بشكل عام فصل الشتاء في أستراليا خلال الشهور التالية : جون وجولاي وأوغست
ولكن ولاية كوينزلاند تعتبر دافئة شوي مو مثل المدن بجنوب استراليا
يعني أنتي وحظك اذا صادف أسبوعك الجو دافئ أو لا
مشكلة المدن الساحلية هناك الهواء .. اذا كان مافي هواء ممكن تكون الأمور طيبة إن شاء الله

إن شاء الله بعدين بعطيك المناطق والأماكن اللي يفضل زيارتها في برزبن

ابحثي في بوكينق + Airbnb
السنتر في الجولد منطقة Surfers Paradise
اذا سكنتي في السيرفس برادايس كل شئ بيكون حولك
الشاطئ + الفعاليات + المحلات + برج Q1 كلها في السيرفس برادايس
الملاهي مثل دريم وورلد وطقتها تقريبا بالسيارة نص ساعة بالكثير من هناك

تمااام في انتظار نصايحك لبرزبن
الله يعطيك العافية يارب ماتقصر

صحيح كيرنز والمناطق المحيطة جميله كطبيعه ومغامرات ورحلات، عشت فيها شهرين قبل 17 سنه تقريبا والحين ماخذ الاولاد لها. اذكر كنت العربي الوحيد اللي في المدينه كيائح وحتى معهد اللغه بذاك الوقت بقولون انت اول عربي يجينا وبعد فتره اكتشفت انه فيه مصري عنده محل انترنت ولبناني ما يتكلم عربي عنده مطعم :)

بالتوفيق يارب

السلام عليكم ورحمة الله وبركاته
أسف جدا على التأخير، كنت مسافر ونسيت الموضوع للأسف
لكن أتمنى إنك للأن مازرتي برزبن


عموما في برزبن عندك المناطق التالية:

منطقة السيتي وماجاورها ( في يوم واحد ممكن تزورونها كلها ) مثل :

Queen St, Brisbane City QLD 4000

South Bank Parklands, South Brisbane QLD 4101

Kangaroo Point

——————————
مطل على المدينة والنهر ( الدخول فري ) وموجود كوفي فوق :

Brisbane Lookout, Mt Coot-tha, 1012 Sir Samuel Griffith Dr, Mount Coot-Tha QLD 4066


شارع المطاعم ( eat street ) ومايفتح غير في الويكند

Eat Street Northshore, 221D MacArthur Ave, Hamilton QLD 4007

طبعا تقدرون تروحون له بالفيري ( البطاقة نفسها حقت النقل العام ممكن تستخدمون الفيري فيها )
تروحون له من محطة الساوث بنك


حديقة حيوانات وتقدرون تلتقطون الصور مع الكانجر والكوالا

Lone Pine Koala Sanctuary, 708 Jesmond Rd, Fig Tree Pocket QLD 4069

طبعا ممكن تروحون الحديقة وبعدها باوبر تطلعون على المطل حق الجبل لانها تقريبا بنفس الاتجاه


رحلة سعيدة وموفقة يارب .. عندي اجازة الان ومتواجد الان في برزبن والأجواء ولا أروع بصراحة