|
يا سلام يابو حمد روووعه هالديره تهبل وصورك دايما فيها ابدداع احب الدول البارده والطبيعه والسكون وعجبتني الفلل بس العيب الوحيد الترانزيت لان مافي رحلات مباشره من الكويت يعطيك العافيه وبنشوفها بالسفره الشتويه ان شاءالله |
اقتباس:
مرحبا اخوي فيصل قصدي ببداية السنة شهر مارس واواخر مارس مع العلم ان البلاد تصلح من شهر 5 الى شهر 9 وتكون الاجواء مناسبة وبخصوص استئجار السيارة اعتقد انه من الممكن لان الشوارع منظمة |
ماشاء الله تقرير رائع كروعة صاحبة صراحة أعجبني كل شيء بتقريرك فنادق ، أجواء ، أكل ، ألخ ..... هذي الاجواء من عشاقه وبقووة :18: سؤالي كم توصل درجة الحرارة سواءً في النهار أو الليل طريقة التواصل معهم ، وذكرت أنه لا يتحدثون اللغة الأنجليزية ؟ شكراً لك بحجم السماء |
ما شاء الله تقرير رائع جدا طبعا شفنا التغطيه من السناب لكن التقرير شامل كل المعلومات كم توصل درجة الحرارة في ديسمبر من خلال التقرير شفت انها مناسبه جدا للأطفال و يقدرون يستمتعون فيها ممكن اعرف المناطق اللي تستحق الزياره ابغي اعرف اسم المطار الدولي لأَنِّي شيكت على التذاكر ما حصلت طيران الاتحاد عندهم تسلم على التقرير و سامحنا على كثرة الاسئله يزاك الله خير |
اقتباس:
انا مثلج اختي ام حسون فعلا اختي ام حسين منطقة غابالا تتميز بطبيعتها وسكونها وجوها الجميل والفلل عندهم جدا سعرها مناسب سواء في غابالا او قوبا وان شاء الله راح تشوفونها بتغطية جديدة |
اقتباس:
مرحبا اختي هاوية الاسفار اسعدني انج شفتي التغطية بالسناب وبخصوص درجة الحرارة في ديسمبر تصل درجة الحرارة من 10 إلى 16 في العاصمة باكو وفعلا البلاد مناسبة للاطفال ( ممشى البوليفارد فيها مساحات خضراء والعاب للاطفال , ممشى نظامي فيه العاب للاطفال , المراكز التجارية تحتوي على مناطق خاصة بالاطفال) وانا جربت 3 مناطق وهي العاصمة باكو وقوبا وغابالا اما باكو و غابالا فتستحق الزيارة وقوبا تستحق ليلة واحدة فقط وفي فندق الريكسوس واما غير ذلك فلا انصح فيها واسالي كثر ماتبين يسعدني ان ارد على اسئلتكم وشاكر لج مرورج العطر |
شكلي بتم أحوط في الخليج طيران الإمارات تذاكرها ب 30 الف درهم 2 بالغين و طفلين و رضيع :19: اخت ربيعتي جربت طيران أذربيجان و تمدحهم بنحاول نقنع السلطات العليا لأنهم معارضين يركبون اي طيران غير المحلي |
اقتباس:
فعلا طيران الامارات سعرها غالي ولكن مش دايركت واما الطيران المحلي شي على فلاي دبي وجربتها ، وشي عالطيران الاذربيجاني وراح اجربها وفعلا الكل يمدحها وان شاء الله السلطات العليا توافق على طيران فلاي دبي |
تقرير رائع ومميز دول جديدة بالنسبة لنا للحين ماعليها سياحه قوية الفنادق وايد حلوة وراقية لكن سياراتهم وااااايد قديمة الاكل ذكرني بالاكل التركي احس وايد متشابهين شكرا على التقرير الرائع |
رائع يابو حمد كعادتك متميز في الوجهة و متفرد في طريقة عرض التقرير صور جميلة جداً لاذربيجان أعجبتني مطاعمهم تفتح النفس خاصة كافيه سيتي وأشوفهم ميالين للديكور الكلاسيكي حتى في مبانيهم الله يعطيك العافية تعرفنا على اذربيجان من خلال هذا التقرير الرائع |
| الساعة الآن 01:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO