الان في محطة القطار متجه لتبليسي بصراحة قطارهم شي خيال وجديد من اسبوع مشتغل والله يديم الرخص الشخص الدرجة العادية اتوقع 22لاري وانا اخذت الدرجة الاولى 40لاري وفيه اكثر من رحلة باليوم من والى باتومي&تبليسي ومدة الرحلة اقل من خمس ساعات
والله حسافه باتومي اللي مايطول فيها حلوه ومريحة افضل من تبليسي انا اعطي باتومي ٥ايام وتبليسي واجد عليها٣ايام

هذاني بالطريق لتبليسي اخر يومين لان رحلتي الجمعه الحين راكب القطار حلو مره والواي فاي مجاني وعلى قولك رخيص وتبليسي حلوه بس ارتحت لباتومي اكثر شرحه ووسيعة صدر

هل تتواجد مكاتب ايجار السيارات مع السائق في المطار او في وسط المدينة وكم التكلفة تقريبا لاهنت

فيه مكتب لشركة هيرتز بشارع شارديني امس العصر مريتهم يقول تبدأ الاسعار من 50دولار للسيارات الصغيرة والمطار والله ماركزت لكن باذن الله رحلتي اليوم اذا دخلت المطار باسئل واعلمك

ترجع بالسلامة بو نواف
شكرا على المساعدة بالاستفسارات هنا.
بالنسبة لقطار تبليسي باتومي وبالعكس يبدو ان الوضع تغير للاحسن. الجميع كان يشتكي منه وكان يفضل الذهاب بالسيارة.
بإنتظار تقرير ناري منك.

السلام عليكم
ابو نواف لو سمحت كيف اسعار التسوق وخصوصا الماركات وهل فيه مولات كبيره

الله يبشرك بالخير
انا مسافر بسبتمبر ان شاء الله وكنت شايل هم السفر لباتومي بالطايرة ولا سيارة بس القطار خيار رائع
شكرا على هالخبر

عزيزي وش اقرب فندق لمحطة القطار بتبليسي وباتومي