|
اقتباس:
ياهلا وغلا بك اخوي حازم نورت التقرير بوجودك :e032: وكل عام وانت ومن تحب بألف خير بالنسبة لعبور الحدود هو اول شيء فكرت فيه وكان ودي فيه بصراحه وحاولت اشتغل عليه لكن لقيت الموضوع متعب خصوصا مع مسألة العائلة و تسليم السياره حتى تواصلت مع احد السائقين اللي يسكن قريب الحدود وبحثت عن أي رحلات متجهه إلى جورجيا لكن في النهايه لاحظت إن الوقت بيكون افضل لو رجعت على باكو اللي كان بيخدمني أفضل بصراحه هو توفر رحلات باكو باتومي واعتقد انها من المفروض بدأ تسييرها هذا الصيف بالنسبة للمكاتب السياحية اغلبها تقدم رحلات سياحيه مع مرشد يودونك لأهم النقاط السياحية وهي بصراحة ممتازه سعرا ووقتا للي لحاله أو افراد قليلين .. تسلم اخوي حازم وشاكر ومقدر لك حضورك وتفاعلك |
ما شاء الله تبارك الله تقرير اكثر من رائعه ومن يعرفك ويشاهد تقاريرك يعرف انه امام تقرير ***** نجوم بدون ادنى شك تفاصيل مهمه ذكرتها واكثر ما يزعج تعامل الشرطه الفنادق كانت مميزه جداً التطبيق المستخدم بدلاً من اوبر مميز وصلت حتى نهاية اذربيجان لي عودة لأستكمال التقرير والبدايه من جورجيا لكن بالتأكيد انه بالمفضله لدي ضمن تقاريرك المميزه دائماً :e306::e306::e306::e306::e306::e306::e306::e306: |
اقتباس:
ياهلا وغلا بك حبيبنا ومميزنا الفراهيدي شرفني وجودك بالتقرير وشهاده أعتز بها تنور ياغالي في أي وقت وأشكر لك هذا المرور المميز كعادتك :e304: |
فهد من ناحية المواصلات من تبليسي الى برجومي ومن برجومي الى باتومي كيف الطريقة طبعا انا قمت بالحجز بنفسي للفنادق بس المواصلات هي اللي ناشب فيها |
اقتباس:
ياهلا بك اخوي سعيد .. شخصيا تعاملت مع الموضوع بإستئجار سيارة .. استلمتها في تبليسي وسلمتها في باتومي .. واستخدمت القطار للعودة إلى تبليسي .. الطريق من تبليسي إلى باتومي حقه اتجاه واحد فقط 380 كيلو لكن رايح جاي ومستهلكة ومتعبة تاخذ اكثر من 5-6 ساعات ولا انصح أبدا انك تقطعها كلها في يوم واحد استئجار السيارة تحدثت عنه في هذا الموضوع وافردته كذلك في موضوع مستقل موجود في توقيعي اذا كنت تبغى تحجز قبل ما تروح أو تقدر تروح هناك وتحجز مباشرة من المكاتب أما الحلول الأخرى بالنسبة لبرجومي فيه الباصات أو القطار أو الرحلات السياحية اليومية وهذي متعبة للعايلة أما باتومي ممكن القطار وأنصح به أو الطيارة (لا اتذكر يوجد رحلات يومية) |
😍😍😍😍😍😍 |
اشكرك اخوي فهد هل الرخصة السعودية اقدر استئجر بها سيارة |
اقتباس:
نعم تكفي .. |
شكرا لكم |
أولا اعتذر يا بوسعود على التأخير ثانيا كنت شايلة فكرة السفر إلى هالدولتين بس في بعض الصور خلتني أعيد النظر ماشاءالله معلومات مهمه ومفيدة يزاك الله خير الفنادق وايد حلوه انا أقول من له حيله فليحتال يستاهلون اتسوي فيهم جذي دامهم فاسدين هذا اقل من يزاهم وااو الجو الشتوي والثلوج روعه مزارات حلوه ابدعت بوسعود اعجبتني جورجيا وايد والأنشطة والمزارات فيها خصوصا الأخاديد و الكهوف كفيت ووفيت في التقرير الحلو الله يعطيك العافية على المجهود |
اقتباس:
ياهلا وغلا بك اختي q8ya metnaqla نورتي التقرير بوجودك وتفاعلك بصراحه الدولتين يستاهلون الزياره لو مره خصوصا للناس اللي حصلت لها زيارة العديد من البلدان وودها بالتغيير شيء من باب الاستكشاف وسبب اخر قربهم الجغرافي ايام تكفيهم من دون مشقة حقيقيه في السفر الفنادق كانت نقطة ايجابيه قوية في البلدين وشخصيا اعطي من امامي جميع الفرص ان امكن حتى مالوم نفسي بعدين ليس من طبعي الحيله والتحايل ولا اشجعه ولكن في بعض الاحيان يتجاوز الامر الشيء المعقول فتضطر للخطط البديله امر مستفز للغايه ان يستغل من هو مسؤول عن النظام صلاحياته بشكل سلبي وجورجيا بلا شك هي افضل للاستكشاف السياحي من اذربيجان بسبب التنوع السياحي فيها اشكر لك مرة اخرى مرورك وتفاعلك اختي الكريمه تحياتي لك |
الشكر لمشرفي وإدارة المنتدى على تثبيت الموضوع :e304: |
السلام عليكم ورحمة الله من باب الامانه وتنبيه الاخوه والاخوات لتجنب حدوث اي امر مشابه تم على بطاقاتي الإتمانيه (الفيزا) ٣ عمليات من تطبيق التكاسي (بولت) في مدينة تبليسي وجاني على الايميل وصف المشوار بالكامل .. العمليه الاولى كانت بحدود ٥ لاري وكنت ماحذفت التطبيق وتواصلت معاهم وردوا علي بأن الخصم جا من رقم اخر غير اللي مسجل عندهم والافضل حجب البطاقه الثغره كانت واضحه بالنسبه لي .. ماكنت اقدر احذف معلومات بطاقة الفيزا المسجله انشغلت امس ماتواصلت مع البنك وصحيت نص الليل على عمليتين بقيمة ٣٠ لاري لكل واحده تقريبا!!! تواصلت مباشرة مع البنك والغيت البطاقه وتم رفع طلب بالتبليغ على عمليات الخصم الحمدلله .. المشكله بسيطه إن شاء الله ومقدور عليها .. لكن حتى لاتقع في هذه المشكله: ممكن تحاسب كاش او ماتحفظ معلومات البطاقه او تحذف المعلومات قبل ماترجع او تلغي البطاقه وقت رجوعك لبلدك وتستخرج بطاقه اخرى |
ما أسوء الشكر عندما لا يوازي قيمة العطاء ،،، لا يشبهك أحد يابو سعود ،،،، متفرِّدٌ بما تجود به لنا ،،، ذكرت بمقدمتك ( بأن عامل الاستكشاف كان هو المحرك والدافع لنا ) وهذه فلسلفة سفر أتبعها كلما تعددت وكثرت تجاربي في السفر ،،، جورجيا ... حروفك وانطباعك عنها كان إيجابياً .. لذلك أعطتني اطمئناناً كونها إحدى قوائم الانتظار يوماً ما ( إن شاء الله ) بين ثنايا تقاريرك _ دروساً لتهذيب النفس _ أقدِّر لك الإشارة لها .... قربك سعادة ،،، بانتظارك دووووووماً :) |
اقتباس:
ياهلا وغلا بعطر المنتدى الغالي كتكات .. دائما ما أكررها ولا أمل .. ردودك الجميلة هي عامل سعادة لكل من يقرأها .. والأجمل منها إدراكك لما يطرح واستنتاجك زبدة الكلام .. نعم إن خيرتني .. سأشير إلى جورجيا بلا شك .. القيمة السياحية فيها أعلى بكثير مع الأخذ بالاعتبار موضوع البنية التحتيه أشكر لك مرة أخرى ذوقك .. وتفاعلك .. وحسن ظنك .. لك مني خالص الود والتحيات .. |
ما شاء معلومات قيمة شكرا لك |
اقتباس:
ياهلا بك اخوي Benhawi وشاكر لك مرورك وتفاعلك |
سرد مشوق للرحله |
اخوي فهد شكرا لك على تغطيتك لدي استفسار بخصوص استاجار السيارة. هل من المهم استخراج رخصة قيادة دولية؟ |
اقتباس:
اذا رخصتك سعوديه او اي بلد يوجد اسمك فيها باللغه الانجليزيه مايحتاج رخصه دوليه |
تقرير رائع بما تحمله الكلمة من معنى .. شكرا خبيرا ابوسعود على هالتقرير المميز .. السؤال لو سمحت ليش ما استاجرت السيارة من باكو و سلمتها في باتومي .. |
ماشاءالله ابداع هل تنصح بشركة السيارات الي استأجرت منها بأذربيجان من ناحية التعامل والثقه |
اقتباس:
السبب الامر معقد جدا الى شبه مستحيل في التنقل بين الدولتين خلال ذلك الوقت ،، ما اعرف اذا استجد جديد .. تحياتي لك 🙏🏽 |
اقتباس:
ياهلا بك اخوي نعم كانو مريحين وواضحين في التعامل تعاملت مع شاب يجيد الانقليزية وكان تواصلي معاه بالواتس لكن خلي بالك من المرور هناك افسد ديره ممكن تسوق فيها وما يمنع من بعض اللكاعه معاهم لو احتجت تخارج نفسك منهم |
بالنسبة لحديقة الدينصورات هي في الحقيقة مكان اكتشفت في اثار هياكل للدينصورات والمنطقة بكاملها تعتبر مهمة لعلماء الاحافير ومعروفة بالعالم !!!!!!!! |
بارك الله فيك معلومات مفيدة |
| الساعة الآن 07:57 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO