حسابي فتح اليوم الصبح بس باقي رقم الايصال مايشتغل وكلمتهم الحين قلت عديت ال 48 ساعه وماصار شي قالت الموظفه مالك الا تنتظر...حالة الطلب عندك مصعده الى الجهه مختصه....شكلهم بيسحبون علينا

قيل لي ولا هو اكيد انها تحتاج 20 يوم عمل واتوقع السبب يرجع لكثرة الضغط على السفارة
اتذكر حصلت موضوع واحد من الاخوان حصلت له نفس المشكلة وجلس يمكن يومين او ثلاثه بالكثير لكن موضعه جدا قديم

اذا انت مستعجل مالك الاتدفع من جديد و لا تتاخر مثلي انا تاخرت عشان انتظرهم يفتحونها فتسبب لي بتاخر موعدي ( وصلت مواعيد المقابلة 14 -7 ) لين ماعاد باقي على سفرتي شي لدرجة فكرت الغي السفر ه او ااجله لوقت اخر

هذا المشكلة انا افكر الغي السفره حالياً لكن هل فتح معك الحساب؟ ووش الحالة مسجله عندك في توفير الملاحظات؟ انا مكتوب عندي Escalated to post يعني مصعده الى القسم المختص

الحساب فتح معي من زمان يمكن فتح ثاني شوال والمشكله ظهرت في 28 رمضان بس مافيه جديد للعلم اتصالي عليهم كان يوميا فقط توقفت الاربعاء لاني حسيت انه الموضوع مهوب في يدهم و مطول وخاصه ان عندي دوام فما قدرت اتابع من جهتين

اما الحاله مثلك مكتوب عندي Escalated to post

انا المشكلة صارت عندي الثلاثاء ورفعت لهم من توفير الملاحظات وقفل حسبي بنفس اليوم وفتح الخميس الصباح والى الحين نفس الحالة ماتغير مدري هل بيجلسون الاسبوع الجاي كله ولا لا؟!!بعدين يوم كلمت وردت الموظفة تقول مالك الا تصبر دامها مرفوعه لين يردون عليك قلت طيب متى تقول مدري بس تاخذ وقت!! يعني حتى ماحددو وقت..اذا صار عندك تحديث او اي شيء تغير اكتبي هنا الله يعطيك العافيه

ابشر اولا يهمك ذا صار معي اي جديد ببلغك و انت بشرين اذا تصلحت امورك

والله ييسر ويسهل امورنا


الا سؤال معليش كم عددكم ؟

تبشرين بالجنة

3 وانا مقدم الطلب الرابع

ابشرك تو ارسلو ايميل ان الايصال انفتح

تتيسر الامور باذن الله

زين ماشاءالله تبارك الله وعقبال ما تستلم الفيزه ان شاءالله

انا والله دفعت من جديد تعبت وانا اتواصل معهم كلها محاولات تطلع الفيزا بدري بس ما اتوقع الله كاتب لنا روحه هذي السنة
لكن بصلحها و اشوف اقرب فصره نسافر