوا على الإيميل ..
وهذا مضمون الرسالة:


Dear Applicant,


Your application has been concluded and will shortly be returned to our commercial partner. This does not mean that your documents are ready to collect: Please await confirmation of this, or follow the collection instructions you have already been given.

Regards,


الحمدلله ،،،


يعني خلاص :7: أرتاح بالي لله الحمد والمنة ..

اللهم لك الحمد
الله يبشرك بالخير

طيب متى راسلتيهم..؟
ووش قلتي لهم..؟
وعلى اي ايميل..؟

هاذي اعتقد مو رد على رسالتك للسفارة

هاذي رسمية ان جوازك انتهى ونفس اللي جاتني الصباح

الف الف الف مبروك تروحين الصباح وتاخذينها ان شاء الله

وسفره سعيده يارب

ويبشرك بالخير يارب ،،، راسلتهم اليوم الصباح على الساعة 8 تقريباً
و جاني الرد بعد ثلاث ساعات ونصف ( 11:16)

تدخل هذا الموقع:
https://ukvi-international.faq-help.com/
وتختار الدولة ( السعودية ) وتضغط نكست.

راح يطلع لك خيارين :
1- تتواصل معهم عن طريق المكالمة. (Call us)
2- عن طريق الايميل ( Email form)

أنا أخترت طريقة التواصل بالإيميل.

طلعت لي بعض الخانات للتعبئة

تاريخ الميلاد و رقم GWF وهذا الرقم راح تلقاه في اول ايميل أستلمته منهم ، لكل شخص رقم خاص فيه.

وطلب الأسم و الإيميل وخانه عريضة للسؤال .
أنا كتبت متى يخلص الجواز من إجراءات الفيزا ؟ ومتى يكون جاهز للأستلام ؟

والحمدلله الرد جاني مثل ما حطيته لكم سابقاً...


عقبالك تبشرنا :e44c:

امين يارب
طيب اراسلهم كل جواز على حده لاننا خمسة ولا اراسلهم عن جوازي فقط ولا اقدر اراسلهم عن الجميع بايميل واحد؟

الله يبارك فيييييك يارب :)
ممكن أنا من ضمن اللي سقطوا سهواً عن ارسال الايميل ههههه بس لما راسلتهم ردوا ..

لان لو كانت الرسالة أرسلوها من أنفسهم ، كان أرسلوا لنا ثلاثة إيميلات بناءً على عدد المتقدمين على الفيزا .:1:


متأكد بكرة أستلمه من المركز ؟؟؟؟؟
will shortly be returned to our commercial partner. This does not mean that your documents are ready to collect

لأن لاحظ مكتوب ان قريب بيرسلونه للمركز وهذا مو معناه ان الجواز جاهز للإستلام . هذا كلامهم ،، برأيك أروح لهم بكرة ؟؟؟؟؟:1:

ماراح تقدر تراسلهم عن جميع الجوازات بإيميل واحد ، لأن خانة GWF تستوعب لكتابة رقم شخص واحد ، بمعنى ماراح تقدر تكتب أرقام الجميع ...

الأفضل راسلهم عن جواز واحد مثل ما أنا سويت ..

راسلهم و بكرة راح يردون عليك لأن أنتهى دوامهم الآن،، وبشرنا ايش يصير عليك:e030:

اذا هذا الايميل اللي ارسلك هالرسالة
donotreply@hgs-ukvi.co.uk


فهود رد على رسالتك


اما اذا كان هالايميل هو اللي ارسلك


RIYADVisaInfo@fco.gov.uk


فهذا رسمي بأنتهاء الجواز وماله علاقة في رسالتك لهم ولو رحتي العصر كان حصلتيه لأن اللي راسلوهم الصباح وصلت جوازتهم الساعة 4 بالضبط من السفارة ووصلت قدامي

ومو شرط تخلص جوازتكم كلكم مع بعض .. لأن اصدقائي مقدمين معي وانا بس خلصت وهم لا

عموماً انا ذكرت لك الايميلات اللي فوق لأني راسلتهم وشفت اللي ردوا منه وشفت كذالك الاخير اللي وصلني بدون رد .. فأستنتج ذالك


وفقك الله

طبعاً اتكلم عن مركز تأشيرات الرياض لأن السفارة بجنبه وتوصل الجوزات بسرعة له

الله يسعددددددددك يارب ،، فرحني كلامك يعني بإذن الله بكررررة رايحة لهم المركز

بس انا فرع الخبر :14: يارب جابوه


فعلاً جاني من هذا الرد RIYADVisaInfo@fco.gov.uk

وبرضو قارنت الايميلات السابقة بناءً على ردوهم وايميل اليوم ،، كلامك صح وانا ما لا حظت ،، بكرة بروح لهم وبكتب لكم وش يصير معاي :14:

الله يارب يسهل امرك

طيب ليه ماجاك الا ايميل واحد وانتم 3 ؟
يفترض ان كل ابلكيشن يرسل له ايميل مستقل باسمه ورقمه.. ولا؟

آمين وعقبالك ... فعلاً كلامك صح يفترض ارسال ثلاثة وهم ما أرسلوا الا فقط لواحد

ممكن لأننا سجلنا كلنا بإيميل واحد ، او ممكن بسبب الفوضى اللي عندهم وعدم الترتيب ، او مثل ما قالوا الإخوان ناس خلصت جوازاتهم وناس لسى باقي مع أنهم بنفس اليوم مقدمين ... بإذن الله بكرة لما تخلص جوازاتنا راح اكتب لكم اذا خلصت الجوازات كلها او جواز واحد فقط :e148:

طيب من يفيدنا انا مقدم ب 3/7/2016
كم يبغى لها الفيزة وتطلع سفري يوم 29/7/2016
وطالب منهم يوصولنا بارميكس قهر بتخرب رحلتي ��

اذا ماعندك تقديم على تأشيرة ثانية بعدهم فامورك طيبة ان شاء الله عندك وقت كافي جدا بإذن الله
اما اذا تبي تقدم على شنقن مثلا بعد ماتخلص من البريطانية مثل حالتي فما اتوقع يمديك.

الله يسهل امرك

استخرجت الفيزة الفرنسيه بس باقي علي الفيزة البريطانيه وكل شئ واقف عليهم
الله يسهل الامور المشكله اخاف تروح علي السفرة كاملة ومتردد اسحب جوازي واكنسل بريطانيا
خربو المود كل ساعه اشيك على الايميل واذا جاء مسج فز قلبي :24:

طيب سؤال الله يعافيك
الايميل اللي جاك كان عن نفس رقم الابلكيشن اللي استفسرتي عنه بالتحديد؟
لان لو كان الرد اللي جاك يخص الابلكيشن اللي استفسرتي عنه تحديداً فمعناته انهم ماردوا عليك الا بايعاز من اللي راسلتيهم..
بمعنى انهم ارسلوا استفسارك لسفارتهم بالمملكة وطلبوا انهم يردون على ايميلك... هذا تفسيري والله اعلم

اانا قدمت امس بتاريخ 13/7 وموعدي 20/7 و سفري بتاريخ 13/8 , وش رايكم اطلبها مستعجلة وادفع رسوم ولا اخليها عادي , واذا خليتها عادي كم تاخذ وقت ؟
والشي الثاني لو باخذها مستعجل كيف الطريقة ؟:3:

آيه والله للأمانة جاني الإيميل بنفس رقم الأبليكيشن اللي أستفسرت عنه:e103:

نصيحتي أطلبها مستعجلة و أرتاح وراح تستلمها خلال خمسة أيام عمل أن شاء الله ، ولا حرق الأعصاب والتفكير والتوتر
يتأخرون كثير:e01d: حرام تخسر حجوزاتك...

اخ ملك الكبدة

انا جتني الرساله الساعه 2 ونقزت الساعه 4 ويقول ماجانا جوازك!

هل اخوياك اللي ماطلعت جوازاتهم امس استلموا رساله ولا لا؟

اذا صار زحمه وغالبا يكون زحمه مايستقبلون الا مواعيد

اذا خذتي موعد 21 وطلبتي خدمة الاستعجال بيخلصونها في 5-6 ايام عمل ان شاءالله

والله يسهل لك

الاخ كرباج

لو سمحت انت مقدم من جدة ؟؟ اذا ايه و ماعليك امر ممكن اذا رحت مركز التأشيرات وتسألهم عن موعد استلام الي قدموا يوم 27/06/2026

جزاك الله خير

انا مثلك والله مقدم بنفس التاريخ من الرياض ولا حس ولاخبر..؟

جاك رسايل منهم شي..؟

جاتني رسالة بعد مارحت بصمة بنفس اليوم مكتوب انهم أرسلوها الى السفارة البريطانية. وانت ؟؟

كويس لقيت واحد مثل وضعي هههههه
مثلك بالضبط رسالة من المركز اول يوم انهم ارسلوها للسفارة فقط
والى ساعتك ماجاني اي رسالة من السفارة بانهم استلموا جوازاتنا..!!

مع العلم فيه اعضاء مقدمين معنا وجاهم ايميل من السفارة بيوم العيد يعني قبل اسبوع تقريبا تبلغهم ان الجوازات عندهم وانها تحت الدراسة..
انا الفيزا اللي طالبها سياحية 6 اشهر.. وانت؟
اقلقونا حسبي الله عليهم
لكن لعله خير ان شاءالله

لا .. اخوياي ماجاهم رسالة ولا شي .. بس غريبة انك ماحصلت جوازك .. هل انت مركز الرياض مثلي ؟

اذا كنت جدة او الخبر راح تحصلها اليوم بإذن الله ،، والف مبروك مقدماً

الله يوفقكم