X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين1204الاعجاب
إضافة رد
 
LinkBack أدوات الموضوع انواع عرض الموضوع
قديم 10-04-2018, 12:38 AM   #1

مشرفة العرب المسافرون

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,671



أوسـمـة: هاوية الاسفار

كل الاوسمة:1 (more»)
افتراضي رحلتي الممتعة في الأراضي السعودية 2017


السلام عليكم و رحمة الله و بركاته

أولا اشكر كل من ساعدني على نجاح هذه الرحله و توفيقنا باختيار الاماكن و المدن الجميلة

و أخص بالشكر مديرنا فيصل و الاخوان آخر فرصة ، ابو حسن ، فارس من خيال ، فهد المنيع

و اعتذر بشده عن تأخيري في كتابة التقرير لان الاغلبية ينتظرون على أحر من الجمر سامحوني

بسم الله نبدأ

رحلتنا كانت بتاريخ 17 / 12 / 2017

مدة الرحلة اسبوعين بدايتها من الرياض و نهايتها في الدمام و تخللها زيارة الكويت الحبيبه

و راح اكتب الاماكن بالتفصيل

الرحلة هاي يتنا بالنصيب سبحان الله الاهل كلهم في برشلونه و خواتي حجزوا برشلونه

و انا خاطري اسافر وياهم لكن كنت قايلة من بداية السنه اذا لنا نصيب السنة بنعتمر و بزور المدينه

و طبعا العيال و عيال خواتي كلهم يحنون يبغون برشلونه بس قلت لا اختكم لازم تشتي

في الكويت من كم سنه و انا على هالحالة احس صار روتين سنوي بس حلو

طبعا الحجوزات كلها من بوكينج و ما بعور راسكم بالتفاصيل لكن بذكرها في موعدها

يوم الأحد بداية الاجازة المدرسية صلينا الفجر و جهزت دلة الشاي و القهوة و الاغراض حطيناها

في السياره في الليل و هالمرة ما خذنا القالوصة بس شلينا الكراسي الخلفية و خليناهم في البيت

و هذي شنطة التسالي





و هذي درجة الحرارة





طبعا قبل السفر كنت اطلع على حالة الطقس و تبين انه يوم الاحد غائم و امطار غزيرة

و انا متخوفة من هالشيء بس الحمدلله طلعنا و الجو صحو و جميل





و احنا في الدرب طرشت واتس اب اودع الاهل و اختي الكبيره كانت في المطار ويا عيالها

سايرين برشلونه و اختي الثانية طيارتهم العصر سايرين مكة

و الا اشوف اختي مطرشة صور فيديو بيتهم غرقان من كثر المطر

قلت بسم الله متى هالمطر كله استوى يادوب تحركنا بعد 10 دقايق ما شاء الله

دبي غرقت من المطر و قلت الحمدلله رب العالمين طلعنا قبل المطر و الا كنا بنتأخر

في الطلعة و خاصة وقت دوامات 7 و 25 طلعنا و اول محطة وقوف مطعم غنتوت





خذنا سندويشات بيض و طماط و جبن و كيما براتا و شاي حليب و انطلقنا





الجو ما شاء الله من اروع ما يكون





رفيق الدرب توصيه من الدمام




كنا طالبين الحب المصري بس للاسف مخلص

وصلنا الحدود الساعة 11 و الحمدلله ما شيء زحمه








خلصنا من جوازات الامارات و دخلنا السعودية

و اول واحد جزاه الله خير شاف العيال و يانا و عطانا حلاوة فيكس











و الحمدلله ربع ساعة خلصنا و مسكنا الخط و مرينا على محطة سحاب و العيال يبغون يتغدون بخاري




تو الناس على الغدى بعدها الساعه ما وصلت 11 و نص

 

هاوية الاسفار غير متواجد حالياً   رد مع اقتباس
قديم 10-04-2018, 01:25 AM   #2

مشرفة العرب المسافرون

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,671



أوسـمـة: هاوية الاسفار

كل الاوسمة:1 (more»)
افتراضي


الشوارع كلها فيها تصليحات من اول ما نطلع من حدود الامارات

و نبغي نعبي بترول و اسواق راضي المنهالي المحطة اللي فيها مسكرين





بس هذا ما يمنع ندخل للتسوق و خذنا فناجين قهوة لاني نسيت اشتري

و كنت ابغي ورق بس للاسف زوجي يابلي فناجين زجاج و ريحتهم استغفر الله منها

توكلنا على الله و مسكنا خط الرياض مكة





وقفنا عند محطة ثانية و نزلت اغسل الفناجين بالصابون مرة ثانية بس بعدها الريحة عالقة


و المحطة الثالثة فركتهم عدل بالاسفنج و الصابون و الحمدلله اختفت الريحه


و هني نزلنا نتغدى








و طلبنا بخاري دجاج







و الحمدلله شبعنا و الاكل كان ممتاز

و كملنا الرحلة و هذا بسكويت اسباني لذيييييذ جدا جدا واصلني من شهر و ما جربته



و اول ما كلته على طول طرشت الصورة حق خواتي و وصيتهم يكثرون منه

و كل ما حد رجع من برشلونه يابلي كم حبة

نسيت اخبركم زوجي كان مشترك في خدمة النت الدولية 35 درهم يوميا

و انا المستفيده

اقتربنا من الرياض







ما شاء الله المشاريع قائمة في الرياض








وصلنا شقتنا دار هاشم للوحدات السكنية





حجزنا ليلة ب 309 درهم و كانت عبارة عن غرفتين و صالة

و نشوف الشقة معاكم غدا باذن الله

دمتم بود




 

هاوية الاسفار غير متواجد حالياً   رد مع اقتباس
قديم 10-04-2018, 01:36 AM   #3

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


الحمدلله اخيراا تم الافراج عن التقرير
ما يقصرون الاعضاء بمساعدة الجميع

زين انكم طلعتوا مبجر قبل المطر مع ان الصور تقول الجو روعه
عليكم بالعافيه التسالي والسندويشات والغدا
بس والله ضحكتيني بسالفة الفناجين ههههه
لو انا منج اقطهم بالشارع واحد ورا الثاني اهم وريحتهم
ههه
الحين شوقتينا على متابعة التقرير وبنشوف الرياض بعيونج
لان اهلها ما يصورون لنا شي بخلاء

المهم اني اول وحده بتابع ومتربعه على كرسي العرش

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 10-04-2018, 01:57 AM   #4

مراقب العرب المسافرون

الصورة الرمزية بن قوت
 
تاريخ التسجيل :  Mar 2015
رقم العضوية : 2455
الدولة : الظهران
الجنس : ذكر
المشاركات : 8,372



افتراضي


الله الله بداية رائعه
مبدعه دائما كعادتك

اتذكر ان احدا يسال عن شقق في الرياض واستراحة في القصيم

الحمد لله انكي انتي المعنية لاننا موعودين بتقرير كامل عن ثلاث دول
مرورا بكم مدينة

مرحبا بكم في بلدكم

تحياتي لكي

 

توقيع : بن قوت

بن قوت غير متواجد حالياً   رد مع اقتباس
قديم 10-04-2018, 07:47 AM   #5

خبير تركيا

 
 
تاريخ التسجيل :  Apr 2016
رقم العضوية : 9016
الجنس : ذكر
المشاركات : 5,266



أوسـمـة: نـــواف

كل الاوسمة:2 (more»)
افتراضي


أهلا بك أختي هاوية الأسفار

يسعدني ويشرفني أتابع تقريرك وأشوف ديرتي بعيون غيري

من الأشياء الملفتة للنظر ولمستها في أول جزء بالتقرير ( البساطة المتناهية ) في الطرح بلا تكلف وهذا النوع من الكتابة يجذب أي متابع للتقرير

واصلي في التقرير .. ولا نحتمل التأخير

 

نـــواف غير متواجد حالياً   رد مع اقتباس
قديم 10-04-2018, 11:23 AM   #6

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


وعليكم السلام

تستاهلين المساعدة مشرفتنا
وأخيراً شاف التقرير النور

زين خرجتوا قبل المطر ولا حستوا بالزحمة

الحمد لله كل شي تيسر لكم والطريق مو زحمة
البخاري ادمان أتوقع لكم فترة عنه

متابعين معاك

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 10-04-2018, 11:52 AM   #7

مسافر جديد

الصورة الرمزية JR7ALSHIMAL
 
تاريخ التسجيل :  Apr 2018
رقم العضوية : 18483
الجنس : ذكر
المشاركات : 20



افتراضي


ماشاء الله التقرير متكامل من جميع النواحي بالرغم من انك ماسردتي التفاصيل الا انه واضح ومافيه شي مبهم واستغربت ليه حريصين انكم تطلعون قبل الامطار احس سفركم على صوت المطر ومنظر السحاب وهو مكتظ بالسماء راح يضيف شعور جاد جميل على سفرتكم
وتمنيت يكون بشكل متواصل بحيث م يصير فيه انقطاع وفجوه كبيره بالتقرير بين كل مشاركه والثانيه
وللامانه يمكن عشان اختلاف لهجاتكم كلامك بالجزئيه هذي اول ماقريته استغربت قلت شلون تقول عنه لذيذ وتحت تقول طرشته فـ عرفت ان معنى هالكلمه عندنا غير عنكم




و كملنا الرحلة و هذا بسكويت اسباني لذيييييذ جدا جدا واصلني من شهر و ما جربته ا
و اول ما كلته على طول طرشت لصورة حق خواتي و وصيتهم يكثرون منه




حياك الله يمه ببيتك الثاني بين اهلك واخوانك .. مشكورين الاخوان اللي خلوك تطلعين بنتيجه مرضيه عن الاماكن اللي زرتيهن وبانتظار تكملة التقرير

 

آخر مواضيع JR7ALSHIMAL

- خيُكم بحاجة فزعتكم

JR7ALSHIMAL غير متواجد حالياً   رد مع اقتباس
قديم 10-04-2018, 01:18 PM   #8

مسافر فعّال

 
 
تاريخ التسجيل :  Aug 2015
رقم العضوية : 5799
الجنس : ذكر
المشاركات : 916



افتراضي


استمتع بسفر السيارة
خاصة تسالي الطريق ومطاعم المحطات
احسه مب نظيف لكن لذيذ هههه

متابعين معاكم =)

 

توقيع : بوصلووح

سبحان الله و بحمده سبحان الله العظيم

بوصلووح غير متواجد حالياً   رد مع اقتباس
قديم 10-04-2018, 01:59 PM   #9

مشرفة العرب المسافرون

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,671



أوسـمـة: هاوية الاسفار

كل الاوسمة:1 (more»)
افتراضي



الحمدلله اخيراا تم الافراج عن التقرير
ما يقصرون الاعضاء بمساعدة الجميع

زين انكم طلعتوا مبجر قبل المطر مع ان الصور تقول الجو روعه
عليكم بالعافيه التسالي والسندويشات والغدا
بس والله ضحكتيني بسالفة الفناجين ههههه
لو انا منج اقطهم بالشارع واحد ورا الثاني اهم وريحتهم
ههه
الحين شوقتينا على متابعة التقرير وبنشوف الرياض بعيونج
لان اهلها ما يصورون لنا شي بخلاء

المهم اني اول وحده بتابع ومتربعه على كرسي العرش
لا تلوميني أم حسين إنتي اكثر وحده عارفه بالظروف
الله يعافيج و يسلمج
و الله الفنايين هذيل وأيد يحبهم زوجي و عندي في البيت نفسهم مآخذهم من المباركيه قبل سنتين
بس أنا خليته هو يغسلهم في الشارع و تعرفين الرياييل مالهم في هالسوالف
حياج الله في التقرير لازم تكونين في الفيرست كلاس

 

هاوية الاسفار غير متواجد حالياً   رد مع اقتباس
قديم 10-04-2018, 02:04 PM   #10

مشرفة العرب المسافرون

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,671



أوسـمـة: هاوية الاسفار

كل الاوسمة:1 (more»)
افتراضي



الله الله بداية رائعه
مبدعه دائما كعادتك

اتذكر ان احدا يسال عن شقق في الرياض واستراحة في القصيم

الحمد لله انكي انتي المعنية لاننا موعودين بتقرير كامل عن ثلاث دول
مرورا بكم مدينة

مرحبا بكم في بلدكم

تحياتي لكي

سامحني نسيت أحط اسمك وَيَا الأعضاء عَل العموم شكرًا لك على تفاعلك معنا في الاستفسار
و ان شاء الله ما أخيب ظنونكم لأني شوي نسيت التفاصيل
حياك معنا

 

هاوية الاسفار غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتي الاقتصادية إلى الأراضي الماليزية أبو سعد بوابة ماليزيا 287 20-11-2019 11:15 PM
رحلتي إلى اندونيسيا 2017 مسافر وبس بوابة اندونيسيا 19 12-02-2018 06:00 PM
الرخصة السعودية اصبحت معترف فيها بالنمسا اعتبار 12 مايو 2017 alradadi بوابة النمسا 13 27-05-2016 08:20 PM
متاهة Infinity الممتعة (قولد كوست) زهرة نيسان بوابة استراليا ونيوزلندا 27 15-04-2015 07:40 AM
استفسار مهم بخصوص الأمتعة على متن طيران آسيا .. Toota2 ماليزيا 10 31-01-2015 05:20 AM

الساعة الآن 12:26 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO