اذا بتدخلون من المانيا فماعندك مشكلة لانكم مطلعين تاشيرتكم من الالمانية ومعك حجوزاتك.. ولو بتدخلون من باريس مثلنا فبرضه معك مايثبت ان المدة الاطول لك بالمانيا و95% مايسالون وحتى لو سالوا وضعك في السليم..
وبالنسبة للتدقيق فالاف السياح يدخلون دول الشنقن على مدار الساعة يدققون على مين ولا مين..!!
وبعدين خطط السفر والرغبات تتغير في لحظة فمالهم علاقه اني قللت المدة هنا لانها ما اعجبتني او الغيتها حتى وزدتها في مكان اخر هذا شي راجع لي ( لقيت سكن افضل مريت على منطقة حلوة واعجبتني وسكنت فيها وكنسلت مكان اخر....... الخ) مالهم علاقة ولاني ملزم بسكن محدد انا سايح اسكن في اي مكان يعجبني..

وبالنسبة لنا بنستاجر سيارة وبنطلع من باربس على بروكسل ومنها على المانيا..
وانصحكم بالسيارة بلا قطار بلا طيارة..
في بريطانيا صح ما يحتاج فوسائل المواصلات العامة ممتازة وتغني والقيادة عكسنا وصعبة شوي.. اما دول شنجن حلاوتها ومتعتها السيارة والمرور على الارياف لانكم اذا بتتجولون في الارياف والقرى فالمواصلات العامة صعبة ان لم تكن مستحيلة.. والقيادة سهلة وسلسه جداً جداً ..

والله يكتب لنا ولكم الخير

بعدين علشان اطمنك لو كان يهمهم التدقيق كان ما اعطوا تاشيرة مدة سنة وسنتين واربع.. كان يعطونك على مدة حجزك بالضبط
يعني اللي عنده فيزا سنتين مثلاً هل هو ملزم يقدم لهم تفاصيل سكنه في كل مره يسافر فيها خلال السنتين..؟!
مستحيل
اذا هو اجراء روتيني للحصول على الفيزا فقط والقرار في النهاية للسائح..
فطالما انا محترم البلد وملتزم بالقوانين والانظمة فلا يعنيهم في اي منطقة او مدينة اسكن..
لكن الواحد يحتفظ بنسخة من السكن كاجراء احترازي لا اكثر
وسلامتك

طمنتني الله يطمن قلبك و يريح بالك :)