|
طبعا فندق بسلانقور ممتاز واذا حجزت من بوكنق. تواصل معهم وقلهم شهر عسل. وابي بوكيه ورد وقاتوه واستقبال مميز بالغرفة, وهم يتواصلون مع الفندق ومايقصرون, وبلاش طبعا ايضا اطلب ادوار علوية واي شي في بالك. طبعا صن واي الالعاب بجوار فندقك. وممكن من غرفتك تشاهدها, منطقة بوتراجايا تبعد 20 دقيقة. ومنطقة شاع علم تبعد حوالي ربع ساعه, ومثل هالوقت يكون المشوار الة حديقة الاضواء وبالامكان تراجع تقريري وتجدها هناك. وايضا افتح قوقل ماب وتفرج بالخريطة اذا تحب. لنكاوي ( الوصول الساعة 15:30 ) = فندق ايديا لنكاوي هالفندق بصراحة اول مره اسمع عنه.. لكن من خلال بوكنق فموقعه حلو وتقييمه والصور روعه وربي يهنيكم. وغير كذلك خذلك موتر والدركسون عكس لكن مغامره ممتعه وراحة وتوفر دراهمك. وتراني جربت هالامر في سفريتين وربي ماندمت,على مهلك والمدام بالجوال تدلك على الخط. واحلى جو. * الخميس : الراحة للمغرب + الحجز مسبقا لرحلة المانغروف الحجز من المطار او من محطة الفيري وهي قريبه من فندق. واحجز اذا تبي شوري رحلتين المانغروف ورحلة الغروب, وتدعي لي. بتوصل العصر انصحك تتجه للفندق وتستلم غرفتك وبعدها تتجول حول الفندق وتستكشف المنطقة وبعد الغروب نوم .واذا في وقت روح ميدان النسر. وحديقة لاجندا. او خلها باليوم التالي. * الجمعة : رحلة المانغروف - مجمع فير شوبينق طبعا مجمع الفيري خلال ساعه تنتهي منه, لكن خل برنامجك من الصباح الى الظهر مع الغداء بالمانقروف. وبعدها على منتصف الظهري الى الفندق وترييحه بسيطة اذا تحب او اذا نشيط مره على حديقة الطيور. وتراها بتاخذ وقتك الباقي. ممتعه ومتنوعه.. اوالعصر انزل ميدان النسر وحديقة لاجندا ومجمع الفيري اذا مانزلت لها سابقا. تمش في كل هالمنطقة برجلك و تراها كبير وتفرج وتصور واستمتع, وبالليل خلك بالفيشاوي عشاء وجلسة على الشاطي.ثم الفندق. * السبت : عالم ما تحت الماء الصباح + العصر الشلالات السبع + الابار السبع رايي تستبعد عالم تحت البحار .. لان اللي بكوالا يغنيك. خل برنامج فطور ثم دق سلف وانطلق. الى شلال تيمرون وترى بعيد عنك. روح له بدري على 8 واحلى متعه لانه اجمل شلال واذا تبي تسبح خليك لابس سروال سباحة. هالشلال اعلى شلال والوصول له سهل. لانه قريب من الشارع. بعد كذا انزل على القرية الشرقية واتوقع تفتح على 9 . واقض اجل اللحظات بين الفيلة والقبة والتلفريك والتسوق. وممكن ينتهي يومك هنا. ويسير مع الغروب اتجه الى الفندق ومر على فندق الدانا وحوله مرفا ومجمعه مطاعم, وتعش ثم اكمل للفندق.طبعا بجوار القرية الشرقية تجد الشلالات السبعه او الابار السبعه وتراها شي واحد . واذا طلعت بالتلفريك راح تشوفها, وطريقة متعب شوي لانها صعود. وكلما صعدت كلما قل الناس . يعني بالاعلى خصوصية تامه. ايضا لاانسى لو ماطولت بالقرية وطفشت فقريب منك حديقة التماسيح. هالامكان انا حطيتها بيوم واحد لانها جنب بعض. اطلع لها من الصباح الى المساء . وجميع هالاماكن تبعد عن فندق حوالي نصف ساعه,, لان فندقك بالجنوب الشرقي, وهي بالغرب . * الاحد : جبل جونانق + شلال دوريان + حديقة الفواكه + حديقة لاجيندا + ميدان النسر خلي جولاتك تبدا من الجبل ثم حديقة الفواكة الى الظهر وبعد الظهر خذ غداك وعلى شلال دوريان وتغد هناك وتمدد وتمتع بالجمال والطبيعه, وعلى العصر انزل لمحلات اللي تسوي جوولة دبابات.ولاتفوفك تجربة جميل.الى الغروب ثم روح جهة شاطي سينانغ. واذا لك شف بالمساج فترى هناك محلات روعه وفخمه. وتعش بمطعم الصقر وعلى الفندق. * الاثنين : التلفريك مع شلال تيمرون السهل ياعزيزي. هاليوم ماراح نخليك تصحى بدري.:29: اقترح تنطلق على 10 او 11 الى جهة المطار وبجوار المطار تلاقي الفورملا 1. ميدان جميل وتجربة جميلة وشوف من يسبق انت والا المدام. وبعدها على شاطي سينانغ والالعاب المائية والبرشوت وانصحك تروح شركة اسمها naam وشعارها راس نسر. غالية بس عندها الادوات والسلامة والالعاب حلوه ونظيفة. لها عدة فروع واحد منها في شاطي سينانغ. وطبعا العب وتمتع ثم تغد بمطعم صاقر الهندي واااااااه ياصاقر, لايفوتك. طبع الى العصر. ثم ارجع الفندق وانتظر سيارة الشركة تجي تاخذك الى رحلة الغروب واحلى سهر واحلى عشوة, وبالتوفيق, * الثلاثاء : إلى المطار ( الرحلة الساعة 14:35 |
قبل مااكمل .. كلش واضح؟:62: |
واضح جداً ، شكرا مٓن القلب والله يالغالي |
|
�� كوالا راجع التقارير وستجد ارقام للسائقين كثير . وتقريبا فيها ارقام اتوقع بالصفحات الثلاث الاول.= فندق تريدرز كوالالمبور �� الوصول الثلاثاء الساعة 15:35 م احسن شي سويته انك اخترت هالفندق الجبار, موقع ممتاز وفخامه لاتوصف. * الثلاثاء : الراحة للمغرب + شارع العرب او التايم سكوير أول شي مايحتاج راحة فانت بالصباحة كنت بلنكاوي مسترخي. ثم انتقل برحلة جويه الى كوالا في اقل من ساعه. يعني بتكون رايق ونشيط . اذا وصلت المطار. انزل الدور الارضي وبتلاقي مكتب تكاسي وميزة هالمكتب انه بالعداد خذ تكسي وبيطلع عليك تقريبا باقل من 100 رينقت.الى فندقك. راجع تقرير اذا تبي شرح اكثر. استلم الغرفة وانطلق الى البرجين القريبه منك , وعلام تحت البحار وتسوق مع عشاء ومشاهدة عروض النوافير بالمسار ثم الرجوع للفندق والنوم, مجمع سوريا اللي بالبرجين مليئ بالمطاعم وعندك صاقر والبرازيلي وممكن تستفيد من تقرير الاخت دينا,Deena * الاربعاء : حديقة الفراشات + بحيرة بردانا + القبة الفلكية :بلانيتاريوم بوردانا فيها القبة وحديقة الفراشات وحديقة الطيور ووو, فممتاز تروح لها من الصباح الى الظهر او منتصف الظهرية. ثم تنتقل الى شارع العرب, بالعصر الى المساء. تسوق في بافليون وبي بي بلازا ولو10.وغيرها ومطاعم ومساج وانا بصراحة اكره هالمنطقة وسلامتك, * الخميس : باص الهوب اند هوب وجوله بالمدينه والنزول في البرجين التوأم والحديقة التابعة لها والمجمع التجاري سوريا – النافورة الراقصة وعالم تحت الماء (الاكواريوم ) طبعا التايم سكوير يبي له يوم كامل. لذلك اقترح تطلع له من الصباح الى العصر. ملاهي والعاب وتسوق وبدي كير ومساج ومسرح ومطاعم. وبعدها اذا تبي تنتقل للسوق الصيني وتاخذ هدايا منه الى الليل وبكذا انتهى برنامجك.. او اذا تبي تروح المنارة وتتعشى هناك. او اذا حبيت ترجع للبرجين اذا فاتك شي وتعوضه, او تكمل باقي يومك بالتايم, * الجمعة : الرحلة الى الكويت الساعة 9:45 ص في المطار لازم نكون الساعه 6:30 صباحاً ويارب ترجع بالسلامة لاهلك ياعريس وانت في في احسن حال, -------------------- �� التكاسي افضل طريقة للتنقل بين الاماكن والاوفر مادياً تكاسي او من رايكم تاجير سيارة ؟ سلانقور ..تكاسي بالمكتب اللي عند البراميد وايضا بالتطبيق. مع تكاسي الجولات. لنكاوي اقترح استيجار سيارة صغنونه وبتكلفك تقريبا 500 رينقت لمدة خمس ايام. ولو اعتمدت على التكاسي فالمبلغ راح يتدبل مره ومرتين, كوالا اقترح اغلب تنقلاتك بالمانوريل المترو,التايم عنده محطة توقف, السوق الصيني عنده محطة, البرجين عندها محطة . ماعدا الحديقة لازم تكسي, هل آقوم بحجز سائق خاص في كل مدينة من قائمة السائقين في المنتدى |
أتمنى لك رحله سعيده و أتمنى انك تستبدل ايديا بفندق الويستن وهذا الفندق تحديدا مناسب لشهر العسل.. أتوقع أسعاره نهايه شهر ثمانيه مناسبه |
Kazami شكراً من القلب ولا تكفيك حقك .. |
ماقصرو الاخوان ربي يعطيهم العافية ... ورحلة سعيدة يارب:e306: |
| الساعة الآن 01:00 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO