|
اخونا يالغالي. الفورم الاونلاين لا يفتح بالفايرفوكس لي يومين احاول. و يوجد خلل اذا جيت اعبيه من متصفحات ثانيه. حتى بالجوال حاولت. هل فيه حل اخر ؟ هل تنصحني اعبي اليدوي و خلاص؟ لان الاونلاين فيه بيانات و تفاصيل اكثر |
اقتباس:
لا مشكلة بانتهاء الجواز المهم تاخذون صورة من صفحة البيانات وصورة من صفحة 3 اللي فيها التوقيع ولو كانت مو موقعة توقع الان الهدف فقط اثبات الصلة ممكن لو مضافة بكرت العائلة الى الان يكفي بدل الجواز |
اقتباس:
ما يأثر بس رجاء اطلب تغيير معرفك من الادارة في قسم الاقتراحات والشكاوى تحت ممنوع استخدام الايميل كمعرف |
اقتباس:
حاضرين يا غالي هذا من اسباب الرفض خاصة في الفيزا البريطانية لذا لاتقوم بهذي الحركة اطلاقاً لاي فيزا رايي تكتب قدامها بكشف الحساب توضيح بالانقليزي مثلا بيع سيارة SALE OF CAR او ايداع من حسابي البنكي الاخر Deposit from my other bank account اللي تشوفه مناسب لوضعك |
اقتباس:
انا استعمل الفايرفوكس وشغال عندي تمام https://videx.diplo.de/videx/desktop/index.html#start هذا افضل واسرع لك والامر يرجع لك |
اقتباس:
المشكلة أني حاجز خطوط الطيران والسيارة ودافع وكل شي أكيد هذا اكبر غلط سويته يارب تمشي أموري تمام وما يرفضون الفيزا كل مره أقول هذا اخر سؤال بس ما استغني عن خبرتك والله طيب ايش رأيك لو أسوي عمليات شراء وارجع اسحب كشف من جديد بحيث ما يكون ايداع ال 25 الف اخر عملية لي بالكشف ؟! ولو سويت كذا كمان اكتب عندها مثلا بيع سياره ولا استغني ؟! لأني احس أني اعلم على نفسي اذا كتبت ملاحظه هههه |
اقتباس:
ههههههه طيب سوي كم عملية شراء عادية واطلب كشف جديد وان شاء الله تتيسر امورك |
الأخوة الأفاضل السلام عليكم اليوم كنت في مكتب الفيز الالمانية بجدة وحاب انبه على ملاحظة هامة بخصوص تامين السفر انا طبعا امنت تامين التعاونية وكما تعلمون التامين يجي جاهز ومختوم عن طريق النت لكن للاسف الموظفه قالت ماينفع هذا الختم الالكتروني . لازم تروح تختم الختم اليدوي من عند شركة التامين على كل الصفحات وكل مقدم طلب لابد يكون له نسخه مستقله يختم على كل صفحانها ايضا . فاضطريت للذهاب لادارة الشركة التعاونية في برج الشاشة بطريق الملك الدور 19 عشان اختم جميع النسخ وكمان الموظف في التعاونيه الله يجزاه بالخير اضاف لي نسخه اضافيه وختمها قللي هذي خليها معاك يمكن تحتاجها في المطار في المانيا . وهذا ينطبق على جميع شركات التامين وليست التعاونية فقط لمن اصدر تامينه عن طريق النت. هناك ملاحظة اخرى طلبت مني كشف حساب بنكي برغم وجود صورة لبطاقة الفيزا الا انها قالت لازم كشف حساب وزهمت المدير عشان تشرح له قمت وريته المكتوب في التشيك ليست ان السعودي مخير بين الكشف او صورة البطاقه الأتمانية قام قال لها مشي . ومشي الحال . هذا ماحدث معي ونقلته هنا للفائده من بعد اذن صاحب الموضوع جزاه الله خيرا |
ملاحظة اخرى رجعت لي جميع حجوزات الطيران والمواصلات وما اخذتها. اخذت فقط حجوزات الفنادق. |
اقتباس:
هلا يا غالي شكراً على التنبيه الهام لو طبعت التامين بطابعة ملونة يظهر الختم بلون أزرق عموماً هو يختلف من موظف لموظف وهذا خطأ لأنه يلخبط المتقدمين |
اقتباس:
لا شكر على واجب والله للاسف كان عندي نسخه ملونه وقلت لها عليها قالت ماينفع , وكمان لما رحت لموظف التعاونيه على طول قال لي اكيد الالمانيه قلت له اي والله الالمانية ووجدت عنده شخص اخر نفس المشكله . ويبدولي فعلا ان الامر بحسب الموظف اللي تطب فيه . |
اقتباس:
بالفعل الالمانية يدققون على نسخة التامين الاصلية ساذكر هذه النقطة بالشرح لكي ينتبه الجميع شكرا لك |
السلام عليكم اولا شكرا على هذا الموضوع جدا استفدت منه كافي ووافي وفقك الله عندي مجموعة اسئله من بعد اذنك اذا كانت الزوجة بدون وظيفه لازم خطاب تكفل بالمصاريف ؟ وهذا الخطاب وين احصل عليه ؟ بصورة رقم ١٠ حقت تعبية الابلكيشن فيها معلومات عن الفندق طبعا انا حجزت بالمانيا ٤ فنادق اضفت الفندق اللي اكثر وقت بقضي فيه لان ما اقدر اضيف كل الفنادق هل هذا صحيح ؟ ماهي متطلبات الالمانية لمقاس الصورة ومواصفاتها ؟ وجزاك الله عنا خير الجزاء |
اقتباس:
وعليكم السلام هلا يا غالي 1- ماتحتاج خطاب تكفل بالمصاريف 2- نعم صحيح 3- مقاسها 3.5 في 4.5 وكل الاستديوهات تعرف الطلبات |
جزاك الله خير وما قصرت |
اقتباس:
الله يحييك |
السلام عليكم فضلا لا أمراً لدي بعض الاستفسارات 1-هل يجب وضع نسخ حجز السكن وكشف حساب وتعريف راتب في فورم الأبناء؟ 2- يجب ختم تأمين السفر اذا كان تم الحصول عليه عن طريق الاون لاين ؟ أو اذا كان ملون كافي ؟ مع العلم في الايميل المرفق فيه التأمين مذكور أنها نسخة الكترونية وليس هناك حاجة لتوقيعات 3- للـتأكد فقط تم تغيير موقع الشركة بالنسبة للسفارة الألمانية ؟ 4- في حال عدم سفر الأب وهو المتكفل بمصاريف الأبناء يكفي كشف حساب الأم أو يرفق في فورم الأبناء كشف حساب الأب ؟ 5- أضع صورة من جواز الأب في خطاب موافقة سفر الأبناء ؟ شكرا مقدما |
اقتباس:
اهلا وسهلا |
الله يجزاك خير على رحابة صدرك بالنسبة لخطاب تكفل الأب بالمصاريف وهو ليس مسافر هل يوجد نموذج لهذا الخطاب ؟ أو يكتبه الأب بصياغته الخاصة فيه ؟ |
السلام عليكم ورحمة الله وبركاتة الله يجزاك الخير على الشرح الوافي وبيض الله وجهك عندي عدة استفسارات الله يعطيك العافية اول شيء بقول مخطط الرحلة عشان يسهل عليك الرد 18 ليله ,بلد الوصول المانيا , 6 ليالي المانيا 4 سويسرا 5 النمسا 3 فرنسا عددنا 3 الوالد (متقاعد) اخوي (موظف) انا (طالب) فوق 21 سنة 1 - بالنسبة للصورة رقم 8 , خانة البلد الاكثر اقامة حطيت المانيا وسويسرا والنمسا صح علي ؟ لان مافيه خانه رابعة احط فيها فرنسا 2 -بالنسبة لي انا طالب فوق 21 ولا عندي وظيفة والوالد بيسافر معي هل يكون فيه خطاب تكفل مصاريف ؟ وهل لازم اقدم كشف حسابه وتعريف للراتب مع اوراقي انا ؟ يعني اخلي الوالد يطبع تعريفين وكشف حسابين لي وله ؟ 3 - بالنسبة للوالد تعريف الراتب من مؤسسة التقاعد اقدر اطبعه من موقعهم مختم وجاهز ولا يبغون اطبعة من المؤسسة نفسها 4 - اطبع حجوزات بوكنج بالالماني ولا الانجليزي ؟ 5- يحتاج تعريف طالب من جامعتي ؟ 6- تاريخ السفر 25 اوقست وموعد السفارة 5 يوليو , يمدي تطلع التاشيرات ولا متاخرين ؟ 7- الوالد راتبه 18 الف ريال وحسابه فيه فوق 20 الف واخوي راتبه 17 الف ريال وحسابه فيه 10 الاف وانا طالب والوالد يكفلني بالمصاريف سؤال هل الرواتب والارصده كافية ؟ معليش كثرت عليك الاسئلة والله يعطيك العافية ويوفقكم اينما كنت |
اقتباس:
|
اقتباس:
وعليكم السلام الله يحييك يا غالي |
اقتباس:
معليش يالغالي اخر سؤال موعدنا حنا مع بعض الوالد يقدم اوراقة وكشف حسابه وتعريف راتبه واخوي يقدم اوراق وكشف حساب وتعريف راتبه انا اقدم اوراقي مع خطاب تكفل الوالد باتكاليف بدون ماارفق في ملفي كشف حسابه وتعريف راتبه ؟ |
اقتباس:
نعم كل واحد يقدم اوراقه ممكن يقدم الوالد مع اوراقك خطاب تكفل بدون كشف ولا تعريف مع اني ارى طالما مسافر مع الوالد ماتحتاج خطاب لانك راح تكتب بالنموذج في خانة others father او الوالد كما هو في الشرح صورة 12 |
يعطيك العافية والله يجزاك خير |
اقتباس:
الله يحييك |
السلام عليكم لاول مرة يرفضون اوراقي بالتتبع مكتوب Back statment with sufficient funds no answer 5-6-2018 زي ماتوقعت مافيه رصيد يكفي دقيت عليهم قالو راسلهم بالايميل ارسلت من اسبوع محد يرد علي info.germanyriyadh@vfshelpline.com دقيت على السفارة الالمانية بنفسهم رد واحد عربي مكسر يقول سو كل شي من جديد معقولة ،؟؟؟ |
اقتباس:
السلام عليكم اخوي كم كان في رصيدك وقتها ؟ وهل الاهل معك في نفس كشف الحساب وتعريف الراتب يعني كافلهم ؟ وكم يبغون رصيد مثلا ؟ الله يفرج يوفقك ويسهل عليك |
اقتباس:
نعم لابد تقدم من جديد الراتب المقبول حول 10 الاف والرصيد 25000 ريال او اعلى كأنهم اتصلوا عليك 5/6 وما رديت عليهم تاكد من المكالمات اللي ما رديت عليها يوم 5 |
السلام عليكم الله يسعدكم يا اخوان كل واحد فيكم يقدم معلومه حتى بسؤاله يخلي الواحد ينبه ع شغلات مو منتبه لها مثلا بتعليق اخوي المسافر الوحيد انبهت اني بتعبئة الابلكيشن صورة رقم ٨ بس حطيت ألمانيا هي البلد الأكثر إقامة مع اني حاجز يومين بفندق بزيلامسي بس ما أضفت اني رايح لزيلامسي وبمر على سويسرا بس بنفس الْيَوْمَ وارجع ماراح انام فيها هل لازم اضيفهم كلهم ؟! حتى سويسرا ؟! هل أعيد الابلكيشن ؟! او علشان أريح نفسي أحجز فندق يومين زيادة بالمانيا مع إلغاء مجاني وأخذها معي بدل فندق زيلامسي شوروا علي يالاخوان الله يسعدكم دنيا وآخره |
السلام عليكم, استفسار للاخ اخر فرصه او اي احد عنده فكره عن الموضوع, الحين رحلتي بتاريخ 26 اغسطس شهر عسل, انا بالخبر والزوجه بجدة, سويت لي موعد بفرع الخبر الاسبوع الجاي بعد العيد, طيب انا لما اخلص تأشيرتي, ابي اطلع للزوجه تأشيرة بدون لا اروح لجده, هل فيه امكانيه ولا لازم اروح معها؟ واذا ماكان يحتاج روحتي هناك هل فيه اوراق معينه ارسلها لها؟ صوره لتأشيرتي مثلا واحجز لها موعد وتروح هي مع اخوها تخلص الموضوع؟ |
اقتباس:
اللي تضيفها هي الدول اللي تقيم فيها |
اقتباس:
وعليكم السلام مبروك مقدما ترسل لها كشف حسابك+تعريف راتبك+صورة جوازك+صورة تاشيرتك+ مايثبت الزواج+مع خطاب تكفل بالمصاريف |
مشكور وجزاك الله خير |
جزاك الله خير على هذا التقرير وعندي استفسار ان الزوجه هي التي تتكلف بالمصاريف وسترفق كشف حساب للبنك ألي لا ينزل فيه راتبها لانها تقوم بتحويل جزء من راتبها في هذا الحساب وهو الذي فيه مبلغ تغطي تكاليف السفره واكثر وهل ترفق صوره من بطاقة الفيزا مع كشف الحساب تحياتي |
اقتباس:
نعم ترفق صورة من بطاقة الفيزا مع كشف الحساب |
جزاك الله خير في الصوره رقم 11 ورقم 12 هل نؤشر على خانة التنقلات لاننا دفعنا قيمة تذاكر الطيران وكذلك في الصوره 12 بالنسبة للزوجة متحملة المصاريف هل نكتب عبارة الزوجه وكذلك اسمها تحياتي |
السلام عليكم اخوي لازم نرفق صورة بطاقة فيزا ؟ الوالد ماعنده فيزا وانا حاط صح على خيار credit card |
اقتباس:
اذا هي مدفوعة مثل استئجار سيارة نعم اشر تكتب الزوجة فقط wife |
اقتباس:
لا مش شرط بس ترفق كشف حساب |
| الساعة الآن 11:55 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO