|
اهلا بك حسب علمي ان مثل هذه الرحلات تكون المسؤولية كاملة على الطيران لأن الحجز واحد .. والخطوط السعودية تسويها لما تحجز لمكان وتكمل رحلتك على خطوط ثانية بقية رحلتك بشرط يكون الحجز كامل من الخطوط السعودية نصيحتي لك تتصل او تزور مكتب اطلس جلوبال في جدة وافهم منهم كل التفاصيل والمطلوب منك من لحظة سفرك من جدة حتى توصل طرابزون بالتوفيق |
اقتباس:
انا حجزي كان من مكتبهم في جده واتصلت على الموظف الي حجزت من عنده يقول براحه تلحق بس خليك مع الناس بس سمعت ان مطار اتاتورك زحمه جدا وممكن تطول في الجوازات وبعدها انتقال للصاله الداخليه بديت اخاف ان الرحله ممكن تروح علي |
اهلا بك انا كان قصدي انك تساله عن كل التفاصيل بحيث ما تمشي مع الناس ويكون اللي تمشي وراهم اصلا محطتهم النهائية اسطنبول مثلا تساله عن العفش هل بمجرد تسليمه في مطار جدة مالك علاقة فيه الا بطرابزون ؟ هل اذا وصلت مطار اتاتورك توقف بالجوازات ام هناك مدخل خاص بالمواصلين ؟ واعتقد بل متاكد اني قد شفت مدخل خاص للمواصلين فبالتالي وين بيكون تختيم الجوازات ؟ كل هذي الاسئلة التفصيلية الافضل تفهمها من الموظف من جدة .. الموظف يؤكد لك انك بتلحق على اساس انك فاهم الخطوات ومتمرس بالسفر الترانزيت .. فعشان كذا روح له وقول له فهمني بالتفصيل لاني اول مرة بحياتي اسافر بهذي الطريقة ولا ابغى يضيع وقتي بالاسئلة وخصوصا الجماعة هناك ما يفهمون لا عربي ولا انجليزي بالتوفيق |
ياجماعة الخير الرجال كلامه واضح هو حاجز جدة طرابزون ذهاب واياب ومن الطبيعي جدا ان يكون حجزه ترانزيت عن طريق اسطنبول لان مافيه دايركت في الحالة هذي الخطوط مسؤولة مسؤولية كاملة بتوصيل الركاب لوجهتهم الاخيرة مع عفشهم مهما كانت الظروف وتتحمل مصاريف الاقامة لكل الركاب لو اقلعت الرحلة الثانية بدونهم وتعوضهم باقرب رحلة ممكنة وفي حالة اخونا ابو عزوز اموره طيبة والدليل البوردنق باص حق الرحلة الثانية من اسطنبول الى طرابزون يستلمه من جدة قبل اقلاع الرحلة الاولى من جدة الى اسطنبول *** الي يقول مايمديك الوقت ضيق هو حجزه حجز واحد فقط جدة - طرابزون - جدة - توقف 1 (اسطنبول) الا اذا كان حجزه حجزين منفصلين جدة - اسطنبول - جدة هذا حجز واحد اسطنبول - طرابزون - اسطنبول هذا حجز ثاني في الحالة هذي معكم حق ان الوقت ضيق اصلا المفروض لا يقل عن 3 ساعات احتياط اما ابوعزوز اموره ان شاء الله في السليم فلا تقلقونه |
شوف ابوعزوز... مثل ماقال الاخ نواف بالظبط ورحلتك من اسطنبول الى طرابزون بتلحق عليها باذن الله بس تاكد بعد ماتنزل في اسطنبول وينك رايح لاتمشي في الطريق الخطاء اسال عن طرابزون اكيد بيكون فيه يافتة لوحة المواصلين الى طرابزون مثلا او بيكون فيه شخص يوجه الركاب اهم شي كن متاكد انك ماشي في الطريق الصح |
اقتباس:
العفش بستلمو في طربزون حسب كلام الموظف البوردنق حق اسطنبول طربزون باخذو من جده انا الي ابغى افهمو هل الترانزيت الى طربزون بيكون لهم مسار خاص في الجوازات او بيكون الجميع سوا في مكان واحد |
اقتباس:
انا علشان تفهم علي انسى مساله الترانزيت انا حجزي جده طربزون بقغد فيها 8 ايام ومن طربزون الي اسطنبول بقعد فيه 6 ايام وبعدين من سطنبول ال جده وكلها برقم حجز واحد المشكله اطلس قلوبال ما عندها دايركت من جده الى طربزون علشان كذا فيها الترانزيت نفس المسار هذا موجود في الخطوط التركيه دايركت بس اغلى من اطلس جلوبال 3000 ريال بنسبه للموجودين معي |
اقتباس:
يعني ترانزيت قصير في اسطنبول (فترة تحويل الرحلة قصيرة) دايما برحلات االترانزيت في مطار دولتك تقولهم فاينل ديستينيشن طرابزون يعني وحهتي الاخير طرابزون ساعات تصير زحمة على التخنيم كلم الموظف المسوول ان ماعندك وقت وراح يعديك السرى |
اقتباس:
بس قصدي لما اكلمهم في جده ان عندي شورت ترانزيت اش بيعملو ليا في مطار اتاتورك وهل الموجودين في مطار اتاتورك متفهمين في مثل هذي الحالات لان الي اسمعو انو فيهم دفاشه وممكن مايفهم عليا يعني الي افهمو ان الكل يروح نفس مكان تختيم الجوازات حتى الي عندهم ترانزيت او الترانزيت لهم مسار خاص |
اقتباس:
في مطارات اوروبا عادة تلاقي موظفين قبل ضابط التختيم و تشرح له في تركيا حاول تحصل لك موظف لان نادر ماتشوفهم وفي خطة جربها اطلب خدمة ويلجير حتى لو ماتحتاجها تدخل من سرى الفاست تراك بسبب صاحب الكرسي المتحرك |
| الساعة الآن 02:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO