لا اله الا الله محمد رسول الله

اخي الكريم
خلك من فرنسا وربعها هذيل بالاخير وماتقدر اتعرف تكلفتهم الا لما تحدد في اي موسم بتطلع لهم ..
ثانيا انت وين بتستقر وين العلاج بيكون في بريستول ولا لندن ؟؟ كل وحده لها طابع مختلف وميزانية مختلفه
ثالثا انت رايح علاج مو سياحة ولازم الواحد يقدر هالشي وحسب كتابتك ميزانيتك لازم اتحدد يعني الهدايا شمالهم اذا تبي بس اخذ لاقرب الناس امك ابوك اخوانك .
رابعا اذا انتوا فيزكم مرافقين مريض اللي اعرفه مايصير الشغل في هالفيزا ..

ابي رد على ثانية وبعدها اكمل باجي تعليقي

حياكن الله خواتي والشكر موصول لكن على ردودكن

ممكن أنا ماعرفت أوضح كل القصة بس انا سبق و ردت على الاخ أبو غسان انو حكاية السياحة لفرنسا و غيرها هاذ شي اخير يعني موب الان ملحوق ومثل ماتفضل الأخ ابوغسان ممكن وقت يصير وقته بنزل موضوع مستقل وبارك الله فيه وفيكن عالنصيحة بس ممكن الن ماعندي هذيك الخبرة بالكتابة نزلت كل شي مرة وحده.

اما حكاية العلاج الاخت الفاضلةالي سألتني انا الشغل في الواقع متكلف فقط بالفيز لي وللولد المريض ولزوجتي لكن ماتكلف بفيزة بنتنا لانو عندنا بنتنا رضيعة ما بيعقل وين نتركها. وبما اني ما سبق وسافرت خارج الديار ما عارف شي لا تضحكون على كلامي أنا ماني هذاك المترف الحمدلله على كل حال.

بالنسبة لمكان العلاج هو مقسوم بين بريستول ولندن الطبيب المعالج او البروفيسور في لندن يعمل كشف ويعطينا تقرير فقط يومين بلندن وبعدين ننتقل لبريستول هونيك تجري العمليات لكن هم قالو في علاج طبيعي بعدها و الاماكن الي قالو عليها جدا غالية ولما اتصلنا بالعائلة الي نعرفها رشحولنا مدينة اكستر على اساس انو فيها ارخص المراكز
وهنا ابي اوضح نقطة الشل متكلف فقط بعمليات الولد مش متكلف لا بعلاج طبيعي ولا بأدوية يعني الدكتور الي نعالجه عنده بالوطن رشحلنا مراكز بلندن ومراكز بمانشيستر ومراكز ببريستول بحكم ان قلنا انو عندنا عيلة نعرفها في بريستول
باختصار انا ميزانتي على قد ظروفي ولهذا السبب لجأتلكم ابي شوركم وخبرتكم
اما قصة اكستر في الواقع العيلة الي نعرفها لما اتصلت زوجتي بزوجة صاحبنا فهمتها انو المراكز ببرستول غالية وبلندن و نصحتها فترة العلاج الطبيعي الأحسن باكستر ، ولا الزوجة سألتها عن المعيشة فيها والأسعار من ايجار و تكلفة معيشة وغيره قالت ما اعرف بالتدقيق لانو هي تسمع ان اكستر ارخص المدن معيشة من خلال رفيقاتها بالعمل فقط ومن خلال البحث في النت لما ككلفتها زوجتي تسألها على مراكز العلاج الطبيعي

وهنا زوجتي قالت العمليتين راح ياخدو كلهن مع بعض اسبوع وحد وبعده يقعد الولد فترة 15 يوم نقاهة وبعدها يبدأ العلاج الطبيعي، وكانت فكرة زوجتي انو طالما ما في فترة طويلة في العمليات والفترة الطويلة هي العلاج الطبيعي و المراجعات الطبية ليش ما نستأجر الفترة الطويلة هاذي في اكستر حسب نصيحة رفيقتها ونسجل دورات اللغة باكستر بالمرة

وتبقى هاذي فكرة الزوجة لكن أ،ا ابي شوركم و نصحكم

عارف اني أثقلت عليكم بس ماباليد حيلة