شبكة و منتديات العرب المسافرون - بعض الصدف خير من الف ميعاد..

- عام (https://www.arabtrvl.com/vb/f315.html)

- - بعض الصدف خير من الف ميعاد.. (https://www.arabtrvl.com/vb/t2482.html)

رد: بعض الصدف خير من الف ميعاد..

حلاوة الصدف اللقاء بدون ميعاد
الله لا يفرق بينكم (:

رد: بعض الصدف خير من الف ميعاد..

اقتباس:

المشاركة الأصلية كتبت بواسطة الغردقاوي (المشاركة 44787)

الأرواح جنود مجنده
ما تعارف منها إئتلف وما تنافر منها إختلف
فلأن أرواحكما تعارفتا فقد إئتلفتما وتلاقيتما بدون موعد
فرب صدفة خي من ألف ميعاد

فعلا مشرفنا الآرواح جنود مجندة..والصدف الجميلة لها مذاقها الخاص..يسلمو على المرور..:(114):

رد: بعض الصدف خير من الف ميعاد..

اقتباس:

المشاركة الأصلية كتبت بواسطة توبليرون (المشاركة 44901)

ياااا بعد عمري يام نايف
حبيبتي نونا .... اول وحدة التقيها من المنتدى
تصادقنا في البوابه العامه للعرب المسافرون
والتقينا اول مره بمول ٣٦٠ بالكويت وقعده دامت اكثر من ساعتين
قعده عائلية حلوووه بس زعلتني ما خلتنا ندفع الحساب ... اطالبج بردها ان شاءالله
كانت قعده تعارف وسوالف عن المنتدى وعن العيال
كانت ام نايف مع عائلتها وانا مع بنتي دانه وولدي قناص

وتكرر اللقاء صدفه في اتلانتس
بعد ماعرفت انها بتكون بدبي
بس يوم وصولنا هو اخر يوم هناك
بس صج لقاء حميييم بين الخوات
وبعدين قعدنا سوالف وتمشي وتصوير
يا حلاة ذاك اليوم
صج كان ممتع انك تلتقي بصديق وتتعرف عليه بمجرد انك احببته خلال المنتدى
والحمدلله الصداقه دايمه بينا
ترى احنا اول سيدات يتقابلون في المنتدى :200:
وبعدين التقيت بمشرفاتنا من الكويت الايمان وابرار وبعد انظمت للمجموعه نمارق ...حبيبات قلبي
ونلتقي بين فترة وفترة على طول :(114)::(114)::(114):

والتقيت بالحبيبة مراقبتنا نانا العسل مع الايمان ويوم التقيت فيها
كأني أعرفها من زمان ... طيبة وخلوقه واتمنى التقي فيها من يديد

ولا انسى ام علي حبيبتي هاوية الأسفار ولقائي فيها
اللي صار على أخر يومها بالكويت اللي تأجل لمرضي بوقتها بس
صحيت على اخر يوم ورحت قابلتها انا واختي
وطيبة اهل الامارات ما الاقي مثلها الا عند هاوية الاسفار ام علي
وواتمنى اني الاقي جميع الزميلات اللي بالمنتدى واي وحدة تزور الكويت
وتحب نتعارف عليها احنا موجودين ونتمنى مقابلتها

ومن الاعضاء لم اقابل اي احد طبعا بس في شخص لبى دعوة عرس ولدي
وحضر في زيارة عمل للكويت وحضر استقبال الرجال وصور مع ابوحسين والعيال
صديقنا هو الشايب العاشق بوعبدالله
ومن اللي حضروا العرس بعد اخوي mrq8
ذكرت هالكلام كله لاني احس ان هذا بيتي الثاني وعايلتي الكبيره هنا في
منتدى العرب المسافرون
شكرااا لج نونا على هذا الموضوع اللي فتح قلبي لمشاعر الحب والاخوة
واسفه على الاطالة

لبى قلبك..لاتتأسفين ولاشي خذي راحتك على قد ماتقدرين هالموضوع لك خصيص حطيته مثل ماقلت لك..اهل الطيب يستاهل الطيب والزميلات والاخوات فيهم الخير والبركة وربي يجمعنا بالي نحبهم ويحبونا..وبوعبدالله راعي واجب..المسافرون العرب هو البيت العود الي نجتمع فيه بكل الحب..الله لايحرمنا هالمعرفة والصداقة أم حسين الغالية..:(1):

رد: بعض الصدف خير من الف ميعاد..

اقتباس:

المشاركة الأصلية كتبت بواسطة فيصل (المشاركة 45070)

ما أجمل هالصدف نونا
الله يجمعكم علي المحبه

اللهم امين..يسعدك ربي..

رد: بعض الصدف خير من الف ميعاد..

اقتباس:

المشاركة الأصلية كتبت بواسطة qa6ar911 (المشاركة 45141)

صدفه خير من الف ميعاااد هههههههه

ربي يجمعك دوم ان شاء الله على الخير

ربي يسعدكم ويسعد الجميييييع

امييين يارب..الصدف مو بس محصورة باللقاء حتى بتحقيق الاحلام..اسعدني مرورك..

رد: بعض الصدف خير من الف ميعاد..

اقتباس:

المشاركة الأصلية كتبت بواسطة صوت بني تميم (المشاركة 45142)

فعلاً رُ بّ صدفة خير من ألف ميعاد

عسى بس ما حشيتونا فينا نحن الاعضاء :yolks00250:

هههههههههههه منور صوت بني تميم..ياحشينا حش بتدخلون الجنة من ورانا :yolks00250:
اسعدني هالمرور..:(114):

رد: بعض الصدف خير من الف ميعاد..

اقتباس:

المشاركة الأصلية كتبت بواسطة غلاتي (المشاركة 45256)

حلاوة الصدف اللقاء بدون ميعاد
الله لا يفرق بينكم (:

منورة غلاتي..صدقتي لها حلاوة ومتعة مميزة..ولا يفرقك عن من تغلينهم..:yolks00260:

رد: بعض الصدف خير من الف ميعاد..

ياحيااااتي

موقف جميل

ليتني اقابلكم

نفسي ازور عروس الخليج

كل سنة بفبراير اخطط وماتضبط

احس الكويت واهلها شي مررررا راقي وجميل

الله يديم الحب والالفه

رد: بعض الصدف خير من الف ميعاد..

الله يجمعكم على المحبة دايم

مثل هذي اللقاءات الجميلة تترك أثر ما ينسي

ياليت تكثرون منها عشان نكسب حسنات :yolks00750:

رد: بعض الصدف خير من الف ميعاد..

اقتباس:

المشاركة الأصلية كتبت بواسطة طوق الياسمين (المشاركة 45552)

من ذوقج يا طوق .... وانتو أرقى
حياج الله وان شاءالله نقابلج بس عزمي على الجية
ويديم عزكم