السفارة الألمانية شارطين تأمين كوفيد 19 للكل والتعاونية يغطي كوفيد 19 وتأمين السفر. أنا طلعت تأمين كوفيد19 للأطفال وطبعت تأمين الشركة من بوبا. رجعوا علي تأمين بوبا وطلبوا تأمين كوفيد19 للكبار. فقدمت تأيمن التعاونية للكل شامل كوفيد19. بالنسبة للسعر تقريبا 195 للشخص وتختارين تاريخ السفر يكون بداية التأمين وفيه خيار للفترة اقل شي شهر. اخبر شفت موضوع واحد أمن عند الدرع العربيبسعر ارخص بس ماعرفت كيف طريقتة وماأفادوني شركة الدرع العربي فما اخذته.

وبصراحة اضطريت اخذ تأمين التعاونية لاني كنت عند المركز الموحد ومافيه وقت ادور تأمين ثاني.

الحمدلله ابشركم قدمت يوم 4/7 مركز جده شنغن الالمانيه واستلمت اليوم 18/7 والفيزا مطبوعه من تاريخ 13/7 عقبال البقيه ان شاءالله زعلت بس من المده ثاني مره اطلع شنغن الالماني واعطوني سنه نفس الاولى بس والله يسر امرنا وامركم

كم المدة المتوقعه حاليا في الشنقن من المانيا لنا تقريبا 17 يوم ماوصل لنا خبر او رد عليها وتاريخ السفر قرب

تعتمد لان فيه فترة اجازة وماهي محسوبة من الايام بالإظافة على حسب ما قال لي اللي في المركز الموحد ان السفارة الالمانية نبهتهم ان اللي قدم قبل العيد ورحلتة قبل تاريخ 1 اغسطس يرسلون اوراقهم مباشرة بنفس اليوم. واللي مثلي رحلتي 1 اغسطس وبعد قالوا لهم يرسلونها بعد العيد.

تحت تفاصيل حالة الفيزا اللي قدمتها علما ان التقديم كان يوم 7 يوليو:

- تاريخ 7 يوليو استلمت رسالة اول ماقدمت اوراقي عند المكتب انهم استلموها ومعها رقم التتبع.
- تاريخ 19 يوليو استلمت رسالة ان الفيزا تحت الإجرائات واتوقع انها وصلت للسفارة الألمانية.


عموما من تاريخ 8 يوليو الى 16 يوليو ماكان فيه اي تحرك بالإجرائات نظرا لمصادفة إجازة العيد. واتوقع ان الإجرائات بتخلص الاسبوع القادم بإذن الله.

الحمد لله تم تقديم بتاريخ 17-07-2022 واستلمت الجوازات من أرامكس بتاريخ 23-07-2022 الحمد لله ماتوقعت سرعه الانجاز طبعا قدمت بالرياض لكن المدة التاشيرة فقط 3 شهور ):

اذا ممكن استفسار .. الشنقن المانيه اقدر ادخل ع مطارات سويسرا او النمساء او لازم انزل في المانياء كآول دوله ؟

السلام عليكم
بخصوص الفندق المذكور ف النقطة السابعه هل ملزم اني اذكر جميع الفنادق او فندق الوصول كفاية لتقديم الطلب