المشاركة الأصلية كتبت بواسطة Sana (المشاركة 390318)

نسيت اقلك إنه ما في أحسن من إنكم تستاجرون السيارة اريح واوفر وكمان راح تستغلون الوقت أكثر.

Envoyé de mon SM-N910C en utilisant Tapatalk

المشاركة الأصلية كتبت بواسطة Sana (المشاركة 390316)

هلا وسهلا بكي اختي
نعتذر عن التأخير واكيد الخبراء كلهم مشغولين الله يكون في عون الجميع
على بركة الله.
دامك اصلا حاطة برنامج المدن فخلاص نمشي على النحو التالي
شمال المغرب بما فيه : طنجة ، تطوان ، شفشاون ، أصيلة، العرايش " أقل شي 6 أيام وكي تستغلي الوقت لازمكم تصحون باكر على الله تقدرون تشوفون أكثر الأماكن في 6 أيام لأنه ما ننسى المسافة اللي تفصل كل منطقة عالاخرى بما فيها إنه الطريق لشفشاون أغلبها اعوجاجات لكن الجبال والطبيعة روعة .
مراكش 3/4 أيام وأضيف على المناطق اللي ذكرتيها في بحيرة بعيدة عن مراكش ب 40 دقيقة بالسيارة إسمها " للا تكركوست" روعةةةةةة قمة في الروعة مناظر خلابة والبحيرة محيطة بمطاعم يعني تقضين وقت رائع وسط الطبيعة الخلابة.
عندك يومين في أغادير وأحسن شي إنه دام الانطلاقة من مراكش أقضي يوم في الصويرة وبعدين روحي على أغادير والعكس صحيح أهم شي إنه ما تفوتكم فرصة التواجد بمدينةالصويرة بعد.
3 ايام بين فاس ومكناس وافران كل مدينة يلزمها يوم لحالها وهو كافي وكمان المسافة بينهم قريبة جدا ساعة بالسيارة.
للتسوق في المدينة القديمة لمكناس وفاس فيها كل المنتوجات التقليدية المغربية. " اذا دخلتي السوق لحاله راح تقضين يوم بحاله هههههههههههههههههه" لانه كل مدينة عندها سوق للمنتوجات المغربية واحنا النساء ما بنمل من الاسواق الله يعينكم واحنا رهن الإشارة وما تنسي تشترين زيت أركان من السوق في أكادير هناك أرخص وطبيعي مية في المية.



Envoyé de mon SM-N910C en utilisant Tapatalk