|
رد: مخمخهـــا صــح - رحلة اليوم الوطني اقتباس: المشاركة الأصلية كتبت بواسطة الايمان http://www.arabtrvl.com/vb/traveler/...s/viewpost.gif عوافي شكل المخ عجيب هههههههه نادر ما اشوف بنت وتحب امور المخ وعلوم المصارين خخخخ شاكر لج مرورج اختي الايمان |
رد: مخمخهـــا صــح - رحلة اليوم الوطني اقتباس: المشاركة الأصلية كتبت بواسطة توبليرون http://www.arabtrvl.com/vb/traveler/...s/viewpost.gif عليكم بالعافيه يابو حمد وين العشا ووين الريوق مايصير تسحب علينا بالنسبه للمخ انا قبل اطبخه لابوحسين مقلي بالبقسماط لذيذ مخ بدون الراس طبعا هههه ومخ خروف احنا بالكويت وغالبا البنات والحريم ما ناكل تيس تعودنا جذيه ما ناكل الا خرفان ولا في بعضنا الا خروف عربي والا ما ياكلون لحم المهم بوحسين مره اشتهى تيس ويشتري ونطبخ وناكل على اساس انه لحم خروف وانا اكل عادي وفي اخر يوم لهذا اللحم واحنا على الغدا ويشوفني بوحسين اكل منه خخخخ قال لي : اشرايج باللحم هالمره قلت له : زين عادي قال : اقول لج شي بس مخافة من ربي وبعلمج قلت له : شنووو قال : هذا تيس صغير قمت بسرعه عن الاكل وحلفته مره ثانيه ما يقص علي ويخليني اكل وقلت له انت تبي كيفك مو تغشني :(150)::(150)::(150): هههههههه وكلتي لحم التيس اختي ام حسين يعجبني تعليقج دائما على مواضيعي وياسلااام على المخ بالبقسماط لذيذ بصراحة ونجي على المهم بما اني من مربين الاغنام وصارلي اكثر من 15 سنة على هذه الشغلة فبعطيك معلومة عن التيوس لحم التيس بالنسبالي افضل من الخروف لعدة اسباب بشرط ان يكون التيس ماكمل الـ 8 شهور واؤكد على هالشي ويفضل من 3 شهور الى 6 شهور بس المهم مايعدي الـ 8 شهور وراح تشوفين لحمه طيب ويذوب بالحلج ولونه طيب ومافيه ريحة , ونسبة الشحوم فيه اقل بكثيييييير من الخروف لان ماشاء الله الخروف يحتوي على الشحوم بكثره وهذا مش معناته ان لحم الخروف مش طيب ولكن انا بنظري لحم التيس الرضيع افضل من الخروف برايي ونحن بالامارات الاغلب ياكلون التيس ويفضلون الرضيع وحتى انتي ماحسيتي بالفرق من كلتيه ولحمه عادي مثل ماقلتي , ولانه من يبلغ من العمر سنة وفوق يقوم جسمه بافراز روائح ويقوم بالتبول على نفسه لجذب الاناث اليه وريحته لاتطاق وهذا غالبا مايكون الفحل وهو غالبا مايكون فحل او فحلين بالنسبة للقطيع المكون من 100 راس والفحل ماينوكل لحمه بس يتم للتلقيح وان كلتي الفحل بتكرهين اللحم من شده صنته خخخخخخ. ولحم الخروف افضل من لحم التيس في المشاوي والريش لانه يحتوي على نسبة شحم ولحم اكبر واسمحيلي على الاطالة وشرفني مرورك وحبيت مقلب ابوحسين خخخخ وللعلم ان سعر التيس الصغير اغلى من التيس الكبير |
رد: مخمخهـــا صــح - رحلة اليوم الوطني اقتباس: المشاركة الأصلية كتبت بواسطة **نونا** http://www.arabtrvl.com/vb/traveler/...s/viewpost.gif هههههههههههههه قص عليج بوحسين..انا كنت مثلج ماشتهي لحم لتيوس..بعدين ذقته في شغل مندي وبعد ماشبعت قالوا لي ..فهموني ان تيوس الذبح لازم تكون صغيرة ولها مواصفات معينة..طبعا اكلوني لحم حاشي ولحم حمل ولحم انسان:yolks00250: صرت ماقول لا.. ههههههههه اهم شي لحم الانسان شو طعمه هههههه وفعلا اللي قالج الكلام هذا صحيح 100 % ان تيوس الذبح لازم تكون صغيرة يعطيج العافية على ذكر تجربتج |
رد: مخمخهـــا صــح - رحلة اليوم الوطني اقتباس: المشاركة الأصلية كتبت بواسطة شارلوك هولمز http://www.arabtrvl.com/vb/traveler/...s/viewpost.gif رووووووعه يسلموووا مشرفنا الغالي هولمز مرورك الاروع اخوي عمار |
رد: مخمخهـــا صــح - رحلة اليوم الوطني اقتباس: المشاركة الأصلية كتبت بواسطة وليد عنبه http://www.arabtrvl.com/vb/traveler/...s/viewpost.gif تقرير مرتب وشهي .. شكراً مشرفنا/ عامر الزعابي .. شاكر لك مرورك مميزنا وليد عنبه |
رد: مخمخهـــا صــح - رحلة اليوم الوطني اقتباس: المشاركة الأصلية كتبت بواسطة قصة حب http://www.arabtrvl.com/vb/traveler/...s/viewpost.gif يسلمو مشرفنا الكريم كل مواضيعك تجوع:(125): المكان جدا حلو والرمل يخلي الواحد يسرح بعييييييييييييييييييد ويقط كل الهموم ورا ظهره (بحفره ):201: عليكم بالف عافيه طبخكم مضبوط :essen::essen: ولو اني ما أحب اللحم من صغري لا تيس ولا خروف ولا صخله:(7): ههههههه المخ شكله شهي وين زوجي وابوي عنكم يحبونه وخصوصا لحظة فتح الرأس على السفره حتى يتم انتشال المخ :(125): وصاجة اخيتي ام حسين وين الريوق ماشافناه:(123): واللي نايم بالدبه ما يخاف تسكر عليه وهو نايم ما يحس فيها خخخخخخخ اسوي اكشن واتخيل شكله وهو محشور داخله والربع في سابع نومه:200: افااااااا لا تيس ولاخروف عيل ضاع عمرج خخخخ وفعلا اللي نايم بالدبة حركة تخوف وخطرة ولكن من البرودة حب يكيف فالدبة اما الفطور انا حارمهم منه لانه لو كلوا الفطور مابيتغدون عدل ومابينظفون صحونهم وهم اصلا من ينامون مايقومون الا الساعة 10 فيصبرون ساعتين ويتغدون افضل لهم شاكر لج مرورج العطر |
رد: مخمخهـــا صــح - رحلة اليوم الوطني ماشاء الله مشرفنا الغالي عامر أهل مزاج لطلعات البر :(89): حتى كراسي نوم جبتوا معكم :(153): ولاقد خطرت لنا ع بال في كل كشتاتنا البرية :(37): |
رد: مخمخهـــا صــح - رحلة اليوم الوطني شغل عدل يا عامر .. أنصحك بخيمة " المبيت " حلوة للنوم وصغيرة والتيس لا جاك صغير ودك تآكله وهو نيء بعد ههههههههههههه لاهنت على الصور الحلوة |
رد: مخمخهـــا صــح - رحلة اليوم الوطني رحلة موفقة وين مكان ها وبالنسبة لقدر اللحم كيف طريقتة |
رد: مخمخهـــا صــح - رحلة اليوم الوطني ما شاء الله يا عامر كانوا يضحكون علينا الشيبان (كبار السن) يقولون اللي ياكل لسان الذبيحة ( خروف أو تيس ) يصير شاعر أكلنا حتى مسامعه ولا طلع حتى شطر من الشعر ههههههههه ما شاء الله جمعة طيبة وصور الطبخ شيء ثاني http://www.arabtrvl.com/vb/picture.p...ictureid=16319 ^ الله يجعله مرفوع دائما ويحفظ الإمارات أهلها و شيوخها الله يعطيك العافية |
| الساعة الآن 03:16 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO