المشاركة الأصلية كتبت بواسطة بوصلووح (المشاركة 468520) الله الله ياخوي نواف بداية جميلة ومشوقة فعلا انا زرت هذي المناطق الصيف الماضي نزلنا في انقرة ثم الى صفران بولو بعدها رحنا الى كستمونو سكنا في منطقة ريفية جميلة اسمها دادي ثم الى سينوب ثم سامسون واوردو واماسيا ورجعنا انقرة انت رحت الى اماسرا ومناطق جميلة حافظها عندي و متحمس جداً لرؤيتها انا الصراحة تكيسلت اكتب تقرير عن رحلتي او بالاحرى كتبت نصفه ولا كملته لكن انت ماشاءالله عليك ماتبخل علينا بالمعلومة انا نزلت في انقرة اكثر من مرة , القطرية كانت تنزل في وقت مبكر فكنت اطلع منها في نفس اليوم لكن من سنتين غيروا توقيتهم صارت تنزل المساء فصرنا نبات ليلة في انقرة وفي تجولي فيها حسيت ان فيها الكثييير مما يدهش وشوقتني لاسكشافها اكثر رحت فيها الى مكان يشبه القرية العثمانية في بورصة نوعا ما وكان الفطور فيه مميز جدا اسم المكان آلتن كوي وهذي موقعه https://goo.gl/maps/Ybf2wnCA84DvGAKeA يفتح 10ص بالاضافة فيها اكبر مدينة العاب في اوروبا افتتحت حديثاً غير المتاحف والآثار ومنهم فرع لمتحف رحمي كوج الي في اسطنبول وغير مولاتها الكبيرة و الاكواريم والحدايق الضخمة غير اريافها والمدن القريبة منها . ان شاء الله في المستقبل باخصص لها 3 ايام على الأقل فعلا الصورة النمطية او من الي نسمعه ان مافيها شي يستاهل زيارته وانها مدينة سياسية كلها احزاب ومظاهرات انا متخيلها ناس وايد لابسين بدل رسمية ونظارة سودة هههه وترى جوها جميل حتى في الصيف ابرد من اسطنبول بخصوص منطقة كيزليكهمام والله اني اتعجب من تخطيطك كأنك تقرى أفكاري , نفس الاماكن الي حافظها عندي وافكر ازورها :14: نترقب تغطية الفندق وبقية المدن الله يعطيك العافية ومتابعين معاك

اهلا بك اخوي بو صلوح
التوافق بيننا دائم وهذا شرف لي
وبإذن الله الأماكن اللي ما رحتها تشوفها

بالنسبة لأنقرة فأتفق معك تماماً
كنت اظنها مدينة عمل ومواكب زوار
ولكن وجدتها مدينة لطيفة وتستحق الزيارة
وأؤيدك في تخصيص أيام لأنقرة والاستمتاع بها

المشاركة الأصلية كتبت بواسطة توبليرون (المشاركة 468537) اشوف العنوان وأنا مشغوله بامور الحياة وأغمض عيوني ادري أني بس بفتح التقرير ماراح اخلص أموري وقعد اندمج بالتقرير مع أني تابعت بالسناب بس أكيد بالمنتدى التقرير والتغطية تكون اشمل وأكثر تفصيلا حلو مطار انقره احب المطارات اللي ما تتعب وخاصة بوقت الوصول أما إذا ترانزيت أو وقت السفر لا يبيله مطار كامل وكبير التخطيط ممتاز ومانعرف عن هالمناطق بس بنتابعها معاك بانتظار المنتجع وتفاصيله الجميلة متابعين

اهلا بك اختي توبليرون
اتشرف بحضورك هنا وبالسناب
ما فيه شك تبقى التفاصيل هنا بالمنتدى
أما السناب بالنسبة لي اعتبره وجبة سناك خفيفة

المشاركة الأصلية كتبت بواسطة شـــــام (المشاركة 468614) يخليلي ياكِ يارب كلك ذوق :e022:

الله يديم المحبة والاحترام