|
الجدول مناسب ,, لكن انا اشوف ان مجموع الليالي في كوالالمبور وسيلانجور الانسب ما يزيد عن 50% من اجمالي عدد الليالي لكن انتم جعلتم المده 70% وانا اشوفها كثيره. يعني رقم (3) سيلانجور ليلتين اشوف ومن وجهه نظري تبدلها الى : # لنكاوي تزيد عليها ليلتين: تصير لنكاوي 5 ليالي موزعه على فندقين. او # بوكيت تنجي بفندق شاتوه: ليلتين - هي منطقه بارده نوعا ما . او # ممكن كحل وسط وهو توزع الليلتين بين لنكاوي وكوالالمبور : تصير لنكاوي 4 ليالي وتصير كوالالمبور 4 ليالي . ملاحظه: # اثناء سكنكم في كوالالمبور .... تقدرون تزورون ملاهي صن واي لاقون الموجوده في سيلانجور ,,,, المسافه مو بعيده ... كلها نص ساعه . # اذا لكم رغبه حقيقيه في السكن بفندق صن واي : فلا تهملون رغبتكم ... هذا رائيي ... بالتوفيق |
اقتباس:
وجهة نظري اذا تكنسل حجز الفندق يومين سلانجور اول يوم اذا كان وصولك بدري قبل 12 الظهر او 1 الظهر يمون كذا الترتيب توصل الفندق ثم تربح حق نص ساعة بعدها تتوجه لبوتراحايا وتعمل رحلة بوتراجايا والمسجد والقصر ومن ثم العودة لمول البراميد للعشاء والتسوق ومن ثم النوم مبكرا استعدادا للغد اما اذا مان وصولك لكوالالمبور متاخر اي الساعة 4او الساعة 5 عصرا فبيكون كذا الترتيب التوجه الفندق ثم الراحة وبعدها الخروج للاي سيتي والعشاء ومن ثم العودة للفندق او البقاء بالفندق والتوجه لمول البراميد للعشاء والتسوق ثاني يوم الافطار ثم صنواي لاقون ثم اذا خرجت بدري قريب العصر عندك خيارين ياتروح بوتراجايا اذادمارحتها اول يوم ياتروح الاي سيتي ثالث يوم الافطار والتوجه للمطار اما اذا ماتكنسل الحجز حق الفندق اول يوم الوصول اذا كان بدري تريح بالفندق شوي ثم تروح تتغدا وبعدها الاكواريوم وعلى الساعة 7:30 مساء وتروح تشوف عرض النافورة الراقصه وبعدها العشاء في مول سوريا ومن ثم العودة للفندق اذا كان الوصول متاخر توصل الفندق وتريح وتروح عرض النافورة الراقصه وبعدها الذهاب للسينما وبعدها العشاء والعودة للفندق ثاني يوم صنواي لاقون والاي سيتي والعودة للفندق ثالث يوم الافطار والتوجه للمطار لانكاوي ثالث يوم توصل الفندق وتريح العصر تخرج للغداء وبعدها حديقة لجيندا ونصب النسر ومن ثم العشاء والعودة للفندق رابع يوم الافطار ثم رحلة المانغروف ثم الغداء ثم حديقة الفواكه ثم العشاء ثم العودة للفندق خامس يوم الافطار ثم التلفريك والقرية الشرقية والانشطة هنا والغداء وزيادة الشلال والعردة للفندق والعشاء هناك او الخروج للعشاء سادس يوم الافطار ثم الانشطة البحرية والراحة ثم جولة الدبابات بمزازع الارز ثم الغداء في مطعم ذا مليف جدا مكان المطعم رائع روح له العصر قبل الغروب المنظر جدا جميل وحتدعي لي وبعدها ترجع للفندق خامس يوم الافطار ثم التوجه للمطار كوالالمبور خامس يوم للوصول لكوالالمبور بيكون قبل العصر ثم الغداء بعدها التوجه لبرج المنارة ومن ثم على ركوب الباص السياحي والتجول حول المدينة وبعدها التوقف في اقرب محطة للفندق ومن ثم العشاء والعودة للفندق سادس يوم الافطار ثم اكمال جولة الباص السياحي ومن ثم الغداء وبعدها التوجه لبوتراجايا اذا مارحتها قبل كذا وبعدها التوجه لاي مول للتسوق سابع يوم رحلة يوم كامل الى مرتفعات جتنتغ ومزارع الفرواله والقرية الفرنسيه وعند العودة ممكن الذهاب للعشاء او العشاء بالفندق ثامن يوم ملاهي التايمز سكوير والتسوق تاسع يوم الافطار ثم التسوق الى العصر وبعدها الذهاب لخديقة تيتي وانغستي ثم العودة للعشاء الفندق عاشر يوم يوم تسوق كامل والعودة مبكرا لتجهيز الشنط استعداد للسفر اليوم الحادي عشر الافطار ثم عمل اجراءات الخروج من الفندق ثم والتوجه للمطار والعودة لارض الوطن |
التجديدات كويسه لكن انا مع النهر الجاري خل يومين في فندق ثاتي بلانكاوي مثل عرفه في التانجو راهو او ذا ويستن و ذا اندمان رشحت هذي الفنادق لان منطقه مختلفه عن الدنا وشاطئ مختلف تم الإرسال من SM-G935F باستخدام Tapatalk |
|
معناها كلم خدمه العملاء في بوكينج وشوف كيف يخدمونك دام انك حجزت عن طريق الغلط الرقم المحلي:XXX800 844 8510 هذا رقم خدمة العملاء كلمهم وشوف ايش يردون عليك لشرح لهم انك حجزت عن طريق للغلط والحجز غير مسترد وتبي تلغي الحجز وتحجز عن طريقهم فندق لخر بالتوفيق تم الإرسال من SM-G935F باستخدام Tapatalk |
أنا استعجلت وحجزت فنادق خفت صراحة تروح علي الفنادق الحلوة لكن إذا تخطيطي كذا حلو ماراح أكنسل لأن المشكلة مامعي لغة :31: وحجزي كالتالي : 1- ليلتين كوالالمبور فندق حياة غراند * اليوم الأول : وعلى الساعة 7:30 مساء عرض النافورة الراقصه وبعدها العشاء في مول سوريا ومن ثم العودة للفندق *اليوم الثاني: المنارة ... و مدري 2- ثلاث ليالي لنكاوي فندق الدانا * أول يوم :العصر حديقة لجيندا ونصب النسر ومن ثم العشاء والعودة للفندق *اليوم الثاني:رحلة المانغروف ثم الغداء ثم جولة الدبابات بمزازع ثم العشاء ثم العودة للفندق *اليوم الثالث :الافطار ثم التلفريك والقرية الشرقية والانشطة هنا والغداء وزيادة الشلال والعردة للفندق والعشاء هناك او الخروج للعشاء 3- ليلتين سيلانجور فندق صنواي ريزورت *أول يوم بيكون صن واي لاقون *ثاني يوم بحيرة بوتراجايا صباحا - الماينز العصر – مدينة الأضواء بالليل بقي عندي ثلاث أيام |
تنسيق للرحلة ومانستغني عن مشورتكم اقتباس:
حلو ترتيبك بس عندي ملاحظة ثاني يوم بسلانجور الماينز العصر ثم الاي سيتي في يوم واحد يوم رحلة كاملة لجنتنغ ومزارع الفروالة والقرية الفرنسية في يوم واحد جولة الباص السياحي ثم التوقف على الساعة 1 ظهرا عند محطة برج المنارة ثم الغداءثم بحيرة بوتراجايا ثم الذهاب لاي مول للعشاء والتسوق وممكن تروح سينما في يوم ملاهي التايمز سكوير والتسوق من المول |
وممكن تخلي جولة الباص السياحي اخر يوم الصباح تاخذ الجولة للظهر ثم العداء ثم ملاهي التايمز سكوير للمغرب ثم التسوق والعشاء |
اقتباس:
بسلانجور اليوم الثاني يعني أكنسل مدينة الأضواء وأحط الأي سيتي والثلاث الأيام الباقي طيب رشح لي فندق يكون قريب من هذة المناطق |
اقتباس:
حبيب قلبي مدينة الاضواء هي الاي سيتي بس بالنطق بالانجليزي كلها بكوالالمبور بس انت مو على اساس حاجز اربع ايام ب لانكاوي |
| الساعة الآن 11:58 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO