|
شرح ولا اسهل |
جزاك الله خيرا .........هل يجب ان يكون ايام حجز الفندق متوافقه مع عدد ايام التدكره مثلا تاريخ المغادره متقدم ايام عن تاريخ انتهاء حجز الفندق؟ |
ما هو المقصود بPurpose of travel/stay Reservation confirmation of an organised trip or any other document describing the planned programme تاكيد الحجز للرحلات المنظمة أو أي وثيقة أخرى تشير إلى البرنامج المقترح |
اقتباس:
لازم يكون عندك مخطط متكامل واضح لمن يراجع اوراقك وهذا شرحناه بأول صفحة وحطينا مثال للمخطط |
الخطوات واضحة وسهلة مترددة احاول اسوي الفيزا لأولادي اخاف الخبط في شئ ولا اخلى المكتب مترددة :26: |
الله يعطيك العافيه |
السلام عليكم الحقيقه انا مقل بالمشاركات مع اني مستفيد من الموقع ومن "آخر فرصه" بالتحديد والي ما قصر بالاجابه على استفساراتي راح انقل لكم تجربتي بشكل نقاط مختصره وعلى اتم استعداد لاي استفسار انا عن انا عندي فيزه ومقدم بالانابه عن اولادي (زوجه و 3 اولاد) وبالنسبه لهم اول مره ... كان موعدنا الاحد الماضي 19 مايو قدمنا الأوراق المطلوبه لمركز الرياض وهي: النموذج وموقع عليه نموذج قائمة الطلبات (مؤشر) كشف حساب لمدة اربعة أشهر (ما يكون عمره اكثر من 10 أيام !! ما كنت اعرف الكشف عندي له 20 يوم وسلمته على مسؤوليتي )... نسخه وحده واضيف الى طلب الزوجة صوره لبطاقة فيزه .. نسخه وحده واضيف الى طلب الزوجة مع انها تقول ما هو ضروري لكن قلت ربما تنفع التعريف بالراتب تأمين السفر صورة من الجواز (مهم جدا الوجهين بينات الجواز والصفحة المقابلة الي فيها التوقيع ....اضطربت اصورها مره اخرة بالمركز كل واحد بريالين !) صورتين شخصية (مهم جدا تكون حديثه وبدون شماغ او نظارات ....اضطربت اصور الأولاد مره اخرة بالمركز كل واحد 30 ريال) حجز الطيران حجز الفندق ( مهم جدا يغطي كامل الفنره ... اضطربت اعمل حجز إضافي من بوكينغ عشان اكمل الفترة) مخطط الرحلة .. نسخه وحده واضيف الى طلب الزوجة صوره دفتر العائلة مع الترجمة.. نسخه وحده واضيف الى طلب الزوجة تعهد مني بالمصاريف للكل.. نسخه وحده واضيف الى طلب الزوجة نسخه من فيزه بريطانيا سابقه مع كل طلب بعد ذلك تم التبصيم بعد يومين عمل (الثلاثاء 21 مايو بعد العصر وصلتني رساله بصدور الفيز والحضور للمركز للجوازات) بفضل الله تم إعطاء العائلة فيزه لمده سنتين والزوجة 3 سنوات اعتقد بعد توفيق الله ان طول مده الرحلة (25 يوم) كان لها دور في مده الفيزه |
اقتباس:
مثل ما قلتي الخطوات واضحة وسهلة علشان كذا توكلي على الله وعبيها بنفسك |
اقتباس:
الف الف مبروك اخي الكريم الحصول على التأشيرة للعائلة. وشكرا لملاحظاتك القيمة. الفرنسية لا تزال ضمن الافضل في مدة التأشيرة. شكرا اخي الكريم على طرح تجربتك. ولكن يفضل ان تكون المشاركة في صفحة جديدة حتى يستفيد منها الجميع. تقبل فائق تحياتي |
الله يحييك اعتقدت انها افضل تكون بنفس الموضوع الخاص بفرنسا |
اقتباس:
ما شاء الله 1000 مبروك تستاهلون شكرا لطرح تجربتك بالتفصيل ومن الآن خلك إيجابي و رد على الاستفسارات رحلة سعيدة |
سألنا في مكتب لإستخراج فيزا شنقن للأولاد لمن اراد زيارة ألمانيا او هولندا او بلجيكا يجب ان تكون الفيزا من الدولة المراد زيارتها اما الفيزا الفرنسية :e50d: << ما تمشي معاهم يقول يرجعوك من المطار :27: والله اعلم حبيت انتبه على هذه النقطه |
جزاك الله خير على الشرح |
السلام عليكم عندي يوم الاثنين القادم 3/6موعد في سفاره فرنسا لكن واجهتني مشكله انا عندي فيزا اسبانيه جديده لم يتم الدخول فيها باقي فيها تقريبا 3 اشهر وزياده الان ابي اسافر فرنسا في شهر 7 هل راح ياخذون طلبي او رح يرفضونه ؟ بسبب الاسبانيه فيها مده تغطي وقت السفر علما ان سفري رح يكون فرنسا وليس اسبانيا وابغي دخولي يكون نظامي بفرنسيه مابي حجوزات وهميه بلمطار :( |
اقتباس:
وعليكم السلام هو المفروض مايقبل يصدر فيزا جديدة لنفس رقم الجواز بس احتمال يخلوها تبدأ من تاريخ انتهاء الفيزا الاسبانية وبكذا تكوني اوكي |
اقتباس:
|
في الخطوة رقم 16 في خانة هل ستزور بلد اخر لو لساعات اخترت نعم واضفت سويسرا وإيطاليا المشكلة كان فيه خانة member state of first entry كتبت فرنسا لانني اول يوم اقامتي في آنسي الفرنسية لكن تذكرتي ترانزيت في فرانكفورت والوصول مطار جنيف هل اللي سويته صح؟ |
اقتباس:
هل ستغير الطائرة (رقم الرحلة) في مطار فرانكفورت ؟ |
عندي استفسار انا حجزت موعد للسفارة الفرنسية بعد العيد ورايح للتشيك ان شاء الله مو فرنسا وسويت حجوزات في باريس فنادق لكن غير مدفوعة لانه عندي مهلة الى قبل السفر بأسبوع في يوليو تمشي ولا لا ؟ واذا فيه نصايح ثانية لاتحرمونا |
اقتباس:
نعم |
اقتباس:
أقرأ مواضيع بوابة شنغن وتجارب الاعضاء و راح تلقى اجابة لكل استفسار هذي نصيحتي |
اخوي اخر فرصه الله يسعدك ويوفقك على جميع الجهود لقيت احد الاعضاء بنفس الموضوع كاتب انه عمل ورقة تكفل بالمصاريف لزوجتة مع العلم بانها رايحه معه وسوالي هل ضروري ورقة تكفل بالمصاريف بما ان زوجتي وابنائي رايحين معي السوال الثاني كاتب نفس الموضوع انه ترجم دفتر العائلة وسوالي هل ضروري اترجم دفتر العائلة السوال الثالث هل فيه شيك ليست لازم اضيفه مع كل طلب او مافيه واذا فيه ابي تزودني به كرما لا امر وشكرا |
اقتباس:
1 ما يحتاج خطاب تكفل 2 مايحتاج ولو طلب ارفق غير مترجمة 3 مايطلبونها لكنها موجودة عندهم |
انا اليوم الأحد ظ¢ يونيو قدمت اوراقي بس لين الحين ما وصلتني اي رسالة هل هذا الشي يعتبر عادي؟؟ |
اقتباس:
نعم عادي عشان الزحمة انتظر ايميل من السفارة |
اقتباس:
الحمدلله تم التقديم يوم الاثنين واخذو جوازي ولا قالو عن فيزتي الساريه اي شي ويارب يعطوني 4 سنوات :21: من اسهل اواسرع المرات الي قدمت فيها الفيزا الحمدلله بنص ساعه خلصت كل شي تقديم ودفع وتبصيم والاكيد عشان اوراقي كلها كانت جاهزه وكامله الحمدلله :64: بس الان بديت اهوجس هل ممكن اذا راح الجواز للسفاره وشافو الفيزا يرفضوني ؟:27: |
عندي سوال استلمت ايصال الدفع ويوم رجعت البيت شفت فيه رسوم 80 ريال ل hub and spoke لكل واحد مننا مافهمت هالرسوم ل ايش ؟ هل هم صارو ياخذون رسوم للمقابله ؟ |
اقتباس:
الانتظار حلو و نشوف ردهم بالنسبة للرسوم ياليت تحطين لنا صورة السند |
اقدر استخرج شنغن فرنسية و اروح فيها البوسنة مباشرة دون زيارة فرنسا ؟ و اذا كان المسافرين 3 اصدقاء ليس موظفين ولا لديهم راتب هل كل واحد منهم يقدم ولي امره خطاب تكفل بالمصاريف ؟ و تعريف بالراتب ؟ و كشف حساب؟ |
كل عام وانتم بخير لو سمحت ابو غسان انا استخرت الله عن استراليا وابخليها للعام القادم لأن ان ربي كتب لنا عمر وشرعت في تعبيئة الفيزة الشنجن الفرنسية. لماذا؟؟ لأن ابجلس بباريس يوم وابروح النرويج 15 كيف اكتب اني ابجلس 15يوم بفرنسا واجيب من بوكنج حجز والغيه والا ماذا افعل ؟؟ تراي مررة محتاسة انا العام الماضي طلعت فيزة هولندا مرررة سلسة وواضحة. |
1 مرفق اقتباس:
هذي هي |
خدمة المسح الضوئي يعملون سكان للاوراق لكن بامكان المتقدم يرفعها على الموقع |
استغربت اول مره تمر علي ماكنت اعرف انه فيه هالشي |
Decision on Application reference has been made by the France Consulate and is dispatched to the Visa Application Centre on 09/06/2019. السلام عليكم... ظهرت لي الرساله اعلاه في موقع تتبع الفيزا الفرنسيه... احد يعرف ايش المقصد وهل تم رفض الطلب او الموافقه عليه وشكرا |
السلام عليكم هل المكتب في جده ؟متى مواعيد العمل ؟ وهل ضروري الحضور شخصيا ؟ وما طريقة استخراج تأمين طبي؟ |
وسعرها ومدتها |
اقتباس:
و عليكم السلام و رحمة الله و بركاته -المكتب الموحد للتأشيرات موجود بجدة نعم - مواعيد العمل من: 9 صباحاً حتى 4-5 عصراً - الحضور شخصياً ضروري من أجل تقديم الأوراق و التبصيم - يستخرج التأمين الطبي للسفر أونلاين و يطبع و يرفق بالطلب - السعر 125 ريال حجز موعد + 250 ريال التاشيرة للكبار أو 150 ريال للصغار (6-12) دون 6 سنوات مجاناً - مدة الأنجاز .. تحتاج إلى 14 يوم عمل و يحكم المدة فترة الموسم فقد تزيد أكثر من ذلك بالتوفيق |
السلام عليكم عندما عملت حساب في موقع الشنغن لحجز موعد صادفتني مشكله عند اضافة رقم الفيزا السابق يقول خطأ ؟؟ وشكرا لكم على مساعدتكم |
اقتباس:
وعليكم السلام لاتكتب بيانات الفيزا فقط ارفق صورة منها |
اقتباس:
|
| الساعة الآن 08:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO