|
اقتباس:
هلا وغلا اخوي فيصل هي موجودة في الرد رقم 71 في موضوع الأخر الكريم Abdullah h على هذا الرابط المباشر http://www.arabtrvl.com/vb/171116-post71.html بالنسبة لقمة الجبل الأمر يسري على كل الأنشطة المشابهة حتى التلفريك إذا كان الجو صافي راح تستمتع .. والتلفريك يوم طلعنا كان ضباب لكن سبحان الله اختفى في ثواني بمجرد هبوب الرياح من الأسفل .. لكن الجبل لا أنصح به إطلاقا في حالة عدم صفاء الجو بسبب خطورة الطريق .. بالنسبة للشرائح .. هم ما يحتاجون إلا رقم الجواز والإسم لكن في الغالب صعب تطلع شريحه من دون الجواز نفسه للأسف نسينا امر الجوازات نجيبها معنا لكن من حسن الحظ إن اختي كان معها صورة الجواز في جوالها وأقنعت الموظف إننا بنطلع 4 شرايح مو بس وحدة ووافق على مضض وما كان في غيرنا واقف .. وسويت أمر مشابه في أوتلت جوهر كانوا يحتاجون الجواز حتى يعطوني نموذج استرجاع الضرائب لكن اقنعت الموظفة بإنها ما تحتاج إلا رقم الجواز وال spelling وسلك الموضوع معها .. شاكر لك اخوي فيصل تفاعلك الدائم وإثراءك للتقرير .. |
اقتباس:
ياهلا وغلا اخوي حيران .. شرفت ونورت .. والعفو ياغالي تستاهلون كل خير .. بالنسبة للشرايح .. سيليكوم ما جربتها بصراحه .. لكن لا تشغل بالك عليها .. انا اخذت هوتلينك (تتبع ماكسيس) واخواني اخذوا ديجي .. ولا احد فينا اشتكى منها والنت كان ممتاز .. شخصيا اخذتها من المطار واخواني اخذوها من المجمع والأسعار لنفس الباقات كانت حول بعض .. وكلهم كان لهم تطبيق على الجوال تشوف كم باقي لك رصيد وإنترنت .. رابط التطبيق يجيك مع الرسائل الترحيبية .. اللي خلاني اخذ هوت لينك هو الموضوع المثبت في المنتدى وقالوا إنها الأفضل تغطيه وتغطيتها كانت ممتازة عدى في الأماكن اللي ذكرتها (غرف فندق القولدن ساندز في بينانغ - طريق النزول من كاميرون إلى كوالا قريب من شلال اسكندر وهذا على كلام السواق كل الشركات) .. بينما طلعت جبال في لنكاوي والأشجار حاجبه كل شي والتغطية كانت ممتازة ونفس الأمر في كاميرون .. الانترنت كان في العرض 4 أو 6 قيقا لكن عندهم عروض متواصلة ولقيت الرصيد 10 قيقا .. يوم مشيت من ماليزيا ما استخدمت الا 2.5 قيقا لكن استخدامي يعتبر خفيف خرايط قوقل وتصفح ويوتيوب قليل والواتسب على جوال ثاني مخليه في الفندق شابكه على النت حق الفندق .. اللي ما كفى معاي هو دقائق الاتصال لأن اتصالاتي باخواني والسواقين كثير واحتجت اشحن مرتين أو 3 بـ 10 رنقت عن طريق التطبيق وادفع بالفيزا حقت البنك الأهلي .. وزوجتي شريت لها مرة كرت شحن بـ 10 رنقت من محل في وسط كاميرون .. تبقى عروضهم مميزة انك تاخذ شريحه مع باقة بحدود 40-70 ريال فيه انترنت ودقايق كافية لمدة شهر راح تكلفك اقل بكثير من لو حاولت مثلا تنشط باقة البيانات للتجوال لأسبوع واحد فقط مع شركات الاتصالات عندنا .. وحاضرين ياغالي لأي استفسار .. شاكر ومقدر لك مرورك .. |
ماشاء الله تبارك الله عليك يابو سعود اهنيك على كل ماتقدمه من معلومه مفيدة وخدمة لجميع أعضاء وزوار البوابة وفقك الله يالغالي |
نقدر نقول موسوعه لماليزيا كفيت ووفيت بتقريرك الرائع ابو سعود وذكرك للايجابيات والسلبيات تحياتي |
أهلاً أبو سعود .. فعلاً الرحلة طويلة جداً ( الحمد لله تيسرت ) يبدو بأنّ مسألة القيادة في لنكاوي أصبح توجه مثالي للأحبة .. التقارير تتحدث بإيجابية لتجربة القيادة .. جبل الراية ( للمرة الأولى ) أسمع عنه .. إطلالته جميلة .. تفصيل جميل بالنسبة لشرائح الاتصال .. مستمتعين برفقتك أبو سعود .. |
لا اله الا الله تبارك الرحمن تقرير عجيب والصور تأخذ العين والقلب وزاوية التصوير بكل صورة تختلف عن سابقتها الصور زوووووووووووغة تسلم ديات من صورها يارب اعتذر منك على غيابي عن التقرير بسبب المرض والحمد لله اني لحقت على الباقي اهنيك على هالتحفة الخطيرة تستاهل مليون الف نجمة تفاصيل دقيقة ونصايح وايجابيات وسلبيات اعشق الرحلات العائلية عليكم بألف عافية بصراحة في مناطق عرفتها من تقريرك ومنها جبل الراية بارك الله فيك وتسلم الديات اللي صورت وكتبت هالتقرير تحياتي لك ، اختك / قصة حب |
ماشالله يابو سعود التقرير مثل ماتوقعنا غني بالمعلومات الجديده.. شاطىء التانجونق رهو شخصيا اعتبره الأفضل في لنكاوي والسكن عنده متعه.. بخصوص الحر ليس مرتبط بأغسطس والذي بالعاده يكون ممطر لكن صدقت هذا العام وتحديدا هذا الشهر كانت الأمطار قليله.. لكن حتى الشهور الاخرى مثل سبتمبر و أكتوبر و نوفمبر تكون الأجواء حاره اذا لم يكن هناك غيوم وامطار .. في تاريخ 19 سبتمبر هذا العام كنت في لنكاوي وكان الجو حار ومشمس وصلت درجه الإحساس بالحرارة 42 درجه.. اذا هي مسأله توفيق من الله اذا صادفت موجه امطار كانت الرحله في أفضل حالاتها.. ننتظر المزيد من السحر الماليزي |
بسم الله الرحمن الرحيم والصلاة والسلام على خير المرسلين .. محمد عليه أفضل الصلاة والتسليم .. وعلى آله وصحبه الطيبين الطاهرين .. ومن تبعهم بإحسان إلى يوم الدين .. اعتذر في البداية عن تأخري في إكمال ومتابعة التقرير بسبب ظروف خارجة عن الإرادة طيلة الفترة الماضية والحمدلله على كل حال .. بإذن الله أحاول إكمال التقرير في أقرب فرصه ممكنة وغالب الجزء المتبقي لـ لنكاوي شبه جاهز يلزمه فقط تنسيق المنتدى وراح ينزل خلال الأيام القليلة القادمة إن شاءالله .. اقتباس:
حياك الله اخوي الغالي Abdullah h تسلم وماتقصر وخيرك سابق استفدت واستفاد الكثير منك في تقريرك المتميز .. شاكر ومقدر لك مرورك .. |
اقتباس:
حياك الله اخوي احمد نورت التقرير بحضورك.. الكل فيه الخير والبركة إن شاءالله وتستاهلون كل خير .. شاكر ومقدر لك تفاعلك يا غالي .. |
اقتباس:
ياهلا وغلا بمميزنا ومبدع الوصف .. شخصيا الأمر شبه محسوم لي لو عدت إلى ماليزيا إن شاءالله استئجار السيارة سيكون لغالب الأماكن عدى كوالا أو بينانغ ربما .. بسبب توفر ورخص أسعار التكاسي عن طريق التطبيقات .. وتجربتها في لنكاوي سوف تكون الأسهل بإذن الله لمن أراد التجربة .. جبل الراية راح يكون متنفس جميل لمن يحبون رؤية المناظر من الأعلى .. شخصيا جذبني له أمرين .. القيادة في الطريق الجبلي .. وكذلك زاوية الرؤية على كامل الجزيرة وللعلم هو يعطي رؤية أفضل من محطة التلفريك العليا .. وتسلم ياغالي على متابعتك وحضورك المؤثر .. شاكر ومقدر لك .. |
| الساعة الآن 08:07 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO