شبكة و منتديات العرب المسافرون - تفاصيل ومعلومات عن رحلتي للشمال التركي واسطنبول

بسم الله الرحمن الرحيم

عدنا اليكم من جديد واسف على التأخير بس والله ما فيه وقت

ابداُ حتى المشاركات اغلبها تكون من الجوال خاصه الردود على الأستفسارات

عموما نرجع لموضوعنا

اقتباس:

حدث امر كاد ان يلغي الرحله قبل موعدها بأسبوعين ؟؟؟؟؟

قبل الرحله بأسبوعين وانا جالس في امان الله في مكتبي الصباح مداوم مؤدب جاني اتصال الساعه 9

دق الجوال رقم مو مخزن قلب بالبدايه اكيد من الناس اللي نقدم لهم خدمات في عملنا يبي له

شي المهم رديت

المتصل : السلام عليكم

انا : وعليكم السلام ورحمة الله

الطرف الثاني : فلان بن فلان

انا : تفضل امرنا

الطرف الثاني : كيف حالك ان شاء الله طيب

انا : الحمد لله بخير

الطرف الثاني : مبروك جتك ترقيه :17: انا ترقيت على مرتبتك وانت ترقيت للمرتبه اللي بعدها

انا : ما نبي افلام الصباح من الاخير وش عندك

الطرف الثاني : معاك فلان بن فلان من الوزاره وانا حصلت رقمك من شؤون الموظفين

انا : الله يبارك فيك بس وين القرار

الطرف الثاني : القرار جاهز معايه برسله لك الحين هات رقم الفاكس بس لازم تحضر بالرياض

على شان تباشر

انا : افا جلد الرياض :28: طيب اوووووووووووووكي

الطرف الثاني : لازم تباشر وتخلص اوراقك وبعدها تداوم على شان اقدر اكمل اوراقي مربوط فيك

------------

(( يعني في حال ان رفضت الترقيه الشخص الثاني ما راح يترقى لو يصلي شرق وغرب ))

---------------

ارسلت رقم الفاكس وارسل لي القرار ترقيه للمرتبه م 8 وبعدها على طول النت حجز الرياض والعوده

مفتوحه رحت الرياض وجلست اسبوع كامل من مكتب لمكتب ومن سلم الى سلم لين خلصت اوراقي

وطلب نقل للإدارة بفرع عرعر --- وسوينا طلب ودخل على مكتب المدير العام قبل العيد

صادف اخر يومين من قبل العيد والمدير رايح جوله قالوا بعد العيد يبين معاك ....

اجازه لبعد العيد على شان اسافر :62::62: لمدة اسبوعين من اول يوم دوام بعد العيد

بعد اسبوع شاق وحافل بالسلالم والصعود والنزول كادت تخرب السفره او تتأجل

رحت المطار معايه حجز مفتوح قال الموظف فل وفيه رحله الفجر يمكن تطلع ويمكن لا

قلت تدري باصات سابتكو تنتظر هههههههههه 15 ساعه لين وصلت ولاية عرعر راسي تفجر

-----------------

نرجع لموضوعنا

اقتباس:

احداث الحلقه الأولى واين كانت الوجهه ؟؟؟

صباح اول يوم اسطنبول بعد الفطور في المطعم الوجهه كانت منطقة فلوريا والأكواريوم

ذهبت لمحطة باصات امينونو بعد ما توقفنا في ساحة السلطان احمد بعدها بالباص من امام

السوق المصري موقف باصات منطقة فلوريا وصلنا المول تمشينا وجلسنا بالكافيهات وبعدها زرنا الأكواريوم

لين الساعه 5 رجعنا بتاكسي للفندق بـ 45 ليره لباب سكاي كمر بالعداد

بعد راحه ساعه بالفندق التوجه لمنطقة تقسيم وشارع الأستقلال لين 9 والعشاء هناك والعوده بعدها

بالترام للفندق استعداد للمغادرة لطرابزون غداً صباحاً

اقتباس:

ما ذا قال موظف جوازات مطار الجوف ؟؟

طبعا قبل فتره كتبت في موضوع بالقسم العام عن موقف حدث لي بمطار الملك خالد

بسفرتي الماضيه عن البصمه للمدام ومشت الأمور بعدها سافرت دبي والأمور تمام مافيه اي

مشكله وصلنا موظف الجوازات بمطار الجوف ختم جوازم وجواز بنتي وصل للجواز الأخير يطالعني

هههههههههههههههه كأنه حاس ان رايح تركيا قال ليش ما هي مبصمه ؟؟؟

قلت فيه بطاقه الأحوال القديمه قال لازم تبصم كان في الكونتر اللي جنبه موظف من ولاية عرعر

يطالعني وقال لخويه خليه يمشي :17::17::17::6::6::6: ياسلام على اهل الولاية متعاونين

قال اذا رجعت فيه تعهد توقعه قلت مو مشكله

ختم الجواز وانطلقنا لصالة المغادرة