|
الله يعطيك الصحة والعافيه يارب مرا استفدت من المواضيع الموجودة الله يكتب اجركم يارب لكن عندي عدّة استفسارات عن بعض النقاط.. * هل من الممكن استخدام بطاقات سويكا للتنقل في هاكوني ؟ كمان في سابورو ممكن استخدامها ؟ او ممكن أخذ بطايق القطارات للاستخدام لمدّة يوم وهل تغطي كل الخطوط او خطوط محددة ؟ كمان في حكاية تبديل القطارت والمحطات حملت برنامج japan trains زي ماهو موضّح بالصور لكن كيف اتاكد من المخارج عند تبديل القطارات تكون موضحّة؟ وبعض المسارات عليها تنبيه بالاصفر زي المثلث ايش معناها؟:e252:: هل انه الرحله مو مأكدة او بيكون فيه تغيير؟ http://store6.up-00.com/2017-05/149562585043541.png http://store6.up-00.com/2017-05/14956258506252.png http://store6.up-00.com/2017-05/149562585074413.png http://store6.up-00.com/2017-05/149562585092474.png كمان في Google map احدد التاريخ والوقت لبعض المناطق ويظهر التايم لاين ف هل هي صحيحه؟ وبعض المناطق ماتظهر ماتحضرني الان ممكن ماانضافت في جدول الرحلات لسا او مافي رحلات لان افتكر في منطقة من بداية جولاي مافي اي رحله متاحة وجربت باكثر من وقت كيف اعرف اوقات الباصات لان بعض القطارات فيها تبديل لباص عشان اوصل للوجهه المحددة * شايفة رحلات لتشيبا وسايتاما كل يوم بس سمعت معلومة انها باوقات وايام محددة وابا اتاكد ان الاوقات المتاحة في الخرائط صحيحة كمان نفسي اجرب bungee jumping ��✨ لكن اللي لقيتها كلها في اماكن بعيدة عن الاماكن اللي راح نزورها فهل احد ممكن يساعدني بعناوين في سايتاما - تشيبا او هاكوني؟ مع انه شفت اللي ببرج طوكيو لكن حسيتها عالية جدا وهيا اول مرة بنجربها فاافضل تكون متوسطة الارتفاع والنط يكون على بحيرة او نهر * كمان غابه توتورو في سايتاما اللي لقيته في بعض المواقع انه اوقف عند محطة seibukyujjo-mae واكمل مشي لمدة ساعة ونص تقريباً لكن في خرائط قوقل شفت محطة seibuen اقرب والمشي 16 دقيقة تقريباً وظهر لي مسار للقطار ف هل ممكن اوصلها بالمسار اللي لقيته علما ان الانطلاق بيكون من محطة ueno ؟ اخر سؤال واعتذر على الاطاله حجزت في فندقين عن طريق booking واللغه المتاحة للفندقين يابانية ف طلبت منهم اجي من الصباح قبل موعد check in واترك الشنط عندهم عشان نستفيد من الوقت واجي المساء واعمل check in وطبعت الموافقه منهم لكن خايفة مايفهموني ف هل ممكن اذا احد متمكن من اللغه يساعدني بتكوين جمله مبسطة لان اخاف اترجم من قوقل واتورط!.. رحلتنا راح تكون من 30 يونيو حتى 13 جولاي اذا افتكرت شيء كمان راح اسال شاكرين مجهوداتكم والله يجعلها بموازين حسناتكم |
bashayr الله يعافيج أختـي هذا التطبيق ما استخدمته من قبل لذلك ما عندي فكرة عن العلامات ومعانيها أنا اعتمد على خرائط قوقل في التنقلات وبعض الأماكن إذا ما ظهر لي الطريق في الخرائط اسأل بالمحطة عن المكان الي بروح له واهم يساعدوني بالنسبة لبطاقات سويكا الأماكن التي لا تقبلها راح يكون مكتوب هذا الشي وحسب ذاكرتي هاكون وحدة منهم هاكون الأفضل شراء تذكرة سياحية تشمل الكثير من المواصلات مثل الحافلات والقطارات الجبلية والتلفريك والسفينة وبالاضافة إلى خصومات على دخول المتاحف والاماكن السياحية وتباع هذه التذاكر عند محطة Odawara الباس متوفر ليومين بـ4000 ين أو 3 أيام 4500 ين التفاصيل ((هنا)) أما في سابورو ممكن استخدام بطاقة سويكا بالنسبة للباصات ممكن تاخذين جدول الأوقات من الاستعلامات في محطات القطارات أو الفندق أو تشوفين الأوقات عند محطة الباص نفسها في جدول يوضح موعد وصول الباص خانة تمثل الساعات والثانية تمثل الدقائق ويكونون جدولين واحد لعطلة نهاية الاسبوع السبت والاحد وواحد لباقي الايام مثل هذا ((هنا)) بالنسبة للقفز من مرتفعات يوجد هذا الموقع للحجز وباقي التفاصيل ((هنا)) غابة توتورو الوصول عند محطة قطار Tokorozawa ثم ركوب باص بالقرب من المحطة والنزول عند محطة Matsugaoka Central Bus Stop تبعد 5 دقايق مشي بالنسبة لترك الحقائب في الفندق طالما عندهم هذي الخدمة ماله داعي تراسلينهم فقط عند الوصول تبلغينهم تتركين الحقائب الموضوع سهل وبالتوفيق أختـي في رحلتج |
اقتباس:
حبيت تذكرة هاكوني وراح اتاكد من الاماكن اللي حددتها اذا راح توفر علينا او لا ❤.. بالنسبة للقفز من المرتفعات اعتقد انها فعلاً محددة لان نفس الموقع اللي شفته من قبل وافكر انه اذا لقيت فرصة اروح بدون حجز من هناك او اسأل الفندق لما اوصل لو فيه اقرب يدلوني عليه.. بإذن الله يارب ✨✨ |
السلام عليكم عندي استفسارين اذا سمحتو في اخر يوم راح نعمل تشيك اوت من هاكوني 11 الصباح وحجزنا على فندق جنب المطار لان رحلتنا الصباح بدري... وقت الظهر والعصر كنت حابه نجلس في طوكيو ونتمشى فيها للمغرب وشفت في محطة طوكيو الرئيسية اماكن لتخزين الشنط احد يعرف كيف طريقتها لو بنخلي الشنط عندهم بالساعات؟ بالحجز او بالتوافر؟ الاستفسار الثاني لاهل جدة الله يعطيكم العافيه رحت لكل مكان تحويل عملات - العمودي للصرافه وبعض المحلات كمان المطار مالقيت اي احد بيحول لين ياباني او وون كوري .. بس حولت مبلغ بسيط لدولار، هل بيكون اوفر لو احول دولار وبعدها للعمله؟ وقت الرحله راح نكون ترانزيت لمده ساعتين فقط في دبي ف ماني متاكدة اذا باقدر اروح اصرف قبل الرحلة اللي بعدها او لا.. ويعطيكم العافيه يارب ❤ |
اقتباس:
وعليكم السلام الأستفسار الأول: اماكن التخزين بالتوافر وليست بالحجز يعني يمكن تكون كلها فل الأستفسار الثاني : بالرياض مالقيت ين ياباني ومحلات الصرافه شرحو ان العمله غير متداوله بكثره وليس عليها طلب وكلامه صحيح فحولت فلوسي عندهم ل دولار فالخطه كانت اذا وصلت اليابان احول الدولار الي معي للين لكن يوم وصلت مطار دبي قلت بسئل و رحت لمحولي العملات حقين المطار كانو قريبن من بوابه الطائره وطلع عندهم ين ياباني وحولت كل الي معي اوفر للوقت بالتوفيق |
bashayr بالإضافة إلى كلام أخي ملللوك تقدرين أختـي تتركين الحقائب عند الفندق وتاخذينهم بأي وقت |
شكراً لكم.. |
يا برنس حلوه فكرة الانستغرام وانا ودي يكون موضوع خاص عن عادات وتقاليد اليابان والفلكلور الياباني وين نحصله او عروض عندهم |
Nora khalid الله يعافيج أختـي وشكرا على الاقتراح ويعطيج العافية على المشاركة توبليرون الله يعافيج أختـي إن شاء الله إذا طبقت فكرة الإنستغرام راح احط هاشتاق مناسب وشكراً على الإقتراح والمشاركة خط الرحلة أجمعين الاقتراح الأول والثاني حلوين ومهمين الثالث والرابع تم طرحهم مسبقاً أحدهم يوضح درجات الحرارة في كل شهر والثاني عن الميترو في طوكيو يعطيك العافية على الإقتراحات والمشاركة |
q8ya metnaqla شكراً أختـي على الاقتراحات وإن شاء الله راح يتم تطبيقها يعطيج العافية على المشاركة |
| الساعة الآن 07:28 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO