|
اقتباس:
منور أخي فيصل صحيح الساحات فيها الأبنية تقريبا شبيهة ببعضها البعض الاختلافات بسيطة المدينة المحرمة فيها مشي طويل ممكن تكون متعبة للكبار، لكن ممكن الواحد يرتاح ويدخل المعارض المنتشرة جدا داخل الساحات الاطفال أعتقد رح ينبسطوا كثير بهاي الساحات الضخمة والجسور ورح يقضوا الوقت ركض ولعب بالنسبة للمكرمة اذا لاحظت يوم أمس ما أعطينا السائق والمرشدة اعطيناها بس 40 يوان فاليوم حبينا نعطي أكثر علشان نبسطهم بما أنه كانت جولة اليوم رائعة وطويلة شخصيا اعتقد مثل ما ذكرت في مواضيع أو تقارير سابقة المكرمة جزء لا يتجزأ من ميزانية الرحلة خصوصا للناس الي رح ترافق المسافر في رحلته فعلشان يكون المسافر مرتاح ومبسوط لازم انه يكرم الي حواليه والحمد لله طول الرحلة كنا مبسوطين جدا أبدا ما حسينا انه المرشدة أو السائق معصبين أو مزعوجين أو مستعجلين أو بحاولوا يغشونا وهذه قمة السعادة بالرحلة بالنهاية أفضل انك تكرم الي حواليك من ما انك تتصور صورة بسعر غير معقول أبدا بالاضافة إلى اني ما بحب أصرف مبالغ كبيرة في بداية الرحلة وبترك المشتريات الكبيرة في نهاية الرحلة علشان أكون متأكد انه الميزانية رح تكفينا وأبشرك انه قدرت أصورهن بالملابس الصينية التقليدية في هونان بكاميرتي الخاصة وأخذت عشرات الصور الهن بـ 10 يوان فقط للشخص الواحد يعني كل الصور الي أخذناهن بـ 30 يوان بس يعني نصيحة الواحد ما يستعجل في بداية الرحلة وبالنهاية الموضوع بتعلق بالميزانية طالما المسافر ميزانيته مفتوحة فما رح تكون عنده مشكلة أما اذا ميزانيته محددة ومعروفة مثلنا فلازم ينتبه علشان ما يتفاجأ في أيام الرحلة ويلاقي ما ضل معه مصروف تحياتي أخوي فيصل تسلم عمتابعتك |
صراحة جزء مميز ودسم .. استمتعنا معك بالمدينة المحرمة والتراث الصيني .. وكذلك عروض الكونق فو مميزة .. وحلو انك تفرز الصور نهاية كل يوم عشان ما تتجمع وتتعبك بعدين . يعطيك الف عافيه هالمجهود الكبير في هالجزء ومتابعين معك باقي الاجزاء |
جميلة مزارات اليوم الثالث رغم أن فيها مشي كثير لكن قربها من الفندق يهون على الواحد قد يكون فصل الربيع مناسب جداً لزيارة الصين لأن الصيف حر و رطوبة و يوافق اجازاتهم وعددهم مش قليل حلو أنك ما استعجلت بالتصوير بالملابس التقليدية لأن سعرها مبالغ فيه بصراحة أحس أنه مكان زي بيع الاقمشة أو أنواع الشاهي أو مصنع معين فيه تنسيق مسبق مع المرشد و له عمولة سواء اشتريت او لا هل حسيت بشئ من هذا القبيل ؟ كيف انطباعك عن الصينيين الى الآن ؟ متابعين يا عسل |
بدأ التقرير الفعلي للصين وكالعادة مبدع يامجدي ياشين روائح الاكل بشرق اسيا يلوع الكبد المدينةالمحرمه احس انكم تعبتو وكذلك الحر والرطوبه تعكر اجواء السائح المطعم العربي انت متاكد انو عربي وإلا هندي تخيلتك زي التنين كل ماتاكل لقمه وتفتح فمك يطلع نار ههههههههههه لافطور ولاغداء تهنيتو فيه بصراحة معاناة زيارة الصين |
اقتباس:
الله يعافيك اخوي فهد فرز الصور في نهاية كل يوم اولا مريح ثانيا ممتع انك تشوف اجازاتك في التجوال وفي التصوير خلال نفس اليوم واحيانا بتيجيني افكار وبرجع على نفس المكان طبعا اذا كانت في امكانية وبوخذ الصورة الي كان براسي مشكور عالمتابعة sent from Galaxy Note 5 using Tabatalk |
اقتباس:
قرب الفندق من الجولات اليومية مريح جدا وبوفر وقت كثير صحيح فصل الربيع افضل لزيارة الصين من ناحية الجو لكن درجات الحرارة بتختلف حسب المنطقة الي رح تنزار لانه الصين كبيرة جدا وكل منطقة الها طقسها الخاص اما بالنسبة الي صعب اطلع اجازة في الربيع بكل صراحة ما حسيت ابدا خلال رحلتي باي استغلال من المرشدين يمكن يكون في اتفاقية بين شركة السياحة والمكان الي زرناه لطقس الشاي بس شخصيا ما لاحظت شيء حتى ما حكت معنا المرشدة بتاتا من اول ما دخلنا لحد ما طلعنا حصل بس موقف واحد اعتقد باليوم الرابع لما رحنا نتغدى، المرشدة ما دفعت الغدا مع انه من ضمن البرنامج المتفق عليه كانت واقفة خارج المطعم وما حبيت اناديها تدفع فدفعت انا وبس طلعنا حكتلها انه من المفروض هي تدفع حكتلي بأدب انه حسب البرنامج الي معها الغدا مش مشمول ولكنها رح تكلم المكتب فورا وتتأكد بعد ما اتصلت فيها واحنا بالسيارة حكتلي انه فعلا مشمول بالبرنامج اتأسفتلي وطلبت من السواق يوديها اقرب بنك، سحبت المصاري ورجعتلنا كل المبلغ الي دفعناه يمكن يكون الاشي مقصود منها لكن انا ما حسيت انه في ملعوب بالنسبة للصينيين من وجهة نظري كثير لطيفين كانوا جدا متعاونين معنا ساعدونا اكثر من مرة لكن مشكلتهم اللغة فكانوا صبورين معي وانا احاول اشرحلهم واستخدم تطبيق الترجمة من جوالي الاطفال لطيفين بس لاحظت انه اغلبهم ما بحبوا يتصوروا اذا انت حاولت تصورهم مع انه كثير مرات كانوا ييجوا كبار وصغار يطلبوا يتصوروا معنا اما بالنسبة للتجار فالغالبة العظمى خبيثين بتلاعبوا كثير جدا بالاسعار ولحوحين وكلامهم كثير تسلم على هالاسئلة كثير بتغني التقرير تسلم عزيزي sent from Galaxy Note 5 using Tabatalk |
اقتباس:
بالنسبة الي الحر والرطوبة ما بتمنعني انبسط ابدا ممكن اكون حران واشرب مي كثير لكن بتلاقيني عادي جدا حاملت شنطة فيها كل العدة وبمشييييييي المشكلة لما يكون معك نسوان وقتها قضية بدك راحتهن فمجبور تستريح كثير معهن التعب مش كثير ضايقنا الي بضايق الحرارة العالية المطعم مش عربي لا هو مطعم صيني لكنه حلال المطاعم العربية في بكين معدومة، هو مطعم واحد اسمه الف ليلة وليلة وزرناه اخر ايام ورح احكيلكم تجربتي معه مشكور عالمتابعة sent from Galaxy Note 5 using Tabatalk |
ماشاءالله .. ثلاثة اجزاء غنية وممتعة ورائعة... تابعت باستمتاع اول ثلاث ايام رحلتك وما احلاها من اجزاء ... الطريق إلى هناك ويوم الوصول والفندق والمدينة المحرمة والساحة ومعبد السماء .. اماكن جميلة وتصويرها من زوايا فنية وواضحة ... منتهى الجمال والروعة.. ماينكد على المسافر إلى هذه الدول عائق اللغة والطعام ولكنك تصرفت ببراعة... بالنسبة للغة حل ممتاز برنامج الترجمة على الهاتف اما الطعام هل جربت اسواقهم او الماركت ممكن ان تجد شيء يفي الغرض ويكون حلال ...؟ يعطيك العافية... متابعة ان شاء الله... |
وووه ما شاء الله والله شيء رهيب موضوع فخخخم، بصراحة الصينين يخوفون ههههه موضوع تزوير ال 100 يوان غريبة انها منتشرة مطار الصين فخخخخخم جدا واللي أستغربته انه هونق كونق ثاني اسرع دولة في النت استغربت ان النت في الصين ضعيف توقعت ع الاقل بيكون جيد لكن ضعيف بصراحة شيء غريب، الله يا جمالها الصين الاماكن من الصور شكلها نظيفة جدا مع ان الصينين معروفين اغلبهم بهمجيتهم وغير متأكد من هذه المعلومة ويا ليت تصححها لي لاني اكره الظلم هل هم فعلا همج وتصرفاتهم سيئة ؟!! غربة انهم حاجبين أفضل واقوى البرامج عالميا خاصة قوقل شيء مؤسسسسف صراحة لكن اذا الهدف منها الحفاظ على أمن الدولة فأنا أؤيدها وبشدة. [ تجنب الحديث في المواضيع السياسية، فالبلد أبعد ما تكون عن احترام الحريات ] هذي النقطة من اهم النقاط واتوقع مو بس في الصين .. في كل مكااااان. الله يوفقك يا أخ مجدي على هالموضوع الجميييل جدا والصور الجميلة الله يعطيك العافية |
يعطيك ألف عافية مجدي باشا مع إني مشغول وما عندي وقت أدخل المنتدى إلا قليل لكن دورت وقت عشان أقرأ تقريرك حقيقة تقرير متعوووووووووب عليه أهنيك ع الشرح المفصل والدقيق خطوة بخطوة فعلا اللي يبي يسافر يقرأ موضوعك ويكفيه........ أتعب كثييييييييييييرا لما أشوف أي شي يشير لهذا المسخ المسمى الكيان الصهيوني لما شفتك تحط الريال مع عملتهم جاني مغص ...... غريبة أنك تعطيهم الإكرامية يوم بيوم هذا يخلي عيونهم فارغة في رأيي ويقارنوا بين جهد اليوم والأمس وممكن يطلب زيادة أو يقيمك إنك بخيل أو خبل وكريم لكن آخر يوم ويكون طول الأيام حاسب حساب كلامه وجهده ويحاول يبذل جهده في إرضاء العميل عموما السواقين اكراميتهم ف حدود 30 الى 50 في رأيي والمرشد من 50 الى 100 حسب جهده يعني كان معي مرشدين ما يتقيد بوقت ولا ساعة من الصبااااح حتى ينتهي اليوم ف الليل وحتى بعد ما يمشي السواق ما يتركني حتى يوصلني الفندق ووده حتى يوصلني لغرفتي ويركب معي المصعد. وبعض المرشدين بمجرد ما ينتهي البرنامج حتى لو ما انتهت 8 ساعات يمشي. فهذا له أكرامية وهذا له إكرامية. وبعض السواقين ينزل بنفسه يفتح الباب (مع اني ما ابحث عن هذا الشي أبدا) ومبتسم ويصبح علي ويسألني كيف يومك .... وبعضهم ساكت وقاعد في السيارة وشغله كله كأنه رجل آلي, فهذا له أكرامية وهذا له إكرامية.... تسلم أناملك مجدي |
| الساعة الآن 09:42 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO