|
1: عليك بالتأمين الشامل ( انت في سفر لسياحة منت فاضي وجع راس ) 2: نصيحة لا تأخذ السيارة من شركات وسيطه عليك بالشركة مباشرة أ : عن طريق الموقع الرسمي اللاكتروني ( وتقدر تراسلهم وتحصل علي كود خصم ) ب : عن طريق مكاتبهم المنتشرة في بلدك أتمنا اكون افدت |
عندي استفسار بخصوص التأمين استأجرت مرسيدس من سكست في ألمانيا وكان التسليم في ايطاليا بعد اسبوعين وكان تأميني شامل وبالمطار عند استلام السيارة طلبو تأمين اضافي مبلغ ثلاثمائة يورو بعد اللحاح من موظفة الاستقبال بأن هذا التأمين الاضافي لمصلحتي فقبلت ودفعت المبلغ الاضافي. المهم صارلي حادث بسيط في النمسا ثالث يوم من الرحله بسبب تجنبي دهس قط ولضيق الشارع اسطدمت بلوحة الارشاديه علامة قف التي بجانب الطريق .فصورت السيارة وكلمت الشرطة وصورو الحادث وكل شي تمام وتاني يوم ارسلو محظر الحادث بالايميل وكانو جدا متعاونين. كان الضرر طفيف بالصدام الامامي فأكملت رحلتي بالسيارة حتى وصولي لايطاليا وعند موعد السفر بعد رحلة طويله بالسيارة ولمدة اسبوعين ذهبت للمطار باكرا لتسليم السيارة وانهاء اجراءات السفر. عند تسليم السيارة استقبلني المشرف وكان على علم بالحادث اظن ان الشرطه ارسلت للشركة محظر الحادث كما ارسلته لي. فجاء الموظف وصور السيارة من جميع الجهات وصور الحادث ووقعت على التسليم وانتهى. المهم بعد شهر من عودتي افاجأ بارسالهم ايميل يطالبوني بمبلغ سبعة الاف يورو قيمة الاضرار وان تأميني لا يغطي الحادث لان سبب الحادث مناورة ليس لها داعي وادت للحادث فدهس القط اضرارة اقل من الاصطدام بالعمود كأني متعمد الاصطدام وليس ردة فعل بديهية محاولة تفادي الدهس مع ان سرعتي كانت بطيئه ولاكن المفاجأه جعلتني انحرف واصطدم باللوحة وحتى ان اللوحة لم تقع ومالت فقط. المشكله والغبنه بيطالبوني بالمبلغ بطريقه مستفزة وصورهم للاضرار لا تطابق قوة الحادث والاضرار المصورة من طرفهم بعد تسليم السيارة بفترة طويله حيث ان اسفل السيارة متضرر جدا والرديترات مكسورة يعني حسب الصور مبردات السيارة مكسورة فكيف ان لم يكن فيها تسريب مياه ولا ارتفاع بالحرارة عندما كانت معي السيارة ومستحيل كان وصلتني بالاضرار هذة كل هذه المسافه. الموضوع صار في شهر اغسطس 2018 وطالبوني بعدها بشهر بدفع قيمة الاضرار فتبادلنا ايميلات لمناقشتهم ولاكنهم مصرون على تحميلي الاضرار. وللان لم ادفع شي لهم. الخوف زي ماقريت انو ممكن يكون عليا قضية ومطالبه وانا ما اعرف؟؟! فما الحل معهم؟؟؟ |
الاخ الكريم .. Qaddour ماعليك منهم التأمين الشامل يحميك من الاضرار وعشان مانتفلسف كثير .. نعرف ان التامين يعتمد على ( مقدار ماتدفعه في حال الحوادث ) وفي حال التامين الشامل فان نسبه التحمل هي ( صفـــــــــــــــــــــر ) لكن السوال هل استاجرت السياره مع تأمين شامل .؟ -ماهو التامين اللي دفعت فيه 300 يورو وهل معك صورة من المستند حقه ؟ عموما الان يجب عليك ان ترد على ايميلهم وتحتفظ بصورة ردك لان الاوربيين يعتبرون المراسلات بالايميل مخاطبه رسميه ورد قل لهم : انني لن ادفع لان الحادث بسيط ولدي صور له وانه كان تأميني شامل ويغطي كل الاضرار وان الخطا ** وهذي مهمه ** خطا الموظف اللي استلم السياره مني كيف يستلمها بدون مايتخذ اي اجراء ولم يخبرني بلحظه المعاينه عن مايترتب على هذا الحادث .. ثم وقع باسمك كامل والتاريخ وارسلها لهم .. وبكذا ينتهي الموضوع لانه لايمكن يرفع عليك قضيه وانت مسلم السياره تسليم رسمي لهم ولم يطالبك بشي والتامين شامل بدليل انهم مااخذوا منك دفعه ( دوبوزت ) من بطاقتك الائتمانيه .. واحترازا غير بطاقتك الائتمانيه لانه ممكن يحاول يسحب منها عبر الرقم لان صورتها مطبوعه عندهم وبها الارقام ... الخلاصه : ارسل لهم ايميل شرح لكل الكلام وامتناعك عن الدفع احتفظ باي اوراق لديك -فان اقاموا دعوى عبر السفاره ستحتاج لها - 90% لايستطيع اقامه دعوى ضدك لان التسليم كان نظامي وحسب قوانين مكاتب التاجير فان الاجراء كان يفترض ان يكون فوري وحجز مبالغ من (دفعه التامين ان وجدت / التامين الجزئي وليس الشامل ) اما ان تراسل العميل بعد شهر تقول عطنا فلوس فهذا امر غير مقبول نظاما |
ما قصر ابو لجين ايش نوع الفيزا ؟ مسبقة الدفع ولا عادية ؟ اذا مسبقة الدفع الموضوع سهل اما اذا فيزا عادية الغائها ياخذ 90 يوم وهنا يختلف التصرف عموما هي شركة سيئة و تستغل حتى الاوربيين بهذي المواضيع ولو بحثت في قوقل لوجدتهم يشتكون منها نحاول نبتعد عن الاستئجار من الشركات الاوروبية مثل سكست و يوربكار ونعتمد على الامريكية هيرتز بدجت ايفس الامو و غيرها في كل الاحوال لا تكتب لهم انك ما راح تدفع حط لنا صورة من تامينك عشان نتاكد من نوعه وان شاء الله الموضوع بسيط |
الاخ اخر فرصه مساك الله بالخير اشعر من كلام الاخ ان هناك جزء من النص مفقود والا فان كل شركه بعد شهر بيرسلون لك نبي فلوس اعتقد ان الاخ اخطا في موضوع التأمين فهو جزئي وليس شامل ربما ؟ يبقى السوال الاخير ليش ماتصرفوا معه اول مارجع السياره وجابوا كل سوالفهم وحجزوا عليه مبلغ والاجرائات العاديه المتبعه في كل مكان .. ليش بعد شهر ؟ ممكن اللي يراسله هكرز ممكن ؟ |
الاحتمالات كثيرة يابو لجين نحتاج نشوف صورة من التامين عشان نحدد نوعه والاغلب انه شامل لكن الشركة متلاعبة و اساليبها ملتوية حتى مع الاوربيين لذا اتمنى عدم التعامل معها اطلاقا وقد سبق لي كتابة هذا الكلام اكثر من مرة في اوروبا لا تستاجر الا من الشركات الامريكية |
مابعد كلامك كلام ياطويل العمر واللي ملاحظه سبحان الله في الخليج واوربا لاجيت تستاجر سياره لو ماعنده احد الموظف يجيه بلاء ويصير عجل ويقامز ولايبيك تسال او تتكلم تحس انه يشير للعقد ويتكلم بعموميات .. يااخي هذي حقوق توقف وعلمني كم التامين ووش يغطي ووين مكتوب في العقد ؟؟ يشير بالقلم الى 50 سطر بخط صغير خلف العقد وهو امر مبهم .. ودائم اتهاوش معهم اقول له لحظه وين هذي ووين هذي .. وعند التشييك كذلك يلف بسرعه يااخي لو جبتها له بعدين وفيها مخش من يفكك منه ... انا ادعو نفسي واخواني الحذر الشديد والتدقيق ولاعليك من الموظف اجبره جبر على الاجابه وخله يعلمك بالتفاصيل ويوريك اياها بالورقه ولاتوقع الا على شي واضح في البدايه كلنا اصدقاء ولا جت المشكله او الخلاف انقلب الوضع |
معلومات ممتازه من الاغضاء |
| الساعة الآن 06:41 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO