|
ابشرك انا عيوني كلها مغمضة بس القلق من الحجوزات متعبنا :26: ممكن ازيد يوم في البنشاك في بسيونا علم يكلفني 557 بدون فطور ( لقيت هذا اليوم في موقع ثاني غير بوكينج وطلع فيلا من غرفتين نوم :31: ) يعني اخلي البنشاك من الجمعه للخميس او زي ما هو من الجمعه للأربعاء انت تقصد السفر من جاكرتا للبونشاك الأفضل ما يصادف جمعه وسبت؟ او قصدك طول فترة اقامتي في البنشاك ما يصادف جمعه وسبت؟؟ وجزاك الله الجنة |
مبدئيا هذا الجدول واذا صحصحت شوفلي ايش يحتاج من تعديل في حال جلست على بسيونا علم حيكون الجدول كالتالي: الوصول الجمعه المغرب والتوجه إلى البنشاك 5 ايام او 6 ايام من يوم الجمعه إلى يوم الأربعاء او الخميس الذهاب الى باندونق يومين من يوم الخميس الى يوم السبت الذهاب الى بالي من يوم السبت الى يوم الثلاثاء 3 ايام الذهاب الى جاكرتا 3 ايام من يوم الثلاثاء الى يوم الجمعه ( يوم لأنشول ويوم تسوق ) بس هل باندونق جوها حلو ؟ تستاهل الزيارة ولالا؟ يهمني الجو والطبيعة |
طيب بسم الله نبدا بونشاك يوم الجمعة ما نحسبه في التقسيم نبدا السبت اليوم الاول : حديقة تامان سفاري يوم كامل ولا يفوتك عرض الكابوي اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها اليوم الرابع: تروح منطقة قريبة من الجبل اسمها بوقور فيها ملاهي مائية The Jungle كذلك يمكن زيارت شلال بيداداري وانت راجع من بوقور تزور مزرعة ومطعم شيموري اليوم الخامس : مغادرة الى باندونج المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق بيسونا علم ساهيد سيروني 3 التنقل في الجبل سيارة خاصة اسعار السائقين للسيارة المخصصه الى اربع اشخاص هي 500 الف ربية لمدة 12 ساعة في اليوم تقريباً باندونج يفضل انك تطلع لها بدري من بونشاك حتى تكسب الوقت وتضع الشنط في امانات الفندق وتخرج يوم الوصول : ملاهي ترانس استديو باندونق trans studio bandung وملاصق لها سوبر مول اليوم الاول: زيارة موقع البركان ومزارع الشاي وفيه مزارع فروله اذا ما زرتها في بونشاك ممكن تزورها في باندونج وفي المساء التسوق في سوبر مول اليوم الثاني : منطقة منتزه تمان جواندا و الكهوف اليابانيه والهولندية و شلالات ماربيا ( المكان كبير وفيه مشي) ثم تزور منطقة السوق العائم de ranch وانت راجع في الطريق الى باندونج تروح هذا المطعم كامبونق داون ( المطعم اندونيسي بس جميل جداً ) الفنادق هذا الفندق جيد فندق سنسا باندونق اما اذا تبغى تجدد شهر العسل خذ هذا الفندق راح تدعي لي ذه ترانس لوكسري باندونغ فيه معطم اطلالته خالية اليوم الثالث : مغادرة الى بالي بالي يوم الوصول : اذا عندك وقت روح شاطي الغروب جميل فترة غروب الشمس وفيه مطاعم بحرية كثيرة ممكن تتعشى فيها بعد شاطي الغروب تروح شارع كارتيكا لشراء تذاكر الرافتنج اليوم الاول : رحلة التجديف (الرفتنج) ومعها في نفس الاتجاه مزارع القهوة جداً رائعة اليوم الثاني : بحيرة براتان الطريق لها سياحة في ح ذاتها يمكن ايجار لنش في البحيرة كذلك زيارة مزرعة الفراولة في الطريق كذلك يوجد شلال في نفس الاتجاه اسمة جت جت اليوم الثالث : مغادرة الى جاكرتا المطاعم المطاعم العربية متوفرة هناك عند مطعم الخيمة ومطعم شيشة ( هذا المطعم يفضل عدم زيارة في المساء) كذلك المطعم الهندي الشهير كوين في شارع كارتيكا ومعظم المطاعم العالمية متوفرة هناك بيتزا هت كنتاكي و ماك الاسواق دسكفري مول ومول ليبو ومو جاليري السائقين في بالي اسعارهم من 350 - 400 الف ربية في اليوم الفنادق فندق اقتصادي جميل جداً وموقعه خطير فندق بينتانج كوتا واذا تبغى منتجع جميل دسكفري كارتيكا جاكرتا يوم الوصول : بقية اليوم تقضية تسوق اليوم الاول : زيارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً مطعم بندر جاكرتا ( على حسب رايك تخصيص يوم لنشول) اليوم الثاني: تسوق لاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري ,جراند اندونيسيا، سنتر بارك ،بوري انداه mall puri indah ، Lippo Mall Puri ليبو بوري ، بلوك ام بلازا) كذلك توجد اسواق رخيصة مثل منقادوا و شباكاماسا وغيرها كثير الموصلات في جاكرتا التكسي متوفر في كل مكان وانصحك بتكسي لونه ازرق اسمة بلو بيرد ولو تستخدم تطبيق اوبر او قراب راح يكون السعر افضل هذا جدول مقترح ونقدر نعدل عليه على حسب رغبتك اتمنى لك التوفيق |
الله يعطيك العافيه ويجزاك ربي الجنة يالغالي طيب لو بخلي بونشاك الى يوم الخميس وابغى ابدل باندونق بلومبوك كيف يكون الجدول؟ |
يالحاتمي انت رايح تدور البراد هناك خلك في باندونق احسن لك بالي ولومبوك ساحليه والجو فيها حار بعض الشي ما تقارن بونشاك وباندونق عموماً الان مشغول شوي بس ان شاء الله ارجع في الليل واناقشك في كل شي ونعدل كل اللي تبغاه لا يهمك انت بس ضبط الحجز |
انا شفت لومبوك وعجبتني بس والله الجو يهمني كمان مع الطبيعة.. واخيرا حجزت في بسيونا علم من يوم الجمعه الى يوم الخميس يعني بشيل يوم من باندونق للبونشاك كيف يتم ترتيب الجدول؟ اشوف بلاش من المزارع في باندونق اللي في البونشاك تكفي ابغى شي جديد |
طيب شوف انت توصل الجمعة 21 وتغادر الجمعة 4 يومي الجمعة 21 و 4 هذي خارج الحساب بونشاك ( من السبت الى الخميس ) باندونج (من الخميس الى السبت) تروح بدري تأخذ جزء من اليوم هناك لومبوك (السبت الى الاحد اخر اليوم تروح بالي ) لان طبيعتها ما تختلف عن بالي كثير بالي (من الاحد الى الاربعاء ) جاكرتا (الاربعاء الى الخميس ) مزرات جاكرتا انا وضعت بديل عنها في الجدول السابق لان جو جاكرتا حار ورطوبة لذلك وضعت ترانس ستديو في باندونج وجنقل في بوقور هذي يتغني عن انشول ما تبقى الا عالم تحت الماء استنغني عنه |
احس الجدول ضغط ايش رأيك نلغي لومبوك؟؟ هل اقدر ازورها يوم واحد ذهاب وعودة من بالي ولا الغيها مرة؟ بالنسبة لبالي ودي احجز جناح او فيلا بمسبح خاص ابغى منطقة حلوة واسعارها معقولة نوعا ما :6: |
اقتباس:
بالنسبة الى لومبوك تلغيها ما تغليها هذا يرجع لك انت بس اشوفها صعبه مع باندونق ولو تنقص يوم من بونشاك يضبط الجدول بس التنقل فيه كثير عموماً انت شوف الجو في بونشاك وباندونج متقارب في النهار درجات الحرارة حوالي 25 وفي الليل حوالي 18 اما في بالي ولومبوك في النهار عند السواحل حوالي 33 درجة وفي المرتفعات من 25 - 28 درجة اما في الليل حدود 24 درجة اما المرتفعات في الغالب ما احد يجلس فيها في الليل ما عدا اللي يسكن في منطقة ابود في بالي . تروح وترجع في نفس اليوم ولا حق المشوار انا اخوك اقل شي يومين هذا الافضل بالنسبة للفل في بالي ممكن تستأجر بس الاسعار شوي غالية انا اشوف انه تاخذها يوم واحد افضل لان بقية الايام تخرج الصباح وبدري وترجع المغرب او قريبه منه وانت مرة منهد حليك تدور النوم بس كذا ما استفدة من الفلة شي بس تدفعت فلوس زيادة انا اشوف انا تاخذ فندق عادي يومين واليوم الاخير تأخذ فله وتخلي النشاطات في ذلك اليوم قليل حتى تستمع بالفله ............ وجهة نظر قابله للخطاء الصواب عموماً الفلل موجودة بكثرة في منطقة اسمها سيمنياك يمكن تلقي نظره عليهافي بوكنق |
الله يعطيك العافية تم الحجز م يوم الجمعه 21 يوليو الى يوم الجمعه 4 اغسطس وبالنسبة للطيران الداخلي في مطار بالي يطلعلي اكثر من مطار ما عرفت اختار وايش افضل وارخص خطوط داخلية عندهم؟ وياليت رابط عشان احجز الخطوط الراخلية.. وجهه نظرك بالنسبة لفيلا في بالي صح وهذا اللي كنت افكر فيه لأن الاسعار غالية بصراحة بحجز الفيلا اخر يوم في بالي بس هل فيه شي مجرب وسعره معقول؟؟؟ وابغى احجز الغواصة في بالي هل الحجز من النت ولا من مكتب هناك؟؟ |
| الساعة الآن 08:52 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO