|
اهلا بك اختي ياليت تجربي تدخلي على موقع الفندق مباشرة وتشوفي الأسعار .. حتى لو ما فيه خاصية الحجز اونلاين ارسلي ايميل بسيط لهم بطلبك .. ما تدري يمكن تلاقي سعر أفضل من بوكينق .. حصلت معي أكثر من مرة في فنادق تركيا هذا رابط موقع الفندق eurostar أما من ناحية موقع الفندق أطمنك .. فقد تكون أجمل ميزة في الفندق موقعه ... بجواره كل شيء من مطاعم وكافيهات ومحل حلويات ومحطات مترو وترام بالتوفيق |
اقتباس:
اذا حابين رايي الخاص لا تكنسلوا الشمال اطلاقاً مهو بالضرورة تفرون الشمال كله !! فهي بحد ذاته قارة لكن لا تخلوها في الخاطر واذا من محبي الطبيعه راح يعجبكم الشمال بشدة واذا الفترة المخصصة له قصيرة انصح بشدة السكن في طرابزون واستئجار سيارة خاصة تحت يدكم وين ماتبون تروحون وين ماتبون توقفون وتكون نقطة انطلاق مركزية الى اكشبات حيدر نبي اوزنغول سلطان مراد اوزنغول ريزا ايدر نقطة خاصة فيني يعني رأي شخصي الشمال للاستجمام والراحة والطبيعه يعني اللي معه اطفال راح يتضايق لانو الاطفال مايعرفون طبيعه وخضرة واشجار وكذا !! يعني متعتهم الالعاب بشتى انواعها المدن الترفيهيه والمولات يمكن هالشيء تحسونه وتلاحظونه لكن ادارة الرحلة من القائد يستطيع التغلب على هذه النقطة تحياتي أرسلت بواسطة iPhone بإستخدام Tapatalk |
اقتباس:
شكرا لك اخ نواف... راسلت الفندق وان شاءالله يكون لي نصيب فيه.. |
اقتباس:
شكرا لنصائحك اخ اوكسير.. والله انا للان محتاره الصباح اقول نروح الشمال وبالليل اغير رأيي واقول بورصه:29: انا ايضا تفكيري اننا نسكن بطرابزون ومنه ننطلق للاماكن اللي نبغاها.. يعني فبالي يوم الوصول نروح مطل بوزتيبه وميدان اتاتورك ثاني يوم اوزنجول ثالث يوم لصوميلا اقصد المنطقه وليس المعبد ثم بعدها لهامسكوي صواحه تقرير الاخ نواف حمسني لها جدددا رابع يوم واللي هو يوم العوده لاسطنبول نقضيه بطرابزون او منطقه قريبه منها.. بالنسبه للاطفال فكرت بما ذكرته.. الفعاليات باوزنجول كثيره نركبهم قارب .. دراجات.. الالعاب حسب ما قرأت متوفره ايضا.. اما بغيرها مشاهدتهم للثلج للشلالات كلها اشياء جديده عليهم بيستمتعو فيها.. وانا دايما باي رحله اول الرحله اوديهم لملاهي واخر الرحله كمان.. عشان نسيطر على وضعهم.. شكرا لك مره اخرى |
اذا على بورصه فهي عند اسطنبول حذفه حصا الله يسهل دربكم ويوفقكم تحياتي أرسلت بواسطة iPhone بإستخدام Tapatalk |
اهلا بك ياليت تضعي من ضمن بدائل الحجز موقع أو تطبيق المسافر واستخدمي كود الخصم ( sec ) لعله يفيدك بالتوفيق |
اقتباس:
شكرا لك اخ نواف.. جزاك الله خير.. التذاكر حجزتها من تطبيق المسافر وكان عندي تخفيض10٪ وفرت من خلاله 500 ريال.. وكلمونا قالو لكم تخفيض5٪ للفنادق بس اغلب الفنادق عندهم اغلى من بوكينج |
السلام عليكم اخوتي واخواتي اعضاء المنتدى الكرام.. بعد الاستخاره والاستشاره قررنا عدم الذهاب للشمال.. لا لشي سوا اننا نفكر بزيارتها بمفردها مستقبلا.. الفندق راسلت يوروستارز وافادوني بانه يجب علينا حجز غرفتين متصله بمبلغ700 ريال بالليله طبعا السعر بالنسبه للفندق اراه غالي.. المهم قرأت بتقارير الاعضاء عن فندق مناسب بنفس المنطقه .. قرأت تقرير الاخ مكه عن ميناسول ويوروستارز وايضا امباير سويت.. فاخترت امباير سويت لتقييمه العالي مقارنه مع الفندقين وصراحه اغراني المبلغ..غرفه ثلاثيه بقيمه3350 ريال وكنت قبل شاهدت نفس الغرفه ب6700.. الحمدلله وتم الحجز.. الجدول راح يكون نفس السابق مع تغييرات بسيطه.. (اضافة بورصه وسبانجا ) واماكن اخرى لكن وقت توزيع الايام وجدت ان مدة سفرنا 11 يوم و10 ليالي.. ففكرنا باغوا وشيلا..لو تستحق.. وايضا.. هل يوجد عبارات من امينونو الى ارتاكوي.. ايضا اود السؤال هل الملاهي العاديه فالمولات تغني عن فيالاند..لاني ارى التعليقات والاراء بين مؤيد ومعارض.. وشكرا لكم مقدما |
اقتباس:
الملاهي العادية ليست كـ فيلاند اطلاقاً بالنسبة ليوروستارز اشوف حبيبنا الغالي دوم يحطه من اول اختياراته وانا اشوف ان سعره غالي جدا جدا فيه بدايل افضل وارخص تحياتي أرسلت بواسطة iPhone بإستخدام Tapatalk |
اهلا بك فندق امبير سويت سبق شفت واحد غطاه بالسناب وأعتقد الغرف واسعة وموقعه استراتيجي نفس موقع يورستار الفرق بينهم خطوات ومدير الفندق شخص مشهور عند أهل السناب اسمه ( أبو أمير ) ومتأثر بالخليجيين لدرجة إنه يسوي القهوة العربي كل يوم ضيافة لأي شخص يحب يزوره بالفندق .. عموما طالما مناسب لكم فالحمد لله والله يوفقكم |
| الساعة الآن 12:51 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO