|
الله يسعدك على الرد انا موظف واليوم الواحد محسوب عليا .. ما اقدر اخذ اكثر من شهر ونص وممكن اشبكها مع اجازة عيد الاضحى خيارات السكن هل استعين ب airbnb ؟ واسكن بشكل مفرد ام اني انواصل مع معهد من مكاني في السعودية وارتب معاه تاريخ وصولي وينسق لي السكن مع عائلة ؟ لكم الشكر الجزيل |
اقتباس:
لو قريت تقريري مضبوط راح تعرف اني ما انصح بالعوايل ابداً حتى لو هم يدفعون لك عشان تسكن معاهم و وضحت الاسباب انا اقول تاخذ فيزا 3 شهور وتجلس المدة اللي تعجبك وتخلي من المدة اول اسبوع تلف على المعاهد وتكاسرهم بالاسعار وتشوف بيئة المعاهد بنفسك عدا ذلك راح تدفع الضعف للسماسرة وحتى اذا وصلت هناك فيه سماسرة مسنترين بالمعاهد طنشهم وتحدث مع المعهد مباشرة نعم اسكن بشكل منفرد وانا حطيت بالموضوع سكن للطلبة تقدر تحجزه من هنا وبرصه تقدر تحجز فندق اول 3 ايام وتشوف السكن بنفسك وانا رايي تسكن حول المعاهد وكل شي يكون حولك هذا السكن تكلمت عنه بالتقرير https://www.studentathome.co.za/ |
جزاك الله خير الجزاء ياغالي ماقصرت |
يعطيك العافيه يابو غسان متشوقين نشوف وضع العيال هذه السنه |
اقتباس:
هلا ام حسين هذي السنة غسان قرر يأخذ ترم صيفي عشان يخلص بدري ويدرس 6 أشهر كاملة |
:58::58::58::58: |
ماشاء الله عليك اخوي معلومات كافيه ووافيه الله يعطيك العافيه وباذن الله لو قررنا هذي الخطوه لاخواني واخواتي راح نستعين بمعلوماتك عن المعاهد خاصه في بريطانيا |
موضوع جميل ومعلومة السكن مع العايلة وراها مشاكل تعتبر معلومة قيمة لاني كنت مخطط اسكن مع عايلة بجنوب افريقيا |
تقرير جميل سلمت يداااااااااااك |
يعطيك العافيه اخ ابو غسان الله يحفظ انت والشباب يارب عندي كم سؤال ، شفت لك موضوع دراسه في لندن وموضوع هذا جنوب افريقيا ايش افضل ولو تقارن مقارنه بسيطه من ماحية السعر والامان والمعيشه واكتساب اللغه ؟؟ انا خريجة بكالوريس ادارة خدمات صحيه وومستشفيات ودراستي كانت كلها بالعربي والان متزوجه وعندي طفلين صغار امنيتي اسافر بره لو ست شهور واكتسب اللغه لان صارلي سنه ادور وظيفه مالقيت بحكم اني غير سعوديه والان تشديد قوي على وظائف والخ مهم ماعالينا من هالشي انا احب اللغه وسبق ودخلت اكثر من معهد واكتسبت واستفدت لكن عدم متابعه وظروف حياه وانشغال تخلي واحد ينسى فحابه انعزل وادرس برا وتكون خبرتي كافيا تحدث وكتابه من تقارير الي كتبتها عن كيب تاون لقيت اسعار انسب من لندن وعجبني موضوعك جدا الى الان مقتنعه بالسفر ٩٠٪ لسفر الى جنوب افريقيا كيب تاون ، لكن هل تنصحني كاخت اكون لحالي ولا هل يشترط معي احد يعني نسبة الامان ووحود البنات لحالهم والخ وهل تكفي ٦ شهور ااخذ اللغه او تفرق من شخص لشخص وممكن اذا عجبني الوضع اني اخد شي بعد الانجلش يفيد تخصصي ويقويه سواء دبلوم او دورات معتمده وكذه يعني باختصار اريد انجلش + تقويه لتخصصي سواء دوره او دبلوم مبلغ حاليا ماستقريت لكن ممكن ٢٠ الف كبدايه لاني قرات من كلامك انو شهر ممكن يكلف ٣ الاف ريال شامل رسوم دراسه سكت طيران فيزا الخ الله يسعدك منتظره اجابتك بكل تفصيل ممكن تكتبها لاني راح اعتمد كل شي منك |
هلا ام عثمان جنوب افريقيا راح تناسبك و لا مشكلة ان كنت لوحدك في كيب تاون نسبة الامان عالية وكل بناية عليها سيكيورتي و جهاز للدخول برمز سري و اشوف 6 اشهر تكفي بشرط الاجتهاد في الممارسة في المولات مثلا مع الناس هناك و المطاعم وغيرها لان بدون ممارسة ممكن تطول العملية. المعهد ممكن يعطيك 50 % ان كان ممتاز و الباقي عليك واذا خلاص قررت ممكن ارسم لك خريطة طريق ممكن تدرسي في معهد جامعة كيب تاون وهناك تاخذي دورات اضافية تتناسب مع تخصصك بس مدري انت ناويه على ايه هل دورات ادارية مثل مهارات الاتصال والتعامل مع المرضى و ما الى ذلك او اكثر تعمقاً مثل ادارة الازمات والطوارئ و السلامة والجودة و غيرها موفقة ان شاء الله |
اقتباس:
وفعلا زي ماقلت بختار دورات اكثر تعمق زي السلامه والجوده او اي حاجه ثانيه لين اركز مزبووط ايش باخذ بس تكاليف معهد كيف بتكون مع باقي رسوم سكن ، وهل تكاليف دورات تكون رسومها عاليه وممكن تعطيني رابط جامعه ببحث عن تخصصات والية القبول والدورات الي عندهم على اني بتوهق لان اكيد موقعهم بالانجلش بس بحاوب ، راح ادرس الوضع مضبوط وارتب اموري وباذن الله بعد الله انك تساعدني صحيح لمن قارنت بين لندن وكيب تاون قلت الي بيتطور لغته لندن افضل له هنا شوي ترددت ومشكله الفلوس تقيدني ولندن غاليه جدا معيشه ورسوم الدراسه |
اخوي ابو غسان ارجو الرد |
اقتباس:
نعم افضل لانه معهد جامعة بينما المعاهد الاخرى اقرب الى التجارية دراسة اللغة في هذا المعهد قد تكلف حول 3000 للشهر لكن ممكن التواصل معهم والحصول على تخفيص اذا كانت المدة 6 اشهر ممكن القراءة عن المعهد https://uctlanguagecentre.com/englis...neral-english/ |
اقتباس:
- طيب دحين 3000 ريال رسوم دراسه والسكن ولا ، حاولت ادور اسعارهم بالموقع ماعرفت - بنسبه للمده 6 شهور هي ممكن تنقص او تزيد يعني على حسب كفايتي ومفهومي للغه وافضل ادفع لهم رسوم شهريا بدل مادفع لهم مره وحده - وبنسبه لدورات عندهم برضو نفس الشي ماعرفت اطلع ايش عندهم دورات وكذه غير انجلش ولا موقع جامعه غير عن هذا - صراحه زوجي ابدا رافض الفكره من اول ماقلت له جنوب افريقيا بس ان شاءالله يقتنع لان كل ماسال احد يقولو مو صاحي احد يدرس انجلش بحنوبً ارفريقيا وهذرة - فكرت ببريطانيا بس لقيت تجارب قليله والي فهمتو انو كل مابعدنا عن لنذن يعني مناطق ثانيه بالحنوب يصير ارخص من ناحية دراسه والمعيشه تنصحني اسال مين واستفسر اكتر عن مناطق في بريطانيا واسعار معاهد لاني عارفه شركات والمكاتب اسعارهم غاليه وانا والله حتى اذا بروح كيب تاون بدبر مبلغ واشترك. ب جمعيه او حتى لو ابيع ذهبي فدا العلم 🥺 |
لابد من تحديد المكان اللي ترغبين الدراسة فيه عشان نفيدك الدراسة في بريطانيا لمدة 6 اشهر تكلف ما بين 50 الى 60 الف ريال جنوب افريقيا ما بين 30 الى 40 الف ريال شوفي اسعار هذا المعهد في مدينة بورنموث بريطانيا English Language School Bournemouth | ETC International College |
اقتباس:
والله اني محتاره ووزجي مخوفني من جنوب افريقيا ولا انا مقتنعه فيها جدا ، انت عارف الشعب عندنا الي يفتون برايهم كثير وهما مو مطلعين على شي وظنهم انو جنوب افريقيا تعمها مجاعه والسرقات وهذا الي يدور بعقل زوجي :21: اطلعت على معهد الجامعه الي بكيب تاون ولقيت عندهم ثلاث خيارات لسكن ماعرفت ايش الانسب وبنسبه للاسعار برضو ماعرفتها مضبوط وكمان اسئله كثيررر تخطر في بالي عن معهد وهل عندهم دورات غير الانجلش وكذه بنسبه لشهاداتهم معترفه فيها عندنا بالسعوديه ولا كيف بحاول اطلع مره ثانيه عن معهد واذا قدرت تفيدني كمان الله يجزاك خير من رايك معهد جامعه تقيمه عالي ونظامي عن بقية المعاهد يعني التوب في كيب تاون ولا |
اقتباس:
بالطبع معهد الجامعة هو التوب و دراسته اكاديمية ما هي تجارية وعندهم دورات كثير سواء بالجامعة او خارجها وشهاداتهم بالطبع معترف فيها المهم في الموضوع القدرة المالية بريطانيا و امريكا ممتازين لكن التكلفة الضعف اذا تبحثين عن تكلفة معقولة عندك كيب تاون و بعدها كوالالمبور |
تقرير اكثر من رائع استاذ ابو غسان . اعجبتني طريقه التفكير ... لما قلت اسافر هناك وابدا البحث عن المعهد والسكن ... واختارهم بنفسي في المكان المناسب .. بدل السماسره والعمولات للوسطاء تحياتي .. سؤالي . هل ابدا بالبحث عن المعهد اولا والتركيز عليه ومن ثم ابحث عن سكن .. . او ابدا بالبحث عن السكن واشوف المعاهد القريبه منــه خالص الاماني والتوفيق |
| الساعة الآن 12:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO