| Passion | 17-09-2018 06:24 AM |
ماشاء الله يعطيك العافية كل مرة اقول اني استفدت كثير جد شكرا
طيب يا اخواني اذا ممكن تساعدوني في تخطيط رحلتي لسويسرا والريف الفرنسي
مدة الرحلة 13 يوم بداية بأنسي واللي حنجلس فيها ثلاثة ايام وفي اليوم الثالث حنروح ان شاء الله انترلاكن لمدة ستة ايام ( السكن حيكون في ايستوالد) بعد كذا سادس يوم راح نتوجه لمونترو لمدة ثلاقثة ايام وبعد كذا العودة من جنيف ..طبعا التنقلات بالسيارة
الرحلة حتكون من 15 اكتوبر الى 28 اكتوبر .... وخلاص حجزت التذاكر والفنادق الحمدلله ... فاضل لنا بس تخطيط اليوم احترت كثير فيها وايش يناسب فعاليات مع تاريخ رحلتنا لانه اعتقد الجو حيكون بارد ... بمعنى اليوم الاول في انسي فين اروح وايش الاماكن الحلوة علما انه حاطين خطة انه معدل صرفنا لليوم الواحد مايتجاوز 1500 ريال سعودي وممكن كمان اقل بس مش اكثر من كذا .. فبإيش تنصحوني كيف ارتب يومي بحيث ازور احلى الاماكن بشكل مرتب ماتكون بعيدة عن بعض عشان مايضيع اليوم في السيارة فاهمين علي؟؟
الاماكن اللي نفسي ازورها في سويسرا : قمة جونغفراو والزحليقة الهوائية ويوروبا بارك والبحيرة الزرقاء والشلالات واذا ممكن تضيفولي اقتراحات ثانية ...
في انسي ماني عارفة صراحة فين اروح فيها
مونترو نفس الشئ ماني عارفة 0..
شامونيه محتارة ازورها او لا
الله يسعدكم اللي يقدر يساعد بجدول يومي مرتب وكم التكلفة المتوقعة لشخصين اكون شاكرة وممنونة جدا ... ويعطيكم الف عافية | 