X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين30الاعجاب
إضافة رد
 
LinkBack أدوات الموضوع انواع عرض الموضوع
قديم 15-12-2016, 10:11 PM   #1

مسافر جديد

 
 
تاريخ التسجيل :  Dec 2016
رقم العضوية : 13315
الجنس : ذكر
المشاركات : 15



افتراضي مشاركة بسيطة عن رحلتي الى مانيلا وبوراكاي


السلام عليكم ورحمة الله وبركاته

الحمدلله والصلاة والسلام على رسول الله

ودي اشارك ببعض المعلومات اللي ممكن تكون مكرره لكن للتذكير فقط وراح اتكلم حسب اللي اشوفه انه افضل مع اختلاف الرغبات

اول شي حجوزات الطيران الافضل ان الرحلة تكون مباشرة لمانيلا عن طريق الخطوط السعودية وحاول تتصيد العروض اللي عندهم انا قصيت التذكره ب 1499 ريال ذهاب واياب وكانت من الطيارات الجديده المريحه مدة الرحلة ثمان ساعات ونص اما بالنسبة للرحلات من مانيلا الى اي مدينة ثانية انصح استخدام تطبيق ويقو ولا فلاي سكانر وكل ماحجزت بدري السعر يكون ارخص انا قصيت التذكره الى بوراكاي ب 400 ريال ذهاب واياب كانت مع خطوط سكاي جت ومدة الرحلة اربعين دقيقه .

اجراءات الوصول في المطار سهله وسريعة ولما تدخل الصالة اللي برا بتلقى محلات شرائح الاتصال لا تاخذ من عندهم اسعارهم ثلاث اضعاف السعر الاصلي اشتر من مكاتبهم في مكاتي استخدمت شركة سمارت كانت جيده ما واجهت مشاكل

وفيه محل صرف عملات سعره كان ممتاز 12.7بيسو للريال الواحد

لما تطلع برا المطار خذ التاكسي الاصفر هو ارخص من الابيض والشركات الباقيه السعر الى مكاتي 300 بيسو او تقوله استخدم العداد بس مانيلا زحمة جداً بيطلع لك اغلى اما داخل مانيلا اذا المكان بعيد تفاصل على سعر واذا قرريب خله عداد اعلى سعر دفعته للتاكسي 300 بيسو .

بالنسبة للسكن سكنت في فندقين الاول فريزر بليس جناح غرفتين وصاله ومطبخ ممتاز جداً وخدماتهم حلوه والثاني دياموند مكاتي جناح غرفه وصاله ومطبخ افخم من فريزر بليس وموقعه احسن قدام القرين بلت بس سعرهم غالي وخدماتهم لك عليها انصح الحجز يكون عن طريق تطبيق اقودا ارخص سعر وشامل الضرايب وتدفع لهم ما تدفع للفندق واغلب الفنادق يطلبون تأمين اما 100 دولار او 500 ريال او 6000 بيسو او بطاقة ائتمانية يحجزون مبلغ منها وهذا الخيار ما انصح فيه ابداً لان لازم وانت طالع تفك الحجز وممكن تنسى .
واغلب الفنادق عندهم خدمة تخزين الامتعة اذا بتروح بوراكاي ولا جزيرة غيرها ماراح تحتاج اغلب ملابسك الرسمية يفضل انك تخليها في فندقك اللي بمانيلا بدون رسوم طبعاً خصوصا ان اغلب خطوط الطيران الاقتصادية تسمح لك بشنطة وحده 10 كيلو .

التمشيات في مانيلا كل واحد ورغبته كل شي موجود شلالات غابات بحر اسواق متاحف مطاعم مقاهي اللي انصح بزيارتها الاسواق مثل قرين بلت وقلوريتا كلها جنب بعض وكلها ماركات معروفه بعدهم روبنسون واسيا مول وبعدهم فنيسيا والسوق الصيني واسعار الاسواق مو ارخص من السعودية ابداً

المطاعم اللي موجوده في قرين بلت هي الافضل وفيه كل المطاعم افضلهم الهندي والايطالي وما يمنع تجرب مطاعم في اماكن ثانيه مع العلم ان كان عندنا طباخه في الفندق تطبخ جميع انواع الاكل باحترافيه ويوميتها 1000 بيسو وموجوده معاك 24 ساعه وشغل نظيف وتغسل الملابس وترتبها وتضبط الشنطه قبل تسافر لانها اكبر همي الشنطة وترتيبها

المقاهي انصح ب قاردن سيتي المقهى في السطح وتشوف مانيلا ومقهى قرامرسي مقابله في مكاتي افنيو
بالنسبة للحياة الليلية انت ورغبتك بس احذركم من محلات اسمها كريوكي باختصار سرقة في سرقة شي ما يستاهل تجيه اذا الله بلاك ورحت بتلقى الفاتوره عاليه عموما اذا تورطت في اي مكان وواجهتك مشكلة اطلب الشرطة راح ينقصون في السعر نص وبعدها اطلب السفارة راح تدفع الربع وللامانة ما كلمنا السفارة في مشاكل مثل كذا لكن كلمناهم في مشكلة مالية مع فندق وحضر المندوب وحل المشكلة مشكوراً.

فيه شارع اسمه برقص كل العالم كانو يوصون عليه لما رحنا هناك لقيناه اقذر شارع في العالم تشوف الايدز في كل مكان لا انصح بزيارته الا مرور بالسياره عن قولت انك جيته . محلات المساج اغلب المحلات اذا جيتهم يحسبون تبي مساج لهذاك خصوصاً المحلات الصغيره لا تفكر تسوي مساج عندهم لانها معدومه وفيه محلات جيده مثل الرتز وونشه بس مبالغ باسعارهم وفيه محل اسمه اير فورس ون قالو انه افضل محل مساج بس لما رحت اكتشفت انه عبارة عن ييت دعارة انتبه تروح له افضل شي للمساج انك تطلب عن طريق الفندق وفي غرفتك وشركة معروفه ونظيفه وسعره ما يتعدى 600 بيسو او انك تطلب انت من شركة مساج والفندق يسمح بالدخول هذا ما يخص المساج .

عموماً الفلبين تصلح للكبلز او للي ما يدور الخرابيط في رأيي .

بتكلم عن الذهاب لبوراكاي غالباً تكون رحلاتها في صالة 2 تحتاج بالكثير الى 45 دقيقه عشان توصل للمطار طبعاً حجزك يكون على مطار كاتكلان هو الاقرب لبوراكاي اول ماتنزل الصاله راح تلقى مكاتب تعرض عليك التوصيل للفندق في بوراكاي ب 500 بيسو حلوه بس مشكلتهم يطولون في التوصيل تنتظر لين يمتلي الباص وشغله الافضل انك تطلع من الصاله وتاخذ تراي سايكل ثلاث كفرات للميناء واذا وصلت الميناء تقص تذكره وياخذونك بقارب لبوراكاي الميناء وتاخذ تراي سايكل للفندق اسرع لك وارخص طبعاً حاول تاخذ تراي سايكل الكهربائي اريح واوسع

حجزت في فندقين الاول اسمه ازاليا فندق جديد له سنه تقريبا نظيف جداً واثاثه جديد وموقعه قريب من البحر طبعاً في ستيشن 2 بس مشكلة الفندق ما يسمح بالتدخين داخل كانت غرفتين وصاله ومطبخ والفندق الثاني اسمه هينان ريجنسي جنب ازاليا على البحر مسموح التدخين والمرافق اللي فيه جميلة جداً انصح باستخدام جميع المرافق في جميع الفنادق لانك دافع سعرها مع الغرفة كثير يغفلون عنها .

بوراكاي اذا ما خططت ليومك راح تطفش لانها صغيره لازم انك تخطط او تتواصل مع مرشده سياحيه معروفه هناك اسمها منيرة بوراكاي
لها حساب في تويتر تسوي لك جدول اول يومين كنا نخطط من انفسنا والاسعار عاليه اقصد اسعار النشاطات الترفيهيه عرفتها بالصدفه وسوت لنا جدول ومعنا 24 ساعه هي اللي تصحينا من النوم وتودينا المطاعم العربية والخليجية واسعار الالعاب عندها نص السعر اللي موجود في المكاتب والمواصلات مجاناً معاها لانها تبع شركة تجي سيارة تاخذك من اي مكان واذا انت اللي تبي تسوي جدولك انصح انك تقوم الساعه عشر الصباح عشان تلحق واذا بتلعب روح للمكاتب اللي في ستيشن 1 او 3

لا تتعامل مع الوسطاء اللي ع البحر انصح بالغوص والبراشوت والجت سكي والفلاي فش والزبلاين والدبابات والراليات اغلب الالعاب فيه مصورين يصورونك او انك تصور نفسك بس حط جوالك في بلاستيك له حبل يبيعونه على البحر المطاعم في مطعم هندي موجود في دي مول ومطعم ايطالي في ستيشن 2 ومطعم خليجيه في دي مول
واذا تبي سي فود روح لسوق السمك واشتر اللي تبي ووده وفيه مطاعم تطبخ لك قدام السوق .

محلات المساح فيه اللي على البحر كلها مو نظيفه وفيه في ستيشن 3 مندرين وتترا بس غاليه اسعارهم افضل شي تطلب عن طريق الفندق .

الحياة الليلية اغلب المطاعم والمقاهي تقلب اغاني وديسكوات بعد الساعه عشره ومافي شي يستاهل انك تطول اغلبهم كبلز يعني ريح ولا تشد حيلك .

بوراكاي لا تجلس فيها اكثر من اربع ايام .

نصايح عامة اغراضك الشخصية مثل الجوازات وبطاقات الصراف خلها في السيفتي بوكس والفندق مسؤول عنها مسؤولية تامة اما الفلوس انصح تاخذ 5000 ريال كاش وتصرفها في مطار مانيلا واذا خلصت اصرف من صرافات بنك BDO هو اللي مسموح لك تصرف 10000 بيسو
الصرافات الباقيه اقل طبعا كل سحبه راح ياخذون 200 بيسو رسوم

لا تفكر تحاسب بالبطاقة في المحلات لانهم راح ياخذون رسوم 500 بيسو .
اما افياش الكهرباء خذ معك فيش راس ثنائي .

هذا اللي قدرت افيدكم فيه وصلى الله وسلم .

واخيراً نصيحة اخ لا تترك صلاتك مهما كان ولا تقرب الحرام

 

توبليرون, فيصل, JAKALL و 6 آخرون معجبون بهذا.

التعديل الأخير تم بواسطة توبليرون ; 17-12-2016 الساعة 04:38 PM
Traveler1 غير متواجد حالياً   رد مع اقتباس
قديم 16-12-2016, 02:38 PM   #2

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


وعليكم السلام

نصايح جميلة يستفيد منها كل من يسافر للفلبين
مقهى قاردن سيتي شكله روعة

و حلو انك اعتمدت على المرشدة لانها تختصر عليك الوقت
و تجيب لك اسعار افضل بدل اسعار النصب خاصة التكاسي

لو عندك صور يكون الموضوع اجمل

شكراً لك

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 16-12-2016, 04:19 PM   #3

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


يعطيك العافيه اخوي
والتدخين ممنوع بكل الفنادق والمطارات الحين احسن والله

 

فيصل و آخـــرفـــرصـــة معجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 16-12-2016, 06:21 PM   #4

مسافر جديد

 
 
تاريخ التسجيل :  Dec 2016
رقم العضوية : 13315
الجنس : ذكر
المشاركات : 15



افتراضي


الله يعافيكم جميعاً

 

فيصل و آخـــرفـــرصـــة معجبون بهذا.
Traveler1 غير متواجد حالياً   رد مع اقتباس
قديم 17-12-2016, 02:00 PM   #5

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي


تسلم والله ما قصرت

 

آخـــرفـــرصـــةمعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 17-12-2016, 02:24 PM   #6

مشرف العرب المسافرون

الصورة الرمزية JAKALL
 
تاريخ التسجيل :  Jan 2015
رقم العضوية : 1431
الدولة : جده
الجنس : ذكر
المشاركات : 810



أوسـمـة: JAKALL

كل الاوسمة:1 (more»)
افتراضي


السلام عليكم ورحمة الله وبركاته

الحمدلله ع السلامه ماشاءالله سعر التذكرة ع الخطوط مناسب جدا

الفلبين بلد جميل في كل اتجاهاتها والتخطيط للرحلات عندهم الافضل في آسيا

يعطيك العافيه ماقصرت ع النصائح المهمه والارشادات الجميله

وماقصرت ع طرح الموضوع للفايده العامه

تحياتي

 

آخـــرفـــرصـــةمعجبون بهذا.

توقيع : JAKALL

سبحان الله وبحمده
سبحان الله العظيم
JAKALL غير متواجد حالياً   رد مع اقتباس
قديم 17-12-2016, 08:31 PM   #7

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي


شكرا على المعلومات والنصايح المهمه لاتعتمد على اللي يقولك هذا احسن مكان واقوى مكان واخرتها يطلع اسوء مكان
صار معاي جذي في تايلند عن شارع العرب والكل يقولي روحي والله مارحت بس مريت من بعيد لي بعيد جان اقول انحش .. عرفت انه سيئ من البدايه
مرشدتكم منيره شنو اسم مكتبها اذا في اونلاين
ومشكوور مره ثانيه

 

فيصلمعجبون بهذا.

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 18-12-2016, 11:51 AM   #8

مسافر متألق

 
 
تاريخ التسجيل :  Oct 2016
رقم العضوية : 12772
الجنس : ذكر
المشاركات : 562



افتراضي


تسلم أخي على هالنصائح

 

هاني التميمي غير متواجد حالياً   رد مع اقتباس
قديم 18-12-2016, 04:56 PM   #9

مسافر جديد

 
 
تاريخ التسجيل :  Dec 2016
رقم العضوية : 13315
الجنس : ذكر
المشاركات : 15



افتراضي


الله يسلمكم جميع وشكرا لكم

 

Traveler1 غير متواجد حالياً   رد مع اقتباس
قديم 18-12-2016, 05:01 PM   #10

مسافر جديد

 
 
تاريخ التسجيل :  Dec 2016
رقم العضوية : 13315
الجنس : ذكر
المشاركات : 15



افتراضي


المرشدة منيرة مالها مكتب قابلتها صدفة عند مكاتب الالعاب وعرفتها وطلع عندها حساب في تويتر اسمه بوراكاي معا منيرة وللاسف ما حفظت رقمها كان في الشريحة الفلبينية . تقدرين تتواصلين معها عن طريق تويتر .

 

ام عزيـــزمعجبون بهذا.
Traveler1 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
وش قصتهم! مافى رحله بين سيبو وبوراكاى! الا عن مانيلا!!! وحيد السفر بوابة الفلبين 3 30-08-2016 07:47 AM
استفسارات بسيطة الله يعافيكم panadol night اوروبا 6 28-05-2015 01:34 PM
استفسارات بسيطة عن تأشيرة الشنقن غريق الشوق فيزا 7 14-04-2015 12:38 AM
كلمات بسيطة أبو عبدالملك عام 17 26-03-2015 07:12 PM

الساعة الآن 04:04 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO