|
. https://www.zanbil.ir/image/get?path...e/3oa2fs4i.jpg مرحباً احبتي من اجمل الخدمات اللي تقدمها لنفسك في السفر المساج و تخيل لما يكون المساج في الصين .. اي مساج :52: اسلوبهم في استقبال العميل مميزه يجيبون لك شاي او شاي اعشاب يجيبون لك انواع المناشف يشغلون لك موسيقى هاديه يحطون عندك فواحه بعطورات هاديه الاضاءه خافته يعني انواع الريلاكس الجميله خدمات المساج عندهم تختلف منها للعلاج - و للاسترخاء ... انواع لا حصر لها مساج بزيوت معينه لا توجد الا عندهم و مساج حسب الوقت , يعني ممكن يكون 30 دقيقة او 120 دقيقة و من الشغلات الغريبة عندهم للمساج : عندهم قاعات مساج جماعي ( طبعاً هذا يناسب عاداتهم و تقاليدهم ) تروح الاسره كلها - او صديقات و يسوون مساج في نفس القاعة http://hongkongmassageclassifieds.co...-the-blind.jpg و لكن الاغرب و الاجمل عندهم للمساج , هو مساج المكفوفين يعني نفس الشابه/الشاب اللي يسوي لك المساج كفيف/اعمى شيء رائع جداُ بصراحه شعب مبدع , كل مره ازداد اعجاباً فيهم استثمروا هذي الاعاقة بتقديم خدمة مميزة اوجدو فرص عمل شريفة و مهمة لـ اللي عندهم اعاقة معينة ولا يخفى على احد مدى قوة حاسة اللمس عند الكفيف يعني بيكون هو الابخص باداء المساج بطريقة احترافية و العميل اكيد بيحس براحه اكثر و ما بيشعر باحراج مع الشخص الكفيف نجي لآخر فقره في المساج - و هي الفاتوره ثمن المساج مع شخص كفيف هو نفسه مع شخص عادي يعني حتى ثبات السعر يشجعك تطلب الكفيف هذا جزء من ثقافة و حياة الصينيين ان شاء الله فقرة المساج اضافت لكم الجديد و راقت لكم و ما زال لدينا المزيد :e306: |
ماشاءالله زين اوجودوا عمل للكفيف والمساج لابد منه للكثير مستمتعين معاج يام عزيز |
دردشة ولا أرووووع معلومات خفيفه و مفديه ومتجدده في نفس الوقت ... عن نفسي أجهل الكثير عن الصين ..... من خلال هذه الصفحات عرفت عنها الكثير... سالفة الحمضيات مع السوداني عجيييبه :1: و ما زلنا ننتظر منك المزيد من الدردشة الصينيه .... بخصوص فرص الإستيردا من الصين للسعوديه هل ما زال هناك فيه فرص أو إن السوق أصبح متشبع من كثر التجار اللي يعملون في هذا المجال ؟؟ |
هل الصين بشكل عام تصلح للتجارة او سياحية بعد ، لان البعض يشتكي من قلة المطاعم العربية والاكل الحلال |
اقتباس:
السوق متشبع الآن ولا يوجد فرص الا حالة ان تكون البضاعة نادرة او تحتكر وكالتها. ولكن بالاخير عليك منافسة التجار الكبار. |
اقتباس:
تصلح للتجارة 100% فهي غزت العالم بمنتجاتها. والصين أيضا سياحية وتتطور بشكل كبير كل سنة. بالنسبة للطعام الحلال فيعتبر قليل مقارنة بالمطاعم الموجودة ولكن عليك بالأكل البحري او النباتي. |
https://i1.wp.com/www.traveldiv.com/...160%2C91&ssl=1 :e513: مرحباً احبتي و الله لدينا الكثير عن الصين الى درجة انني لا ادري من اين ابتدي معكم راح اكلمكم اليوم عن موقف بسيط - و لكن عن جد مزعج - لكن من المواقف اللي ممكن تمر على اي شخص و تحتاج لحلها لشيء من الحكمه و ضبط النفس مره في يوم الجمعه كنا راجعين من السوق بدري تقريباً الساعه 3 , قلنا نروح مطعم عربي نتغدى فيه عادةً نطلب غداء في الفندق , لان الزحمه في المطاعم العربية لا تطاق :e33f: :e33f: :e33f: اخترنا مطعم البسفور , المطعم ادوار و نظيف و جميل له كذا فرع في جوانزو - و من الذ و اطعم المطاعم العربية في المطعم دور للمدخنين - و دور عادي سعره يعتبر شوي اغلى من المطاعم اليمنيه - لكن للامانه يستحق اول ما دخلنا فوجئت بعدد الموظفين المصريين - كانوا اكثر من كل مره و كنا اربع اشخاص فقط - سيدتين و بنتين و قال الجرسون المصري وش طلبكم ؟ قلنا نبي بطاطس مقلي للبنات , و حمص و تبوله و صحن مشويات مع خبز و طبعاً عصيرات فتح الجرسون المينيو من بعيد - و اشار على طبق و قال تبون المشويات نفس هذا قلت بالضبط المهم الله يعافيك احسب حساب انه فقط لاربع اشخاص قال حاضر يافندم .. انا فلان و راح اكون في خدمتكم :e33b: :e33b::e33b: .. انا طلبت تركش كوفي على ما يجهز الطلب و صلينا الظهر و رجعنا طاولتنا , و على طول جاب لنا الطلب و طلع صحن المشويات يكفي كل اللي في المطعم بدون مبالغة اللحوم فيه طبقات و انواع : كباب - اوصال - ريش الكمية للاسف مؤلمه هذي مين بياكلها ؟؟؟؟ طلبت الجرسون و قلت له لو سمحت هذي كثيره علينا بالمره قال : دا طلبك و خلاص نزلناه - و نفس اللي شاورت لك عليه في المنيو - ودي الفاتوره للاسف من التعب و الجوع كان جدالي معاه بسيط و حاولت اوصل معاه لحل مافي فايده اقسم بالله من الزعل على احساسي بالاستغفال ما قدرت آكل :16: المؤسف فعلاً انه سوى هالحركه عشان يزيد نسبته في البيع و الخدمه و لكن هذي مو شطاره كان ممكن يحقق نفس الرقم , و مني انا شخصياً ل احسن التعامل لاني راح ازور المطعم طوال فترة اقامتي و اللي خلاني اروح له , هو حسن التعامل في المرات السابقة :16: اخذنا الباقي تيك اوي - و صدقناه لكن كان ممكن اقوم من الطاوله قبل ما نمد ايدينا على الطلب و ارفض قبوله لكن مثل ما قلت لكم كنا جيعانين و تعبانين و الاهم مبسوطين ان المطعم فيه ناس قليل و كلهم مش عرب السفر لا يخلوا من المواقف السعيده و المؤلمه و الشطاره بان تتقبل المواقف بروح رياضية :) و الى لقاء مع سالفه ثانيه من الصين و سفراتنا للصين :e513: |
اقتباس:
مرحبا المطاعم العربية من افضل و اطعم الاطباق و الاجمل فيها توصيل للفندق و السياحه في الصين و الله جنة الله في ارضه و الشعب الصيني ودود و طيب و في حاله و الاسعار بصفه عامه رائعه اغلى شيء بيكون في الرحله التذاكر و اي استفسار الله يحييك |
هههههههههههه مواقف الصين ما تخلص و مضحكه بصراحه رحت سنة 2017 وسميتها رحلة العذاب مدة اسبوع لبزنس و بلف السوق كله في اسبوع وانا مو راعية سوووووووق الله يا اني يننت البنات معاي نفس موقف بوغسان صار معانا بالتاكسي هههههههه وغيره كنا ندور وماحصلنا الى سيكل وتخيلي تسوقه حرمه ونطلع على الخط السريع كان يوم ولا في الخيااال شي لايصدق .. مطعم البسفور فعلا احلى المطاعم العربية في كوانزو والله يبلي زيارة له بس سياحية |
اقتباس:
يا هلا و غلا نورتي موضوعي .. و الصين و الله عالم و سحر خاص هي في التسوق زي التنين بالضبط مدهشه - مخيفه - مبهره يعني مو غريبه تستخدمون سيكل او توك نوك او اي وسيلة نقل ما زال عندنا مناطق سياحيه رائعه لكن المنتدى هو السبب اللي ما يخليني اكتب عنها يشغلني بمواضيعه الشيقه و انسى الصين اسعدني مرورك غاليتي :e032: :e032: :e032: |
| الساعة الآن 06:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO