شبكة و منتديات العرب المسافرون - خل نروح قطر تقرير ماجد القطري

- بوابة قطر (https://www.arabtrvl.com/vb/f73.html)

- - خل نروح قطر تقرير ماجد القطري (https://www.arabtrvl.com/vb/t31813.html)

ابداع يا ماجد
عرفتنا على اماكن جديدة بالنسبة لنا ماشاءالله روعه

ماشاءالله
خور العديد من أجمل الأماكن الطبيعية في قطر
و عجبتني كلمة قلتها انت .. صرنا نشعر اننا في ورشة عمل كبيرة
اي و الله انك صدقت , خطوات كبيرة و ثابتة تخطوها قطر نحو التقدم
الله يحفظ قطر و كل دول الخليج و المسلمين
و يزيدهم عز و ازدهار و تقدم

اقتباس:

المشاركة الأصلية كتبت بواسطة namareq (المشاركة 371079)

التقرير جميل جدا ومميز بالسرد

زرت قطر قبل سنه وحبيتها شرحه جدا ونظيفه ومتطوره

شكرا

شكرا لج اختي الكريمة

نتشرف بزيارتكم

زرتي الدوحة قبل سنة وقد تغيرت كثيرا خاصة الشوارع اجزم انه بتشعرين بتغيير وتغير كبير خاصة من ناحية الوكره او الشمال او حتى الكورنيش اغلب الدواوير اصبحت اشارات ضوئية

ارجوا متابعة الموضوع

اقتباس:

المشاركة الأصلية كتبت بواسطة بوصلووح (المشاركة 371227)

الله الله ياخالي
مجهود كبير و موضوع رووعه
صور و تفاصيل ..يستفيد منها حتى اهل قطر

الله يحفظك يابوصلوح

اقتباس:

تصدق اني مارحت جزيرة البنانا للحين ! ولا مول الحزم هههه

والله الحال من بعضه كله مشغول بس رحت من فتره قصيره تعشينا وجينا و متحف الفن الاسلامي تخيل كل يوم رايح جاي على طريقي في الدوام ولا رحت له غير مره وحزم المرخية على الطاير مع انه عند بيتنا و طوار مول الي قريب علينا مارحت له حتى هذا اليوم :14:

اقتباس:

و قطر مول دخلته مرة وحدة بس

نفس الشي وتشجيع من محمد ولدي :25:

اقتباس:

, سبحان الله نروح ونسافر و بلادنا مانتفرج فيها

اي و الله على فكره فيه مطاعم و كوفيات و فنادق جديدة بين كتارا و اللؤلؤة و مولات ماعندنا وقت نشوفها وسوق الوكره رحت له مره او مرتين بس وهو يستاهل الزيارة عدة مرات

اقتباس:

الله يعطيك العافية و موضوعك يحمس الواحد انه يطلع و يشوف بلاده
ننتظر التكملة ..

يبيله نسوي جدول زيارات حق قطر

:3:

خل نروح قطر تقرير ماجد القطري

كنز مدفون وطلعه لنا ابو عبدالله
شكراا لك لتعريفنا بالؤلؤة قطر وبكل مناطقها من الغرب الى الشرق ثم الشمال ومنها للجنوب
شكراا لابداعك بهذا التقرير اللي عرفنا عن معالم واسواق ومدن وملاعب قطر
ربي يكتب لنا زيارة قطر.....بالأخير اقول ربي يحفظ قطر واهلها ويحفظ دول الخليج واهله

اقتباس:

المشاركة الأصلية كتبت بواسطة FuNnY GIRL (المشاركة 372322)

ماشاءالله عمار ياقطر

تصدق ولامره رحت مزرعة بلدنا اعيالي يحنون يبون يشوفونها بس لان بعيد اتكيسل لكن من بعد تقريرك تحمست اشوووفها وحتى فندق السلطان بعد ولامره زرته حمستني اشوفه هو بعد ،،،، وانا مثلك الحزم جاري وتو رحت له من قريب هههههه اتوقع اخر حد قطري يدخله وهي مره بعد ماعدت التجربه لكن حده جميل يبهرر ماشاءالله وطوار مول هالنطاطيات اللي فيه روعه للصغار اعيالي حبووه

الله يحمي قطر وكل دول الخليج يارب

مستمتعين بتقريرك اخوي

هلا ببنت قطر

حقيقة وبدون مجاملة مزرعة تستحق الزيارة معلم يستحق ان نفخر به الحال من بعضة زرتها مره يوم شفت نفسي قريب يعني رحله مش مرتب لها
مدخل المزرعة عبارة عن حديقة واستقبال للزوار و الضيوف ومطعم ومركز تسوق ومعرض لمنتجات الألبان والأغذية انتاج المزرعة وممكن عمل زيارات للحضاير وبطريقة مرتبه وجدا راقية

فندق السلطان حلو زرت فيه الاهل بس ما بت فيه راقي وتغيير جو

الله يحفظ قطر واهلها ويحفظ لنا خليجنا

تم الإرسال من SM-N920C باستخدام Tapatalk

شكرا لك علي التقرير علي اتحفانا بهذا التقرير الحيوي عن قطر

جمعت الشرق والغرب في هذا التقرير ياماجد
ماشاء الله اماكن جميلة في قطر تستحق الزيارة
كثير من الاماكن والمعالم لم نسمع بها في قطر ولاول مره من خلال هذا التقرير الجميل نتعرف عليها

يعطيك العافية ع هذا المجهود الرائع ونتمنى التقدم والتطور دائما لقطر الحبيبه واخيرا مانقول إلا عمار ياقطر :e032:

ماشاءالله ابدعت في التقرير صج خذيتنا في لفه حلووه وايد عن قطر
حبيت فكرة الملاعب وايد حلوه القحفيه وبيت الشعر كلها اشياء من تراث الخليج وعاداتنا
اجزاء جميلة و ان شاءالله نزور قطر ونشوف هالاشياء اللي ذكرتها لنا وعرفناها من تقريريك

تسلم ايدك على هالمجهود
ومن تقدم الى تقدم