حياك الله يا شايبنا
المكان مكانك والزمان زمانك
منورنا

مساء الخير



نرجع لعرض بعض الصور البسيطه للشقه

https://www.arabtrvl.com/up/uploads/...4408629151.jpg

https://www.arabtrvl.com/up/uploads/...4404997891.png

https://www.arabtrvl.com/up/uploads/...4049695710.png


وهذى الصور للفندق من الخارج وموقعه على شارع حيوي والتكاسي بالكوووم قدام الفندق ولو تبي يطلبون لك تاكسي لكن انا ما احتجته ابد خلال هاليوم
https://www.arabtrvl.com/up/uploads/...4404969126.jpg

https://www.arabtrvl.com/up/uploads/...4404969095.jpg

اليوم الأول

طبعاً بعد ما وصلنا ارتحنا ونمنا حول ساعتين ثم نزلت وحصلت في السوق اللي مقابل الفندق كنق برجر وتغدينا ثم نزلت استرخيء في هدوء الفندق ومقابل المسبح ممكن على المغرب بتوقيتهم

https://www.arabtrvl.com/up/uploads/...4944049693.jpg

تقريبا بعد المغرب العيال اللي راح المراجيح واللي يسبح وانا من يوم ما نزلت المسبح تحس رجع لك النشاط من جديد وخاصه بعد رحله طويله :28:


كلمت السواق وكنت متفق معه من قبل وقلت له بسوي تشيك اوت الصبح بعد ما نفطر ونتقهوى تعال قال اوك

نمنا وارتحنا بعد العشاء مباشره والكل طافي خلاص :23:

مشاهدات / اليوم الاول طبعاً انت جاي من خط سفر دولي يمتد 9 ساعات من غير ساعات الانتظار في المطار :20:
ومعك اطفال فلابد من الراحه حتى تستعيد نشاطك من جديد
واقتصر هذا اليوم على الفندق ومايحويه من خدمات ولا فكرت اني اطلع منه الا للجبل دايركت

اليوم الثاني :

من الصبح نزلنا للفطور وطبيعي انه مافيه الا القليل اللي يناسب العرب
لكن الحمدالله ما احب ادقق على الآكل اللي موجود خير وبركه


واخذت بياله شاي تعدل المزاج

https://www.arabtrvl.com/up/uploads/...4404968962.jpg


قدام هالمنظر

https://www.arabtrvl.com/up/uploads/...4404969054.jpg

وفعلاً الساعه 9:30 وهو برا الفندق منتظرنا وكان الاتفاق على 600.000 الف روبيه لطلعه الجبل
وبعدها عن كل يوم 500.000 الف روبيه لان السياره اوسع واكبر شوى وجديده بعد
اللي بالكيس الابيض هذى ((تكايات الرأس عشان النوم لو حبيت تنام مهمه جداً في السفر ))

https://www.arabtrvl.com/up/uploads/...4407287021.png


سوينا تشك اوت وعلى الجبل
https://www.arabtrvl.com/up/uploads/...4407287172.jpg

طبعاً السواق شهادتي فيه مجروحه وآمين لدرجه اني لمن سافرت بالي تركت شنط العزبه عنده ورجعت لجاكرتا وجابها لى للمطار
ووصلني الفندق واستأذن مني لان عنده زبون ورايح يستقبله وان شاءالله راح احط لكم رقمه في الآخير


في الطريق لاحظت ان عندهم نفس زحمتنا بخصوص القطار يعني مو احنا بس اللي نشتكي :7:

https://www.arabtrvl.com/up/uploads/...4404998515.jpg

ومرينا اخذنا شريحه XL وشحنها كلفت تقريبا 80 ريال وشحنتها مره ثانيه من كثر التصوير والاولاد كل واحد معه ايباد ولحد اليوم شغاله :13:

https://www.arabtrvl.com/up/uploads/...4407526631.png

واقترح على السواق قالي وش رايك ابدأ يومك من بدري اوديك التجديف حامي حامي
وسئلت الاولاد مير قالوا مشينا واصلاً هم ماشاءالله عليهم يقولوا لا خاصه لو فيه موووويه هههههه

وعلى التجديف وقلت كل واحد يجهز له ملابس ثانيه في شنطه الظهر عاد تعال شوف سياره الرجال صارت دولاب متحرك قلت في نفسي خلك انت راعي الاقتراح هههههه


وطال الطريق وحاول يختصر قد ما يقدر لاننا في ويكند وانصح الكل ما يجي على ويكند ابد لانه اخذنا حول 3 ساعات في الطريق :28:

https://www.arabtrvl.com/up/uploads/...4404998022.png

والله حتى السواق انه تعب الضعيف من كثر ما يحاول يختصر الطريق

https://www.arabtrvl.com/up/uploads/...4404969197.png

وآخيراً وصلنا لمكتب الألعاب المائية وطبعاً يضحكون على العالم باسعار خياليه
لكن انا عندي اطلب السعر وانا اجيبه لك ههههههه
لدرجه اني حصلت رجل وزوجته وكاسرت لهم الرجال الين نقص لهم 500.000 الف روبيه

طبعاً المبلغ على حسب المسافه 8/12/15 كيلو فقلت له كم اقل شيء قال 2000.000 مليون روبيه
قلت طيب واللي يبيها بـ 1000.000 وش رايك رفض وقال خلاص 1500.000 مليون ونص قلت معليش في مكاتب كثيره وشكرا على العصير الليمون المر بعد :29:

https://www.arabtrvl.com/up/uploads/...4410151931.jpg

وقبل ما اطلع وافق وقلت له انا معي صغار ومابي مكان فيه منحدرات وبهذله
ابي شيء خفيف لان معي طفله عمرها 7 سنوات :40:
وتوكلنا على الله قام يعرض على تبون تصوير ونخليك انت والمدام تسون شكل قلب ونصوركم قلت لا خلي قلبي معي وقلبها معها أنت بس اخلص علينا هههههه
وحملوا القارب على دينا صغيره وراحوا قدامنا

وصلنا والقبطان وزميله واحد راح يجلس بدايه القارب المطاطي وواحد نهايته ولبسنا ستره النجاه والخوذه وخليت جوالي معي في الكيس الواقي عشان التصوير

https://www.arabtrvl.com/up/uploads/...4410152429.jpg

وتونا نزلنا النهر الا وجانا المطر ولحد الحين كلش زين :72:

https://www.arabtrvl.com/up/uploads/...9441015248.jpg

https://www.arabtrvl.com/up/uploads/...4410152346.jpg


لكن شد المطر فجأه وصار الترفيه مغامره مرعبه وانا اللي اشجع الاطفال وامهم يالله رددوا معي (( اربعه شالوا الجمل والجمل ما شالهم )) وانا داخلي رعب ههههههه

https://www.arabtrvl.com/up/uploads/...9441015234.jpg

https://www.arabtrvl.com/up/uploads/...4410151982.png

هنا جوالي الايفون 7 بلس كان بيروح ملح في النهر :28:

https://www.arabtrvl.com/up/uploads/...4410152325.jpg

وراح تلاحظون كيف كميه المويه المتدفقه للنهر

https://www.arabtrvl.com/up/uploads/...4410152367.jpg

عاد انا هنا قمت اتذكر اني سرقت 10 ريال من جيب الوالد وانا صغير وقلت يارب تسامحني
بصراحه شفت رعب

وانا اللي اجدف معهم :24:
https://www.arabtrvl.com/up/uploads/...9441015248.jpg

وبدون مقدمات حصلت بين رجليني داخل القارب اكرمكم الله شبشب رجل وحده تتوقعون لمين !!
اثاريها طلعت لعامل التجديف اللي جالس خلفي في نهايه القارب وانا اللي ادور عليه ما حصلته اثاريه من قوه الامواج
والله طاح في النهر لكن تعلق بالحبل اللي في جنب القارب المطاطي والا اسحبه وارفع معه
وصرت اعوذ بالله ما ادري انتبه على البنت الصغيره والا الاولاد والا امهم والا على العامل هههههههه
موقف يضحك في نفس الوقت ومبكي بعد :31::31:

وبعد كم كيلو هدء المطر شوى
https://www.arabtrvl.com/up/uploads/...4411780081.jpg

وانتهت الرحله بسلام والحمدالله
ونصيحه اللي بينزل باطفال ينتبه عليهم واذا فيه مطر لا تغامر ابد مهما كلف الأمر :10:

القبطان ومساعده اللي انقذته لو رجعت مره ثانيه بذكره كل شوى اني انقذته هههههه
https://www.arabtrvl.com/up/uploads/...4101524410.jpg

طبعاً طلعنا للسياره واحنا غرقانين مويا لكن عند المكتب عندهم دورات مياه اكرمكم الله وكل واحد غير ملابسه وكملنا رحله الطلوع للجبل .....

دع الكتابه لنا واستمتع :)

المعذره / على رداءه الصور لاني ساحبها من السناب والا في السناب اوضح وافضل وماتتقارن ابد بالصور

لكم :e306: