السلام عليكم أخي... أول شي قبل ما تسأل عن وين تشوف القدس أوضح شي لازم تختار الوقت المناسب لهالشي... لأن لو في غيوم بالجو صعب جداً إنك تشوفها...
بالنسبة لوين أحسن أماكن تشوف القدس منها فهمّة جبل نيبو و بانوراما البحر الميت... للأسف ما بتلاقي مناظير هناك فجيب معك منظارك ولازم تكون عارف بأي اتجاه عم تتفرج لتشوفها صح... رح تبين معاك قبة مسجد الصخرة لأن لونها مميز... الباقي كله حيكون قضا القدس
https://youtu.be/Ilx_Tp-f4PA
هاد رابط تغطيتي لمادبا وجبل نيبو على سناب شات...
بالنسبة لمكاوِر (أو مكيوِر حسب كيف بتلفظها) فالوصول إلها صعب لأن القلعة جاية بالغابة وطريقها مو سهلة وما بنصح فيها لحد ما عمره راح المنطقة.
طبعاً وإنت هناك مو بس بتشوف القدس... أكتر المدن وضوحاً رح تكون أريحا لأنها عالحدود مع الغور
إذا مهتم كمان بتقدر تشوف نابلس من السلط
وكمان بحيرة طبريا وبيسان من أم قيس ومن قلعة عجلون
برضه جبال القدس كلها بتكون واضحة من منطقة زبّود قرب ناعور [emoji4]
أتمنى إجابتي كانت مفيدة إلك [emoji85] [emoji5]
معلومة أكيد إنت بتعرفها الأردن وفلسطين حدودهم كلها مشتركة لهيك بأي مكان جبلي عالي إذا تفرجت عالغرب الجبال المقابلة هي فلسطين [emoji111]
#شوف_عمّان_بعيون_أهلها
